返小一ge仔仔囡囡開心嘛???

pingubj

Thomas-Hei
我都覺20分鐘小息好趕,排隊去完

bee

I really missed the time he studied in the Kindergarten, as the Kindergarten will take good care of them, however, everythings are difference in Primary school, kids really need to take care of themselves for most of the things.

today is the 2nd day, let see.

may22999

我囡囡學校每節小息得十分鐘都吳之做嘜好！     

Sigma

我囝學校安排得幾好, 31/08 與父母一齊返學 2-1/2鐘,
在禮堂聽完介紹及注意事項就分開 - 小朋友參觀學校、學
排隊、上廁所; 父母就到佢班房與班主任及老師見面, (坐
佢個位), 聽介紹學校功課的要求等... 既可認識老師也可多
了解囝囝上學情況.  跟住個半星期就返半日學, 9 月中才返
全日等小朋友有適應期.

因有10多位幼稚園同學一齊讀小一, 所以囝囝好開心, 返
學放學都玩一餐.

Bluestar

我個仔昨晚尿床，今朝賴床。
學校派了10+份通告，下星期一要簽名交回。
他又說有位女同學不知為甚麼打另一位同學，被老師訓話。但並不清楚為甚麼及誰是誰非。

如如媽

見到你地既小朋友個個都咁乖，一早就肯上床瞓覺，我個仔夜晚叫極都唔肯上床瞓，朝朝都要叫好多次至肯起身....     

今日第二日返學，感覺佢比禽日好好多冇咁緊張，禽日我唔記得準備小食比佢小息食，佢返黎話有同學請佢食野，話今日要帶多d野食返去請返d同學仔食喎...   

pingubj

你地帶d咩比小朋友小息食架,我帶左包餅仔.

navigator

在開學前，我們就一直向女兒強調需要早起.....她以前在幼稚園讀書時，學校就在樓下，每天睡到8時左右才起床。如今小學在九龍塘，需要约在6時15分起床。她從來都沒有試過這麼早起床！我們也曾很擔心對於一個只有5歲8個月的小女孩來講，突然有一個這麼大的改變，她是否能夠適應？！在暑假期間，本來有意找幾天給她『練習練習』，但由於忙，又不了了之了。開學第一天的清晨，我走到她的床邊輕聲地叫醒她，就在此時她放在枕頭前的小鬧鐘也響了，她似乎很疲倦地用力張開惺忪的睡眼，然後又再蓋上，轉身說『很眼瞓呀！』。5分鍾後我就抱她下床去洗手間，期間她有發脾氣，但卻出乎意料之外地比預期輕微。第一天嘛！加上工人，我們三個人就各自負責的部份，聯手『服侍』這位『老細』....最終順利送到學校了。過程比想像中順利、時間比想像中用得少、速度比想像中快和女兒也比想像中適應。今天是第二天，她似乎也開始走向適應了，情况比咋天好點。今天送到學校門口，她細小的身軀把書包背上後，走在兩排大師姊的背景中，顯得特別『細粒』。我凝視她的背影漸漸離開，內心卻充滿說不出的安慰。記得她曾告訴過我她是開心的。

pingubj

我仔仔呢二晚自己一到9:30就話要sleep,平日佢要等埋我先肯瞓,早上一叫佢就立即起床,唔使勞氣喎,佢話唔可以遲到喎.升左班係唔同d既.

Nymph

想知你地小朋友間小學有冇家長教師會?如有,可以向佢地投訴.
至於小朋友去厠所問題,唔知你小朋友間學校點樣處理.但我個女間學校有家長義工去幫小一同小二生,家長有乜問題,義工家長會盡量解答,如果唔知就會幫佢地話比家教會嘅主席或校長聽.

heifamily

我女女今朝7:15am已經自已醒咗 - 等新鬧鐘啲音樂聲

大小不梁

阿仔今又係好早自己就起左身.......   
琴日簽通告簽到手軟呀.....又要包書~~~好辛苦咁包左十幾二十本.......今日又攞左4本英文書......轉頭又要再做技工lu~~~好在只係4本姐~~~

如如媽

我阿仔都唔知到幾時至會自己自動自覺早d瞓兼一叫就起身呢     

LapHimMom

各位家長,

你地學校有無派到訂閱芥子園出版社的雜誌的單張, 唔知Storybox 的系列及一本名為'I Love English' 值不值得訂呢?

Thanks

Hellomummy

之前成日驚個女"um 春", 有咩唔敢同老師講, 就成日提佢有什麼不明白要問老師呀......點知尋日第一日番學.......

佢竟抖膽舉手同老師講: 老師, 呀xxx話好涷, 可唔可以熄冷氣呀, 唔好咁sign電啦.... (點知佢話個老師真係去熄冷氣, 我聽到一額汗)

我: 你咁唔得喎.......老師可能會覺得你無禮貌, 掉番轉頭教老師做野....

囡: (當堂紅了雙眼, 好委屈咁....) 我唔係想教老師, 只係想幫人, 因為xxx唔敢同老師講嘛......嗚.....我有講唔該GA (死雞撐飯蓋)

我: 咁, 幫人係arm, 但係有無諗過為了就一個同學去熄冷氣, 可能無顧及其他30幾個同學, 可能佢地覺得熱呢?

囡: 咁....你用呢個理由同我講....都arm....(開始收眼淚)..不過咁喎.....佢地熱, 佢地有權出聲格....咁舉手睇下幾多人熱幾多人涷先決定law....

我: 聽落.......都.......arm.......既..........

跟住我同老公講番, 佢一路話: "係ar", "arm ar" "咁又係喎", 兩父女一担担  

Hellomummy

今日已經有功課做喇, 係兩張工作紙, 要設計班號(口號)和班徽

仲有家長既一大疊功課, 我想知你地會唔會將D通告由頭到尾睇哂GA? 我呢兩日太倦了, 淨係有時間睇heading, 跟住狂簽簽簽....因為仲有個大仔果疊.....  

大小不梁

冇wor~~~

LapHimMom 寫道:
各位家長,

你地學校有無派到訂閱芥子園出版社的雜誌的單張, 唔知Storybox 的系列及一本名為'I Love English' 值不值得訂呢?

Thanks

大小不梁

我會睇晒佢架~~~~

Hellomummy 寫道:
仲有家長既一大疊功課, 我想知你地會唔會將D通告由頭到尾睇哂GA? 我呢兩日太倦了, 淨係有時間睇heading, 跟住狂簽簽簽....因為仲有個大仔果疊.....  

大小不梁

阿仔話佢果班有32人......都比我想像中少lu~~~

bobo

我仔果班 38 人呀, 我覺得好多