屯門區保良局小一學校邊間好?

Mrssslui

你話功課淺,我同事個女做到,讀到死死下呀!

elsa2005 寫道:
兩間功課都比較淺，活動多，學生壓力少，以升中計，當然揀志豪，起碼有聯繫英中，鄭任安就咩也都冇。

mousei

  Agree!

  間學校一D都不雜呀. 亦不覺學生特別曳, 我諗D小朋友間中跑跑跳跳就緊會有. 話晒都是細個嘛.間間都差不多,最緊要是小朋友讀得開心.

ypmummy 寫道:
不如妳聽我講啦, 因我女女係志豪讀, 我又唔覺雜 bor !!  我都有去揍放學, 又唔覺 d 小朋友好曳 bor !! 至少我識個班家長質數都好好, 管教 ok !

[quote]
鴨仔 寫道:
係最多人揀, 因為佢校舍好大, 好完善, 又活動教學,但聽人講d小朋友好曳, 周圍環境好雜.

[/quote][/quote]

晴B媽

請問如何得知各小學升band 1 中學 的 % ?

有冇媽咪知 方王錦全 屬band 幾?  傳統 定 活動 教學 ? 多功課嗎?

屯門官立小學又如何, 可以評價一下嗎?

感激   

hviy

tkkgame,

今日同個囡參加同學仔嘅生日會,原來佢堂家姐讀緊鄭任安千禧P4,佢話平均每日3,4樣功課,放假就5,6樣,佢無參加校外活動,所以放學前45分鍾就係功課輔導,喺學校都做咗部份功課,所以回家後好快就做埋其餘嗰d,每星期一次默書,佢話讀得幾開心,不過有位媽咪話唔鍾意,因為間學校太feel,連d成績麻麻嘅學生都唔會見家長    原來有人鍾意見家長    但保良局75分見家長又俾人話黐線    真係要唸清楚自己想點至得   

tkkgame

hi hviy,

thank you very much for your kindness!

我老公既同事都有兩個小朋友讀千禧小學,我問佢地讀成點,佢話"讀得好開心,日日都好鍾意返學!",其實呢個就係我最想要的,因為我自知小女並非讀書型,但深諗一層,佢完全無聯繫中學,之所以會考慮保良局小學(志豪)就係因為有呢個優點!不過其實我住70區並非71區,報千禧小學要跨區博一博,你知唔知機會如何?

tkkgame

尋日我去囡囡間幼稚園個P1家長會,邀請左5間保良小來sell自己,其中方王錦全全力推廣自己係一間"健康學校",得到去年[香港健康學校獎勵計劃]金獎,程度頗高(一般保良小都屬中上or上),其實而家好多以傳統教學既學校都開始行主題教學兼試用普通話教中文,所以要介定係傳統定活動教學好難,因為大家都變緊型!

kxxx000

tkkgame 寫道:

我老公既同事都有兩個小朋友讀千禧小學,我問佢地讀成點,佢話"讀得好開心,日日都好鍾意返學!",其實呢個就係我最想要的,因為我自知小女並非讀書型,但深諗一層,佢完全無聯繫中學,之所以會考慮保良局小學(志豪)就係因為有呢個優點!不過其實我住70區並非71區,報千禧小學要跨區博一博,你知唔知機會如何?

揀保良局小學(志豪)係明智之選，唔使跨區，好穩陣，又好過千禧，千禧既家長升中個陣有排頭痛。

kxxx000

tkkgame 寫道:
尋日我去囡囡間幼稚園個P1家長會,邀請左5間保良小來sell自己,其中方王錦全全力推廣自己係一間"健康學校",得到去年[香港健康學校獎勵計劃]金獎,程度頗高(一般保良小都屬中上or上),其實而家好多以傳統教學既學校都開始行主題教學兼試用普通話教中文,所以要介定係傳統定活動教學好難,因為大家都變緊型!

更加要帶眼識"校"，莊二小附近有一間小學就標榜由低年級起用普通話教中文，結果有小一啲學生居然搞到唔識用粵語讀課文，因為先生未曾用粵語教過，但係也唔識用普通話讀，因為根本完全唔識聽唔識講普通話，都唔知佢哋點算？

kxxx000

屯門官小除咗升屯官中學有利之外，一無是處。

晴B媽 寫道:

屯門官立小學又如何, 可以評價一下嗎?

感激   

tkkgame

hi kxxx000,

好多謝你咁支持我揀"志豪",因為我老公企硬"千禧",所以我地仲角力緊!!!

其實我地都有報圓玄,唔知有冇人知道今年讀緊P.1學生點?or實際面試情況係點?老實講,我個囡囡英文&普通話oral都唔掂,都預左唔得,但志在參與!

tkkgame

我都覺得官小既弊處就係一成不變,可能津貼或團體辦學較多資源幫助upgrade同改進,你可睇到近10多20年來教育制度改呀改,D學校唯有靠自己改善,增值去吸引"家長"!

hviy

tkkgame,

既然志豪係自己個網就緊係揀佢啦,如果自選跨網,抽獎又唔中時,叩門都蝕底d... :wink:  :wink:

hviy

tkkgame,

點解睇得個仔咁差???貪玩,好動唔代表讀書唔叻,保圓用英語話劇要小朋友講睇英文嚟做角色扮演,最啱d精靈小魔怪      如果考到,真係直得考慮架...不過校舍就差d :-|  :-|
其實我個囡都係報咗直資,自選嗰次係做後備咋,直資收咗就乜都唔會再唸,有覺好訓     

uu_nn

tkkgame 寫道:
hi kxxx000,

好多謝你咁支持我揀"志豪",因為我老公企硬"千禧",所以我地仲角力緊!!!

其實我地都有報圓玄,唔知有冇人知道今年讀緊P.1學生點?or實際面試情況係點?老實講,我個囡囡英文&普通話oral都唔掂,都預左唔得,但志在參與!

其實K3啲小朋友英文&普通話oral都掂既，應屬鳳毛麟角，小朋友既可塑性好大，抓緊時間突擊一下都好，我幾鍾意呢間學校，不過我個囡年紀大點，小一個時未有保圓英小，所以e+好辛苦咁，要出去九龍塘返學。

我就知有個"細囡"(99年尾既)，讀緊保圓P.1，當時面試都唔得，但個家長好有心機，又寫信，又約見校長表示自己既誠意及對學校既認同、期望等等，一心一意，非入不可，卒之俾佢ai到，e+個"細囡"讀得不知幾開心。

功夫不負有心人，唔好放棄機會。

晴B媽

Tkkgame, kxxx000,

thanks.

ypmummy

我女女讀緊小四, 每日功課有5-6樣到, 假期就7-8樣. 但所謂1樣只不過係計數10題 , 生字10個, 作業1頁 ....... 量不會太多, 我見女女大部份係 "導修堂"可完成, 唔明仲可即時問老師. 回家只係 double check 1 次 同備課, 真係好 "他條" .  默書約兩個禮拜中/英1次 !  我覺得佢讀得好開心吓

Mrssslui 寫道:
ypmummy,
你小朋友讀幾年級呀?
我同事有兩個小朋友又係讀你個間,佢辛苦到死呀!
佢話每日有8-10樣功課,仔女都做到好夜.
谷得好辛苦.
點解甘差咁遠既??
佢地小二.

hviy

我侄仔侄女都讀緊莊二小上,聽我大嫂講侄仔小四就好谷,在小一考第9,小二入咗精英班點知考第尾,小三俾佢地踢番出普班,以為個小朋友唔駛咁谷,點知都係差不多,攪到同個仔嘅關係差d缺裂 小三俾學校揀咗出嚟參加全港校際朗頌比實win埋個亞軍都無乜幫助,一樣因非精英而俾人label,今年小四仲要指定買成$3xx英文故事書同補充練習,不過我見到張書單就 因為4A,B,C同4D,E嘅故事書都唔同,我阿嫂問老師點解?A,B就話精英班,點解C同佢地一樣而D,E又唔同呢?佢話C班仲有機會谷吓    咁俾學校label,你話做媽咪嘅幾 :cry:  :cry:     邊個唔想自己個仔讀書叻呀   
佢細囡小二就開始轉用通識教育,個個媽咪都話通通唔識點教喎,教材無schedule,跟本唔知明天會教乜野,無得備課,幫都無得幫   
功課我阿嫂都話ok,但我侄仔侄女上咗小學後都好少見...想約佢地飲茶,阿嫂會話佢地啱啱温完功課/默書/測驗唔玩得,驚佢地玩得happy會唔記得晒,講法同做法跟我個friend個囡一樣,佢讀大埔保局田家炳,年年考全級首3名,年年攞獎學金,不過我個friend嘅代價係佢喉嚨結瘸,徐小鳳咁聲,醫生話無得醫喎... :cry:  :cry:
两個都係保良局,全職媽咪,條路係自己揀嘅....我地d要返工嘅就聽到都   

Mrssslui

睇嚟你女女真係好輕鬆喎!
如果聽你講,係屯門住,呢間讀得過.
聽佢講,就比我感覺唔好揀啦!
你女女全級考第幾呀!係唔係都10名內呀?
佢就全級20幾(一年級)
但佢同女女都幾辛苦囉!

囝囝2000

其實志豪都好多功課呀,你可以上綱看.如果要擇保良的話,可以考慮莊下,因2007年會搬新校舍及環境好(在千禧鄭任安對面),設備一流,在2006年改活動教學,與梁周下合,梁周下校長很有抱負及勤力,所我相信他的辦學很好. 而聽完莊下陳校長的一番話後,我才決定擇莊下,一定要看得長遠一點.

littlepenguin

囝囝2000 寫道:
其實志豪都好多功課呀,你可以上綱看.如果要擇保良的話,可以考慮莊下,因2007年會搬新校舍及環境好(在千禧鄭任安對面),設備一流,在2006年改活動教學,與梁周下合,梁周下校長很有抱負及勤力,所我相信他的辦學很好. 而聽完莊下陳校長的一番話後,我才決定擇莊下,一定要看得長遠一點.

請問莊二下係咪好過莊二上呀?  睇完以上的bk友講得(莊二上)咁恐怖, 真係有D驚!