取消中小學考試名次制度

hkpapa852

天外之人 發表於 22-10-14 12:16
這點你講得真係冇錯,貧富差距亦都係政府做成,將知識改變命運都攪壞晒,考試制度係需要有係冇問題,但現在感覺 ...

坦白講, 如果香港取消晒所有中小學考試, 班學生可能仲慘
依家講明考D乜班家長都要小朋友學呢學路, 日後無晒準則, 可能連吞劍跳火圈都要學埋

問題與責任, 在於人既心態

好似不少毒品其實本身係藥物既一種, 只係被人亂用濫用引起好多反效果, 先被歸類為"毒品"

ABC-DAD

天外之人 發表於 22-10-14 11:50
DAD,你提及想要學呢啲野及做呢啲野已經係有嗰種"心",自然有意思去學,咁要考係好正常.更何況大人同小朋友心 ...

家長怎榚（樣），細路就怎樣，多講都無謂。

天外之人

hkpapa852 發表於 22-10-14 11:27
一個長期只向個別行業傾斜既地方, 兼只容得下個別行業既人才時, 教育制度點改都幫唔到下一代
下一代想有出 ...

衹係普通小學能力家庭主婦的我,未稔到咁高深野,衹係稔住想小朋友學習好,好多野都係一環扣一環做成, 教育制度都係其中一環,父母亦都係一環,的確能成為人才,眼光及心胸真係要寬,你係真正既"專才",咩地方既領導人都想要,隨自己喜歡去那裡都得. 其實好像早排英國給予香港有BNO既人申請藉,都係想要專業人才及錢,點會係因為冇自由而給予佢地去.但最近那位女首相隱約透露,希望那些去了的人將來唔會因為唔係專業人才比佢掃咗去盧旺達,

天外之人

hkpapa852 發表於 22-10-14 11:43
以前主要係搵唔到好工, 好歷一般既人先去教書, 但可以教出多方面人才
現今教師個個都話要大學畢業, 仲話要 ...

能教好學生唔係單靠課本,主要係老師,書本一樣,教法唔一樣,都可以叫百花齊放.  撫心自問一個小學生要學既基礎野唔係應該係一樣咩?加減乘除/中文文法/英文GRAMMAR現在式過去式將來式.........根基唔穩放到咩屁,而家我就真係睇到香港百花齊放好多"通才".且反而覺得統一對老師孩子更好,老師自己危機意識都高咗,自己唔用心教就有其他人代替,這樣自自然對自己專業知識更會增長.

hkpapa852

天外之人 發表於 22-10-14 14:30
衹係普通小學能力家庭主婦的我,未稔到咁高深野,衹係稔住想小朋友學習好,好多野都係一環扣一環做成, 教育制 ...

唔好諗到英國咁清高

上任首相 Boris Johnson 眼光比現任首相出色, 佢推出既 BNO VISA, 間接解決咗部份因 Brexit 帶出既問題 - 部份以前由東歐窮人做既低階工作 (包裝, 整餅等), 因 Brexit 無晒呢班人, 比不少 BNO VISA 既香港人過去暫時補充番D人手


Liz Truss 水準明顯不如 Boris Johnson, 隨住Boris Johnson下台同事頭婆既離去, 兩位既接任人似乎都同前任無法相比


至於你話"你係真正既"專才",咩地方既領導人都想要"


現實中, 全球都有保護主義, 大部份國家同城市都係主張 Local first ((Sorry, 好似只有香港政府係相反), 所謂佢地有興趣既"專才", 只因個一刻佢地個方面唔夠人用. 但普遍嚟講, 大部份國家同城市都係著重多元發展, 唔會好似香港既行業傾斜得咁交關 (甚至可以話係有職業歧視)

天外之人

beastiebistro 發表於 22-10-14 11:46
咁咪好似工廠啤出嚟，個個一模一樣囉？現實係每個人都唔同㗎喎，天生就係唔同（唔公平），點解要夾硬排齊晒 ...

人唔係機器人,學野既孩子出黎都係有唔一樣.

天外之人

hkpapa852 發表於 22-10-14 12:21
坦白講, 如果香港取消晒所有中小學考試, 班學生可能仲慘
依家講明考D乜班家長都要小朋友學呢學路, 日後無 ...

孩子就係因為家長咁逼去學未必喜歡既野,家長就係因為學校就逼孩子要識十八般武藝,學校因為教育制度咁逼去整靚內涵維持,一環扣一環. 其中一樣好都可以不用攪出咁多野出來.
雖然未知改係好定唔好,但現在運作中既野係唔好,咁就應該稔下點樣改改. 萬事不嬲都起頭難,一定有苦了一些,衹係點樣令改之前那些學生家長冇咁苦.

hkpapa852

天外之人 發表於 22-10-14 15:08
孩子就係因為家長咁逼去學未必喜歡既野,家長就係因為學校就逼孩子要識十八般武藝,學校因為教育制度咁逼去整 ...

近年高小學生已二次創咗一句說話諷刺現今家長:

己所不欲, MUST施於人

天外之人

回覆 hkpapa852 的帖子

已經提早了,正常在中學階段才會咁.
其實有冇考試名次都好,從小攪好孩子學習心,基本上會攪好好多問題. 好多人都講能力所限,孩子上了中學自動波理不了,但真係有心都可以同孩子在學習上有亙動. 好像孩子要背默一大篇文章,做完給你同佢對對錯,正常一般知識既父母都可以做到,有錯同佢講點改善及糾正唔會錯機會,第二天回來全對,大家都開開心心,咁既學習先係真正教育.

beastiebistro

回覆 天外之人 的帖子

抱歉，我真係唔同意。
你講嘅做法，就係好多極權統治者嘅做法，亦都係點解佢哋第一樣要控制就係教育。當長期輸入同一樣嘅資訊，出嚟嘅結果就係同一樣嘅人，因為以經冇空間闊度去探索。

我始終支持因材施教原理，有小朋友天生就應該行職業先修嘅路，有小朋友天生係科研人才，無謂逼佢哋一齊讀一樣嘅書，盞兩頭唔到岸，兩邊都嘥晒。最好小學就已經分stream，有學術能力嘅讀深啲，冇嘅搞下第二樣嘢，咁大家都開心啲。只要家長學識唔戴有色眼鏡睇職業，覺得做醫生同做斬叉燒一樣，其實小朋友自己本身唔會有問題㗎喎。

人天生天賦就係唔同。正面啲咪每個人有自己長處（哪怕長處係掃街），反面睇咪天生唔公平（點解我唔係愛因斯坦，我老竇唔係李嘉誠）。我同意正向鼓勵，唔同意掩住良心講個個都可以係Elon musk或者蘇樺偉。唔係個個都係超人，夾硬拍齊所有人更加唔會幫到啲有能力嘅人。

不過無謂爭論，我諗我哋只能和而不同。

kpc2015

絕對認同香港教育真係越改越衰

天外之人

beastiebistro 發表於 22-10-14 17:08
回覆 天外之人 的帖子

抱歉，我真係唔同意。

有不同見解正常的,各有各想法,睇想要咩既效果,
雖然講話工廠,但人唔係死板既機器人,係有思想,統一書本統一級別學校唔代表老師係統一思想教,學生出來效果亦唔係機器人咁學到既野係一樣,因學習期間個個都不停自我探索梗,更何況這階段重點係幼稚園及小學,目的係在於這階段各小朋友基礎係要穩固,中學學咩自會慢慢再顯著出來,天生我材必有用,入大學又好或做其它工作起碼都有穩固基礎知識, 你也知道是家長這方面出現比較大問題,亦都睇到唔理孩子能力都偏向某些學校,學有所成唔係學校給予,係學生自己領悟出來,所以才睇下從那方面教育制度可以改善,由此改變到家長偏向既心態.
爭論冇所謂,對將來小朋友有益就好,更何況對我已冇咩得益,孩子已脫離小學這階段,更百分百相信佢入大學冇難度,佢想做邊方面既才佢自己決定.

stillgood20

天外之人 發表於 22-10-14 12:20
提高學生學歷等大部份學生入到大學係啱,但呢啲野應該係改幼稚園到小學.董伯伯係富貴人仕,冇稔到一般人仕喺 ...

實際d, 怎樣才能令自己小朋友有學習成就,生活愉快．
你講ge基礎家庭．我身體多的是．

而更多的,是一些有成就的子女．

'自己'用什麼方法,只比小中學系統來得重要．

各人有各人背景, 很難有一個完整切合各人,而統一多案．

我見到,最好的方案是努力．

有每天五點起床温習 天天如是．
有每天聽著英語收音機廣播,英文能力比國際學生,有高英國文學水平的…… 街坊．

所以,我第一個給你的回應,

還是現在．

自求多福．

就算各有讀書學習系統都統一．

每個同學資質不同
家庭支援不同
差距已經很大．

自己找切合自己方案．
生活得開心!

barque

hkpapa852 發表於 22-10-14 09:12
考核同評估, 其實本身無問題, 而且係有需要
正如有個無牌 (未去過/通過考核) 醫生開藥俾你, 你敢唔敢食先?
...

考試本身沒有問題，我覺得小學，中學時期的學習知識不同於考牌和考大學時的目標和範圍。所以考牌和考大學是應該考試的。但是我覺得中小學不用考試唔等於學不好知識，反而提供一個更好的學習環境給小朋友。中小學階段的學習冇必要以考牌和考完大學為首要心態。身邊亦都認識大部份朋友，考大學時－樣考到好好的成績。知識的範圍甚至更廣。

ANChan59

hkpapa852 發表於 22-10-13 17:47
新加坡小學生, 係要參加全國公試PSLE, 按考試結果去分配中學, 所以校內試根本唔重要
正如考DSE前既校內試,  ...

我跟你是少數支持升中試的家長。

阿仔小四已經問點解我嘅成績要俾師兄師姐拉低，有能力嘅人點解怕考試？點解⋯⋯⋯⋯

我只可以安慰佢，了解遊戲規則，但自己要超越遊戲或者規則，唔好跟教育局的政策就係正確的機會大好多。

Yanamami

beastiebistro 發表於 22-10-14 17:08
回覆 天外之人 的帖子

抱歉，我真係唔同意。

德國教育就係咁分流，不過係中學先分。

akys

ANChan59 發表於 22-10-14 20:20
我跟你是少數支持升中試的家長。

阿仔小四已經問點解我嘅成績要俾師兄師姐拉低，有能力嘅人點解怕考試？ ...

呢個派位方法真係一絕，加埋999632呈分試，自行嘅運作，明白遊戲規則就知道入間好學校係好重要。

Yanamami

ANChan59 發表於 22-10-14 20:20
我跟你是少數支持升中試的家長。

阿仔小四已經問點解我嘅成績要俾師兄師姐拉低，有能力嘅人點解怕考試？ ...

或者，呢個世界既野係照顧大衆晤係小衆啩。有能力既人當然唔怕考試，但仍然係小衆。果時原意係指對大衆學生，一試定生死好大壓力？好似之後DSE代替會考一樣原因？不過改來改去，唔見得壓力小咗，反而改到不倫不類。

hkpapa852

Yanamami 發表於 22-10-14 21:41
或者，呢個世界既野係照顧大衆晤係小衆啩。有能力既人當然唔怕考試，但仍然係小衆。果時原意係指對大衆學生 ...

真係咁顧慮一試定生死對學生壓力大的話, 點解唔學加拿大咁, 入U都只係睇中學學生最後個兩年各科既平時分? 典解要考一試 (DSE)?
我試吓代答:

如果連DSE都唔考, 邊有錢養考試局班人呀? 所以依家先要引入國內可考DSE, 收番多D考試費先養到佢地咋!

如果轉做升中試, 一年出得一份卷 (無籍口又出TSA/BCA同Pre-S1, 班友量少咗但又 cut 唔到 headcount, 但點攪呀? 仲有, 我地俾咗咁多錢個保密N年既無敵升中派位系統同eSAM點算? 唔用都仲要俾錢買maintenance嫁, 好難解釋呀!

搵食啫, 俾條路嚟行吓啦!

beastiebistro

回覆 Yanamami 的帖子

其實星加坡都係...