九華／英華

mimokoala

gracelam 發表於 25-1-3 15:56
本帖最後由 gracelam 於 25-1-3 15:57 編輯

真係好睇個小朋友性格，好似有次家長日， 我哋一家3口準備 ...

haha..好有畫面，我幻想到啲男校應該就係咁樣相處，可能仲誇張啲

PTL_L

mimokoala 發表於 25-1-3 15:36
如果諗qc 同九華兩間選一間放自行，
佢想搏qc ，因為佢話qc成績勁啲，
不過要過海返學，同埋撞自二個間面 ...

QC好方便，天后地鐵站上，大雨都係淋幾滴，交通真係唔洗替佢哋擔心。真係咁講，有女人既地方都係麻煩，所以我都係偏向俾仔仔讀單性學校，至於夾既問題，如果係自身脾氣問題，去男校、男女校都一樣既，但男仔性格反而一就一，二就二，冇女仔咁煩

mimokoala

PTL_L 發表於 25-1-3 18:00
QC好方便，天后地鐵站上，大雨都係淋幾滴，交通真係唔洗替佢哋擔心。真係咁講，有女人既地方都係麻煩，所以 ...

咁我都實地試坐巴士測試過車程，都免強可接受，不過預每個月總有遲到的時候，因為我都朝朝過海，間唔中就要塞下。
不過另外撞面試日呢個問題，我又唔敢搏了。
佢脾氣就無咩嘅，係斯文啲，玻璃心啲，希望只係我諗多左，如果有緣入到是旦一間，希望佢夾得黎啦

elbar

mimokoala 發表於 25-1-2 15:20
有學樂器無考級，運動(只興趣班only)
性格似終係斯文類型偏向讀書
以上兩間vs地區1A學校

或許自行首選 沙崇

hiuching8

唔玩運動讀男校，會難交朋友

02413124

猴子爸 發表於 25-1-2 16:23
直觉： QC和SPC是没有问题的。九华和英华应该还好。DBS和LSC就。。。

小朋友LSC 小學都係文靜讀書型，都搵到buddy.
而且幾年中學生活亦令佢改變很多，是好方面。

acgy

猴子爸 發表於 25-1-3 15:36
可能上过报纸的DBS, SJC, 董之英等等都是运动型的吧。
当然，不可证实的江湖传闻可能就更多啦。
...

名校中我只聽過DBS有, 之前新聞爆左一單, 網上都有其他人發表過DBS欺凌既情況同方法, 形容得好詳細, 不過都好多年前.

SJC上次果單唔算係欺凌, 只係2個人有矛盾口⻆然後打架.

猴子爸

acgy 發表於 25-1-3 20:59
名校中我只聽過DBS有, 之前新聞爆左一單, 網上都有其他人發表過DBS欺凌既情況同方法, 形容得好詳細, 不過 ...

其實「欺凌」係比較嚴重同埋敏感，好多時唔需要去到嗰個地步，但學生未必好fit in或者會覺得開心。幾個書蟲圍爐取暖都算係有buddy, 係咪？但喺嗰種學校過六年，除咗讀書，而成績又唔係特別標青，又乜都冇嘅話，又係咪最適合？

不過話說回來，大家可以ignore我嘅意見，因為可能我所知道嘅都真係好片面，其實男校世界仍是好美好世界大同，適合所有唔同背景嘅男生嘅。

02413124

猴子爸 發表於 25-1-3 21:43
其實「欺凌」係比較嚴重同埋敏感，好多時唔需要去到嗰個地步，但學生未必好fit in或者會覺得開心。幾個書 ...

我覺得呢幾年佢地真係有法子令到文靜變得外向同好有歸屬感。而且佢入去前運動唔算標青，都有機會做到過校隊captain，並不如外間咁講。不過同意唔係個個都啱呢類學校，at least 我唔會幫細佬簡。

猴子爸

02413124 發表於 25-1-4 01:12
我覺得呢幾年佢地真係有法子令到文靜變得外向同好有歸屬感。而且佢入去前運動唔算標青，都有機會做到過校 ...

相信都好睇小朋友嘅本質夠唔夠tough, 係咪願意接受新挑戰，依家唔識但係會去學，咁樣就冇問題，呢類學校更會幫助佢哋進步。

Sing13

係男校中，成績同運動一般，好易成為隱形人。相反，四五個班既男女校，上中學前學打籃球兩個月，高少少都入到校隊。相反係前者，可能成為一個熱血既「啦啦隊」。
雖然不能一概而論，試想文靜斯文男生係邊種學校多人欣賞。（遇到人哋明玩你蝦你係邊種學校投訴有用？當然亦可以話學校包容性高，容納一班考唔考DSE都一樣既學生）。
無非都是傳統名校成績及名氣，band2男校兄弟情對你重要嗎？

Sing13

elbar 發表於 25-1-3 19:49
或許自行首選 沙崇

依個我認同，沙崇成績有保證（大考綱排名出奇地高），小班教學每班28人。
自行計分中，面試50%，教育局排名50%，校外學術，體育，藝術及服務獎項額外10%分數。（咁睇體育唔多重要）

19801980

Sing13 發表於 25-1-4 01:49
係男校中，成績同運動一般，好易成為隱形人。相反，四五個班既男女校，上中學前學打籃球兩個月，高少少都 ...

「雖然不能一概而論，試想文靜斯文男生係邊種學校多人欣賞。（遇到人哋明玩你蝦你係邊種學校投訴有用？當然亦可以話學校包容性高，容納一班考唔考DSE都一樣既學生）。
無非都是傳統名校成績及名氣，band2男校兄弟情對你重要嗎？」
你有冇實際例子證明男校普遍存在「明玩你明蝦你」的情況？定係你幻想出來？

ckcleung

其實一間男校就乜性格都有,邊會話成間男校只適合性格好動既男生讀。 如果係B1A/B1B既男校，起碼過半學生都讀得下書,吾通一隻手攞住半書,另一隻手打籃球咁勁?總會有一班比較文靜既男生既

LeeCC

有3個仔在男校畢業的家長講過，男仔只要有自己專長，在同輩面前突出表現，在男校自然會有擁護者，就會生存到，專長不限於運動，音樂或數學或寫作，咩都有可能

以上說話唔知現在的中學是否仍然適用

19801980

mimokoala 發表於 25-1-2 13:17
如果文靜讀書型男仔，會唔會唔適應呢類男校？
想了解多啲裡面讀書風氣係點，如果偏文靜會格格不入，難啲同 ...

雖然我仔不是九華/英華，但可以分享小小男校心得。我唔認同「文靜讀書型」男仔不適合男校，除了校隊，還有其他課外活動嘛。點解大家講到「非學界、非樂團」難以在男校立足？大家想太多了。不過呢，不要幻想男校氣氛一定可以令文靜型男仔活潑起來，正如，女校亦未必可以培養到淑女。大家…. 似乎又想太多了。

另外，你問到名校能否讓同學擴濶視野。你指那種視野？交流團？多采多姿的課外活動？

升中選校，最重要校風及考慮小朋友能力。我睇完你所有留言，你提到另一間男女校，是否比較有信心考到？如果係，是否考慮放自一？

猴子爸

LeeCC 發表於 25-1-4 08:04
有3個仔在男校畢業的家長講過，男仔只要有自己專長，在同輩面前突出表現，在男校自然會有擁護者，就會生存 ...

依家可能包括打機叻。
奧數、辯論、花式跳繩、武術….. 可以比賽攞獎嗰啲。
總之就唔好叻到只剩得學術成績。

Sing13

19801980 發表於 25-1-4 07:50
「雖然不能一概而論，試想文靜斯文男生係邊種學校多人欣賞。（遇到人哋明玩你蝦你係邊種學校投訴有用？當 ...

點會係幻想出來，
學校四大惡人，（我都話唔使讀書既是惡啲），有學生俾人傷到返唔到學，亦都有全班記過。（依啲是冇見報既）
我唔想點明邊間，大家覺得小case亦冇問題，反正都係個人之見。我個人當然會搵間唔會被人哋影響自己小朋友讀書既。

女校當然同男女校又有區別，好多女校是唔俾學生帶耳環，拍拖更是少之又少。「女校未必培養到淑女」，眼見的確有不同，著短褲叉高腳又少啲，淑女比例點都有分別。

至於擴闊視野，如果以前，公屋隔離既地區band1 A家庭同傳統名校家庭相差大，（鄧顯既校長有提過），有咗直資之後，就算培基，亦比傳統名校交流團更多。

冇話文靜斯文學生係男校就唔適合，家長考慮返自己小朋友舒適區就係了。

Sing13

猴子爸 發表於 25-1-4 08:54
依家可能包括打機叻。
奧數、辯論、花式跳繩、武術….. 可以比賽攞獎嗰啲。
總之就唔好叻到只剩 ...

叻到只剩得學術成績既學生足夠係重視學術既學校人見人愛。

猴子爸

Sing13 發表於 25-1-4 09:59
叻到只剩得學術成績既學生足夠係重視學術既學校人見人愛。

都係嘅，叻到只剩8個5**, 都係會好受歡迎嘅。

我突然諗起以前有一個狀元，鄭榮之畢業？好似就係咁，而且係咁喺度怨間母校….唔知佢依家點。