York約克幼稚園 4年總結+你問我答 [UPDATE]

islz

spe98071 發表於 20-4-8 18:33
Haha! 多謝你。小朋友屬於慢熱觀察型，，你覺得學校會唔會幫到小朋友建立自信心或者大膽啲？同埋學生都比 ...

Haha! 多謝你。小朋友屬於慢熱觀察型，，你覺得學校會唔會幫到小朋友建立自信心或者大膽啲？
絕對會, 我小朋友就係例子. 我年年都會問小朋友最鍾意邊位老師, 三年都答我係NET teacher.個人覺得3年跟得NET teacher多, 表情感覺會比較豐富. 適合及對on stage舞台演出 有幫助.

同埋學生都比較多，你覺得老師對小朋友嘅關注程度夠唔夠？
學校長講, No news is good news. 過去4年, 基本上老師係冇咩打過電話黎嘅. 可能一年3-4次左右. 通常考試前後做下總結. 當然也可以家長日跟老師交流. 我覺得 "關注程度" 一般般, 冇咩特別關照. 可能小朋友好多野堂上面都係自己攪掂, 所以老師冇咩點.


老師有冇愛心呀？不好意思，其實我都幾like York, 但又有d擔心


依樣就唔使懷疑一定係好有愛心. 如果有機會應該去下開放日. 簡單講我真係見過有其他學校老師係皮笑肉不笑. 而YORK老師就沒有此情況. 旅行更加玩得放.

kke2012

islz 發表於 20-4-9 08:42
Haha! 多謝你。小朋友屬於慢熱觀察型，，你覺得學校會唔會幫到小朋友建立自信心或者大膽啲？
絕對會, 我小 ...

樓主很有心啊！我的小朋友也在York讀了4年，今年小一了。York費用是貴了一點，但其他各方面總體滿意。學習以外，大人和小朋友也留下了很多美好回憶。

yingyin2010

請教一下，MI 是否好好？ 係咪通常都會讀？
謝謝

hariet909

york好多收費，咁多年都不變，是一間十分商業化的學校。

islz

yingyin2010 發表於 20-4-15 01:04
請教一下，MI 是否好好？ 係咪通常都會讀？
謝謝

之前有提及: MI CLASS會幫小朋友同家長安排晒 "應有證書課程" 及 "考試時間及地點".
所謂應有證書是考小學大家都認為有用的證書.
考試時間考試費全都通過回條, 只需MARK日期, 寫支持, 按時出現就OK
考試地點就係學校.

有人會覺得咩都自己安排先係最出色, 而我就選擇交比RUN左幾十年, 全職教小朋友既學校去安排.
應該都會讀, 因為唔讀咪又要自己出去上補習班去考證書, 冇咩理由唔讀令自己忙上加忙.

另外學校同小朋友係同一條船, 小朋友考得好, 學校自然幫到自己賣廣告.

islz

hariet909 發表於 20-4-15 08:53
york好多收費，咁多年都不變，是一間十分商業化的學校。

我去私家醫院做身體檢查, 結果一粒棉花球都計我錢 @_@

又試過睇醫生咩事都冇(當然好開心同最好的結果啦), 最後拿左支紅色按摩膏(忘記牌子)係MANNING果D有賣幾十蚊, 結果收我900.

又同小朋友睇兒科, 傷風咳, 中環中建大廈, 結果3000幾.

這些好難比意見. 多謝提問.

hariet909

islz 發表於 20-4-16 11:31
我去私家醫院做身體檢查, 結果一粒棉花球都計我錢 @_@

又試過睇醫生咩事都冇(當然好開心同最好的結果啦), ...

我意思係這類型學校 如果在有得選擇情況下 最好不要讀。

我果年報左名無去in 過幾日york打黎問要唔要幫我rearrange interview 可見有幾多人想讀？

Nbs

hariet909 發表於 20-4-16 12:04
我意思係這類型學校 如果在有得選擇情況下 最好不要讀。

我果年報左名無去in 過幾日york打黎問要唔要幫我 ...

咁你小朋友最後讀咗邊間?

Nbs

spe98071 發表於 20-4-7 13:57
睇左好多關於York
用家大部分都讚好
我想了解下

唔介意我搭少少咀。
之前我女喺九龍塘讀咗一年 n 班.我一星期幾次去接佢放學，都見到5-6個KV 小朋友連家長着住校服喺九龍塘地鐵站往火車站嗰邊個大堂到玩來回賽跑。
York 小朋友曳唔曳我唔知，但呢一幕就令呢間幼稚園比我印象好差。

spe98071

Nbs 發表於 20-4-16 12:56
唔介意我搭少少咀。
之前我女喺九龍塘讀咗一年 n 班.我一星期幾次去接佢放學，都見到5-6個KV 小朋友連家長 ...

KV? 應該唔關York 事？

islz

hariet909 發表於 20-4-16 12:04
我意思係這類型學校 如果在有得選擇情況下 最好不要讀。

我果年報左名無去in 過幾日york打黎問要唔要幫我 ...

我也有朋友小孩入左收好小人嘅名幼，最後考私小只有St. Hilxxxx收，最後要派位。真係好可惜。

我也有同事屋企賣樓供小朋友去澳洲留學，最後返到黎英文都真係好一般般，原來佢成班朋友係台灣人。結果一口流利普通話+台語。

仲有我小朋友有同學入左間好多人都想入嘅幼稚園，結果商場中央冷氣，空氣差，成日病同敏感，要轉黎York.

又有朋友讀村校考上直資龍校小學。又有人投訴「名幼」最近冇折頭一星期得一次zoom.
仲有人投訴「名幼」幾百蚊點讀筆功能好差。

仲有仲有得閒我再分享下 感謝

Nbs

spe98071 發表於 20-4-16 12:58
KV? 應該唔關York 事？

唔關唔關
只係我見你問York 的小朋友乖唔乖又同其他名幼比較，所以搭下咀only. 我諗住KV 都係名幼其中一間啫。

spe98071

Nbs 發表於 20-4-16 13:01
唔關唔關
只係我見你問York 的小朋友乖唔乖又同其他名幼比較，所以搭下咀only. 我諗住KV 都係名幼其中一間 ...

咁請問小朋友讀左一年，有咩感受丫^^

islz

Nbs 發表於 20-4-16 12:56
唔介意我搭少少咀。
之前我女喺九龍塘讀咗一年 n 班.我一星期幾次去接佢放學，都見到5-6個KV 小朋友連家長 ...

我都想問有冇人知KV最近點返學？收唔收學費？聽講堅持不會網上授課。

Nbs

islz 發表於 20-4-16 13:16
我都想問有冇人知KV最近點返學？收唔收學費？聽講堅持不會網上授課。

我女唔係讀KV 啊

Nbs

spe98071 發表於 20-4-16 13:05
咁請問小朋友讀左一年，有咩感受丫^^

我女唔係讀KV 啊

hariet909

真心不希望有人被誤導

york根本稱不上名幼 只不過係一間以賺大錢為目標的呼吸學校

Leira

hariet909 發表於 20-4-16 14:00
真心不希望有人被誤導

york根本稱不上名幼 只不過係一間以賺大錢為目標的呼吸學校

私校要賺錢並沒有錯，雖然係辦學，但每月要出人工、交租金、雜費，樣樣都係錢。羊毛出自羊身上，你情我願的，這不是問題。但如果只因為York樣樣都貴而話佢不是一間值得讀的學校，咁對學校和該校家長也不公平。

wg_ann

路過搭嘴，想當年我有york N offer, 無要，york寄信黎話K1自動預留學位俾我，問我有無興趣。
行政上，我當然覺得york係好商業化，俾我既感覺係佢好想越多學生越好(當然有人都覺得咁先係有教無類)。
教學質素方面，兒甥係york畢業，我本身十分欣賞york的多元化活動，雖然好多野要收錢，但家長可自行選擇，唔係硬性規定參與，呢d體驗唔係間間幼稚園有提供。而且，york的NET我覺得質素好高，基本上屋企無任何語境既小朋友都可講流利英語，亦完全唔怕同外國人交談。

wg_ann

Leira 發表於 20-4-16 14:10
私校要賺錢並沒有錯，雖然係辦學，但每月要出人工、交租金、雜費，樣樣都係錢。羊毛出自羊身上，你情我願 ...

無錯，基本上所有私幼最終目的都係賺錢，雖然york的收費項目較多，但其實明碼實價，你情我願，家長願意俾就無問題，而且有家長確實欣賞學校包辦晒，唔駛家長操心好方便。
另外，商業化的行政唔等於教學質素唔好。