張堅庭：為何我會選擇送子女到英國留學?

samsam123321

del...

Vanadium

看來係時候值得統計下讀國際學校，去外國升學，normalize左個家庭社經地位後，再比較本地升學既，係就業、薪金、前途上既分別。

個人小圈子統計，我識平民硬供子女去外國讀書或讀國際學校，無論係外國地或返黎香港，大都只係工作平凡，收入不高不低，感覺同本地畢業生差不多。

當然另識一批去外國或讀國際學校，好快身居要職，頗高收入，但呢批大都來自非常豐厚之家底，家庭本身就係黎自社會上流，或高端專業人士。

有少數係出身基層可以透過外地升學攞到好位置，不過....係畢業自世界數一數二之名大學。

Vanadium

張堅庭，已忘了自己都算帶著名氣或靠山，家庭亦大把錢。

其實張先生自己分享都話自己來自飛仔學校，但今日都咁有成就，點解仍只相信去外國先係好? 佢唔係就係一個活生生例子，本地升學都一樣可以成功?

Cheeselover

Vanadium 發表於 19-4-29 23:53
看來係時候值得統計下讀國際學校，去外國升學，normalize左個家庭社經地位後，再比較本地升學既，係就業、 ...

說穿，他們本來就是人生勝利組，出外留學有個學位只不過是錦上添花，而且留港考DSE, 父母問＂我有錢，為何要子女辛苦自己？＂，何況，萬一成績不理想，大衆指指點點，不如出港留學。
今時今日，勤工儉學這支歌無得唱，賣樓作學費？不如加按再買第二套實際，正如朋友說＂學位就無嘞，單位就有兩個！＂，可悲。

Cheeselover

Vanadium 發表於 19-4-29 23:55
張堅庭，已忘了自己都算帶著名氣或靠山，家庭亦大把錢。

其實張先生自己分享都話自己來自飛仔學校，但今日 ...

他心知自己成就是靠努力也好，靠運氣也好，但不保證這些能遺傳到下一代，計算機會成本後，還是送子女出港留學較安全。

good.MunMun

很同意大家的分析。

勿忘張堅庭是某留學中心代言人，那可否視他的發言為廣告?

按樓對香港人來說是極考驗，必須三思。

Vanadium

張導演叫人按樓真係一件好危既事，無論去外國洗你100萬又好，200萬又好，即使按樓按出黎，都係要還，係實在咁用左100至200萬，仲要俾息銀行。

反而，若然話大屋換細屋，市區搬去新界，真正套現可能仲實際，之不過換樓又至少洗多幾10萬。

Vanadium

每次講去外國讀書或讀國際學校，總感覺可能有人仲係用緊幾10年前思維，以為係投資好值，然而，香港現已大把大學大把學位，而當中國成為另一大經濟體，連外國人都有選擇去中國升學。

如果唔係家底厚，或仔女係去外國一級著名大學讀著名科目，無論幾多錢，都係當洗左算罷了，日後仔女夠自己用唔使靠屋企已執到，真係唔好太大期望。

其實現在香港各大學都有exchange program，可以平平地以交換生去第二個國家讀一至兩個學期(即一年)，要體驗外國文化都已頗足夠，若然話學英文.......我認識唔少本地學生英文水平都好近乎native，有心學香港都好多方法，去到外國都唔一定英文好，外國返黎英文幾雞都見過。

Cheeselover

Vanadium 發表於 19-5-1 00:16
每次講去外國讀書或讀國際學校，總感覺可能有人仲係用緊幾10年前思維，以為係投資好值，然而，香港現已大把 ...

這是我不選擇IS和放洋留學(大學前)的其中一個原因，即使在香港官津直，學好中文從來也不容易，甭說IS，中文有幾重要我也不用多說，你有一口流脷英文，外國人眼中仍然是中國人，部分外國公司垂青中國學生多少是因為中國市場，我們懂中文是優勢，懂當然不止說，包括讀丶寫和更深了解中國文化。
除非你日後決定遠走他郷，否則活在中國週邊，中文的魔爪總會伸到你身上。

nkd

Vanadium 發表於 19-5-1 00:16
每次講去外國讀書或讀國際學校，總感覺可能有人仲係用緊幾10年前思維，以為係投資好值，然而，香港現已大把 ...

想慳錢，讀官津，本地大學。
大學交換生都可以慳返，不排除「外國返黎英文幾雞都見過」。

更加化算係學「外國人都選擇去中國升學」，計落重平過香港讀。

再唔係，自修、遙距都係大學。社會大學最實際。
教人借錢、賣樓去供讀書，有人信就唔好啦。

cf1126

張堅庭女兒女剛在美國Boston畢業，算不算自打嘴巴
https://youtu.be/dVxoeivx40k

Yanamami

Vanadium 發表於 19-5-1 00:16
每次講去外國讀書或讀國際學校，總感覺可能有人仲係用緊幾10年前思維，以為係投資好值，然而，香港現已大把 ...

好多本地学生英文水平近乎native.....誇張左d啩~

Vanadium

Yanamami 發表於 19-5-3 11:14
好多本地学生英文水平近乎native.....誇張左d啩~

認識不少名女校學生，聽佢地英文以為外國返黎，但原來一直本土升學，我無點誇張。

當然可能佢地只係極fluent，但相反好多真native，其實只係如香港部分弱學生講廣東話，句字其實係唔清唔楚。

如果講寫，本土訓練果批精英可能寫得靚過絕大部份國際學校或外國返黎果批，好多真native寫野都麻麻，有啲字都成日串錯，莫講grammar 。

Yanamami

Vanadium 發表於 19-5-3 11:32
認識不少名女校學生，聽佢地英文以為外國返黎，但原來一直本土升學，我無點誇張。

當然可能佢地只係極flu ...

其实出国係种生活体驗，接触不同事物环境人同思想，开濶眼界同思維，HK实在係太細一个地方｡當然，－味埋自己人堆或要借錢按楼就無謂嘞~

nkd

Vanadium 發表於 19-5-3 11:32
認識不少名女校學生，聽佢地英文以為外國返黎，但原來一直本土升學，我無點誇張。

當然可能佢地只係極flu ...

\\本土訓練果批精英可能寫得靚過絕大部份國際學校或外國返黎果批\\ (註)

好笑。


\\其實只係如香港部分弱學生講廣東話，句字其實係唔清唔楚。\\

即刻見到。



註：原意係，V見過的本土訓練果批精英，可能寫得靚過絕大部份佢見過的國際學校或外國返黎果批

按：有錯請回

Vanadium

\\其實只係如香港部分弱學生講廣東話，句字其實係唔清唔楚。\\

即刻見到。

無錯啦，我就係想講呢點，native係咪代表好，嚴格我係native中文，但我既中文詞彙及表達可以好屎。

我只係回應緊有人講native呢個問題，讀國際學校好多外國人，佢地莫講學生，部份外藉老師寫啲野都唔係叫靚，如我中文一樣。

讀國際學校或去外國容易有一定程度英文水平，係咪一定會叫好? 我就覺得都係睇返個學生，可能我唔識分啦。

nkd

Vanadium 發表於 19-5-3 12:46
無錯啦，我就係想講呢點，native係咪代表好，嚴格我係native中文，但我既中文詞彙及表達可以好屎。

我只 ...

多謝你回應。

小寶貝兒

本地或IS都各有各好, 視乎仔女係適合讀邊一個方向, 好似我女, 讀過本地亦讀緊IB, 好明顯我女係適合讀IB既人, 但當然, 如果話叫我地按左層樓去供佢讀書(無論係香港讀IS定係第時大個去外國讀大學), 一定唔會囉! 教育係重要, 但都要睇餸食飯架麻, 唔通成家住天橋底咩!

Leung2010

cf1126 發表於 19-5-2 20:39
張堅庭女兒女剛在美國Boston畢業，算不算自打嘴巴
https://youtu.be/dVxoeivx40k

看了，講得不錯

planetearth

nkd 發表於 19-5-3 12:59
多謝你回應。

你示範左，就算大家討論時，有地方自己睇漏野、或者表達麻麻，都可以大大方方。我好怕同d ...

不同的人在不同位置看事物都有不同感受, 有時未必認同對方看法, 但其實了解下別人在不同立埸的想法都會有不同反思.