小女份人無目標, 好擔心佢

YmOra

jli008 發表於 20-11-27 11:46
其實孩子大部份都是聰穎,衹係父母心中的要求無形中影響咗孩子發展潛力,外來因素就是影響父母做法之一(比較/ ...

雖則有時看見一些令人"肉緊"的事情，但大家不景也是响度學習點做"父母"，大家都係摸索中學習和成長，無話自己嗰套必定最出色，總之，能夠讓各自的家庭有建立、有和諧、有快樂就是了，孩子的成長就交由自己的父母自決，一家的事一家當就夠了。

YmOra

IloveJJ 發表於 20-11-27 12:27
其實育兒方法好多，都無人敢講邊個一定好，只是睇家長自己取向。

網上討論尚可以暢所欲言，現實尤其是朋 ...

我通常會身體力行，分享與家人的相處，响ＩＧ响ＦＢ分享，咁！朋友親戚有著共同理念嘅就會自動送上門，瞭我們一起去玩，出得嚟玩嘅多數不會避談"育兒"心得。

ilovepochu

而家VTC都要5科合格先有你份, 死未

ilovepochu

YmOra 發表於 20-11-27 11:02
樓主都無乜入嚟傾了，似緊非緊，希望佢唔好心灰放棄，努力加油啦！

我有睇你地留言架, 不過呢2日個女統測, 同佢溫書溫到無日無夜.....我個情況就似ILOVEJJ咁講, 我溫仲多過佢溫, 我對住佢本書多過佢對住自己本書, 我知自己好唔啱, 亦好想好想作出改變, 但佢個態度依然係你越急我就越唔急, 唔合格都好爭幾分O者, 無咩大不了, 昨天仲衰, 老師打來話ZOOM唔見佢, 問我咩事!我返屋企問佢咩事, 佢就話有上堂呀, 但又講極講唔出教過D咩!我認我自己唔識教女, 我本身都係單親家庭長大, 我都係由一個唔多講野的父親湊大我, 所以我分人都唔多識同人溝通, 所以而家論到我個女都唔太識同人溝通, 我呢個家族根本就係一個悲劇

ilovepochu

我女還是小學時代, 在我的幫助下, 科科都合格, 我同佢講, 如果你有80分, 其中有60分係屬於你阿媽我既, 因為完全係我話比你知, 邊D係重點, 你去背啦, 佢果D NOTES全部都係我一手一腳造出黎, 根本就係我消化完本書, 再嘔返D精華比佢讀..........但而家中學, 科科變哂英文, 我真係力有不第(因我以前係中文中學), 唯有靠補習, 但係都只能補主科, 其他果D科, 炒得既佢都炒哂

YmOra

ilovepochu 發表於 20-11-27 15:36
我有睇你地留言架, 不過呢2日個女統測, 同佢溫書溫到無日無夜.....我個情況就似ILOVEJJ咁講, 我溫仲多過佢 ...

不要灰心，你囡囡仲細，才剛剛上中學，給點時間佢適應和進步吧！昨天，我校有家長講座，咁啱講孩子成長期的情緒變化和暴風期的他們應如何相處，基本上係要大人多ＤＤ從孩子的角度看事物，成長期的他們腦袋有些部份仍在"成熟"中，有時大人不要太於執著"道理"，一切要以"關係"行先，有好的關係，小孩子便會肯聽大人的說話，不過，知道這課題唔易做到，但是，也鼓勵樓主你多多努力，慢慢地逐步逐步邁向成功，努力加油呀！

另外，個人建議，小學的學習模式係需時候要掉到腦後了，中學係需要從新尋找一套啱自己的學習方法，個人認為你的參與度太高了，一定要放手由她自己學自己讀自己做功課，開頭一定困難重重，如果經濟許可，請補習老師，把對你的依賴轉移至補習老師身上，但不要一嚟就補她最弱的科目，補她中至弱的科目以增加她的成功感避開極弱學科以免嚇怕佢唔再補習，因為由過往需要你幫助讀書才有好成績到要由自己主道嘅學習模式係需要ＤＤ時間適應的，再"主動"與學校班主任傾傾，因為你要借助學校老師的力量和經驗幫手支持和睇住你女兒好好適應學習模式的改變，亦因為你囡囡整日中對住最多交談最多嘅會是"學校老師"不是你，加上小孩子聽老師話可能比聽家長話嚟得容易ＤＤ呢！努力呀！

洋蔥頭媽咪

ilovepochu 發表於 20-11-27 15:43
我女還是小學時代, 在我的幫助下, 科科都合格, 我同佢講, 如果你有80分, 其中有60分係屬於你阿媽我既, 因為 ...

恕我直言，你從小教導女女其實已經用錯方法，而家係佢讀書唔係你讀書，努力讀書求知識係為佢自己將來而並非為你，佢拎80分有60分唔係屬於佢嘅話，咁佢學習仲有乜意義？方向錯晒，佢對自己冇要求，到你女女要靠自己時只會無心向學。
你女女慣性倚賴，升中後冇你幫成績當然唔得啦，唔合格亦懒理，明顯係學習態度問題。你上一段提到女女冇 zoom 上堂 ，亦唔解釋，我感覺到女女開始講緊大話，中一最容易學壞，如果家中冇人管促，情況不妙。建議你坐低同女兒頃下，定目標最少要科科合格，收緊小朋友自由度/手機/上網/出街/零用錢等等，否則一但識咗壞朋友就更麻煩。

Jane1983

統測完，同你女坐低好好傾吓。讀書成績緊要，你地的感情更加重要。你係單親，兩母女感情應該好鐵至係。佢諗乜嘢？佢想點？好好了解吓。夜晚可以試吓一齊訓，傾吓心事。

中一仲細，有得回頭，可以教番好，比心機。

October.

洋蔥頭媽咪 發表於 20-11-28 09:40
恕我直言，你從小教導女女其實已經用錯方法，而家係佢讀書唔係你讀書，努力讀書求知識係為佢自己將來而並 ...

同意 ，咁多年我都警惕自己“佢拎80分有60分唔係屬於佢嘅話”這種說話唔好對細佬講，我成日會表揚個仔“你好勤力” “好專心，好努力” ，間中先會贊佢“ 幾叻仔”，小學6年幫佢 地溫書我係佢地面前從冇領過功勞，我想佢知道“勤力、專注”先係成功最重要既因素，點叻仔叻女，唔努力都做唔到狀元。

洋蔥頭媽咪

October. 發表於 20-11-28 10:00
同意 ，咁多年我都警惕自己“佢拎80分有60分唔係屬於佢嘅話”這種說話唔好對細佬講，我成日會表揚個仔“你 ...

明白人人能力唔同，須然唔係人人都係讀書才料，但良好學習態度必須從小培養，做人要有上進嘅心。我經常都講，人生係孩子自己嘅，力有不逮家長仲可以幫，倚賴/懒散冇上進心如果唔改就神仙都難救。

cafeva

單親現時社命好普遍。之前識一班家長有3成單親。雖有某些不足亦無需應付好多麻煩野。
我估最緊要搞好關係。妳係佢係世上唯一依靠，所以無論點你要比佢知你愛佢、唔會離棄佢。
關係好左先再搞其他例如學習態度進補等等加油呀

October.

洋蔥頭媽咪 發表於 20-11-28 10:11
明白人人能力唔同，須然唔係人人都係讀書才料，但良好學習態度必須從小培養，做人要有上進嘅心。我經常都 ...

係呀，學習態度重要過一切。想講父母任何時刻都唔好放棄仔女，呢一刻佢地懒散冇上進心缺責任感，但可能突然“叮”一聲開左竅。

gigayan

October. 發表於 20-11-28 14:12
係呀，學習態度重要過一切。想講父母任何時刻都唔好放棄仔女，呢一刻佢地懒散冇上進心缺責任感，但可能突然 ...

同意。有時每個人際遇都不同，可能不久嘅將來，仔女遇到一些事情令佢發憤圖強，所以「一直陪伴子女成長」，無論佢宜家識諗/唔識諗都好，都係父母必須要學習的。

gigayan

ilovepochu 發表於 20-11-27 15:43
我女還是小學時代, 在我的幫助下, 科科都合格, 我同佢講, 如果你有80分, 其中有60分係屬於你阿媽我既, 因為 ...

或者剛上中學，由本身有媽媽貼身照顧，到突然要自己顧自己，阿女有點唔慣，我覺得咁嘅情況，其實你要表達俾佢知「你一直都在」，佢跟唔到可以搵你幫手，佢唔上堂，你亦都知。唔好俾個錯覺佢，佢上咗中學就不再在你掌控中。

至於成績，試下搵個可以補幾科嘅私補，執返好個底子，又可以唔使浪費時間睇片打機。

dingyan

ilovepochu 發表於 20-11-27 15:43
我女還是小學時代, 在我的幫助下, 科科都合格, 我同佢講, 如果你有80分, 其中有60分係屬於你阿媽我既, 因為 ...

感覺到妳對女女嘅關心同幫助，你係一個用心嘅好媽媽，唔好太難過，試下放鬆啲先。小學升到中學一定好多變化，唔好講課程同年紀呢啲無數孩子面對過嘅嘢，淨係呢一兩年嘅社會事件同疫症以及相關間歇停課或半天網課，已經讓孩子多咗好多無所適從同額外壓力，屋企或者都有其他壓力。係變化同壓力底下，一下子未必適應得好好都可以理解。咁不如試下放低啲負面情緒，諗下有啲咩可以幫返佢。記得之前見過有人分享，升任感同自我掌控感對學習幾重要。小學時你係成績上幫到佢好多，但可能未有留意佢做得好嘅點點滴滴，攞啲細節來鼓勵佢，幫佢建立對自己同對學習嘅信心。另外一邊，同佢傾下，引導佢自己安排自己當日嘅工作清單，佢點做由得佢，最後一齊檢討下，睇吓有冇嘢下次可以再好啲。呢啲其實而家都可以做啊。講到尾其實學習同工作都係佢哋自己嘅事，家長幾有心都只可以係協助嗰個。。當然關心則亂，做家長見到不如意少不免會勞氣，不過都可以勸下自己，當自己係個友善嘅導遊，助理。。