你們能夠“忍手”不改正功課的mistakes嗎？

bobo

呢個 TOPIC 簡講晒我 D 心聲, 我仔有齊晒你地小朋友 D o既"專長", 真係唔知開心定唔開心, 因為依家發覺原來自己亞仔有果 d 原來係通病, 唔係佢特別難搞, 唔開心就係, 都唔知點同佢作戰落去, 昨晚又比佢 d maths 激到我想打佢咁滯, 我同佢check 數, 見佢有錯, 叫佢自己睇邊度錯, 點知佢話 check 左兩次啦, 都唔覺有錯, 咁我咪講佢知錯係邊囉, 佢又係賴話老師教架, 我話我唔信老師會咁教你, 我明天會 call 老師問, 你可以唔改, final 佢又係死死地氣改返, 真係好勞氣, 依家先小, , 幾時捱完中學   

hinhinmummy

bobo

如果遇著甘的情況, 我吾會再同佢爭拗, 有得佢.  佢話老師教的, 就有佢

我都試過一次, 當佢拿老師黎'達'我的時侯, 我就收聲, 我只係講左一句, 哦..........老師教架, 吾緊要啦, 甘等老師看下岩吾岩先啦, 可能係你理解錯左老師的講法.............我甘就算

hinhinmummy

bobo

就係諗住幾時先捱到升中, 先要放開d

bobo

hinhinmummy , 我昨晚都同左佢講由1月開始唔再同佢 check 功課, 費事佢依賴我, but 佢第一句已答我, 我邊有依賴你遮, 真係比佢吹到啤一聲!

hinhinmummy

因為佢覺得你係管佢呀麻.................邊係依賴者

東京mewmew

我得, 我老公唔得, 所以我隻囡成日都要重改。

但係佢而家真係自己自動自覺做功課喎, 好少欠交, worksheet, 數學, 中文, 都唔太差, 咁我有時都會突撃檢查, 我囡都好意外, 點解我會知佢咁多野, 我唔想放得太盡係因為比佢知道我重係關心佢D野。

BBee

我家小姐都是一樣!!!小一時,如果佢唔改,我罵得好勁,但一定唔打. 佢比我罵到喊,自已又激到喊,,好傷感情 特別測驗,考試,罵果科就差D,唔罵果科就好,所以我"反醒"後,決定最多只會哦!  現在小二啦!  真是好咗!  功課錯咗,我會看情況,careless 我就唔出聲,等佢派返呢,先同佢檢討
   如果看到佢是唔明點解題目而做錯就解比佢聽,現在check功課,我看之前的練習錯的地方,我會同佢檢討,甚至笑下佢,反而佢好激氣話比我知點解錯,而當天的功課只要完成便可以.如果佢派返來的功課全對,我就讚佢.
有時錯得很多,就會出聲,因為太多改正加當天的功課,再加上溫默書,練琴,佢真是好慘!如果佢話老師教,我就算,等佢錯咗返來就笑佢,佢多數都笑笑話好激氣又要改正! 反而我安慰佢下次聽清楚老師解題!

我女有個同學仔的媽咪,唔放手每日為功課打罵,攪到小朋友覺得點做D功課都比媽咪擦,無哂自信心, 因為改正,重做,攪到夜訓,上堂無精神,時時比老師鬧,在學校自我形像低,比同學笑,所以小朋友時時都唔開心!  
有時小朋友要面,唔會比自己衰.  大人都一樣.
我覺得忍唔忍手要看情况,

騰騰震媽咪

BBee,

好認同你既做法, 好似我囝囝咁, 佢小一咋, 佢居然同我咁講, d媽咪成日罵, 罵到人都傻晒, 傻咗邊樹識做功課遮.

BBee

騰騰震媽咪,

你太客氣!  大家一起sharing,透透氣,舒服好多!
小一時,我迫得囡囡好緊,攪到囡囡講左好多hurt 我的說話,我自已EQ又低,時時喊,後來好彩老公叫住我,叫我反醒,現在我都好緊張佢D成績,只是在眼佢平時做功課的弱點,温習書專攻弱點,佢叻的地方就讚,時時同佢講每個人都有強項,弱點,最緊要知恥近乎勇,全力温習,成績,名次由天定!
亞囡放學啦!下次再傾

julietta

而家我淨係見到錯的地方才叫阿仔改，如果唔係錯，只係寫得唔靚就算嘞，因為諗起幼稚園老師講，唔好打擊佢自信心，唔好減低佢既興趣，就是良藥。如果擦哂佢要佢由頭寫過，未免太慘；但係如果係佢無心機寫，就要叮囑佢以後唔好嘞。

msnicoleng

我好忍得, 如有錯, 我會話俾佢聽, 應該咁先啱, 至於改唔改返, 就留返比佢自己決定

淋雨

如果寫生字，做功課前，我會先問佢個字應該怎樣寫才寫得好，他明日了就由得他自己做，不插手。做完要佢自己檢查一次。只要不是寫錯字或太離譜，我都不會改。希望建立佢自己負責任。等老師話佢。但是，有時老師都不理會，可能認定佢寫字唔靚。所以，我都怕沒有好轉，反而到佢明年升小學默書時，因寫字不整齊或不清楚，而被誤為寫錯字。就幣了。不過，我最大的問題不是“忍手”不改正功課，而是若不在旁看住佢做功課，佢就會唔尊心，東搞搞，西搞搞，原本應該半小時做完的功課，要個半小時才做完。但都要告訴自己，要教他獨立處理自己的事，就要讓他自己處理到底，就算處理得一團糟，也要給他們時間學習，家長只要肯忍手，將來一定見成效，這個想是否真的行得通,我也有些矛盾。

Blythemia

淋雨 寫道:
但都要告訴自己，要教他獨立處理自己的事，就要讓他自己處理到底，就算處理得一團糟，也要給他們時間學習，家長只要肯忍手，將來一定見成效，這個想是否真的行得通,我也有些矛盾。

持之以恒,一定有效. 眼光遠一點,今天做得不好,小朋友才有機會改進.若什麼都是家長為她操心,她根本就沒有機會學習.七歲做不來做得不好有什麼關係,但若根本沒有嘗試過自己克服困難,到十七歲都學不會,那時問題才大呢.

Heihmom

我初時唔忍得, 好緊張! 罵得好利害! 好傷感情! 後來學乖了, 我會告訴他錯誤的地方, 由他自己決定改與不改!
  

katiema

各位好,

我好開心見到這topic, 因可大家交流下.

大女小一時我都好緊張d 功課, test & exam, 下下跟到足, 在小二有朋友說要放手, 但又有些說唔放得怕一放難收(高班時管佢唔聽), 但見家仲有個細佬跟, 唔放d 我會C~~, 就決定放一放, 好彩有機會同班主任傾電話, 當中請教和知會佢一聲(會放手跟功課, 執書包之類), 班主任仲好鼓勵這做法, 我即一萬個放心, 仲叫班主任睇佢緊d嚴d.   

之後個人放鬆好多, 但阿女有說過~~"唔好啦", 我鼓勵說:"你得的, 媽媽對你有信心, 你有媽媽的DNA, 媽媽細時都冇婆婆跟啦, 媽媽得你是我個女又點會唔得呢" , 之後就心緊面不緊, 初初有返來sign 手冊欠這欠那, 慢慢少了, 有時真係連自己都忘記"偷check", 試過默書又唔知, test又唔知, 急急叫佢溫, 佢又唔緊, 激到我C, 今次個考試叫溫過下咋, 辛苦果3日好似要佢去C, 叫佢認真D做個樣比我睇下"盡力溫" 都冇, 仲好似C老母咁喊法    , 我已經 嫁啦, 呀~點知隻C佬仲幫拖:" 算啦, 唔溫就算, 大家坐低睇電視, 唔好喊苦喊忽"    [size=large]呀~~救命呀!!!!.....成績未出, 不過預佢衰過舊年嫁啦   

Blythemia

katiema 寫道:
成績未出, 不過預佢衰過舊年嫁啦   

我咁睇,如果你幫佢溫,就算100分,當中都可能有50分係屬於你.佢自己溫,就算得70,呢70分都係佢一手一腳賺番黎.分數少過以往又如何,佢都係初小啫,成績好d差d影響都唔太大,總之升到班就ok.佢訓練到自己獨立處理,自己負責任,到高小甚至中學大學,就唔會有大問題.

cgefamily

Blythemia,
I support yr view on parenting!

rose,sara

老師doesn't not suggest parents to correct mistakes of homeworks.as老師 can know their level or 唔好既地方,then  比小朋友機會檢討,let them be more careful next time or encourage them to check homework by themselves.

貓大姐

我能 “忍手”不改正功課的mistakes, 亞女今年 讀 小一, 佢係細女.....
因為我要返工, 好多時我放工返到屋企, 佢都未做晒功課, 為左 憪 d 時間, 佢做左我都算啦, 不過 老師 好多時都要改正, 尤其是 寫詞語, d 字係唔工整, 唔係寫錯........

禁我可以點, 為有同亞女講, 你寫到禁, 老師又要你改正啦, 禁佢又寫好少少...

Lovely媽咪 寫道:
我仔仔同你仔仔一模一樣,每次叫佢溫書就一日推一日,最慘就係佢完全冇溫都唔會唔合格,因佢地老師會係默之前俾佢地溫吓,佢就靠佢啲sort term memory,所以之後就會唔記得哂la. 做功課試過完全唔理唔改,就開始C呀/D呀/丙呀/咩都攞齊番嚟,又俾老師寫"請注意字體",佢都冇咩特別,有時會話我唔教佢做功課,攪到佢做錯,重知每次做功課,開頭點好脾氣都好,到最後一定閙交收場,
其實校長都有講叫啲家長唔好改小朋友做錯啲功課,咁老師先知佢究竟明唔明白教咗啲咩,但另一方面我地真係聽話的話,攪到日日都有錯,老師又會覺得我地唔理啲小朋友,所以有時都唔知點做,依家唯有樣樣方法都試,希望搵到一個都付佢