大家小學有冇開始補習？

pinkladycat

mmmandddy 發表於 23-3-10 11:13
回覆 pinkladycat 的帖子

大：專科班

可以私信請教小小野嗎？

fibe0313

女宜家小一，未開始補。屋村村校，無出面咁深，跟到進度就算了，返足一日學已經好攰。。。

gloryu2

補習定義係放學搵人補，定去出d專科班。例如大眾教室，數妍，學英文呢類呀。我細女小一，有自己教，都有試過補呀，不過依家冇補。要睇下咩要求啦，專科班正常會學快少少，或需要補底。

pinkladycat

fibe0313 發表於 23-3-13 20:59
女宜家小一，未開始補。屋村村校，無出面咁深，跟到進度就算了，返足一日學已經好攰。。。
...

  

pinkladycat

gloryu2 發表於 23-3-13 22:00
補習定義係放學搵人補，定去出d專科班。例如大眾教室，數妍，學英文呢類呀。我細女小一，有自己教，都有試 ...

望過大眾 ，都分得好開 中文同作文係分2個課程 ，令我卻步。

pinkladycat

eeffocoffee 發表於 23-3-13 22:41
放學補習好攰，但追唔上又無辦法一定要補

係呀 ，有時見到都心痛 ，仲多功課

kekawai

我都準備同小朋友報補習班。
原本以為我1對2搞得掂2個小一，但我高估左自己耐性同小朋友自覺性。唔篤住都唔溫書。第一次評估一個中上，一個中下，唔想再差落去。但都有d 心痛咁細個就每日長時間補習！

chiubbbb

今日又有小朋友睇唔開做飛人，其實做家長，係咪除了睇業績，仲要照顧下子女身心靈呢！大家都要反思，上完一日課，仲要去補習，做功課，溫書，沒完沒了

jbbmom

小三, 暫時無補, 成績中等, 阿媽收貨, 返全日已經好忙, 唔捨得佢咁辛苦

加樂爹

其實不單考慮學習成績決定係咪要補.有效, 有系統學習方法, 好像太刻板.

多一點同理心, 就覺得辛苦, 同心痛, 都好兩難.

留意下小朋友情緒, 同生活平衡.

Godark

連休息都冇乜時間仲補！children at primary age are old enough to tell you what they want and need, just ask them

linggo

回覆 pinkladycat 的帖子

功課班...操卷

cherrieshum

pinkladycat 發表於 23-1-27 01:52
小一 ，呀女依家出左去一間專補數既補習 ，
諗緊好唔好搵一個補全科既上門好d   大家有冇以經開始 ...

我阿女中三，阿仔小六從沒有補習。

swh2020

我仔今年小六畢業，從來沒有補習，成績從小一開始不斷進步，最近也都考到級前三，反而很多初小就開始補習的同學到5、6年級的時候成績排名退後。作為家長，我會監督平時做功課質量，唔明的地方會要求跟進搞清楚。

天外之人

回覆 swh2020 的帖子

家長冇咁大要求,做到小朋友唔抗拒學習,自然學習動力都提高.

Lisahan

小一，讀三私，有補英數專科

天外之人

唔知有冇統計,睇到好多冇補習孩子都可以輕鬆學得好,家長普遍都係冇咩排名要求,對小朋友自然咁學到知識就足矣.  特別在於由幼稚園到初小就要小朋友補習這些,小朋友真係有咁差? 還是過早就想小朋友小一就有小四知識心態? 教育學習理應循序漸進穩固基礎,得一想二想快心態不應存在,且對小朋友身心發展正常都唔好. 就好像伊朗沙特事件咁,某國得一想二心態做事,多年來一事無成仲攪到人哋叫苦連天,但另一國簡簡單單就可以解決雙方問題,其實都係同一道理.

Jean1769

天外之人 發表於 23-3-23 17:39
唔知有冇統計,睇到好多冇補習孩子都可以輕鬆學得好,家長普遍都係冇咩排名要求,對小朋友自然咁學到知識就足 ...

我都唔明，咁細就要補習，幾時補到高中？朋友小孩無補習，讀神校都仲係中上游位置。佢話咁早補習會減低小孩學習興趣喎

fibe0313

天外之人 發表於 23-3-23 17:39
唔知有冇統計,睇到好多冇補習孩子都可以輕鬆學得好,家長普遍都係冇咩排名要求,對小朋友自然咁學到知識就足 ...

我女d同學仔多數都係低分補。但普遍係小朋友專注力無咁強，上堂唔吸收，惡性循環。同意樓上所講，作為家長，每日功課睇住，會了解到當日老師教既，丫女識幾多。唔明白既地方我自己會再教。我覺得咁樣做，比出面跟功輔班好。