點解咁多女仔都會想揀 女校？

1998Ruby1998

的確單一性別學校 DSE 成績都比較好，女仔有 DGJS、St Mary's、MCS、SPCS、MSS、BPS，能夠有同樣好或更好成績嘅男女校，只有 SPCC、鄧顯、伊中、林護。

1. 多是非
2. 分黨分派
3. 明爭暗鬥
4. 言語上bully
5. 愛比較, 比成績, 比身材, 比外貌

全部正確！小學到中學都讀女校，小一開始已經有，就算中學有一半同學係自己學校升上去都係咁。班女仔真係得閒冇野做！十足 d 後宮戲咁，無風也能起浪，小小事就督背脊打小報告。 三人成虎日日有，又話邊個食鼻屎、邊個唔沖涼。為左知道自己係班入面成績如何，會抄人書包睇人地分卷或者強迫人講分數，唔講就冇朋友做。

我幼稚園讀男女校，同男仔玩多過同女仔。

拍拖呢樣野，如果佢係冇興趣／知輕重，讀男女或者女校都唔會拍拖。如果係好恨拍拖，就算擺佢入女校，佢都有渠道去認識男仔，例如網上交友、補習認識、聯校活動、大學 Open Day....

不過讀女校，真係可以訓練到女漢子，搬搬抬抬自己黎，能力絕對不比男仔差，戰鬥能力非常強。麻煩就係有時候粗魯左自己唔覺，有機會發生同性戀，同埋唔多識同男仔溝通，到大學拍拖容易畀人呃，又後者因為「乾旱」太耐，見到男仔就飛過去獻慇勤。

mother904

但凡有人既地方就有麻煩事，我女小學讀男女校，以下所有事都發生過：

1. 多是非
2. 分黨分派
3. 明爭暗鬥
4. 言語上bully
5. 愛比較, 比成績, 比身材, 比外貌

中學係女校，反而上左中學，我少左呢d事非聽，我女話都有咁既人，不過佢唔理佢地，佢地有自己圏子，加上呀女有自己班底，都相安無事。

我又唔係好擔心男女溝通問題，我女係校外參加好多活動都同男仔同team，活動完左都見佢地話搞reunion，應該相處冇問題。

asweetmom

sexymami 發表於 17-12-12 07:49
想問下各位，點解會想囡囡入女校，而唔揀男女校呢？

我本來一心係想搵男女校的，因為覺得人際關係處理各方 ...

你的標題重點和內容不符呢，標題的意思是女學生選女校，內容卻是父母選女校。

artroboy

1998Ruby1998 發表於 17-12-13 04:31
的確單一性別學校 DSE 成績都比較好，女仔有 DGJS、St Mary's、MCS、SPCS、MSS、BPS，能夠有同樣好或更好成 ...

如果有女，我會比佢讀男女校，女仔反叛期既反應比男仔大同絕。係出面識到d心懷不軌既男仔/佬，仲死。拍拖既野取易不取難，反之後學校至少老師們會知。

其實好多女校男老師都好吃香。

Yanamami

其实係咪女/男女校並唔係我揀学校既條件之－｡我揀校係睇：(膚淺地)DSE成績、校风、地点、少功課、配合女程度、ECA.之類｡而女係睇：校服、校舍、地点、ECA、附近多唔多食肆之類｡只係end up果间係女校~

1998Ruby1998

回覆 artroboy 的帖子

係架，我學校班阿 Sir 都係萬人迷，有幾個係年輕 d 嘅阿 Sir，班女仔會發曬情咁話「好靚仔吖！」名校 Secrets 不時都會見到呢 d 「暗地表白」帖。

Yanamami

artroboy 發表於 17-12-13 08:22
如果有女，我會比佢讀男女校，女仔反叛期既反應比男仔大同絕。係出面識到d心懷不軌既男仔/佬，仲死。拍拖既 ...

我觉得……(除左有类人細鬼大好恨收兵果d)－般女仔，如果屋关係好，佢有足夠关心同愛，校外有其他課外活动接触到男仔(我女自細游水，班男男女女从小見慣大家著得最少布最多肉，真係唔会尷尬面紅)，又唔係＋分似蜜蜂見到糖禁~所以我觉得人算不如天算，讀乜类型学校都好，难保證唔拍拖。有足夠关心同良好关係加埋参加有男有女既ECA比較係重点｡

little_yolky

CheungAA 發表於 17-12-12 22:58
就係因為而家好多女仔叻過男仔,  形成遲婚, 遲生育, 甚至"不婚", 不" 生育", 人口老化,產生現今不少的社會 ...

其實男仔叻起上嚟真係好叻, 我哋學校前年有個男仔, 除咗中文同聖經, 幾乎全部分科奬俾佢獵晒。但大部份男仔腦入面真係唔知諗乜, 其實要問下阿妹腦入面諗乜都可能有答案, 真係唔可以坐定專心做埋一定要做既嘢先去玩的。唔係做唔到架, 就係唔做囉。

s583057a

青春期男女互相吸引, 讀男女校一齊讀六年拍拖機會一定高，我同事個仔讀男女校間學校好多人拍拖! 我個女讀左十年女校恨拍拖到死!

CheungAA

s583057a 發表於 17-12-13 10:12
青春期男女互相吸引, 讀男女校一齊讀六年拍拖機會一定高，我同事個仔讀男女校間學校好多人拍拖! 我個女讀左 ..

若讀男女校, 父母開學前一定要做功夫啦, 輔導工作不可少. 吾通坐以待弊咩! 定時定侯要加強要傳遞的訊息, 適時問侯下. 最緊要關係良好, 萬事皆通!

artroboy

1998Ruby1998 發表於 17-12-13 08:31
回覆 artroboy 的帖子

係架，我學校班阿 Sir 都係萬人迷，有幾個係年輕 d 嘅阿 Sir，班女仔會發曬情咁話「 ...

我就係知，d女仔通常都迷漫畫同偶像，長期落去好易自己幻化咗，見到豬油膏都當上菜。

豐乳同露

如果個女有o的姿色, 去男女校或女校都係會多人追無乜分別
1. 去到男女校...好容易就會比o的仔溝左後拍拖
2. 去到女校...好容易就會比o的tomboy溝左後拍拖

cktc1996

Yanamami 發表於 17-12-13 08:27
其实係咪女/男女校並唔係我揀学校既條件之－｡我揀校係睇：(膚淺地)DSE成績、校风、地点、少功課、配合女程 ...

仔女自己揀傳統名校(都係齋校喎)，覺得涉獵嘅人同事層面會大D，exposure會大D..小學讀男女校，儲落一大班男女同學兼街坊喇，佢地反而對齋校生活有D憧憬，brotherhood呀，sisterhood 呀，又好似係齋校build up 得strong 好多，仲有代表青春嘅聯校ball呢..齋校就係有另一種feel..講到尾，十幾年齋校咁單一就唔多好，人一世物一世，好唔好都要佢自己發掘同感受吓囉。
我揀校仲膚淺過你，就系仔女鍾意..同埋唔使錢..

artroboy

Yanamami 發表於 17-12-13 08:47
我觉得……(除左有类人細鬼大好恨收兵果d)－般女仔，如果屋关係好，佢有足夠关心同愛，校外有其他課外活动 ...

不論男、女、男女校都好，一去到青春期家庭上面既支援同關心好重要，其實對性好奇係一個好正常既身體機能及反應，大人越避忌越令青少年好奇。我地會同仔傾呢d,亦同佢講有生理反應正常，見到d仔仔收埋鹹書打咩咩，望女仔就諗果味，變咗畏鎖佬核突

artroboy

豐乳同露 發表於 17-12-13 10:41
如果個女有o的姿色, 去男女校或女校都係會多人追無乜分別
1. 去到男女校...好容易就會比o的仔溝左後拍拖
2. ...

D男校生會去接放學

Yanamami

artroboy 發表於 17-12-13 10:47
不論男、女、男女校都好，一去到青春期家庭上面既支援同關心好重要，其實對性好奇係一個好正常既身體機能及 ...

無錯~正常既~生理时鈡到时候—click就响｡有人鍾意自己对自己好果种感觉永遠好鬆毛鬆翼~

jessimm

1998Ruby1998 發表於 17-12-13 04:31
.......班女仔真係得閒冇野做！十足 d 後宮戲咁，無風也能起浪，小小事就督背脊打小報告。 三人成虎日日有，又話邊個食鼻屎、邊個唔沖涼。為左知道自己係班入面成績如何，會抄人書包睇人地分卷或者強迫人講分數，唔講就冇朋友做。

好相似我家公主回家傾訴, 原來真係咁攪笑. 不過, 返學後又繼續嘻嘻哈哈. 全女生係會有D太感性

cktc1996

其實我覺得中學拍拖ok喎(唔好初中啦)，不過最好唔好喺學校發生啫。
喺學校咁多個鐘，讀書好活動好，最好專注投入，好好感受。男女校更容易有明戀暗戀，又難免令佢心不在焉而分心於校園生活。
想拍拖佢周圍都會開始到，冇得禁架，只會越禁越反叛
我叫阿女有男朋友記得帶佢翻屋企玩，好過佢左瞞右瞞神神秘秘，又可以輔導下佢點樣各方面平衡。正常嘅男女關係其實可以好正面，唔俾拍拖到時廿幾歲父母又開始擔心亞女做剩女lu..

s583057a

怕佢專注拍拖 影響成績入不到大學!

artroboy

s583057a 發表於 17-12-13 12:50
怕佢專注拍拖 影響成績入不到大學!

我見有d兩小無猜一齊係自修室溫習，都幾正面。