救恩 vs 崇真(英文部）vs 音小

keikolau

leekungtse 發表於 22-10-31 15:35
本帖最後由 leekungtse 於 22-10-31 15:36 編輯

咁你會㨂TT定音小？

我自己都有呢2間offer，我自己比較prefer TT，因為聽聞成績上緊，聽過校長講座，都對學校感覺唔錯，但當然都有等緊其他學校嘅面試。

Carly0909

keikolau 發表於 22-10-31 14:13
好多人PM我問WKF評價，唔好意思呀，我不能詳細回覆各位，其實我只係想提醒大家唔好被報考人數影響判斷，每 ...

明白，唔使詳細，但想知道係學校內部行政定係學校教育學生方面的問題呢？
因為呢個post都唔止你一個人講，但都係話教育界人士唔會揀…

或者可以透露吓邊類型小朋友會適合WKF?

Bugi_bugi

回覆 Marris 的帖子

你好, 我心儀緊禮賢同崇小, 崇小好喜歡佢語境, 請問崇小英文班同國際班語文能力差距大嗎? 因我報崇小係英文班。
同埋, 如愛心方面, 崇小關愛都好嗎? 謝謝!

Cfwongthomas

Bugi_bugi 發表於 22-10-31 15:46
回覆 Marris 的帖子

你好, 我心儀緊禮賢同崇小, 崇小好喜歡佢語境, 請問崇小英文班同國際班語文能力差距大 ...

係啦，究竟英文班同國際班語境方面分別大唔大呢？

Marris

想講點解崇小受歡迎程度近年上升：

1）2018年新學期，基崇換咗新校長開始，新校長（張文偉校長）係前B1A 沙田崇真中學校長，當年沙田崇真由一間B3 中學升到改制後B1A 評級，張校長功不可沒，而且近年基崇投考人數及收生要求亦持續提高，（2021 年B1 生學生比率已達85%之上，基崇頭40%學校成績更超過96% ；報讀人數為原先每年只有1000 多人，到2021 己達2700 以上）學校近年也是教育局公布全港學生增值率最高頭10%的學校，雖然改革後的學生還未畢業，未有相關進步成績公布，但從以上數據預期，加上崇小學生到中學畢業也要12年時間，家長相信學校只要持續現有改革方向，把以前學校B2A 評級上升至B1 或更高水平絕對是有可能發生的事情

2）基崇各類型教育新建設近年相繼啟用

3）基崇加開IAL 課程

4）崇小的八層高多功能新教育大樓，2023-24學期學生便可以使用

5）2022 年9月崇小換新校長（莊校長），任職25年的譚校長今年榮休.

6）棄用多年的舊校服更改為全新較為時尚的新校服及校徽

還有崇小及基崇學校內部一連串內部革新，亦都令一眾家長相信崇真決心提升整體水平

cms8686

Carly0909 發表於 22-10-31 15:42
明白，唔使詳細，但想知道係學校內部行政定係學校教育學生方面的問題呢？
因為呢個post都唔止你一個人講， ...

我都有教育界的朋友當年叫我不要選男拔（他在該校任教過），同時也有另一個朋友叫我不要報男拔， 說非常差勁。事實呢？大家都是用腳去行動， 不是人家說什麼教育界人士意見云云。
大家要學會一點：不是聽人家怎麼說， 而是看人家怎樣做。

Marris

Bugi_bugi 發表於 22-10-31 15:46
回覆 Marris 的帖子

你好, 我心儀緊禮賢同崇小, 崇小好喜歡佢語境, 請問崇小英文班同國際班語文能力差距大 ...

英文班同國際班英文水平能力也很高，如果兩者比較國際班會更高一級，因為除咗中文，法文，日文外其他科目教學語言全也是用英語，所以英文詞彙運用會比較豐富
我小朋友幼稚園就讀以外籍老師教育的國際幼稚園，也有其他同校同學入讀英文班，雖然只讀了崇小 2 個月時間，但大家也覺得小朋友英水平有明顯提高，例如英文字嘅尾音會更清晰，英文更似外國口音，英文講得更快, 由於大家也多次給小朋友指導英文，國語發音有誤， 所以而家大家溫習英文及國語全部也要採用iPad字典發音來讀音

我小朋友一直也有同一班就讀國際學校的朋友一起玩，家長閑談下間他們也覺得我家小朋友英語水平有明顯進步

Marris

Bugi_bugi 發表於 22-10-31 15:46
回覆 Marris 的帖子

你好, 我心儀緊禮賢同崇小, 崇小好喜歡佢語境, 請問崇小英文班同國際班語文能力差距大 ...

至於關愛程度及愛心，這個絕對不用擔心，我自己及同班同學家長大家也對此很滿意，老師整體很有愛心，而且老師對每一位學生的事情也十分着緊：
簡單舉一個例子，我接放學的時候發現小孩子忘記帶飯盒回家，老師在旁聽到第一時間問我細節後從地下行上3樓課室尋找，之後老師打電話給我說找不到然之後叫我小朋友上課室老師與小朋友大家一起尋找，到最後都也找不到，之後老師拖着小朋友到地下，見到我後便對我說：家長有沒有飯盒的照片？如有你可以用學校的”即時通訊工具” 發照片給我再幫你尋找，更同時安慰小朋友不用擔心，老師會幫你找到的，結果到最後真的找到，很感激老師為學生嘅付出同努力.

piglover

Marris 發表於 22-10-31 18:28
想講點解崇小受歡迎程度近年上升：

1）2018年新學期，基崇換咗新校長開始，新校長（張文偉校長）係前B1A  ...

沙崇從來都不是Band 3，以前嘅年代，5個Banding時，都係Band 1尾。

利申: 以前在沙田讀書。

Marris

piglover 發表於 22-10-31 19:21
沙崇從來都不是Band 3，以前嘅年代，5個Banding時，都係Band 1尾。

利申: 以前在沙田讀書。

以前5個Banding 年代, 沙祟只是Band 3,即係最多只是而家的Band 2 中水平


利申 ：本人也是舊制生在崇真書院畢業, 所以一直也有關注沙田崇真中學發展

shing418

回覆 Marris 的帖子

唔怪得你咁熟崇真

Marris

shing418 發表於 22-10-31 20:11
回覆 Marris 的帖子

唔怪得你咁熟崇真

我畢業已經係好多年前嘅事，嗰陣時TT仲係津校，其實真係緣份，我當初兒子考小一嗰陣其實從未諗過一定會讀TT, 但當最後左揀右揀比較過揀選最合適自己小朋友，原來到最後都係揀返TT,  其實初初諗住讀住先睇吓小朋友讀得好唔好再決定會否轉校（因為TT對比其他學校學費真係唔平，值唔值得仲係未知之數），但而家小朋友讀得開心又符合自己要求，唔會諗轉校呢樣嘢喇

Bugi_bugi

Marris 發表於 22-10-31 19:05
英文班同國際班英文水平能力也很高，如果兩者比較國際班會更高一級，因為除咗中文，法文，日文外其他科目教 ...

謝謝你詳細回覆(emoji)(emoji)

想請教下你崇真程度係咪都足夠考一線中學？因過往升中資料得校名無數字，唔係好知道佢大概去到點。

Bugi_bugi

Marris 發表於 22-10-31 19:21
至於關愛程度及愛心，這個絕對不用擔心，我自己及同班同學家長大家也對此很滿意，老師整體很有愛心，而且 ...

感覺都好好呀(emoji)(emoji)(emoji)(emoji)(emoji)(emoji)

Marris

Bugi_bugi 發表於 22-10-31 20:33
謝謝你詳細回覆(emoji)(emoji)

想請教下你崇真程度係咪都足夠考一線中學？因過往升中資料得校名無數字， ...

一定夠，好多好嘅中學都係英文中學，考直資中學時面見也需要用英語與老師交談，在TT 語境下小朋友由小一已習慣用英語來流暢用英文及國語表達事情，對考英文中學絕對會有優勢

Bugi_bugi

Marris 發表於 22-10-31 21:09
一定夠，好多好嘅中學都係英文中學，考直資中學時面見也需要用英語與老師交談，TT 語境會有優勢 ...

咁聽落都好唔錯。非常謝
感謝你第一身嘅分享

Cfwongthomas

Marris 發表於 22-10-31 21:09
一定夠，好多好嘅中學都係英文中學，考直資中學時面見也需要用英語與老師交談，在TT 語境下小朋友由小一已 ...

我想問下國際班有幾多成學生係native English speakers?

Marris

Cfwongthomas 發表於 22-10-31 22:52
我想問下國際班有幾多成學生係native English speakers?

我自己果班基本上全部都係黃皮膚黑頭髮，但以我所知同學仔好多屋企溝通語言都係以英文為主，都有不少同學仔有小學中途或畢業後到外國讀書打算 （我自己小朋友係屋企係會強迫佢用廣東話溝通，但返到學校及，自己講嘢，同朋友溝通佢基本上都係用英語為主，近排有時亦都會講吓國語）我見過其他班有外籍人士，不過數量不多.

但我想講TT老師語文水平（比較過，不管英文及國語）是屬於很高水平，外籍老師數量亦都比直資多（學校有30幾位net teacher 應該除國際學校以外外籍老師數量最多應該係TT) ，校長話佢哋對老師嘅待遇好好，所以先留得住啲老師 haha

PS: 唔好以為英文小學間間差唔多，老師語文水平其實可以好參差

Marris

收到好多朋友PM 想了解多啲 TT, 我已經回覆大家，希望比到大家多一些用家第一身資料，令大家能夠對學校有更真實了解

aglee

Marris 發表於 22-10-31 23:02
我自己果班基本上全部都係黃皮膚黑頭髮，但以我所知同學仔好多屋企溝通語言都係以英文為主，都有不少同學 ...

(emoji)(emoji)(emoji)(emoji)