剛收到祟真面試信,好緊張,要點預備?

FungMm

ChingChingFather,

You can see the below message.  Hope can help.

ivybibi 寫道:
FungMm,
你click入去會見到今年的校車服務資料，你可以知道貴唔貴!
http://www.ttpskg.edu.hk/doc/kbusroad.pdf

carcar

kaman-wingyee 寫道:
FungMm,

唔會太多, 我會考慮囡囡報(順序) : 培正 / 民生 / 宣道 (Kln Tong) / 禮賢 or 祟真 :

好似有人話創價很好, 你知唔知ar     

同大家分享小小心德
1.interview前, 學校會開放操場比小朋友玩, 你地一定要小心呀, 因為好多小朋友玩左就唔願走, 上到去interview時就會大喊, 我上年就避之則吉

2.培正 / 民生 / 宣道 (Kln Tong) / 禮賢 or 祟真
真係我上年心儀的選擇,
培正--一定唔收細仔, 同埋係中文小學

民生--聽講(我有朋友個女係度讀), 老師比較惡, 同埋課程比較淺, 一定要讀番民生的小學, 否則追唔到出面的進度, 但小朋友會開心, 因為無咩壓力同功課.(只係聽講)

宣道--升宣道小學無優先, 而家kinder好似無操場

禮賢--校風好好, 教小朋友紀律相當好, 但係我考之前問過老師, 一個week只有一堂有外籍老師教eng, 同埋一個月一次國語

崇真--我個仔讀緊,最出名係有好多課外活動. 暫時覺得老師都好有愛心. 學費/英文堂/國語堂/電腦堂的堂數都好平均.

FungMm

Carcar,

Thank you for your information.

請問係咪您個小朋友好鍾意車車所以您叫carcar哈哈? 我囝囝都好鍾意車車, 所以我想叫他carion哈哈... 不過爸爸話吾準喎! 所以暫時未有英文名.

其實我想請問您個小朋友上年完咗祟真interview後幾時回覆取錄呢? 因為封信話interview後十個工作天後會回覆是否收錄... 咁是否需要即時交留位費?

carcar

我叫CARMEN所以叫CARCAR..   

係呀十個工作天有回覆喇
跟住好似得一個星期比你交留位費

cwcw

Dear all,

平售祟真九成新男生校服及全新外套　

FungMm

Carcar,

Oh! I see...  Nice to meet you - Carmen.  I am Annie / FungMm.

各位家長,

請問有幾多人會出席open day (即係明天)? 我會大約11:00am到架, 如果有機會見到就可以say hello (大家應該認到我囝囝-FungMm).  See you la >>>>  :

alexliu

聽日同囡囡上晝 9:30 有得 Interview 藍田迦南, 之後就直接去祟真, 雖然藍田迦南唔係首選,但希望去多一兩間幼稚園Interview 可以對佢有好d o既幫助啦.

yiuyiu730

Hi:
   I will arrive at about 11am.see u tomorrow

kaman-wingyee

Hi Carcar,

我都係叫Carmen, 非常多謝你的寶貴意見, 因為我現在的想法(考慮學校)和你上年一樣, 我對其他學校都有些少認識(我都有聽聞民生的老師沒有愛心, 但係有一條龍直上), 除了祟真之外, 好彩你的囝囝已經在祟真讀書, 有些問題可以問你 :

1)  是否真正實行兩文三語, 每星期有多少堂英文及國語?
2)  學校位置是否不方便, 因為有很多人都是這個問題而放棄祟真?
3)  你是否給囝囝讀番祟真小學及祟真中學(Sham Shui Po)?
4)  老師是否很關心學生, 我覺得這問題很重要, 因為我的囡囡比較慢熱?
5)  幾多人一班(1:___)

Many many thanks


  

晴朗

Hi all
請問你地寄左封信先耐,先收到面試通知信?我六號寄,唔知會唔會十四號面試呢thx

loklok0104

我仔仔都係14/10 Interview, 不過係in K2全日班, 唔知各位媽咪知唔知K2係in D咩呢?

kaman-wingyee

Dear all,

我沒有去祟真open day, 請問有無人話比我知情況怎樣

FungMm

kaman-wingyee,

我有去呀, 大致都ok我囝囝仲好開心. 因為有得玩有禮物. 仲有個應該係小學生哥哥問佢問題仲送禮物比佢. 我由12點幾留到差不多2點.

我有問題, 請大家幫忙! please.
事原參觀完open day一心會選此校為首位, 但有D家長及朋友告訴我此校之小學及中學之程度相比其它私校來說都不是太高. 如選私校為小學及中學應該有更好之選擇. 吓... 我真懷疑當初選校之出發點是否有問題呢?  :cry:

(原本選校-順序) : 培正 / 德信 / 崇真 / 禮賢 / 宣道(茵怡) / 天主教聖安德肋

(現改為 - 順序) : 根德園 / 約克 / 培正 / 禮賢 / 祟真 /  宣道(茵怡) / 天主教聖安德肋

p.s. 因他們說如考入根德園 / 約克再考祟真小學或其它私小都無問題喎... please help...  

mamamui

FungMm,

如你的選校要求是程度高,功課多且深,不要選崇真.它從來都不是這樣.崇真的優點不在此.
你要想清楚的是你選校之原則是什麼,什麼類形的學校才適合你的小朋友.不要人云亦云.好學校很多,各有長處,何者為適合只有你才能決定.

FungMm

mamamui,

多謝您的意見.  其實當初(即由八月開始)已留意有關幼稚園的宗旨及教學方式.  我希望小朋友可以在開心及健康的學習環境學習.  可能當初係由我全權付責, 其它人都沒有意見. 所以比較由小朋友發展(因為我們都是媽媽).

但現在所有朋友都好似好有意見(不過負面多D). 可能他們所想都是小朋友的前途看呢. 所以看得遠D由幼稚園到小學到中學等等...

我之所以煩而拿不定主意, 可能就係他們所想是我之前無想到的.  不過有位朋友她的囝囝係2005-K1, 她說不用煩次序的問題, 最多咪考多一至兩間, 真係咁好彩收晒先選都得呢... 唯有係咁呢!  

kaman-wingyee

Hi FungMm,

你去完open day, 有些問題想問呀

1)  位置是否很不方便及環境怎樣?
2)  你覺得老師和學生好唔好?

你的選學次序點解會變咗咁多 , 如果你選根德園or York, 之後再選私校, 可能會有些困難, 另外我都有聽過德信幾好

禮賢已經開始down load 表格啦

如果培正和民生都收囡囡就好啦 但係唔收囡囡我就會選祟真或禮賢, 到時我真係唔知選邊間好  

FungMm

kaman-wingyee,

Thank you for your information.

1) 環境: 首先要行一條好長的樓梯(我無數有幾多級, 但係有好多同好多級呢). 對家長來說是幾攰(可能我小運動呢), 但對小朋友應該係幾好, 因為日日運動身體好呀嗎!
2) 班房: 細D呢
3) 操場 : 幾大同有兒童滑梯 (我囝囝好鍾意呢...)
4) 衛生 : 周圍都有洗手處
5) 老師 : 幾NICE會主動和小朋友玩和比較"後生", 有外國老師.
6) 學生 : 比較純品及有禮貌(因有個哥哥送禮物比囝囝時還教他要雙手接...哈哈)

點解根德園or York選私校會有些困難呢? 可否講多小小呀?

mamamui

FungMm,
如你選校的要求只是"開心及健康的學習環境",崇真一定ok.當然,很多其他學校也可滿足這要求,讀根德園也可讀得很開心,這要視乎小朋友的性向.專注力較強的小朋友,較易適應傳統的教學方式.
崇真數十年以來都只是街坊學校,名氣不響,只是近年才較被人注意.所以認識它的人未必多.
小朋友讀K1時才兩三歲,計劃將來是可以的,但也不用太緊張,變數多的是呢!

kaman-wingyee

Hi mamamui,

你好似對祟真這間學校的認識很深, 你是否有小朋友在這裹讀書呀

請問你會選擇崇真or禮賢 因為我覺得兩間學校的質素差唔多 :wink: