會唔會為咗呈分試而去補視藝和音樂？

little_yolky

miriam 發表於 19-2-27 09:39
VA 真係有得補, 好似線條, 比例呢 d 咁, 或者係諗左個構思出黎, 之後可以點表達, 好既導師真係可以講解到.
...

仲有用色呢, 小朋友好開心, 好努力成張A2畫紙油滿顏色, 點知無注意, 痴晒色, 咁想攞高分都難。

little_yolky

miriam 發表於 19-2-27 11:30
真係唔好諗住臨急抱佛腳, 呈一見到 VA 唔掂時先去處理, 好多野都要花時間去領悟架.
...

如果呈一先知唔掂, 我就不如用D時間疊埋心水考好其他幾科算了。好似我個NET話齋, 得幾個月, 佢唔覺得佢可以教到阿大有咩改變, 所以叫我俾佢輕鬆下。外國人可能唔明白香港阿媽要响P6預備F1課程既心情, 捽咗佢幾次都唔理我。阿大忍唔住問我：係咪我蠢所以佢唔肯教我?

b3410

little_yolky 發表於 19-2-27 11:33
如果呈一先知唔掂, 我就不如用D時間疊埋心水考好其他幾科算了。好似我個NET話齋, 得幾個月, 佢唔覺得佢可以 ...

其他幾科有信心，唔使補，專攻視藝/音樂。其實畫sketch okay bor, 只要不需要油顏色，線條都控制到。而且立體D，需要一些幾何/透視/數學原理，反而容易理解。顏色就一定冇眼睇，軟撇撇d筆唔識控制。

mcl203

little_yolky 發表於 19-2-27 11:08
當然唔駛, 要我就要跳海了, 體育就真係要天份了。

識跳海應該可以學跳水～～～

mcl203

miriam 發表於 19-2-27 11:30
真係唔好諗住臨急抱佛腳, 呈一見到 VA 唔掂時先去處理, 好多野都要花時間去領悟架.
...

當年校長係P5第一次升中簡介會教既，唔得既唔好搞補救，加強D得既仲好～～～

little_yolky

mcl203 發表於 19-2-27 12:26
當年校長係P5第一次升中簡介會教既，唔得既唔好搞補救，加強D得既仲好～～～
...

如果話果一年半載可以求得到, 就太睇少人哋由細畫到大果D了。

bobbob

little_yolky 發表於 19-2-27 11:08
體育真係要講天份, 視藝努力一下都唔會太差。

美感天生有就有無就無，頂多唔太差，但唔會十分好，所以咪話80分收貨囉

little_yolky

bobbob 發表於 19-2-27 13:14
美感天生有就有無就無，頂多唔太差，但唔會十分好，所以咪話80分收貨囉

睇到其他帖突然諗起, 其實各位視藝差既小朋友, 細個BB時有無睇D繪本? 美感係可以培養既, 依家D書不論中英, D繪本畫靚到絕, 小朋友日日咁睇, 真係學唔晒, 偷到下師都掂。
抑或係我自己識, 所以先買到靚既繪本俾小朋友睇呢? 呢D雞旦先定雞先既問題, 真係好難考究。

bobbob

little_yolky 發表於 19-2-27 13:19
睇到其他帖突然諗起, 其實各位視藝差既小朋友, 細個BB時有無睇D繪本? 美感係可以培養既, 依家D書 ...

細個有睇架，不過一識字就寧願睇字，話幻想空間大好多

little_yolky

bobbob 發表於 19-2-27 13:25
細個有睇架，不過一識字就寧願睇字，話幻想空間大好多

咁點解視藝會差架? 佢細個無鬼畫符咩?

bobbob

little_yolky 發表於 19-2-27 13:26
咁點解視藝會差架? 佢細個無鬼畫符咩?

咪就係畫極都係鬼畫符囉！諗過帶佢去畫班，點知佢劏豬咁，點都唔肯去。。家陣佢攞到75分都滿意，80分直頭超標，無所謂啦