質疑傳統簡約觀念「好陰功」

Radiomama

barque 發表於 26-5-19 15:14
佢都冇同提起影畢業相的安排, 我見佢哋一班朋友有影畢業相，佢發送咗幾張俾我哋。我諗到時在埸搵手機影幾 ...

畢業禮嗰兩個日，校園人頭湧湧，大家都在landmarks 位置爭取/排隊影相。我仔就話，無意思呀，平日我都唔去嗰度。最後佢主要帶我去佢常去的教學樓、課室、lab、workshop參觀同影相。

講番樓主提出的討論，我嘅觀察係有時孩子不只受父母影響，還會受長輩一些觀念薰陶。

Radiomama

加樂爹 發表於 26-5-19 16:31
其實我覺得係會既, 講得自己仔女既家長, 都係覺得子女是一些"特別".我太太都係咁話我, 佢有物野特別呀?!
咪 ...

我的孩子特別「難教」，幼稚園老師話千祈唔好走傳統路線；行國際學校，佢都屬於「杉手」一類。

今日算走上正軌，多得有專業人士分享話對佢要不斷灌輸正向思維、講正面故事，俾空間佢成長、建立內在的規律。未夠18歲到了美國唸大學，我哋少咗介入，佢獨立地學習、生活。

童軍訓練讓佢享受郊外行山、玩水、釣魚，work life balance 做得唔錯，已經是個小大人，希望未來抗逆能力可以繼續增強。

akys

Radiomama 發表於 26-5-19 22:25
我的孩子特別「難教」，幼稚園老師話千祈唔好走傳統路線；行國際學校，佢都屬於「杉手」一類。

今日算走 ...

我嗰個10歲嗰年去睇CP，CP直程話香港唔適合佢，去外國讀書啦，當年真係好慘，唔知點教得佢聽。童軍啲活動多元，遠足，定向，單車，游水，獨木舟。。等文又有武又有，值得參與。眨下眼咁就十年了。

beastiebistro

akys 發表於 26-5-19 23:11
我嗰個10歲嗰年去睇CP，CP直程話香港唔適合佢，去外國讀書啦，當年真係好慘，唔知點教得佢聽。童軍啲活動 ...

果然大家小朋友都係童軍，制服團隊真係成長嘅重要啟蒙活動...

我唔單只仔女係，我自己當年都係，深明童軍好處...

stillgood20

加樂爹 發表於 26-5-18 09:43
容許先做下標題黨, 其實想講學習生涯規劃.

年輕夫婦離家自住  始覺水電費低廉：而家冷氣無熄過 質疑傳統簡 ...

有兴趣，可以討論一下:
有一種叫Back to basic.
把知識整理好，去努力學習。
不是表现，計分数，高低，名氣。
把基本做好，再精益求精。

那便是<本質>。

Radiomama

akys 發表於 26-5-19 23:11
我嗰個10歲嗰年去睇CP，CP直程話香港唔適合佢，去外國讀書啦，當年真係好慘，唔知點教得佢聽。童軍啲活動 ...

咁你哋係一早去外國讀書定在香港努力呢？佢又係好有想法、包抝頸嗰類？

加樂爹

今早才有時間番看你們留言.

@Barque @96400, 帖文#7, #8

EQ, 性格真是先天的禮物.

對於小時已明白, 能夠跟進家長/老師指去學習既小朋友, 真心, 好叻!

呢個時代, 沒有蠢的小孩, 能夠做到既孩子在心性, 管控能力, 清晰目標都優勝.

試換個角度想---學習生活可能正符合到他們性格.

是不是太乖?
我覺得是性格一種, 家長指點他們認識自己, 行一條合適既路.

我同意你們前說:

1. 特質在孩子大過後才發現其實好難改變

2. 性格有關，越嚟越覺得性格決定命運

這個年代, 珍貴的性格是耐心, 冒險, 探求, 願意表達, 不怕失敗…

尚有其它….但做好這些, 已經非常非常好.

對性格:

“我覺得可以某程度改變, 我覺得性格特質是可以由多方面去成長支持的; 我覺得在高小以後, 在日常生活討論分享仍可以改變, 因為性格會某程度受思想改變”

你們會怎做?

加樂爹

我前說, 我仔是想做一個小說家.

或者在小學, 我只著重他兩文, 數學沒理, 科學我當是思考訓練, 語句應用, 所以不太在意成績.

所以, 阿仔眼光只在小說家, 小說會放上平台, 等人訂閱, 期望到達一家訂閱有錢收.

Youtube 拍片, 學那些教打機技巧的人, 見到有100+ views 以上好開心, 覺得係大生意.

性格都是先坐在椅上發下夢, 雖則佢真係會諗野, 但係好遊....

10-15分鐘後, 一起筆就不會停下來…

閱讀小說是”歎世界”的一種活動…

所以, 我不擔心閱讀問題, 這段考試溫習時間, 做完溫習後做看小說, 差不多一天多一本.

說回來, 某程度, 這個人沒有多大的責任心.

什麼都不在意, 等我地offer 比佢.

我羨慕自動自覺孩子, 因為你們教導的, 他們都有”根基”去建立起來.

barque

Radiomama 發表於 26-5-19 22:25
我的孩子特別「難教」，幼稚園老師話千祈唔好走傳統路線；行國際學校，佢都屬於「杉手」一類。

今日算走 ...

對的，孩子都有自己的特性。父母清楚了解他的特性，提供一個適合的空間和教育系統給他成長就好了。

我們從小觀察到自己孩子算是self awareness 和自制能力好好的人，我們擔心如果給他讀傳統學校，佢會全部按學校和老師的期望去做。所以我哋選擇國際學校希望有空間比佢慢慢成長，可以開明些和多點冒險精神。

加樂爹

P.S.

他兩文可以了, 中文略為弱一點, 但這個方向繼續下去, 條路會好走下去, 我算是做到達標了.

中學…學習規劃, 是我在想的.

先說, 性格是一個重要點….

之後再請教各位, 在中學以後情況....

加樂爹

beastiebistro 發表於 26-5-19 10:24
個人認為同由細嘅家教有直接關係。可能係比較保護溫室嘅環境長大，或者咩都習慣有屋企人做好晒，從來唔使冒 ...

現代的教育制度下, 能上級頭的都不是省油的燈, 好叻.

雖則不管是溫室或過份呵護.

我同意你用”短視”去形容, 這是家長要評估及適時插入位!

你怎樣做, 你係強勢, 我相信你呀仔應該都係強勢自律.

見到你, 我就想起圍棋.

當時, 阿仔暑期報班, 只余下圍棋中班, 要求有初班能力.

佢成功在youtube 學會了30幾種食棋方法, 用AI對奕.

圍棋是他喜歡的, 可能是那種貓”捉老鼠”既感覺.

beastiebistro

加樂爹 發表於 26-5-20 09:46
今早才有時間番看你們留言.

@Barque @96400, 帖文#7, #8

個人認為能力同性格都係天生嘅。

能力係無論後天點努力都改唔到嘅，但係性格係可以經家庭教育去「補強」。唔係「改變」只係可以學識「避重就輕」，學習某啲技巧去放大好嘅地方，縮小唔好嘅地方。

加樂爹

beastiebistro 發表於 26-5-20 10:38
個人認為能力同性格都係天生嘅。

能力係無論後天點努力都改唔到嘅，但係性格係可以經家庭教育去「補強」。 ...

我有同樣看法!
能力, 與性格, 避重就輕....

家長盡力幫助, 在小時, 但要如何做?

幸好, 成功不是一定雖要最頂尖的人, 才能做到.

所以, 我仍是樂觀的.  

加樂爹

帖文 #51, 我用的是引導.
小學合理, 因為道理講唔明.
但效率低.

中學呢, 你們認為呢?
你們在小學, 跟中學對孩子態度有沒有改變?

beastiebistro

加樂爹 發表於 26-5-20 10:37
現代的教育制度下, 能上級頭的都不是省油的燈, 好叻.雖則不管是溫室或過份呵護.
我同意你用”短視”去形 ...

我諗呢方面你可能有少少誤會。

我係有強烈主見，亦有好細緻嘅規劃，但係我從來唔高壓控制我嘅子女。Rules are rules，一出世就已經訂左，亦從來唔會移動，所以佢地唔會覺得我好「強勢」，因為我唔會無啦啦唔俾、或者一定要佢地做某啲嘢。當一個人由出世已經有一啲清楚嘅規則，佢唔覺得係咩問題，我唔需要「高壓」，去令佢就返。我當然會解釋點解有某啲規矩，亦會話俾佢地聽去到某年齡，某啲規矩會放寬。

而且我上面都講咗我從來唔會，亦唔俾小朋友同人比較，無論比賽贏輸、考試成績好壞，我哋都習慣輕描淡寫。讚頂多都係一句起兩句止，亦唔會點鬧，反而第二句就係倍佢self reflect。輸嘅錯嘅分析下自己錯咩，下次點改進。或者人哋贏喺邊，有咩學到。贏嘅，諗下有咩做啱，internalise佢，下次可以攞返出嚟參考。

所以我哋屋企從來冇強勢高壓環境，仔女都完全唔係外在強勢嘅人。

beastiebistro

加樂爹 發表於 26-5-20 10:43
我有同樣看法!
能力, 與性格, 避重就輕....

個人認為能力係冇得改嘅，無謂強求。

性格就絕對可以學習避重就輕...

加樂爹

我分享下我方法, 睇大家意見.
我不想他做小說家, 不穩定, 文人有那幾個可以成功.
但礙於他的視角, 我不會說反對.

當然, 我想他從事科技行業.
原因, 以前香港根本沒有工業發展, 跟現在不同, 科技競爭很重要.

雖未考量能力, 但心態上要跳出圈子.

上星期看了個節目, 不記得是那間大學, 發明了一些黏膜性塗層, 可以用窗戶/屋頂, 有效降低5-6度室溫.
主角是學生跟學院教授, 在畢業後搞專利, 開創自己事業....

科研不是畢業後, 找一間公司, 去跟進公司項.
應該平常有準備, 抓緊機會.
看到機會, 有數據, 有潛在人材, 便是把握, 而不是冒險了.

我又看到, 那些新興產業, 那個老板不是30多出頭的人.
訪問他們優勢在那裡. 他們好坦白說, 在完整產業鏈, 在開發周期短!

我跟仔說, 不要擔心, 這會是你們的年代.
雖則初創有80%是失敗, 但到你們年代, 能從中學習認識的不限於一間公司成敗.

只要確定自己在浪頭, 水漲船高.

你要寫作, 可以, 但先有自主的生活, 找多一些自己有能力, 有興趣的事去投入, 是中學時代的目標.

加樂爹

beastiebistro 發表於 26-5-20 10:57
我諗呢方面你可能有少少誤會。

我係有強烈主見，亦有好細緻嘅規劃，但係我從來唔高壓控制我嘅子女。Rules  ...

解釋下, 我意思你是強勢, 不是說高壓.(未去到考慮你跟子女教導方法模式, 這個或之後再請教)

我理解"強勢" 是"鮮明", "明確方向" 性格

beastiebistro

加樂爹 發表於 26-5-20 11:20
我分享下我方法, 睇大家意見.
我不想他做小說家, 不穩定, 文人有那幾個可以成功.
但礙於他的視角, 我不會說 ...

個人意見係，你唔想佢做小說家無可厚非，但係你「想」佢做科技就係問題。

我認為你只可以同佢講，供佢讀完大學你就完成責任，而佢嘅責任係要思考以後點樣可以維生。如果佢寧願打散工都要支持自己創作，who are you to say no?。佢寧願讀歷史做老師，都唔喜歡科技，who are you to say no? 最重要係講清楚你唔會俾佢「啃老」，冇嘢留俾佢，佢要自己諗掂咪得...

beastiebistro

加樂爹 發表於 26-5-20 11:25
解釋下, 我意思你是強勢, 不是說高壓.(未去到考慮你跟子女教導方法模式, 這個或之後再請教)

我理解"強勢"  ...

我認方向鮮明，但係唔認高壓。（強勢對我嚟講有高壓嘅implication ）