開心-關心-體驗生活

加樂爹

天外之人 發表於 24-9-25 11:58
人係有思想,基本上正常係個個做法都唔同,表現出效果亦都唔一樣,我既一套得人地唔得,陳sir/你/beastiestro ...

你地好多仔女都打機叻，佢地都大晒，亦獨立自律。我諗我呢幾年過緊關。

同意簡單直接，寧可禁左打機，因為家長要留意好多情況。
我當時想法，做法---當然又係明比佢打機，又引導佢做好多野。

年前在EK，好似有個POST, 十幾年前阿仔打機打上癮, 有成百幾版既回覆。
我爬文，差不多全看 （真係好好學），值得引以為戒。

打機，上網找資料，CODING，拍片剪片，做YouTuber...可以expand 左生活方法。
但係事前準備，開道外。。。我想沉迷原因是，細路本身有無其他成功的嗜好。

我有時公司有片，同事太忙，我都會請阿仔幫手，我係佢既director，順便同佢講下物野係商業原素，節奏。。。等等。

唔係要佢明白，只係講開左，日後又多一種溝通，又或者係細藝。

ANChan59

加樂爹 發表於 24-9-26 00:01
我做不到夠強硬都是原因，考慮他理由太多是短點。

你係讓他打完機才做功課及溫習？抑或先做功課及溫習完才打機？

你禁係可以，但要留意年紀，撞正暴風期，反叛期，有好大機會得不償失。阿仔轉捩點係中三整年已經收心養性，專注校內成績選科，中二讓他了解中四選科對升大學的重要性。Timing 係幾重要。

如果他喜歡規劃，理論上很多方面成功機率會高啲，可唔可以build on positive，讓佢做一些大型啲或者顯眼啲嘅規劃，要包括執行及睇到明顯嘅效果。可以在學校或者教會，社會或義工組織，制服團隊，創造多啲成功感。

加樂爹

ANChan59 發表於 24-9-26 05:17
你係讓他打完機才做功課及溫習？抑或先做功課及溫習完才打機？

你禁係可以，但要留意年紀，撞正暴風期， ...

我準備緊, 留意緊, 所以這幾年很重要.
小五, 開學同佢約定, 打機在假日, 平日做完功課可以睇youtube 片.
不過細路, 做網上功課, 偷偷玩, 真係有.
要嚴打定放鬆是即時操施, 而提高其他因素, 如你說的教會, 團體活動或義工, 更是長遠包圍圈.

初小實際落手落腳去睇住佢, 建立習慣.
細路大左, 覺得高小更係溝通期, 評估下佢自律性, 幫佢搭多D對外既活動.

我同佢一齊做親子義工, 上門探下老人家.
其實幾好既活動, 半個鐘對佢老人家, 點去了解別人, 提問, 傾談, 最重要係學習開放及同理心.

你有提到爺爺, 嫲嫲, 你做得好好, 小朋友情感係好受父母影響.


看你每個階段都好仔細做好, 對的 TIMING 真係用心留意去做.

beastiebistro

加樂爹 發表於 24-9-26 00:01
我做不到夠強硬都是原因，考慮他理由太多是短點。

我個人睇法係，開初嘅狠心（零電子產品）就係對佢地將來嘅仁慈。況且小朋友未「識性」嘅時侯唔接觸，都唔會因為冇機打而唔開心。但係開咗頭要收返就比較困難。
其實只要唔係沉迷，玩一陣都冇咩問題吖。佢喜歡規劃，咁咪同佢約法三章。例如每日只可以玩30分鐘，之後一定要揾本書睇返30分鐘咁。不過執行上真係要夠狠心同埋恆心（我直頭俾人話獨裁，set咗嘅紅線從來一步都唔讓），咁我哋小朋友唔會lur，唔會發爛渣，唔會死蛇爛鱔，因為佢哋知我唔會就範。

唔喜歡食唔緊要（各施各法），搵下其他共同興趣啦。例如我大仔係數人，我陪佢搵數計；二女係藝術家，我咪同佢兩個人去行畫展，買藝術書；三女係跳舞人，我咪陪佢對住個電視跳K-pop囉（大咗可以睇少少電視之後）。

加樂爹

beastiebistro 發表於 24-9-26 09:39
我個人睇法係，開初嘅狠心（零電子產品）就係對佢地將來嘅仁慈。況且小朋友未「識性」嘅時侯唔接續，都唔會 ...

你好強呀
家裡3個小朋友, 統一行動, 當然緊要, 仲好勁!

大家庭, 一齊生活, 互相填補空隙.
剎雞警猴, 統一戰線...手法你應該用得唔小.

beastiebistro

加樂爹 發表於 24-9-26 10:04
你好強呀
家裡3個小朋友, 統一行動, 當然緊要, 仲好勁!

大家都係摸住石頭過河。不過我比較奇怪啲，我真係好鍾意小朋友。我自己喺英國讀寄宿學校嘅時候已經諗緊將來有小朋友要送佢哋過嚟，未出世我已經諗緊點教點幫佢哋發展。當然出世後會因應性格微調，不過方向一早（未出世）已定，亦同太太、長老有充分共識，所以對我家庭嚟講係行得比較順遂。

加樂爹

回覆 beastiebistro 的帖子

你提到食野係家庭聚會維繫既一種, 我見有D家長都係咁做, 包括我太太未結婚前, 果果星期, 約去D表度食.
周末, 都一同出街, 其實去旅行, 不管長/短trip 都是食玩瞓.


我係另類D, 最開心既trip, 係去有靚球場既resort, 早上打完沒, 旁晚又打場, 中間食野游水.
所以阿仔跟唔上, 佢話鍾意自己睇下書, 打下機.

佢又唔係宅, 只係選鍾意既野玩出外.

beastiebistro

加樂爹 發表於 24-9-26 10:22
回覆 beastiebistro 的帖子

你提到食野係家庭聚會維繫既一種, 我見有D家長都係咁做, 包括我太太未結婚前,  ...

大家都係交流下自己用咩方法，對我嗰啲有用又未必啱你。如果大家inspire到大家，係好事。

天外之人

加樂爹 發表於 24-9-26 00:40
你地好多仔女都打機叻，佢地都大晒，亦獨立自律。我諗我呢幾年過緊關。

同意簡單直接，寧可禁左打機，因為 ...

應該講孩子會唔會沉迷,好睇家長所做既野,反過來講太沉迷讀書也不見得係好事,就如打機有好多知識及好處可能父母都不知道,打得好都要手腳靈活頭腦清醒排兵佈陣結構安排等等,可以講腦筋運作都用唔少,衹係一知道打機就話唔好,但就冇試過同佢一起打,一起玩,一起做,這個"陪"字好多都冇真正或用心去做.


所以講父母多陪伴孩子好重要,你與他多溝通係好,但若講太多關於你工作及他未有興趣既野,反叛起來好容易會有抗拒既心,當然相信若成日都陪孩子及溝通多既父母,孩子思想定性會好很多,就算真係多玩,都唔會玩到亂而影響其他.

ANChan59

我自己家庭入面，CEO較擔心兒子打機，做e-commerce，投資股票。我見其他朋友嘅太太都係這種傾向，所以係有不同聲音。我哋就私下討論解決，不會讓兒子知道。

最後她肯聽我嘅意見係因為我解釋教兒子跟女兒係有不同思維，不同方法，這點她都認同，她的睇法用在兒子身上未必行得通。

另一方面係很多家長有個錯覺，好多嘢大個先學或者大個自然會識。我覺得他如果問到，我會同佢分享。例如911之後，他見到我在電視留意美股，他就問好多問題，Dow Jones，NASDAQ，S&P是什麼？股票點解會升會跌？股票跌，啲錢去咗邊度？小朋友能否買股票？我唔夠錢買一手，點樣買？什麼時候買什麼股票？

最後，他選股票，我替他買，然後變成碎股俾佢。我再用Excel 做個季度結單俾佢。

我勢估唔到佢最後會有誘因去讀QFin，做分析師，自己會投資股票。源於911的一次對話，一些行動，良性效果，疊加起來的效果。

所以我成日講exposure 係小朋友成長的養份。

加樂爹

ANChan59 發表於 24-10-2 18:39
我自己家庭入面，CEO較擔心兒子打機，做e-commerce，投資股票。我見其他朋友嘅太太都係這種傾向，所以係有 ...

多謝你既分享經過, 我現在經歷緊.
中間要guide 住不太於偏離, 對我是一個責任, 須要多觀察, 用不同方法去引導佢.

家長本身心態會主導教育方法, 打機係一個點頭, 再會涉及與子女的溝通方向及范圍.
因為我性格是比較隨和, 喜歡討論, 這樣就定了要家教方向.

知識隨著成長學習, 這與成長後才學習, 會有分別, 因為佢地會試好多野, 去發問找答案.

有一次, 太太隨電視同阿仔說開"電競"發展, 對反應思想都有鍛鍊....云云...好似好投入.
阿仔最後問, 其實既然咁好, 我係咪可以抽可打多d機?!

當然, 要家長回答呢類問題一d都唔難.
困難係規限與引導發展的比重.

引導發展, 能夠去到多闊?
我反思, 或者是取決對他的"自律" 和 "能力".

很多時, 我問阿仔, 你既表現比幾多credit 我?
反饋看效果, 再修改.....循環去做.

加樂爹

學校的英作是有關Halloween 的小說故事.

阿仔思索間, 問我題材意見:

1. 寫有關Halloween 的鬼故事.

2. 寫有關 Halloween Trick and Treat 既習俗

3. Halloween 既然有鬼, 為什麼沒有保護我們的聖獸?

我不知道有無第3個既傳說, 不過既然問到, 我便隨口話有, 叫佢去作D pumpkin, 糖果之類驅邪用, 便算了.

剛巧, 阿仔看了很多希臘神話, 以為順理成章, 可以cross over Halloween, 建構一只保護人類既monster.

在網上查左好多野, 搞左成4個幾鐘, 阿媽當然嘈到震天.

我就扮忙, 唔出聲, 心想阿仔若你聰明D, 既然係作故仔, 仲洗物找咁多資料.

呢個都係一個典型問題.

ok_ko

加樂爹 發表於 24-10-3 10:36
學校的英作是有關Halloween 的小說故事.

阿仔思索間, 問我題材意見:

我們只有機會教養自己的孩子，特別是第一個，都是摸著石頭過河。

分享我的一個經驗，一個容易受別人攻擊的經驗。我小孩過了兩歲，到我認爲佢對【幻想】有概念時，我嘗試循序漸進地教佢幻想。起初是憑空想象前面有些物件，然後避開它；慢慢在家裏坐火車；去公園；後來還建立起森林。這個過程，一直要留意佢嘅變化。感覺佢又跟得上，而且有佢自己的世界了。兩歲半後，我們養起了（幻想的）動物來。佢有一隻，我有一隻。佢要告訴我，他的動物大概是怎樣的，叫什麽名字，…。

寫到這裏，提醒各位不要隨便學。只是用來説明大家有大家不同的方法。用了方法後，要對孩子觀察和跟進。

ANChan59

加樂爹 發表於 24-10-3 09:52
多謝你既分享經過, 我現在經歷緊.
中間要guide 住不太於偏離, 對我是一個責任, 須要多觀察, 用不同方法去 ...

教養係幾各師各法，睇家長取態，兒女成熟程度，學習方式及社會氣氛等等，要靈活及彈性引導。

beastiebistro

ok_ko 發表於 24-10-3 14:49
我們只有機會教養自己的孩子，特別是第一個，都是摸著石頭過河。
分享我的一個經驗，一個容易受別人攻擊的 ...

很好的方法呀，我哋屋企都會做。我認為係其中一樣令我小朋友愛書嘅原因，因為文字可以化為無限想像。
我覺得大家都應該參考...

ANChan59

ok_ko 發表於 24-10-3 14:49
我們只有機會教養自己的孩子，特別是第一個，都是摸著石頭過河。
分享我的一個經驗，一個容易受別人攻擊的 ...

有趣的方法，我想如果兩歲半的兒子，應該應付不了。

加樂爹

ok_ko 發表於 24-10-3 14:49
我們只有機會教養自己的孩子，特別是第一個，都是摸著石頭過河。
分享我的一個經驗，一個容易受別人攻擊的 ...

我估你應該係爸爸, 輕鬆些說, 因為阿媽甚少會做呢D野

或者說男士們都是在設計及摸索中去教育.
我意思係"摸底", 不斷測試, 不斷改方法.
跟子女玩完遊戲後, 會有點得著, 再有計劃.
日積月累, 大既暸解及溝通到不少.


有云 "知子莫若父，知女莫如母, 知夫莫若妻, 知臣莫若君", 係有點智慧.

ok_ko

beastiebistro 發表於 24-10-3 19:55
很好的方法呀，我哋屋企都會做。我認為係其中一樣令我小朋友愛書嘅原因，因為文字可以化為無限想像。
我覺 ...

見笑了！我有點班門弄斧。

談到文字，我在他過了歲半，就讓他認字。從前我在EK都説過，感覺上有些網友對閃卡有偏見。在我的情況，我覺得很有效。每天三節，每節30秒。就這樣，每天1分半鐘的時間，3個月後他學會了大概100個中文單字。那時他還不到兩歲。然後，我從這100個字中做了幾句他經常會說的話，讓他看著讀出來。他讀完後的錯愕表情，我現在還記得… …。

ok_ko

ANChan59 發表於 24-10-3 23:12
有趣的方法，我想如果兩歲半的兒子，應該應付不了。

每個小孩都不同。你懂得讓他在何時發力，免去了他很多折磨。

ok_ko

加樂爹 發表於 24-10-4 08:59
我估你應該係爸爸, 輕鬆些說, 因為阿媽甚少會做呢D野

或者說男士們都是在設計及摸索中去教育.

你好眼力！其實我太太都十分配合，只是長老們就有些陽奉陰違！