為何陳守仁過往升中如此理想？

Mirror123

bbroy 發表於 22-3-22 13:57
本帖最後由 bbroy 於 22-3-22 13:57 編輯

我個小朋友都係今年畢業。我都是自己小朋友有頭讀到尾才敢寫 ...

Hello, 同屆家長，講多兩講大家知道我係邊個。呢兩年咁艱難嘅日子真係有深感受。
中文默書上學期9-12月得兩次咋，可能係兩個月一次添

外面啲比賽，我知啊，有一年小朋友攞咗一個含金量好高嘅比賽獎項，人哋學校係上台頒獎，我小朋友係上堂老師就咁俾佢，好大個獎杯獎牌

bbroy

Mirror123 發表於 22-3-22 14:07
本帖最後由 Mirror123 於 22-3-22 14:17 編輯

Hello, 同屆家長，講多兩講大家知道我係邊個。呢 ...

我地有個含金量唔高o既獎盃。。。。個機構send左letter and 獎盃通知學校，學校收到叫阿女落去校務處攞。。。。。 我無叫機構send比學校

   等我估下你係邊個先   

yeeling0101

感謝用家分享，TSL確係好學校👍🏻睇完你地講我都有動搖，我手頭係港同vs TSL，各有優劣，同埋有個細嘅，雖然2間都唔包收細，但問題係我細個位考小一時，如果大個位揀TSL就係小五要努力考呈分試，我怕未必兼顧到2邊，所以想問下2位剛剛升中用家，TSL係升中方面有乜支援，同埋有無啲拔尖補底班？🙏

hkhk8888

yeeling0101 發表於 22-3-22 15:08
感謝用家分享，TSL確係好學校👍🏻睇完你地講我都有動搖，我手頭係港同vs TSL，各有優劣，同 ...

咁梗係揀港同啦, 仲有咩懸念, 除非你本身有咩原因唔鍾意港大同學會書院
港同已經係band 1A, 你揀TSL 升中搞一輪擔心一大餐, 咪又係升番同級既中學, 諗唔到有咩原因唔要港同個半龍保障

maggie196

hkhk8888 發表於 22-3-22 15:52
咁梗係揀港同啦, 仲有咩懸念, 除非你本身有咩原因唔鍾意港大同學會書院
港同已經係band 1A, 你揀TSL 升中搞 ...

有B1A 直升無理由返轉頭讀TSL 係公海游，TSL 都係50% 升B1A，無理由放棄100% 升B1A 一條龍學校，特登兜一大個圈去行更辛苦嘅路？仲要玩呈分試升中。

Mirror123

yeeling0101 發表於 22-3-22 15:08
感謝用家分享，TSL確係好學校👍🏻睇完你地講我都有動搖，我手頭係港同vs TSL，各有優劣，同 ...

恭喜你有幸福嘅煩惱，小朋友一定很優秀

睇吓我少少意見啱唔啱用

雖然我地小學同中學都冇考過港同，但好多家長講港同真係一間好好嘅學校，好多陳守仁嘅學生都鍾意，港同都鍾意收陳守仁嘅學生。根據上年數字最後7人入讀，收生應該多過呢個數字。如果唔想同小朋友拼搏升中呢個遊戲，地點又唔係問題
（地點真係有啲遠）我會考慮港同。龍校仲要band 1, 真係吸引

但其實陳守仁揀港同嘅學生一定唔係最
頭嗰浸，可能係中上至中間位置，即係話如果你有信心的話，其實中學可以更上一層樓，或者第時升中學揀返港同都未嘗不可。不過如果你冇信心嘅都係龍校穩陣。我本人當年不是港同，只是其他1B龍校，我係揀TSL 呢個選擇。我都有個細的，但係兩個小朋友發展我係分開兩件事睇，亦都唔係話一定同一間學校，而且去到高小都係自己讀書，好與壞到好難插手了。

Mirror123

唔記得答家長關於升中支援方面，真係好遺憾，呢幾年都係疫情，唔好話支援，連返學嘅日子也少，我相信支援同以前相比，我哋呢一屆肯定係少。學校有搞關於升中講座，其實主要都係一啲大事情提醒家長，班主任都會根據小朋友成績分析下過往師兄師姐去過咩學校再同家長商討一下，聽講以前冇啲中學會來開升中講座，但都係疫情之前嘅事。學校也會有面試訓練，個人和小組都有，小朋友自由參與。另外會有舊生回校分享當年升中歷程同埋而家入讀的中學資訊，疫情關係變咗拍片比家長睇。

補底方面，中文同數學有split class, 小班教學, 係咪補底我都唔肯定。學術上的拔尖就應該冇啦，有啲小朋友老師會推薦佢參加一啲課程，都可以話係拔尖，其實我又覺得冇咩特別

yeeling0101

感謝大家嘅意見🙏🙏我對TSL了解更清楚了🙏🙏我小朋友不特別優秀，緣份而已，希望大家無論升小定升中都有緣入到心儀學校🙏🙏

jbbmom

回覆 yeeling0101 的帖子

vote for 港同!

bbroy

yeeling0101 發表於 22-3-22 15:08
感謝用家分享，TSL確係好學校👍🏻睇完你地講我都有動搖，我手頭係港同vs TSL，各有優劣，同 ...

有選擇係開心事，恭喜你啊！
我無意見啊！因為當年我小朋友考小一時，手上拿著一間中西區女龍校，我當時對TSL一無所知，不是情有獨鍾。但去完Open day+資料蒐集+阿女表態，我們才下定決心來TSL的。
你有勇氣走出comfort zone嗎？我係抱住出去見識見識和睇下TSL可以帶到我個小朋友去邊個位置的心態而來的。    眨眼6年啦！總結係：驚險刺激、物超所值、風光無限！

yeeling0101

回覆 bbroy 的帖子

感謝你嘅分享:)我暫時都未有勇氣，所以想睇下用家，特別係經歷完升中嘅TSL家長嘅分享,睇下事實上係TSL升中會經歷啲乜,再諗下自己有無能力同小朋友一齊做到。畢竟係小朋友有緣考到，我想考慮清楚，揾一條適合佢嘅路，再盡快放位俾其他小朋友：）

各位用家意見好有用，再次感謝大家

bbroy

yeeling0101 發表於 22-3-22 23:09
回覆 bbroy 的帖子

感謝你嘅分享:)我暫時都未有勇氣，所以想睇下用家，特別係經歷完升中嘅TSL家長嘅分享, ...

只有父母最了解自己和小孩的需要。無論哪間小學，都支持你啊！做好自身hardware，去到邊都無有怕啊！

www

jennylady 發表於 21-3-16 23:13
回覆 boboapril 的帖子

tsl 升中好一般得間顏寶靈

同意，大部分升中都去咗顏寶鈴，其實算唔算「好好」，真係見仁見智....

Charlotte_mom

咁frankly，港中雖然理想，但比佢好（勁）嘅中學亦有不少
咁講，港小最top嘅，好多揀港中（向心力強亦唔想煩），亦有少部分外闖，從N年前我女入讀港小，到而家我細仔都快中學畢業，聽返嚟每年外闖數宇都係維持十幾廿個（或更少），撇開呢兩年移民潮，主打會係其他b1a直資，或極少量決定讀中中或其他區嘅學校。派位都有，少，不過有，多數係想更上一層樓（但放晒所有龍中非龍中直資玩派位係需要好大決心）。我會話去其他1A校，每間少少囉，同三私一直無得比較（數字上），但在港小生top，出去拼亦有點競爭力
我會話，在港小港中，你要成功（成功上到又讀到b1中，成功入唔錯嘅大學），一般努力都可以；你要超成功（升中入聖喇拔，大學讀醫去牛劍），港同都俾到你，但當然個人毅力不能少；同樣地，港同唔迫學生，你想不勞而獲咩？恭喜你，起碼有間港中等住你入，但之後嘅路行成點，就要諗諗了

yeeling0101

Deleted

yeeling0101

回覆 Charlotte_mom 的帖子

明白🙏我同家人傾完，都係決定係港小安安穩穩算🙏兩間都係好學校，只係港小比較適合我地家庭packageXD實在無可能同時兼顧好升小同呈分，亦希望係小學階段可以放手培養小朋友自律自學

Charlotte_mom

yeeling0101 發表於 22-5-9 22:10
回覆 Charlotte_mom 的帖子

明白🙏我同家人傾完，都係決定係港小安安穩穩算🙏兩間都係好學 ...

自律自學係港中港小一直培養（或是話希望培養到）
經常有人問，點解港同唔高壓但教到學生，大概就係因為由細到大嘅教化。學生再懶再pair都知邊個肯俾心機對佢好，港同係引導學生去為自己打算，明是非，俾學生好大自由度去思考，自然就知咩時候應該做d咩

DengCK

yeeling0101 發表於 22-5-9 22:10
回覆 Charlotte_mom 的帖子

明白🙏我同家人傾完，都係決定係港小安安穩穩算🙏兩間都係好學 ...

無追post, 但如你的vs係港小 vs TSL， 我估唔駛諗嘛？唔通真係要三大神校先over 陳守仁咩…. 講真，呢間學校有點被過分追捧。六年搏哂命喎，你估入唔到神校果d無搏命咩？唔會咯

yeeling0101

Charlotte_mom 發表於 22-5-9 22:51
自律自學係港中港小一直培養（或是話希望培養到）
經常有人問，點解港同唔高壓但教到學生，大概就 ...

感謝回覆，呢樣我好重視🙏因為到最考公開試，自律嘅學生先會有好結果🙏同埋我想請教下，港同會花時間教學生去思考，有自己嘅主見，諗將來？
我回想自己個時係讀女龍，幼小中的，學校只專注學術同要求乖乖女。16年後，我夠分入u，但無論我對住jupas個system真係見到科科都無大興趣，唔知自己想點，好多事都係，是旦啦，無乜所謂，後尾只揀一科比較有信心同工作有保證嘅。叫做平平穩穩，但始終人生好似少個方向。
明白，呢啲家長都要同小朋友傾，教小朋友，唔能只靠學校，但都想了解下港同係呢方面嘅做法🙏

yeeling0101

回覆 DengCK 的帖子

感謝回覆🙏明白你嘅意思，但始終係小朋友有緣份，所以想了解清楚邊一間比較適合小朋友同我地家庭，畢竟每個人package唔同，都想了解清楚，無xx for sure ，只有根據package去揀，確實係港同比較適合我地Package