直資 vs津校 （請教有兩位小朋友分別就讀的用家）

pugusan

樓主唔係非常心儀直資培僑咩?
點解突然又諗津校?

wongszehang

pugusan 發表於 19-11-5 23:00
樓主唔係非常心儀直資培僑咩?
點解突然又諗津校?

衰左啦培僑

tigerdad

wongszehang 發表於 19-11-5 23:01
衰左啦培僑

身邊有好朋友仔女讀津校同自己小朋友讀直資，分別最大暫時覺得有：-

1）上堂模式 （我地上NET可以去出操場玩住遊戲上英文堂）多presentation, 唔係只坐定定上堂

2）功課量及質（佢量多都重抄寫，而我小朋友既功課就重思考，抄寫好少）

3）透明度 （學校會好高透明度話你知佢地個plan 係點行，甚至課程上都會活D）

4）興趣班，基本上我小朋友想參加既都可以入到，我朋友間津冇咩興趣班，放學趕住去操卷:(
另一個朋友間津既興趣班咩都抽唔到，所以最好要比錢出去學

仲有其他，留比其他人補上....
當然津校都吸引之處係唔使錢，近屋企etc

cylau2

唔可以一概而論的，同樣係直資，學費、教學方法、每班人數、資源、校舍等等都可以好唔同。官津之間都可以差好遠（譬如LS同MCS校舍就已經同其他官津好唔同），私立之間亦都可以差好遠。

wongszehang

tigerdad 發表於 19-11-5 23:29
身邊有好朋友仔女讀津校同自己小朋友讀直資，分別最大暫時覺得有：-

1）上堂模式 （我地上NET可以去出操 ...

多謝前輩分享呀好有用

993rs

cylau2 發表於 19-11-5 23:31
唔可以一概而論的，同樣係直資，學費、教學方法、每班人數、資源、校舍等等都可以好唔同。官津之間都可以差 ...

no offence.

每次直津比較，都會有人拿兩間神津，話津校教學方法靈活，但神津係得果幾間；我真心好想知神津以外有邊間津校係做到靈活既教學？

我每次見我讀津小既小朋友做數，完全將填鴨教育提升到另一個層次，我就想即刻送個小朋友去外國。

直資都唔係冇死板既，但相對比例少。

wmkcnw

wongszehang 發表於 19-11-5 20:32
係呀
但有時又諗直資會有資源裁培興趣，呢d興趣班出去學都成千蚊個月。。。
舉個例：

羊毛出自羊身上。直資要收學費，每年約2一5萬，有錢好辦事。
揀學校最緊要諗自己小孩的學習模式，是否適合，私校，真資，津校，各有好有壞。

對於保守型的小孩和家長，靈活教學未必合適。我自己就最怕要幫小孩做project，所以我揀津校。

每月慳大約有2一5千學費，夠請1對1補習中文和英文有餘。

津校的興趣班，都有專業老師，例如學劍橋英文，2千一年。

C9Ma

個人愚見，津校因為大抽獎嘅關係，小朋友嘅能力相對地會比較參差。萬一你所住嘅校網係多公屋嘅話，咁嗰個校網嘅學校有機會大部份小朋友來自內地家庭。依一點未必個個接受，加上文化差異，佢哋教小朋友嘅方法我哋未必接受。唔係話直資小學冇內地小朋友，只係願意花費嘅內地父母，教育水平都不會太差，相對地教育小朋友嘅方法比較好。

wongszehang

C9Ma 發表於 19-11-6 12:11
個人愚見，津校因為大抽獎嘅關係，小朋友嘅能力相對地會比較參差。萬一你所住嘅校網係多公屋嘅話，咁嗰個校 ...

梗係完全認同啦
如果唔係我都唔訓晒身考直資

不過我真係好奇課程內容大家分別係邊度

miujoey

直資課程比一般津校深D, 其實直資係低讀,有D 一個月學費唔算貴,2,3千元一個月, 但不用收費的課外活動好多. 但係現在直資間間都多人考

sushimama

小朋友讀緊一條龍直資，跟身邊津小的朋友最大分別是，比較少一點升中壓力

wongszehang

sushimama 發表於 19-11-6 12:34
小朋友讀緊一條龍直資，跟身邊津小的朋友最大分別是，比較少一點升中壓力
...

前輩覺得課程內容分別大嗎？

hideseek

wongszehang 發表於 19-11-6 12:35
本帖最後由 wongszehang 於 19-11-6 12:35 編輯

前輩覺得課程內容分別大嗎？

大

wongszehang

hideseek 發表於 19-11-6 12:38
大

甘真係要再加油！！！唔放棄啦

miujoey

讀直資學術感受.

津校 : 多功課,多操練 ,小朋友家長迫著去做, 習慣了操練未必係壞事.
直資 - 少功課,重思考,少操練, 學校唔會給你壓力, 但課程較深,到考試自己攪掂家長反而要跟貼D.     

sushimama

課程感覺冇咁受傳統框架限制，傳統一定相對spoon feeding 咁谷，傳統測考默次數也較多，直私同學間學習能力差異較少。
一條龍就算體藝發展都不用太「目標為標」，享受過程。

我不敢說所有津小都spoon feeding 或傳統，因肯定會有家長走出來說某某名小，某某津小學也是活動教學等等

hideseek

miujoey 發表於 19-11-6 12:42
讀直資學術感受.

津校 : 多功課,多操練 ,小朋友家長迫著去做, 習慣了操練未必係壞事.

同意

hideseek

直資：小朋友有多d空間發揮

ToMing123

我覺得直資同津校最大分別係：
1）直資閱讀氣氛濃厚好多；
2）一條龍直資升中壓力細，可以俾小朋友空間探索

至於學習模式功課測考量，真係間間唔同，津校都有少功課測考的，不少津校都有加入比較活潑既教學方法，當然佢地要面對呈分試，上到高小操練比例會佔好重

cylau2

993rs 發表於 19-11-6 09:25
no offence.

每次直津比較，都會有人拿兩間神津，話津校教學方法靈活，但神津係得果幾間；我真心好想知 ...

我大致都同意你講嘅。官津嘅硬件軟件，除咗少數，大部份相差不遠，基本上冇聽過邊間唔係行精英制加大量操練而升中成績好嘅。（不過即使硬件上，亦有不少校舍仲未達到千禧校舍標準或者上嘅小學。）
唔同嘅直資（以及私立）嘅差異就可以好大。有啲谷到阿媽都唔認得嘅，亦有好靈活教學嘅；有名為一條龍/直屬但係年年篩人走嘅，亦有基本上唔篩直上中學嘅；有小班教學師生比例好好嘅，亦有大班嘅；有寛敞校舍嘅，亦有殘舊校舍嘅（我都去過幾間直私，真係睇完個校舍都唔想報）。