///////

KWLW

回覆 xubin2008 的帖子

其實我都在浮游中, 報太多, 怕自己小朋友辛苦, 報太少, 怕無得揀....

以考幼稚園過程, 自己小朋友唔算要warm up的, 表現都係差不多

(當然過左幾年可能唔同左)

xubin2008

回覆 KWLW 的帖子

聽我一句勸，唔駛超多20幾間太誇張，但十幾間比較穩妥D，我自己嘅經驗6～7間太少啦

pwhr

回覆 littlecat123 的帖子

平常心說, 我冇特別留意虎媽群(本身是爸爸, 入唔到群)及進取群組的信息, 實際上佢地說要做, 已做, 計劃做的事, 考的試, 比的賽, 上的課, 我相信我已做齊, 甚至做多一倍, 阿仔都一一完成, 但我唔太認為咁係叻或者優秀, 只不過在香港的學習環境下, 為安排而安排而已, 所以媽媽們見到其他媽媽說仔女考到咩15盾, 卓越一級, distinction等, 真係唔需要羨慕, 自己的孩子係獨特的

我同太太係雙職家長, 有3名孩子, K2呢位係大仔, 雖然考小一重要, 但我地又唔可以忽略其他兩個, 所以一切做得的只能盡做了

fwstides

pwhr 發表於 21-4-26 12:45
回覆 littlecat123 的帖子

平常心說, 我冇特別留意虎媽群(本身是爸爸, 入唔到群)及進取群組的信息, 實際上 ...

給讚
無惡意，但通常爸爸可抽離d, 客觀d睇成件事。相信對孩子的影響是正面的

pwhr

回覆 fwstides 的帖子

Sure, i am always positive and confident on my kids.

twinkle00

回覆 littlecat123 的帖子

多謝樓主無私的分享!!!
你真係一個好用心的媽媽!

祝你的小朋友考到心儀的offer!

twinkle00

pwhr 發表於 21-4-26 12:45
回覆 littlecat123 的帖子

平常心說, 我冇特別留意虎媽群(本身是爸爸, 入唔到群)及進取群組的信息, 實際上 ...

好認同爸爸所講.  每個小朋友都係獨特的...

真係天外有天, 人外有人.. 真係唔需要比較太多.

平衡家庭的需要, 盡力就OK 啦.

KWLW

回覆 xubin2008 的帖子

多謝你的提點

KWLW

回覆 pwhr 的帖子

呢位爸爸真好, 有三個小朋友真不容易, 加油!

Tang23

Jean1769 發表於 21-4-24 00:57
剛玩完這個遊戲
只能夠講
無準備都好大機會失敗

我都係今年玩完這個遊戲，認同一定要準備，仲要唔係k2先開始！
以我自己的經驗（有神校同幾間大熱offer), 我們完全沒有任何課外活動，所以我覺得這一部分佔分應該唔算好多（不過今年拍片，如果有活動便應該有優勢）

個人認為最重要還是回歸基本，培養閱讀（由出世開始），從中自然加強到語文能力和故事/溝通等，另一方面是親子活動，又係自然幫助係好多2nd/ final in 同學校對答方面的內容。

之後就要靠小朋友性格，如果咁啱比較主動活潑便優勢大d，這方面面試班要train 都唔係一定train 到

tummypooh

回覆 chujojo 的帖子

你說出重點，哈哈，入唔到神就好似成個人冇左神一樣。
小一入唔到，仲要小二至小六俾你入。
小學入唔到，升中又可以玩過。

俾你小一入到，當中有幾多人頂唔主要走？

我真係隨意。可能男人的思維真係唔係咁一樣，難聽啲講冇咁上心。

過來人分享下。


谷唔谷？點谷？面試班有冇用？呢啲就我就唔討論了。因為每個家長把尺都唔同，不過我就覺得為左拎要啲咩證書就要專登去花時間報班考試，可能大家覺得要寫係個PROFILE好睇，但除非間學校要睇PROFILE選人見啦，否則真係作用不大，除非你個張證書或獎狀係好有代表性，遠超同齡人應有水平。相反，我好認同上面有家長咁講，日常生活中的知識其實係好重要，好多時老師閒談間問左，小朋友都未必知。

至於同小朋友睇書，當然重要，因為可以學到字同唔同知識。但你認付學校面試，可能又會有好多其他問題？例如你睇咩書？本書講咩架？你最鍾意本書邊個人物呀？點解呀？

準備做左，還要看運氣。心儀學校齊齊撞期；小朋友個日扭計；面試個老師同小朋友互相合唔合眼緣；同組小朋友互動的影響，好多好多大家控制唔到的因素~~~所以都係平常心吧。

xubin2008

回覆 tummypooh 的帖子

重點比你講曬，天時地利人和，唔單止睇學術

CXW

我都係今年考完小一之過來人，我會送你一句「計劃不上變化」。只要做左自己認為對小朋友好嘅安排，最後結果如何都無悔。從小要和小朋友一起伴讀，這一還對考小是非常重要，什麼certificate 及獎項（國際性認可比賽除外）根本就不重要，正如大家成日都講大把叻嘅小朋友，天外有天，人外有人，千萬不要比小朋友壓力，（其實平時家長們談論一d 學校，小朋友其實有聽到入耳的，當佢知道去呢d 學校就會不其然就會好緊張，有可能影響面試表現），小朋友表現你永遠控制不到，多鼓勵同讚賞他們。係考小過程中，家長們承受著很大壓力，尤其剛呢一年大部分改為拍片過第一關，家長嘅壓力不比小朋友小，口講可以放鬆冇事，考不到小學仍有其他backup , 但身體卻很誠實（我身邊有家長要食情緒藥物，大量脫髮，皮膚敏感etc....) 父母之間亦要互相支持，有需要要跟另一半舒發情緒。有個小小發現，父母關係良好，會互相分擔及教育小朋友的，多數都會考到心儀offer , 所以家庭教育從小就會影響小朋友成長及待人處事。幸運地我地考到最心儀offer , 希望呢個小小分享幫到大家。

譚何蓉頣

回覆 littlecat123 的帖子

真的十分謝謝你教我如何引導女兒閲讀，令方向更清晰希望她的閲讀進度能更上一層樓啦

Dybala

KWLW 發表於 21-4-26 12:14
回覆 xubin2008 的帖子

其實我都在浮游中, 報太多, 怕自己小朋友辛苦, 報太少, 怕無得揀....

唔會辛苦.........你預有啲撞期, 有啲交咗報名表之後in都冇得in(今年好似真道係咁), 有啲first round係拍片(如果咁啱topic同時間要求都一樣而且自問之前拍出黎效果ok仲可以一雞幾味), 所以十幾間真係差唔多

littlecat123

回覆 CXW 的帖子

所以家庭教育係小一面試係最重要~身教 環境 好影響小朋友成長, 搵一間合適小朋友geh 學校真唔容易ar!

littlecat123

回覆 譚何蓉頣 的帖子

好開心可以幫到你! 希望你小朋友都會愛上閱讀!

littlecat123

回覆 Dybala 的帖子

我身邊都有朋友報左真道交曬portfolio 但無得in, 話唔知係咪關portfolio寫得唔好事, 好自責不過我見上年都有好幾間 1st round 以portfolio 揀人in
搞到我都開始準備portfolio 內容 ...一路整好似成長片段 咁回憶返小朋友成長左好多好感動

CXW

littlecat123 發表於 21-4-26 19:34
回覆 Dybala 的帖子

我身邊都有朋友報左真道交曬portfolio 但無得in, 話唔知係咪關portfolio寫得唔好事,  ...

我覺得 profolio 並不是咁重要，我報真道 profolio 唔過關，我哋都冇得in , 其他學校如果可選擇交同唔交，我全部都冇交，但都入到2nd in / final , 考小真係某程度靠運氣。不要給自己太大壓力。

xubin2008

回覆 littlecat123 的帖子

呢位朋友交咗小朋友履歷冇人得in，”不要自責”，因為呢個係緣份問題，放鬆D