小六生好快呈二了, 大家進入狀態未呀?

pccw2017

littlelamlam 發表於 18-10-8 14:35
我地11月頭就呈二, 呀女呈一考得幾好, 希望佢呈二keep住啦! 但感覺佢仲未進入狀態   而家要佢每日 ...

同你情況差不多，都係11月頭考。不過我地就順其自然，到差不多考前一個禮拜先溫習。反正我地小朋友想迫都迫唔黎，我驚越迫佢越差。佢成日話讀邊間中學無所謂，係我地D家長有所謂。

野人好索子

大人進入瘋癲狀態就真 ，細路依然我行我素囉！

利申：阿女都係小六生

B.B.BaBa

未在狀態，心散、做野錯漏連連

tutik

我自己一早入咗狀態喇，不過去考果個未！日日功課做完剛剛好係訓覺時間，既然咁大家都早啲唞喇！

女皇駕到

好在我仔學校唔算多功課每日5-6樣，每晚多數8點前可完成所有野，之後做下練習，寫下生字咁，盡量9點半瞓覺。

我仔d短期記憶真係超短，如果一星期前先溫，應該死得好慘烈。

bbeasy25

學校呢輪成日quiz，日日都要溫書。我們都係考試前一星期先溫書，暫時都ok。不過學界比賽係考試前二日舉行，希望可以收拾到心情

little_yolky

IloveJJ 發表於 18-10-9 22:30
我仔又係，日日功課多到呢，想溫書都無時間，星期五有13樣，連星期日都得返1個鐘溫喳!
...

你哋月底考, 係要早D溫, 我哋月底統測。

vestzs

bbeasy25 發表於 18-10-10 09:00
學校呢輪成日quiz，日日都要溫書。我們都係考試前一星期先溫書，暫時都ok。不過學界比賽係考試前二日舉行， ...

我小朋友呈二完之後幾日先學界，不過点都要停番2，3星期训練準備考試先得

little_yolky

IloveJJ 發表於 18-10-10 09:38
你仔咁乖，完全唔駛休息同玩架?

乜你咁架, 我阿大夠無玩啦, 又唔見你讚佢乖, 咁偏廿心既

好彩我哋都係少功課, 正常阿大一三五响學校做晒功課, 二四就小息做, 做剩小小都係食飯前做完(我哋6:00食飯架), 少功課真係有優勢 然後, 阿大會整理自己上堂抄既筆記, 有默書就自己溫, 無默書就行行企企, 睇閑書(唔知點解一見佢呈二前手攞住閑書個心就會無名火起三千丈, 我真係無Eviepa既道行), 做吓網上閱讀練習咁。C6已經叫佢背定D金句, 不過, 青春期既少女係永遠唔會聽人講。

annielui

回覆 asweetmom 的帖子

我都想快D過渡呢個呈分試....

bbeasy25

vestzs 發表於 18-10-10 09:52
我小朋友呈二完之後幾日先學界，不過点都要停番2，3星期训練準備考試先得
...

暫時無計劃停, 佢慣咗甘. 不過10 & 11月好多開放日, 星期六訓練就可能會缺席.
大家都要加油!!

女皇駕到

IloveJJ 發表於 18-10-10 09:38
你仔咁乖，完全唔駛休息同玩架?

通常果日完成練習後就可以睇書或者玩，星期六日有佢鍾意既活動，空手道/畫畫/騎馬，冬天星期日會行下山。

女皇駕到

IloveJJ 發表於 18-10-10 12:57
因為我見你8點完成功課，9:30瞓覺，仲可以寫字做練習，咁咪無時間玩?佢寫字做練習都好快喎!
...

寫字都係每個生字寫一次，一個數學及一個中文練習。

vestzs

回覆 女皇駕到 的帖子

我未見過我小朋友練過d生字, 成日被人圈錯別字