我的兒子做事好求其!

JAY媽

CARA,

查實至從囝囝出現問題時,就已經困擾我令我擔心好多年...之前佢係吾講野,發脾氣打人打到三歲半至叫做肯講番少少野...但都係社交問題(因為佢成日控制吾到自己行為,受到同學排擠),搞到佢成日吾開心,又令到我為佢難過左幾年...到升小學,幼兒園班老師臨到我囝囝畢業時至同我講佢地只係教左我個仔幼兒班程度既野,因為我囝囝情緒行為問題搞到學吾到野!嗰陣我真係好嬲(吾好下年至同我講???),仲要加把口話佢地覺得我個仔有暴力傾向有攻擊性,講到我個仔同野獸壞蛋無分別,嗰陣我聽完番到屋企都忍吾住喊...個仔咁乖咁純,D同學咁排擠佢甚至惡整佢,佢都仍然維護D同學,同我講D同學好鍚佢(因為我就係問佢D同學鍚吾鍚佢...)...到升左小一,見佢社交好左好多,無再打人,個人開朗左,又鐘意番學,諗住掂硬啦...連治療師都話佢已經脫離左自閉症傾向行列,原本真係好開心架!諗住剩係集中解決佢學障問題...輕鬆左幾個月,家下至發現佢有ADHD(過度活躍專注力缺乏症),但個治療師又好強調佢係'好聰明,收野好快,好好記性),,,...再加上呢個月佢真係彭一聲變身成一個正牌ADHD仔,超級吾專心,又成日突然有幾日情緒高漲周圍彈,叫同鬧極都吾停低,連以前個絕招'恐嚇'佢,佢都好似聽你吾到好吾CARE你咁繼續周圍彈...係要我無計可施之下要一野打佢捉開佢,佢至嚇到刹停自己(因為佢知我真係嬲同吾開心),然後氹我同鍚我...唉...眼前有咁多野要幫佢解決,我真係覺得自己真係好吾得閒,,,又吾知我可吾可以幫到個仔,雖則我家下心口都死掛住個'勇'字,係咁問人意見,係咁去圖書館搵書睇,係咁搵/發明D方法去教佢,但係真係有D擔心若然一個吾好彩我真係教得吾好,咁個仔就咁就一世喇...有時見個仔吾專心時,成日行幾步仆一仆,笨手笨腳咁...真係吾多覺佢有邊忽似係'好聰明'囉!     

pigpig

JAY媽，
好耐無上黎，因為上3個星期，屋企部電腦壞左，剛剛先整好
你最近好嗎？你囝囝點呀？
我最近都係要同小雪鬥智鬥力，攪到成日都鬧佢，覺得自己好變態 :cry: 但我又真係忍唔住....唉........

JAY媽

CARA,

有時我地做父母既都要學識點去CLAM DOWN自己架!就算我呢種大吾透既亞媽(成日掛住玩),有時對得個仔耐左,教佢教得耐左多左,自自然然就會緊張起黎!不知不覺間又會對個仔好高要求,搞到我同佢都好吾開心!

我呢幾日都冷靜左自己,可能少左野諗,同埋個仔呢幾日發燒,停左幾日迫佢做功課同做訓練,呢兩日個仔都乖左好多! 噚晚竟然自己要求自己做功課!!!我食緊飯,個仔走埋黎攞左本英文書同COPY BOOK上枱,然後好認真咁鬧我地兩老:"我要做功課呀!我無位做功課!你地快D食啦!!!!" 激死!!!  之後我咪試下吾開聲催佢做功課/叫佢做好D,佢都自動自覺同我講:"媽咪,你吾駛教我做功課架喇!你去玩電腦啦! "跟住我扮到好自然咁答:"記得一陣間俾我睇(功課)喎!"   之後我老公又吾知做乜鬼反常竟然主動陪個仔做功課,個仔可能見到咁,咪CHUM埋爸爸'玩'囉! 不過我老公吾小心擦走左個仔寫岩嗰個Q字(原本爸爸想擦隔離寫錯嗰隻字架...),個仔即刻 都黎埋!趕爸爸走!仲話:"爸爸好衰架!咁曳!都係媽咪陪我做功課好D!!!"      所以噚晚個仔都幾認真做完本COPY BOOK...我覺得好驚喜囉!

查實你講既感覺正正係我同個仔之前同之後既感受,我個仔之前有自閉傾向,四歲前真係同個木頭講野無分別,佢又吾EYE CONTACT,叫佢又吾應,迫住佢對正佢對眼望住佢講野,佢都係狂閃避我望住佢,搞到我似係貞子嚇緊佢一樣,嗰刻我都覺得幾灰心架!係近呢年,佢突然好似氾濫咁好多野講,講到我地驚,依家有時諗番以前,真係好覺得我依家算係幸福!早幾年無諗住可以同到個仔傾到偈,但依家,無時無刻我同個仔有溝通,同佢傾計都有來有往,佢又主動同我講佢D野,我覺得呢D係神既恩賜囉(儘管我係一個極差既基督徒...)!ANYWAY,希望佢會再好D啦!最好甩埋過學習障礙就VERY GOOD 喇!!!! [quote]
sillycara 寫道:
Jay 媽,

我星期日跟學校同協康辦

JAY媽

PIGPIG,

小雪做咩激親你呀???放鬆D,教小朋友呢家野真係要考耐性架!早輪J仔超級過度活躍,我都無左半條人命....     

吾知係咪又關發燒事(我個仔每次發完燒都會叻仔左--->尤其講野方面),,佢呢幾日好正常又多左好多野講喎!無早輪咁癲,但真係又大個仔左囉!同我地拗數又叻左...雖則噚日佢都乖,但中間有幾鑊佢都要同我地鬥...講到我地口水都乾埋...連前日去公園玩,佢遇着一個自己打尖但反話係J仔打尖既女人,佢都可以吾怕仲要堅持同人地亞媽(個女人)理論!激到個女人好嬲咁走左~(當然中間係個女人同我講話我個仔打尖吾排隊,我話吾覺呢度需要排隊/有人排緊隊既情況,我話大人都未必睇得出,更何況細路,咁個女人至咁嬲XYZ我地啫...)...總之呢幾日佢好似變左身咁啦...不過,,, 我都要睇定D先,,,吾知佢過多幾日會吾會打回原形...     

pigpig 寫道:
JAY媽，
好耐無上黎，因為上3個星期，屋企部電腦壞左，剛剛先整好
你最近好嗎？你囝囝點呀？
我最近都係要同小雪鬥智鬥力，攪到成日都鬧佢，覺得自己好變態 :cry: 但我又真係忍唔住....唉........

pigpig

JAY媽，
我呢排都係得番半條人命 小雪咪就係樣樣要同我理論囉，我以為自己參加左辯論學會呀！
佢呢排出親街，就要扭我買野，我唔買的話，佢就開始同 我理論，佢又唔係喊，係不停講唔同的理由出黎，要我認同佢 攪到四週圍D人睇望望，陰陰嘴笑....最後要我好似傻婆甘講“你再講100句我都唔會買ga啦！”佢先收聲 :cry: 雖然明知唔應該甘講，但又可以點做呢？
最近用了好多時間去說教，連我自己都覺得自己煩
但唔講又點令佢明白呢？你話係咪激死我啦？

JAY媽

JAY媽

小雪又會咁似J仔(我個仔)既~~~~之前我都好似你咁架!佢係咁嘈,重複又重複講佢既理由,又吾係聽我講喎!我最後都係一野拍哂枱咁款大聲喝停佢囉!依家我都改變策略喇!例如佢扭買玩具,我話左吾好買,佢又是講左佢既理由而我又係吾接受,我頂多講多三次吾買,佢再講我就即時扮聽吾到擰埋一邊當佢無到,咁條友仔就會叫我吾好嬲/問我做咩吾睬佢,我就會反問番佢'頭先媽咪講乜野',要佢講番我頭先講過既理由(吾買既理由)出黎,咁佢自自然然就會收聲架喇!你試下呢招先啦!吾得再黎一齊研究過...     

pigpig 寫道:
JAY媽，
我呢排都係得番半條人命 小雪咪就係樣樣要同我理論囉，我以為自己參加左辯論學會呀！
佢呢排出親街，就要扭我買野，我唔買的話，佢就開始同 我理論，佢又唔係喊，係不停講唔同的理由出黎，要我認同佢 攪到四週圍D人睇望望，陰陰嘴笑....最後要我好似傻婆甘講“你再講100句我都唔會買ga啦！”佢先收聲 :cry: 雖然明知唔應該甘講，但又可以點做呢？
最近用了好多時間去說教，連我自己都覺得自己煩
但唔講又點令佢明白呢？你話係咪激死我啦？

Sindy

pigpig 寫道:
小雪咪就係樣樣要同我理論囉，我以為自己參加左辯論學會呀！

佢呢排出親街，就要扭我買野，我唔買的話，佢就開始同 我理論.........係不停講唔同的理由出黎，要我認同佢

我仔又係開始咁啦...........但佢d理由..........都唔係理由黎既....求其講樣野出黎,九唔撘八,就以為過得骨.............呢排湊返佢,都好煩下呀.......

pigpig

JAY媽，
總之呢排就攪到自己好似傻婆甘呀！唔識我既人，仲以為我變態呢，幾日對小雪惡到死 其實，我都唔想ga，但佢真係聽我講先得ga 一有野唔順佢意就發癲，又無禮貌又自私....有時我會諗，點解我個女會甘ga？

pigpig

Sindy 寫道:
[quote]
pigpig 寫道:
小雪咪就係樣樣要同我理論囉，我以為自己參加左辯論學會呀！

佢呢排出親街，就要扭我買野，我唔買的話，佢就開始同 我理論.........係不停講唔同的理由出黎，要我認同佢

我仔又係開始咁啦...........但佢d理由..........都唔係理由黎既....求其講樣野出黎,九唔撘八,就以為過得骨.............呢排湊返佢,都好煩下呀.......[/quote]
嘻...嘻....我諗我依家已經係辯論學會會長黎ga啦
你點解要自己湊佢？你無返工咩？

JAY媽

PIGPIG,

咁又吾好睇到自己小朋友咁差!始終呢個小朋友係自己生嘛!一定吾差!<--- 呢番說話我都成日咁提醒自己架!
因為我發覺有好多時教養小朋友,首要條件係自己先吾好睇低自己個小朋友囉!連自己都認為個小朋友吾好,自自然然自己實成日發火同小朋友硬碰硬!你知啦,小朋友好多都係受軟吾受硬,你越係話佢衰/吾岩,佢越係同你撐,亦只會覺得係媽咪衰而吾覺自己有錯!試下有D野俾佢自己話事,如果嗰樣事真係吾可以由佢做決定,你試下盡量正面D同佢講/講數,睇下佢會點囉!發火都係盡量到最後至駛出黎(最好可以吾駛啦 )!總之大家要做到有商有量,咁個小朋友自自然然少左同亞媽作對,會易教好多囉!

我都吾知架....因為個仔似我,吾俾人話得,又係一俾人誤解左就會自暴自棄,D野越做越衰,明明我都吾係懶,只係學習困難,但屋企就一口咬定係我懶,我有次默書係識哂架,就係支原子筆吾夠色,個老師睇都費時幫我睇,一野寫我吾合格,番到屋企已經吾開心,到俾老豆大佬睇,佢地又死話係我吾識先至吾合格,以前科科測驗吾係一百都有八九十分,至從父母離婚後,我次次攞住張八十幾九十幾分既試卷俾我老豆簽名(諗住有人讚嘛,以前媽咪會專登好開心咁讚我叻同乖,細路無非都想要呢D...),我老豆就次次都冷冷又不屑既態度咁話:"攞到一百先算啦!"簽完張卷仲要無厘頭掟落地,我送父親節卡俾佢,佢又係整爛掟落地(嬲我仲同我媽咪見面卦,,,覺得我假情假意卦...但嗰陣我只係幾歲細路,,,)搞到我明明好有HEART去讀書(查實我係鐘意讀書),都變成有心無力咁,明明好努力溫書都係成績差,連我都吾知點解會咁,跟住亞媽亞爸大佬又吾理解,諗都吾諗就話係我懶,就算到中三我攞到全班第二名,都係無人欣賞囉!問我做乜吾係第一名,有次英文測驗全班得我一個人合格,但得五十四分(因為嗰次真係好難好深),我媽咪都諗都吾諗,半夜一野啦我落床係咁鬧(我有時會响媽咪屋企度住幾日),鬧我係垃圾吾死都無用/根本吾適合做人/大個左係老板都吾會請你...結果我就好憎讀書,亦好討厭屋企,,,所以就係因為自己細個既經历係咁,所以我家下對囝囝都係要自己好正面,我都係咁提醒自己吾好好似我屋企人咁對個仔,始終都吾想個仔行我舊路,都想佢有番個開心童年既~!

有時自己真係要俾信心佢地(小朋友)架!吾好咁快下定論住,就算最後結果都係做吾好,咪同佢一齊傾下計點去改善囉!始終我地呢D細路都係自尊心強,只要佢有吾衰得既心態,斷估佢地都吾會衰得去邊既!因為佢地就係吾衰得嘛!好似早輪我隻佬認為個仔係懶,但好彩佢無大大聲咁話個仔,都只係响我耳邊細細聲講話個仔好懶!我都即刻否認,我話佢寫吾到字至會咁怕寫字啫!點知呢排我個仔燒一燒走黎做左模範生,日日都自動自覺攞本COPY BOOK寫字,仲叫我地吾駛教佢,寫到好好俾我地睇,寫到有日明明好攰好眼訓寫到訓着左,到我隻佬抱個仔番入房訓時,個仔醒左一醒,合埋眼咁同爸爸講:"我訓一陣就做功課架喇!" 我隻佬簡直開心感動到想喊!我煮緊飯佢都即刻走入黎好冧咁話:"囝囝好乖呀~~~~!!!(跟住同我講佢抱囝囝時,個仔講既說話)"      所以我都話,吾好咁快下定論架啦!     

     我又噴完口水喇!又是水蛇春咁長!!!希望PIGPIG吾好介意!!!     

pigpig 寫道:
JAY媽，
總之呢排就攪到自己好似傻婆甘呀！唔識我既人，仲以為我變態呢，幾日對小雪惡到死 其實，我都唔想ga，但佢真係聽我講先得ga 一有野唔順佢意就發癲，又無禮貌又自私....有時我會諗，點解我個女會甘ga？

pigpig

JAY媽，
唔會嫌你長氣，唔俾個機會你，你點可以講出心聲呢？    其實，大家上黎，都係交流下、分享下....有時唔講，個心會唔舒服呢
其實，小雪唔發脾四時，真係好可愛 <----呢個係我話既
昨日我老公有野做，我自己帶佢去海洋公園，佢又幾乖，無咩扭計，所以我同小雪都玩得好開心....
其實，有時我自己對小雪太惡時，我都會後悔的，覺得自己好唔岩，所以夜晚都會失眠呢.... :cry:
總括黎講，雖然小雪的缺點都有時幾難受，但佢都有好多可愛之處
好多謝你的鼓勵呀！你都要努力

JAY媽

查實每個人都有自己D難頂野架喇!更何況細路~~~我隻J仔都係咁啦!乖既時候真係冧到我暈陀陀,曳既時候直頭搞到我好似世界末日咁~~~想死! 係咁架喇!佢地吾係咁樣一啖砂糖一啖C,我地又邊會愛仔女愛到咁痴纏吖~~~~     

總之做人亞媽係咁架喇!大家都一齊努力啦~~~     

pigpig 寫道:
JAY媽，
唔會嫌你長氣，唔俾個機會你，你點可以講出心聲呢？    其實，大家上黎，都係交流下、分享下....有時唔講，個心會唔舒服呢
其實，小雪唔發脾四時，真係好可愛 <----呢個係我話既
昨日我老公有野做，我自己帶佢去海洋公園，佢又幾乖，無咩扭計，所以我同小雪都玩得好開心....
其實，有時我自己對小雪太惡時，我都會後悔的，覺得自己好唔岩，所以夜晚都會失眠呢.... :cry:
總括黎講，雖然小雪的缺點都有時幾難受，但佢都有好多可愛之處
好多謝你的鼓勵呀！你都要努力

pigpig

JAY媽，
我好同意<<一啖砂糖一啖C>>  
小雪大約1個月前開始，上通利的音樂班，番左幾堂，就扭唔去上堂，話唔鐘意，好悶 老師只不過叫佢彈一個音，佢都話好累唔肯彈，俾佢激C......不過，我同老公都決定俾佢上多幾堂，再作決定
上畫班，佢又係甘，話好悶，甘我咪話不如唔好學囉，佢竟然答我：甘又唔好，你交學費，我去坐下都好呀！
你話係咪激到你命都無呀？

JAY媽

咁小雪又真係答得幾盞鬼喎!!!!坐下都好...     

你試下同佢報D興趣班先囉!有D真係好似遊戲形式咁架!我早一兩日上去演藝學院個網頁度睇,佢地都有D暑假短期課程,非洲鼓嗰個都好平!480蚊四堂每堂一小時!廣東話教授...都幾正架!我都諗住俾J仔去玩下...仲有好多吾同類型既班架!你可以上去八下...

係小朋友學琴都會覺悶架啦!正常既!不過如果佢响通利學得吾好,你試下俾佢去其他琴行度學,又或者問下佢想學D咩樂器囉!始終佢地有興趣既野,會學得有心機D架!我都諗住俾J仔去學大提琴同小提琴,到時學到咁上下等佢自己揀!     

pigpig 寫道:
JAY媽，
我好同意<<一啖砂糖一啖C>>  
小雪大約1個月前開始，上通利的音樂班，番左幾堂，就扭唔去上堂，話唔鐘意，好悶 老師只不過叫佢彈一個音，佢都話好累唔肯彈，俾佢激C......不過，我同老公都決定俾佢上多幾堂，再作決定
上畫班，佢又係甘，話好悶，甘我咪話不如唔好學囉，佢竟然答我：甘又唔好，你交學費，我去坐下都好呀！
你話係咪激到你命都無呀？

pigpig

JAY媽，
小雪講野真係隨時會笑死我ga
佢昨晚係的士，不停問我同老公，點解唔生多個BB，佢話要女仔，甘我話如果生左男仔甘點呀？小雪答：我都要，不過想要女仔BB多D....跟住佢再諗左一陣，就問：點樣先可以生女仔BB？係咪問護士，同佢講要女仔BB就得？
笑到我同老公，仲有的士司機CC下呀！
其實，小雪由上年9月份開始，都已經有上興趣班，音樂班同畫班，係由4份先開始，佢之前上開英文班同普通話班，佢又無問題；不過，佢自細，我就覺得佢音樂天份唔高，唔係聞歌起舞的一類，我要佢上音樂班，只係想訓練佢的專注力；小雪話佢唔要學音樂，一學就要學小提琴 我話你要學小提琴，都要學好睇5線譜啦！佢就唔出聲
小雪學校有暑期玩，返去玩下，我諗我多數都會俾佢返，費事佢放完一個暑假唔番學，又有煩野

Sindy

無啦,我仔學校四個月有兩單手足口病呀,學校有隱門真相....所以我唔敢比佢返啦........

pigpig 寫道:
嘻...嘻....我諗我依家已經係辯論學會會長黎ga啦
你點解要自己湊佢？你無返工咩？

JAY媽

pigpig,我地個仔女係咪失散左既兄妹黎??點解講d野一模一樣既!!!不過j仔就無問bb點黎,因為好耐之前我同佢一齊浸浴時,佢問過我肚腩嗰條刀疤係點黎,咁我咪好詳細解釋俾佢知係生佢嗰陣,醫生打開媽咪個肚,然後攞佢出黎打蘿pat,咁咪生左出黎囉!      跟住佢話想要生細妹,我話呢d無得我地揀喎!好似抽奬咁,我問佢生細佬好吾好,佢叫我不如生一個細佬同一個細妹,仲話一家五口先至會開心d喎~~~~!!!      咁生兩個都係細佬呢...呢條問題我仲未問佢添!!!     

不過查實j仔暑假都幾吾得閒,一星期去四日感覺統合訓練,又要學琴同ice hockey,我仲決定幫佢報埋非洲鼓添!如果佢間校都好似小雪間學校咁有活動俾佢上就好喇!至少我吾駛咁辛苦係咁幫佢搵活動參加嘛!慳水慳力...     

pigpig 寫道:
JAY媽，
小雪講野真係隨時會笑死我ga
佢昨晚係的士，不停問我同老公，點解唔生多個BB，佢話要女仔，甘我話如果生左男仔甘點呀？小雪答：我都要，不過想要女仔BB多D....跟住佢再諗左一陣，就問：點樣先可以生女仔BB？係咪問護士，同佢講要女仔BB就得？
笑到我同老公，仲有的士司機CC下呀！
其實，小雪由上年9月份開始，都已經有上興趣班，音樂班同畫班，係由4份先開始，佢之前上開英文班同普通話班，佢又無問題；不過，佢自細，我就覺得佢音樂天份唔高，唔係聞歌起舞的一類，我要佢上音樂班，只係想訓練佢的專注力；小雪話佢唔要學音樂，一學就要學小提琴 我話你要學小提琴，都要學好睇5線譜啦！佢就唔出聲
小雪學校有暑期玩，返去玩下，我諗我多數都會俾佢返，費事佢放完一個暑假唔番學，又有煩野