K3學習進度

kisani

EudyptulaMinor 發表於 20-9-18 08:43
我都會keep住伴讀，對於佢嚟講伴讀係樂趣，我自己都覺得當一個人能夠真心喜歡閱讀佢嘅大腦會大開吸收好多 ...

長遠D睇唔好淨係為面試, 或者你可以去書局揭下小一的中文閱讀理解練習, 或者打聽下同區心儀小學ge中英文書單, 睇完大概心裏有個譜K3畢業中英大概要到咩程度先能順利涵接到~如果讀一線津小多數家長都反映係中文追得辛苦過英文好多, 如果touchwood撞中普教中適應問題就更大了...

EudyptulaMinor

回覆 kisani 的帖子

都係一個好主意!!

Snowcream

閱讀重要，但要分開小朋友能力讀到嘅書同一般故事書。
由小我讀比小朋友聽，到k1開始每日一中一英，一星期先轉一次書，頭幾日我讀，之後到小朋友試讀，一星期會認讀到全本嘅字。而英文k2後書較多字，要學phonics先讀到，但唔使另外再學sight words。
除咗每日一中一英，亦有講其他故事書比小朋友聽。


每星期一中一英對認字好，另外再加其他故事書吸引閱讀嘅興趣，哩個方法對我小朋友work, 好過一日讀好多本。

EudyptulaMinor

Snowcream 發表於 20-9-21 02:09
閱讀重要，但要分開小朋友能力讀到嘅書同一般故事書。
由小我讀比小朋友聽，到k1開始每日一中一英，一星期 ...

請問係唔係指同一本書讀一個星期? 小朋友讀到嘅書係唔係基礎漢字500呢一類書?

airwalk

EudyptulaMinor 發表於 20-9-16 01:39
請問有經驗嘅家長
K3應該要識d咩，因為疫情關係停課咁耐，小朋友home schooling咗大半年，我想知有冇落後咗 ...

K3 要識D咩?如果唔考直私,  而去抽獎, 根本可以好HAPPY, 因為講運.
你亦唔洗擔心仔女會落後, 因為K3 , P1 個D野, 最後小朋友大過都會識. 你有無見過香港有人加減數唔識?

如果你考直私, 你要識P1 既野, 買本P1書來見就知.

EudyptulaMinor

airwalk 發表於 20-9-21 17:09
K3 要識D咩?如果唔考直私,  而去抽獎, 根本可以好HAPPY, 因為講運.
你亦唔洗擔心仔女會落後, 因為K3 , P1  ...

我想攞住私小offer去抽獎，抽獎講運，我好唔想派咗去寶校。如果私小攞唔到offer都想做定叩門準備，我見有d家長分享叩門面試好似都要識好多嘢，我都將target放去二線小學。
我見呢度都好多爸媽會努力提供更好嘅比小朋友，所以我都想阿女可以開心咁學習，我明白到佢有d方面比較弱，希望趁佢未係落後到打擊自信心之前幫佢改善。

airwalk

EudyptulaMinor 發表於 20-9-21 19:14
我想攞住私小offer去抽獎，抽獎講運，我好唔想派咗去寶校。如果私小攞唔到offer都想做定叩門準備，我見有d ...

如果你target 二線,咁你乙一, 咪選填二線學校..中既機會就好大.

EudyptulaMinor

airwalk 發表於 20-9-22 10:36
如果你target 二線,咁你乙一, 咪選填二線學校..中既機會就好大.

我自行、甲一乙一都會揀同一間二線，最後都係決定走保守路線，另外私校睇下考唔考到，考到邊間再決定會讀私校定津校（都要睇抽唔抽中，不過二線抽中機會應該有7成）。本來我係想攞住私校offer抽一線，不過感覺未必咁易攞到私校offer。

Dybala

睇完呢個post開始驚, 以為ORT level 4/5已經係4-5歲人仔嘅極限, 原來已經落後大市, 就算拎到直私offer都驚自己小朋友開始讀小一時遠遠落後其他同學

Sadonnahon

唉..好像怎麼也是不夠..

EudyptulaMinor

Dybala 發表於 20-9-22 19:03
睇完呢個post開始驚, 以為ORT level 4/5已經係4-5歲人仔嘅極限, 原來已經落後大市, 就算拎到直私offer都驚 ...

我諗最重要係小朋友學得開唔開心，家長要喺開心同追進度之間攞個平衡，我唔會要求小朋友同最叻嘅比較，同自己比較有進步就夠，盡量keep住小朋友對學習嘅熱誠。

Dybala

EudyptulaMinor 發表於 20-9-23 00:48
我諗最重要係小朋友學得開唔開心，家長要喺開心同追進度之間攞個平衡，我唔會要求小朋友同最叻嘅比較，同 ...

我都有自知之明從來唔追求神校, 但見呢度好多人講嘅學習進度都比自己小朋友超前唔少, 所以擔心佢就算唔讀直私, 上到普通小學都同其他同學有段距離
利申: 佢讀緊間係happy school, 程度偏淺, 唯一係語境唔差, 可能靠把口呃到幾個offer返黎, 但而家真係驚入到去都跟唔上

Azzurro

kisani 和 timzoeydon 都好棒啊！

我覺得小朋友進度可以用百分位概念去理解
（沒有對比之意，請勿見怪）
例如 timzoeydon 描述的水平可能在百分位99，即是超越了百分之九十九的小朋友，只有百分之一的小朋友在其之上
如果香港六歲同齡人有50000人，只有500人在其之上
例如 kisani 描述的水平可能在百分位95，只有2500在其之上

幼稚園畢業生的水平可以好高
百分位100的小朋友可能在做一些大家完全想不到的事情
同時，小朋友之間的對比是相對及流動的
可能小學畢業的時候排位完全不一樣

但是如果 oxford tree 在幼稚園畢業只有level 5的話可能百分位比較低了。。。

Azzurro

小朋友水平真的看父母的期待和家裡操作

學校和課外班影響力少很多
因為和父母一起/留在家中的時間比在學校和補習班的時間長的多

kisani

Azzurro 發表於 20-9-23 11:08
kisani 和 timzoeydon 都好棒啊！

我覺得小朋友進度可以用百分位概念去理解

如果我地自我評價係大概80-85%，一定未到95% ^^” 果時都有入過下直私備戰面試嘅交流群組，發現有班小朋友喺有語境嘅私幼下浸左3年係可以好唔同，亦有家長潛心培養小朋友喺數理STEAM,或者樂器畫畫運動等。我地一心想讀最近屋企果間一線津小，大概都有50-60% B1但區內中只算係第3/第4受歡迎。叩門機會大概係每年700-800人叩，揀80人in, 再出8-12個offer (因為預有人withdraw). 如要準備叩門階段係要諗諗點砌portfolio同內補學術(我地以中英認讀為主)。特別卷幼出身有時真係較難stand out, 私幼嘅成績表評估寫得更詳細，校長人脈同牙力又可能差一段距離. 聽聞有心嘅校長係會寫完叩門推薦信後再補打電話比小學校長介紹下小朋友。我個人心態係升小盡量平常心面對，唔洗太在意單對單比較但要留意下自己小朋友相較同年大概去到咩位置? (中位數50%/15%/ 85%?)再去配對間適合嘅學校~1:1比較意思不大。如果話係ORT level, 我覺得將目標定喺k3畢業/小一9月開學前完成level 7係唔錯的，要能自行閱讀同讀啱9成生字，平心而論依個target唔算離地~加上ORT好有趣唔會悶架

kisani

Dybala 發表於 20-9-22 19:03
睇完呢個post開始驚, 以為ORT level 4/5已經係4-5歲人仔嘅極限, 原來已經落後大市, 就算拎到直私offer都驚 ...

如果心儀中文津小，其實英文同數學程度涵接多數問題唔大，聽返黎最大問題係中文閱讀理解能力，其次係中文造句同寫作。所以無論家長們心儀直私官津，一線二線happy school, 都建議搵返心儀小學嘅中文科書單睇睇閱讀理解&寫作大概有咩要求，再用k3同升小個暑假去準備。如要入讀普教中或英教數/常嘅津小，就更要盡早同小朋友做定心理準備~因為抽入嘅小朋友真係未必個個啱讀，配對錯誤隨時會讀到好挫敗....沒有最好嘅學校，只有最適合。

Azzurro

kisani 發表於 20-9-23 12:38
如果我地自我評價係大概80-85%，一定未到95% ^^” 果時都有入過下直私備戰面試嘅交流群組，發現有班小朋友 ...

我覺得你教小孩方法和態度很值得學習啊！
我的小朋友現在 k3，免費幼稚園，英語在看 ORT level 12左右（供參考）
也是咩獎狀都沒有，雖然可能班裡表現相對好
我覺得理解自己小朋友在整體排名有作用，因為以後考中學，dse考大學本質上都是全部人大混戰
沒法迴避的一種對比


我覺得 ORT/ 漢字500 都很有趣，所以如果從k1開始從頭看的話，都可以學到很多很多
就算家長從k3開始，也絕對不會遲，好書是永遠不會過期的！
當然不是每個小朋友都適用這些書籍，所以家長需要在圖書館不停嘗試不同書本及讀書模式。
看書對小朋友來說一點壓力都沒有。




timzoeydon 說的很對
如果家裡讀書多一點，超過學校程度一點點，小朋友係學校更輕鬆，更有信心，就會更喜歡學習
形成良性循環
如果沒有看課外書，只跟著幼稚園書本，學到的東西很有限，

Azzurro

我覺得唯一值得外補就係普通話發音和英語拼音，如果父母並非特別好普通話或英語

幼稚園和初小的學術水平，應該正常父母都能處理，不需要外補

EudyptulaMinor

kisani 發表於 20-9-23 12:38
如果我地自我評價係大概80-85%，一定未到95% ^^” 果時都有入過下直私備戰面試嘅交流群組，發現有班小朋友 ...

你講得好好呀
要了解小朋友喺去到咩位置好重要！
我都係因為呢個post先了解到我個小朋友比我想像中仲要再後，於是我改變主意去抽二線，都唔想小朋友讀得太辛苦，而同時我會努力幫佢追～
我想問問大家小朋友「讀」到ORT邊個level係指小朋友自己讀定家長讀小朋友聽？因為好似一個比一個犀利。
幼稚園K3上咗兩個幾星期zoom，我了解到我女嘅幼稚園英文只係學到phonics -an，如果以學校進度嚟計，冇可能讀到ORT LVL5，數學仲教20以內相鄰數，連加數都未出現，但呢度嘅小朋友遠遠超過呢個水平，想問下係唔係呢度嘅爸爸媽媽都有幫小朋友外補或自己教快？
我想更準確咁評估阿女嘅能力，幫佢搵最適合嘅學校。
我女ORT頂多讀到lvl2-3；中文認字唔太好，未讀到簡單故事，頂多讀下d生字；數學好少少，能夠計雙位數加減；我理解係中英文落後好多，可能位於10-15%，數學應該落於50%左右？
ORT的確係好有趣，我買咗一個多月，我女要我講故事講到lvl5啦，亦都係因為呢套書佢開始自己試下讀，佢讀到最前面10本我已經覺得係好大進步啦！

EudyptulaMinor

Azzurro 發表於 20-9-23 13:18
我覺得唯一值得外補就係普通話發音和英語拼音，如果父母並非特別好普通話或英語

幼稚園和初小的學術水平， ...

幼稚園教嘅普通話好淺，想知銜唔銜接到普教中嘅小學？
你覺得將來趨勢會唔會都係普教中？我聽咗好幾間津校最遲高小都普教中，私小更加好多小一就普教中。