小一英文要求太高

piglover

PSKLAI 發表於 22-1-30 10:09
其實直資小學同埋名幼都有咁嘅要求

我見TSL嘅小學生，真係用英文傾偈。仲有St Clara嘅學生都得。

piglover

PSKLAI 發表於 22-1-30 10:55
乜原來咁架?私立雙班主任制既有冇一啲例子?邊間?貴唔貴架?
另外家長有出力呢方面, 係咪即係家長要識同小朋 ...

其實，香港普通local 津小，甚至神校如SPCC，本身學校嘅英文課程係偏浅。

普通私幼K3學生，基本上可以handle到小一嘅英文習作有餘。

好多學生英文叻，不是靠學校，係家長搵私補。

piglover

PSKLAI 發表於 22-1-30 20:52
其他卷幼加外補可唔可以ok?維多利亞真心有點貴

卷加外補...... 你可以一星期補5日英文，每次2個鐘嗎？

私幼，Vic，LH，St Cat，KM，York嘅英文都好好㗎。

英文好，真係要家長課金嘅。

piglover

PSKLAI 發表於 22-1-31 12:58
呢K3已經睇厚書仲要好talk得, 係勁而我以為呢啲只會係spcc, dg db 喇沙 既要求,
點知一早已經蔓延到其他學 ...

。睇厚厚chapter book唔會幫到考神校。而家神校要收中文叻嘅學生。

PSKLAI

piglover 發表於 22-2-1 16:24
卷加外補...... 你可以一星期補5日英文，每次2個鐘嗎？

私幼，Vic，LH，St Cat，KM，York嘅英文都好好㗎 ...

卷幼係咪真係及唔上? 咁外補一星期一兩堂係咪真係冇乜用?

PSKLAI

piglover 發表於 22-2-1 16:16
我見TSL嘅小學生，真係用英文傾偈。仲有St Clara嘅學生都得。

我心目中呢啲已經係名校...我懷疑即使係德望,港同,宣小都未必大部份學生做到

piglover

PSKLAI 發表於 22-2-1 21:55
我心目中呢啲已經係名校...我懷疑即使係德望,港同,宣小都未必大部份學生做到
...

TSL又未去到名校level。

兩件事嚟，你講嘅呢三間小學，呢幾年面試好少部分係考英文。英文考得並唔深。

不過，考小係緣份遊戲。呢幾年都改佐遊戲玩法，考中文多過考英文。中文叻反而考到更多學校。

piglover

PSKLAI 發表於 22-2-1 21:42
卷幼係咪真係及唔上? 咁外補一星期一兩堂係咪真係冇乜用?

外補一星期兩堂？XxC pathways ilearn 係有用嘅。但呢個課程要四千幾一個月，唔平得過讀語境好私幼。

piglover

其實，流利英文oral 真係唔係好高要求，好多家中有工人姐姐嘅小朋友都做到。當然口音係另一個問題。

反而閱讀英文就真係睇到小朋友英文水平。

jbbmom

回覆 piglover 的帖子

Agree!

Azzurro

PSKLAI 發表於 22-2-1 09:28
敢問係咪名校的網課情況?

是一個多人報名的直私小學呢

Azzurro

PSKLAI 發表於 22-2-1 09:42
呢個就係我覺得過火的地方, 是資源, 不是聰明與否一般家庭, 攪掂中英数體藝, 小朋友同埋家長都已經散咗
學 ...

我覺得小學指導家長如何校外輔導小朋友是很正確的
因為一般家長缺乏相關概念
但是不應該是硬性要求

Azzurro

piglover 發表於 22-2-1 22:43
TSL又未去到名校level。

兩件事嚟，你講嘅呢三間小學，呢幾年面試好少部分係考英文。英文考得並唔深。

從 DSE 來說，中學名校可能近年成績比地區一線中學追近我估計係因為名校同學過於強調英語導致中文出問題了
同一時間一線中學的同學英文進步比較多，連帶其他英語考的科目一起進步

此消彼長
所有人時間都係咁多，要同時中英文好的話需要計劃一下

陳守仁這類學校呈分試考得好或者低年級插班好的同學，我估計都係因為中文好
因為英文好係基本要求而已，並不是特別優勢（相對其他英語流利小朋友）

PSKLAI

真心講, 見到你哋大家嘅回覆真係覺得你哋好勁
淨係知道個遊戲規則, 各間學校嘅強項弱項, 唔通外補嘅好處唔好處,
仲有唔同學校小朋友真實嘅程度同埋表現,呢一切令我明白到,點解我一班朋友喺教育呢方面有壓力, 似乎要為小朋友喺學業呢方面鋪路,家長嘅實力努力係好重要, 如果家長知道因為自己唔夠實力令到小朋友越嚟越跟唔上大隊, 家長會有自責壓力

Jane1983

回覆 PSKLAI 的帖子

你咁諗，有啱亦有錯，家長財力有影響但並非決定性。讀書天資佔好大部份，父母「窮」，唔等於蠢。小朋友聰明，讀書真係易好多。父母如果教到仔女生性，提供到寧靜的讀書環境和氣氛（屋企唔係電視張開話之你），仔女一樣成到材。加上而家internet咁發達，網上大把資源，有心的話乜嘢都學到。
讀書始終最緊要係心到。補習唔係必須，心唔到坐係度發夢，搵邊個補都係假。

PSKLAI

Jane1983 發表於 22-2-2 10:43
回覆 PSKLAI 的帖子

你咁諗，有啱亦有錯，家長財力有影響但並非決定性。讀書天資佔好大部份，父母「窮」， ...

啱啱先諗緊好唔好pm你放棄之際就見到你呢度回覆
敢問你對本地一線或力追一線既津校有冇可以分享下
因為我見你小朋友應該係is, 但好熟ls, 唔係嗰種完全唔理本地既is家長, 感覺你應該對LS生態同IS係有見解, 我好想聽多啲,如果你唔介意
,都好想知你選擇而家間IS既想法,相信係有啟發性的

Jane1983

回覆 PSKLAI 的帖子

本地和IS學制和理念好唔同，但人行走在其中，自然有自己的演繹方法。你說的十八般武藝，IS一樣有家長做緊，外國人亦唔係放養。只係家長和小朋友自己追求，唔係學校話要一體一藝，逼你去跟。今年奧運高山滑雪的選手金和曉就是剛從IS畢業。
要做武林高手，你一定要博覽群經，苦練神功。中間有血汗，亦有樂趣。本地係先下苦工，讀得好有positive feedback，往後上咗軌道，開始有樂趣。IS係啟蒙，先感受學習的樂趣，以興趣為導師，一路前行。小朋友搵到passion，就心甘情願投入大量時間努力。殊途而同歸。

wongtw

PSKLAI 發表於 22-2-1 21:42
卷幼係咪真係及唔上? 咁外補一星期一兩堂係咪真係冇乜用?

一星期外補二堂可能會差少少，堂數多不如讀私幼好過因為不用煩。卷幼唔追求學術但求識聽識英文係有可能，當年私幼學費約四至六千元，我小朋友讀卷幼，校內補係中文係70元，外籍老師補英文係90或110元一小時，原校補係免去接送時間，學費平，不追求學術，出去外補一堂約二百元，有返學係一星期五堂，三堂英文一堂普通話+一堂外籍老師的的PE堂，不足二千元一個月，還有多餘錢去學喜歡的興趣班，平時睇英文卡通，多的去遊樂場玩下+順便實戰英普語言，到K2-3英文聽講基本係無問題，上津小遇到中文不流利的南亞生，慶幸能夠保持到語境，二年級接近完結時便中文出現問題，於是開始全力補救中文，之後英文基本上無理過，中和英文在小學保持住一星期補一堂，等老師執番正啲嘢。

piglover

PSKLAI 發表於 22-2-2 11:04
啱啱先諗緊好唔好pm你放棄之際就見到你呢度回覆
敢問你對本地一線或力追一線既津校有冇可以分享下
因為我見 ...

個人感覺，力追一線的小學，一定係谷過一線津。

基本上，除非係龍校，否則，無龍嘅直資，私小，津小，家長都會出力谷，就係因為想入好中學。