入IS可唔可以讀好中文？？定係先入Local School然後轉IS?

beastiebistro

grace_2022 發表於 23-11-10 11:07
請問如何睇到相關日誌？謝謝

你click 我個名應該可以去到我個page，如果唔得試吓加我做好友。

chingyu

beastiebistro 發表於 23-10-26 10:45
我自己三個小朋友嘅經歷／舖排應該同你希望做嘅一模一樣，我係日誌有詳細記載，你可以睇睇有冇參考價值。（ ...

如果想小朋友識講/寫中文，我十分贊成 beastiebistro 以上呢個舖排。
中文係難，尤其要識得寫。我小朋友讀過一年國際學校，雖則該學校稱注重中文，但根本做唔到學好中文。


無免費午餐，亦不能得一想二。若果細時唔花多少少時間投入中文語境，很難學得好。

香港長大的小朋友，幼稚園係有外籍人士的，父母英文唔差，當然滲入很多英文嘅元素，聽英文歌、睇英文卡通片、參加一些外籍人士舉辦的課外活動，佢哋英文程度都係高，亦都傾向講英文。 之後，初中就返去外國讀書，更加唔使擔心佢哋學唔好英文。


我接觸過兩位小朋友讀一間中文直資happy school,  中英文課程內容係好的，但學校就過於寬鬆。兩位小朋友中英文都唔係好掂。 有時學校太寬鬆，整體學習氣氛太hea，默書只有簡單要求，功課亦都冇嚴格要求。 結果就係，就算佢哋母語係廣東話，我見佢啲中文字都非常弱，小五/六，基本上個個字都唔識寫，英文亦都差。佢哋呢個例子，簡直係雙失。

Moonlight819

回應樓主：「先送小朋友去讀local school。如果太辛苦讀唔成或者唔鍾意，遲啲就插班轉去讀IS。請問咁樣插班會唔會好難入？」

今時今日，你想插班好的IS －定難，有些reputation的IS幼稚園mass intake已超過千幾人，未計siblings 和staff 子女，大部分有foreign passport，所以中途才插班好的肯定不易；而且教我看到樓主也不太喜歡LS的傳統教育，我建議可以選間重視中文教育的IS（不少IS中文有分不同程度的班學習），如覺得不夠可加少少補習，當然不可以太貪心，英文已超過LS很多而中文又要一樣程度，我現在小朋友也就是這樣，覺得不錯。

glo000

我同意beastiebistro的安排，因我大女一樣都在top tier LS再轉IS/UK boarding, 打好中英數基礎，之後點轉都唔怕，受小學氛圍影響，努力勤奮的性格早已成形，到中學自己會努力。

依家到我4歲細女，我都唔想煩，一開始怕local 大壓力，要跟默書功課，比細女由N轉去IS Kindergarten, 讀左一年發現細女同我都比較鐘意有guidance 的教學摸式，所以襯佢仲細轉返去LS K1，依家間LS幼稚園好好，老師教得仔細，英普粵分三個老師同一課室一齊上，課後學校提供教具比父母同小朋友玩，細女每次都好似收禮物咁，玩兩次就學識，學得好快，上年仲覺得佢係文盲，依家轉左兩個月都追返晒，LS係有佢方法教中、英、數，但呢個方法只限於Top tier 學校，因為仲可以keep住英文native 情況去學中數，我都覺得英文好重要但中文更難學...無奈下我安排先返LS先，暫時覺得LS小四, 小五前都係開心的。

yianleen

回覆 glo000 的帖子

我地都係, 讀完international再轉返去local, 發覺小朋友有時太無guidelines係會迷失, 同學之間亦都普遍缺少學習動力、鬥心，因為無咩明確目標。

Local school雖然要求高啲, 但如果小朋友資質ok, 係唔會太辛苦的, 而學到既中文亦都係一輩子受用。讀到五年班，已經睇得明明報、阿濃、王文華小說，算係唔錯（雖然都要迫下氹下先肯睇 ）


至於英文，由於一路上由playgroup到幼稚園都係讀IS, 即係頭6、7年都以英文為主，所以小朋友都講到close to native的英文，同IS學生無咩分別。宜家啲小朋友太多方法學語文, 其實Netflix, Disney, Podcast, audio book都幫助好大。我女英文亦睇得明Anne of Green Gables, CS Lewis, Rick Riordan呢啲書, 仲要係全班同學都鐘意睇, 會互相交換小說睇, 所以證明唔係個別小朋友, 而係好多人都做到。

每個家庭要求不同，大家都係share下不同的教育模式

glo000

原本我把心一橫送細女去IS我就唔洗煩，仲可以成日遊山玩水，想飛就飛，但係過左年幾，見到家姐在IS的情況令我開始擔心妹妹由細上唔知會群埋邊班人一齊玩，IS係好自由，自由到成間學校由band 1 到band 5學生都有，有數學不停攞獎的資優學生，到上堂無心向學不停打機都有，識幾個大學生由ESF上Cambridge, 佢地係中間轉去UK GCSE Alevel再上，性格都係好乖好可愛，所以都唔可以講邊度好。

在IS自己唔上心，老師理唔到，會一路差落去，我女講有IS同學可以上堂睇衫買名牌袋...返學噴香水，讀左半年IS，可能疫情關係IS好多好老師走左，問功課d老師都懶到求其答，見家長，成班老師10個8個都係hea 答，改文等三個月都未派返，派返都係寫幾粒字話good job...如果咁樣係開心學習我無野好講...一開關我女自己主動話要去英國讀書。

大少少到中學會自己揀朋友，在LS長大我見到d同學偏向鐘意同勤力樸素學生做朋友，IS都有好朋友但只會閑話家常，d女同學去行街買化妝品佢答唔上咀，好難好fd，以上真心LS轉IS又轉到LS用家分享，度度都有叻人，只係我怕我無心力在IS自由的國度又想學術強基礎好又想唔洗跟功課不外補...