佛教黃鳳翎中學入U率

twhkleung

鄧錦榮 發表於 25-7-20 11:53
我喺黃鳳翎入咗精英班咁嗰個教學質素banding係唔係變咗band two？

睇下你講d band 幾係指乜, 指學校, EK係用該校的dse成績分band. 睇學生, 剛派完位 , 应心中有數.
入到精英班, 理論上係应好d. 不过, 任可学校, 唔理1a神校, 定係b3c校, 一样有好老師同 hea老師, 差別係个比例係8:2比, 定係2:8比. 你唔好彩, 就算入左1a, 但比位hea老師教, 同入左3c, 但好彩有位好老師, 可能好唔同, 但也可能差唔多, 但其实最终都係要靠小朋友自己.

反而d乜band乜band學校, 最大分別可能係學習气分. 不过, 如果係b3校, 可能未必夠學生开英文班, 而精英班是指該校成績最好果班, 唔一定係英文班. 自己小心check 下.

叫小朋友努力一年, 升S2時, 試下向上叩.

(唔好太信, e.g., b3生入b1校, 成績就会变b1, 关建仍然要靠自己努力, 唔努力, 1a校也可有慢慢变成b3的学生)

gracelam

鄧錦榮 發表於 25-7-20 20:24
唉，入咗黃鳳翎英文班以為可以變 band 2

有能力嘅中二插其他中學， b2 －b3中學份考試卷同b1中學好唔同

鄧錦榮

那我說直白點我進了精英班

UTB

鄧錦榮 發表於 25-7-18 13:29
乙一博聖鄧，乙二鄧鏡波，乙三班主任叫我擺金文泰，乙四黃鳳翎

鄧鏡波主要收B2男生。但過往每年都有少量B3生派咗入去。如果今年都有B3生派入鄧鏡波，咁即係話你小朋友已經不是B2。

鄧錦榮

但係佢好似成績都唔錯可能係情史第一地考衰咗許呈分試3 有兩粒a，最後一次用嚟叩門嘅考試成績都唔錯數學英文都拎A冇肥佬過

鄧錦榮

但係呈分試1，2都係有B有c但係冇肥佬喎

UTB

鄧錦榮 發表於 25-7-21 12:19
但係呈分試1，2都係有B有c但係冇肥佬喎

淨睇分數／等級難以作準。名次才是重要。某間很有名的小學，有兩位學生呈一平均都係90點幾分。但名次一個排級19（90.75），另一個排級42（90.23)。學生之間的競爭的確很激烈。

ReginaL

家長，其實到而家，你同令郎都要向前望。唔好再諗band 幾。為他將來打算吧⋯⋯今年應該是更加難叩門的，我個人認為好多band two中學都會考慮殺校危機。

mcl233

UTB 發表於 25-7-21 12:15
鄧鏡波主要收B2男生。但過往每年都有少量B3生派咗入去。如果今年都有B3生派入鄧鏡波，咁即係話你小朋友已經 ...

也未必，灣仔有本區3仔大比例係全港2仔，英文班係計全港，並非計本區～～～

mcl233

鄧錦榮 發表於 25-7-21 12:19
但係呈分試1，2都係有B有c但係冇肥佬喎

灣仔係非常強既校網，有小學係疑似不足10％ B1率，再引伸，標準B2率 33.33％亦未必保到，睇呢啲B呀C呀係不能作準～

無謂深究B2或3啦，想叩門而又學校收，咪考慮下囉，或安於現狀讀好佢～

mcl233

另外一點係，SJPS係以1/3去分B123，唔可以直接認為SJPS既3仔派入波記，就係波仔有收到本區B3生，還有含糊資料雖要確認，除非已確認係SJPS既排尾5％，咁準確度會可信性強啲～～～

例如，SJPS既排70％，派入波仔，佢係本區B2生既機會絕大～～～

eit2003

UTB 發表於 25-7-18 00:56
好多B3學校都製造假象令人覺得學校係B2。佢哋知道家長唔喜歡B3校。有間學校曾經有一年DSE成績大約有B2尾， ...

可能係另一間黃鳳翎？(MOS 嗰間)

UTB

eit2003 發表於 25-7-21 17:10
可能係另一間黃鳳翎？(MOS 嗰間)

在EK盡量唔開校名，只能說不是黃鳳翎。
嗰間學校幾年前，DSE成績大約係B2尾嘅時候，就在學校網頁的主頁，大大標題話學校公開試成績令人鼓舞，校長在升中講座時，開口埋口都話學校係 Band 2，又話佢哋收生標準係B2或以上等等。

點知兩年後，學校DSE成績下跌，無論各科合格百分比定係大學入學率都係B3水平。校長就轉口風。當被家長問及學校Banding時，佢嘅答法大致係：學校本身係冇banding嘅，只有學生先有banding。學校可以同時收到B1，B2同B3嘅學生。佢又話家長選校時不應只考慮banding，而要選擇一間適合自己子女嘅學校。也要考慮其他因素。跟住呢位校長就講咗一大堆有利自己學校嘅因素。最後佢話今年升中競爭激烈，叫本區家長放佢間學校在頭三志願，以免派到他區一些不知名的中學……

10090

UTB 發表於 25-7-22 07:17
在EK盡量唔開校名，只能說不是黃鳳翎。
嗰間學校幾年前，DSE成績大約係B2尾嘅時候，就在學校網頁的主頁，大 ...

生意難做，好多學校都係咁，特登港島東區、南區，係縮班重災區

mcl233

10090 發表於 25-7-22 08:24
生意難做，好多學校都係咁，特登港島東區、南區，係縮班重災區

也對，人地都要做生意㗎，何必深究、～

推黃中係B2中學，勝於何東，似乎係EK分析員既說法，不過，佢今天好似已經為何東平反了，黃中隻字不評～～～

UTB

10090 發表於 25-7-22 08:24
生意難做，好多學校都係咁，特登港島東區、南區，係縮班重災區

你可能已經估到我講緊邊間中學。

鄧錦榮

Debbie0331 發表於 25-7-18 16:48
今年叩門好似難咗好多。touchwood真係叩唔到，唯有中一後試插波仔/培僑/漢華/中基。  
...

請問中基係邊間中學全名？

gracelam

鄧錦榮 發表於 25-8-21 23:07
請問中基係邊間中學全名？

中華基金

kamalaharris

水皮記放乙二都唔入？

Cliokohonda

通常升b1bc ,2a 既小學同學dse 成續會好過一大堆1A同學