學樂器--小孩子特質

pekovian

feifei_baby 發表於 19-2-1 11:13
彈得咁辛苦唔知為乜

好同意，阿女學咗兩年琴，唔叫唔練，上堂愈來愈冇心機，拉牛上樹咁，我最近都cut咗佢 ...

我女都係好動運動型，有你同樣既擔心，想quit樂器，但又怕一陣呈分試音樂拎條C就死得

Melody_BB

絕對同意興趣好重要。
以我小朋友為例，4，5歲學鋼琴，1對1上門教，佢唔鐘意，好快冇再學。小一，學大提琴，佢又唔鐘意唔學，想學小提琴。於是再請老師上門教，佢就好有興趣。學咗三年考完五級，依家學了四年多，準備考8級。爸爸媽媽都係音樂盲，幫不上忙，我地反而希望佢慢慢浸。平日練習完全不需人督促，亦冇得督促，因為我地返到屋企佢已經練完琴，考級都係自己搞。反而幾日唔練琴佢會唔自在，旅行完返屋企第一時間拉下個琴⋯想學第二樣樂器，但實在抽唔到時間，樂團校隊練習表演比賽好忙。

有興趣同冇興趣可以差好遠。可以試下不同的樂器，搵到有興趣的。

JC_mami

rinarina 發表於 19-1-28 10:54
大家可以分享下，是如何替小朋友選擇樂器呢?或如何從小培養他們?另外， 能成功一路堅持學樂器的小朋友，會 ...

阿仔文靜型，小三，有四級鋼琴，五級樂理和五級saxophone,今年暑假準備考八級sax.
最初學唔算非常熱愛，但因為掌握得快，彵自己有滿足感，
所以越學越好，另外有參加學校樂團，現在很投入音樂。

Lu324

pamelaywy 發表於 19-1-31 10:30
呢個topic 我最想分享，因為我已經經歷左三次

大仔已經十四歲，一樣樂器準備考LT, 另一種準備FT, 係APA do ...

等緊二仔三女

edutm

我女學校一定要學樂器，學校教。佢當初因為朋友揀小提琴所以佢又揀，已經再三問佢是否確定。學左未夠半年已無心機，仲反囗話當初唔想揀小提琴，但學校唔比轉，我唯有話"愛你所選"。現在學了年多，又逼又勸先練下，叫做都聽得到佢拉緊一首曲。條路唔知點行落去，佢已經無興趣我又再係課餘時間比錢出去再學。

easymo

edutm 發表於 19-2-23 02:55
我女學校一定要學樂器，學校教。佢當初因為朋友揀小提琴所以佢又揀，已經再三問佢是否確定。學左未夠半年已 ...

下?好慘喎, 唔俾轉, 唔鍾意都要繼續捱

Cheddar85ang

本帖最後由 Cheddar85ang 於 19-2-27 22:38 編輯

我家較大的小朋友大約K3時帶過去工聯會學鋼琴，唔知係學生太多、導師教得不好還是小朋友的資質普通+領悟稍遜，返到屋企乜都彈唔返出來，於是就停咗。
過咗一年後，我家阿細K3喺琴行學了9個月，回家練琴時，阿大又表示有興趣，但佢自己又怕學極唔識，我鼓勵阿大去試吓，點知開咗竅，彈幾個月就追到阿細的進度。
兩個小朋友都喜歡彈琴。講真，最緊要喜歡，佢有興趣就俾佢試。

Cheddar85ang

Cheddar85ang 發表於 19-2-27 22:33
本帖最後由 Cheddar85ang 於 19-2-27 22:38 編輯

我家較大的小朋友大約K3時帶過去工聯會學鋼琴，唔知係學 ...

最近阿大在學第二種樂器，學過琴識樂理、睇譜易上手好多，加上佢有興趣又好勝心強，吹唔準個音不罷休，所以暫時學得不錯。
我又點會估到被認為無天分的阿大今日會對音樂咁有興趣呢！

四隻貓

pamelaywy 發表於 19-1-31 10:30
呢個topic 我最想分享，因為我已經經歷左三次

大仔已經十四歲，一樣樂器準備考LT, 另一種準備FT, 係APA do ...

感謝, 非常好的分享
同意老師非常重要, 跟錯老師更加係浪費時間金錢.

1162694sd

想問，我囡都hea練琴，但係睇佢有時又真係能夠手眼運用，學左d新歌番黎即彈都有7,8成，其實都知老師好緊要，而家係細嘅琴行仔跟左個老師學左年幾，但點先識比較搵到個有料好老師，真心請教！

mansum92

LeeCC 發表於 19-2-1 12:17
其實我小朋友每日練習老師俾的功課都唔多過20分鐘，跟住就系彈佢自己中意的歌和作曲，不過一樣好的是佢每 ...

有些學器係要細個開始學會好些，大左比較難掌握。我仔都學兩種樂器，sightreading +聽型，聽完一睇譜就彈到出黎，所以練好少都可以過骨，現時兩種樂器都準備AT.

LeeCC

mansum92 發表於 19-4-16 18:52
有些學器係要細個開始學會好些，大左比較難掌握。我仔都學兩種樂器，sightreading +聽型，聽完一睇譜就彈 ...

系呀，佢本身學緊鋼琴，想再學埋長號，小號，管風琴，吉他，古箏，好多心。

佢想學的樂器都應該稍大才開始學問題都不大

profitwong

rinarina 發表於 19-1-28 10:54
大家可以分享下，是如何替小朋友選擇樂器呢?或如何從小培養他們?另外， 能成功一路堅持學樂器的小朋友，會 ...

學琴初初話好攰唔想學，又話辛苦又話攰，出去比賽後，老師話變晒，而家會主動彈琴，好有興趣，唔學唔得喎....

LeeCC

profitwong 發表於 19-5-5 23:09
學琴初初話好攰唔想學，又話辛苦又話攰，出去比賽後，老師話變晒，而家會主動彈琴，好有興趣，唔學唔得喎. ...

所以有時俾小朋友比賽下表演下，出去見識，態度會有所改變的

RockMusicLover

pamelaywy 發表於 19-1-31 10:30
呢個topic 我最想分享，因為我已經經歷左三次

大仔已經十四歲，一樣樂器準備考LT, 另一種準備FT, 係APA do ...

謝謝分享，我仔也剛完成兩年Yamaha Jmc, 正考慮應轉學鋼琴還是繼續上。因為佢都好抗拒1 on 1 class

hippoo

Uppppp

b3410

LeeCC 發表於 19-4-16 19:40
系呀，佢本身學緊鋼琴，想再學埋長號，小號，管風琴，吉他，古箏，好多心。

佢想學的樂器都應該稍大才開 ...

可能參加樂團就越來越“貪心”   我果個都開始學第三樣樂器，話要至少要吹撥彈敲每樣學一種。

boojiji

但點先會知咩小朋友岩咩樂器.... 即係咩小朋友會岩拉violin, 咩小朋友反而岩吹flute呢? 我明如果比佢試就最容易, 但樣樣樂器都買完再試, 邊買得咁多樣呢?

kyleebc

初初喺要堅持和陪住佢練的。隨著長大有能力，到了五級入了樂隊開始產生興趣。