地利亞VSJoyful 點揀

catjcm

B7Mimi 發表於 18-1-12 17:42
恭喜樓主再添一位小寶寶

想問一下屋企有人可以教到小朋友普通話，佢係地道北方人? 定係正式學過 ...

Sorry 係用普通話讀下書

B7Mimi

catjcm 發表於 18-1-12 17:49
Sorry 係用普通話讀下書

請問係咪正统北方口音普通話? 或正式經過訓練普通話呢? 是高級程度或初级程度?

我都學過初级普通話，但係只能用於日常跟國內同事溝通，係屋企反而要小朋友教番轉頭正確發音，成曰俾佢笑。

catjcm

B7Mimi 發表於 18-1-12 17:59
請問係咪正统北方口音普通話? 或正式經過訓練普通話呢? 是高級程度或初级程度?

我都學過初级普通話，但係 ...

唔係正統北方口音 但去joyful面試時d普通話老師我覺得都唔係正統北方口音

DengCK

catjcm 發表於 18-1-12 17:47
唔係正宗北京口音 但都算係母語
平時屋企就好少用普通話的 只係每日用廣東話讀下書.....日頭同姐姐用英文 ...

地利亞小學同中學，係我個年代係好差（只是描述實況），所以........

catjcm

DengCK 發表於 18-1-12 20:41
地利亞小學同中學，係我個年代係好差（只是描述實況），所以........

我睇forum有姊妹話幼稚園同小學ok 面試個日d老師比我感覺都幾好 就係環境差d....

B7Mimi

catjcm 發表於 18-1-12 18:12
唔係正統北方口音 但去joyful面試時d普通話老師我覺得都唔係正統北方口音
...

Sorry 我個問題問得唔係太正確，表達得唔好。我嘅意思係屋企人係咪纯正普通話？北方口音唔一定係標準普通話。北京、河南、天津都係北方，但囗音都有不同。

我成日覺得，我地唔熟悉人地講緊嘅語言，又點知人地纯唔纯正呢？

利申:並非Joyful, 地利亞, 思X 用家。只不過大仔在纯英普的lS幼稚園起步，我兩公婆在家只跟佢講廣東話，完全冇外補。我大仔而家兩文三語極好。我在大學時修過一D cognitive  development 科目，覺得multilingualism 嘅理論，幼兒在二至七歲係學语言最理想階段，呢D理論真係可以用在囝囝身上。所以我好有興趣比較一下各學校語境，同大家分享下。

mrivan

joyful

catjcm

B7Mimi 發表於 18-1-12 23:25
Sorry 我個問題問得唔係太正確，表達得唔好。我嘅意思係屋企人係咪纯正普通話？北方口音唔一定係標準普通 ...

明白 我都非常同意越細個學語言越有效 如果唔係考慮到經濟壓力 我一定揀英普幼稚園

archie1728

B7Mimi 發表於 18-1-12 23:25
Sorry 我個問題問得唔係太正確，表達得唔好。我嘅意思係屋企人係咪纯正普通話？北方口音唔一定係標準普通 ...

原來你唔係新手媽媽，咁既然你大仔兩文三語咁好，照板煮碗套埋落細佬度咪得囉

不過細個學幾多種語言都好，母語始終得第一個，我自己就揀左自己最叻、公認最難學而香港最普及既廣東話

香港全英普既小學其實唔多，變相競爭較大，如果小朋友中文底子唔夠強(特別認字、重組句子等)，到時touch wood要叩門會較蝕底！我自己經驗，屋企用中文既同學仔考小學時比屋企母語用英文既更有優勢。至於普通話，其實大部分小學都只會視為bonus，識聽識講已經可以，唔需要太過緊張正唔正宗，反而英文發音準確更加重要，唔好畀小朋友養成滿口港式/菲律賓英語

B7Mimi

archie1728 發表於 18-1-13 16:42
原來你唔係新手媽媽，咁既然你大仔兩文三語咁好，照板煮碗套埋落細佬度咪得囉

不過細個學幾多種語 ...

點解你會有雙重標準: 英文發音發音緊要，但係中文發音唔緊要呢？

如果想中文底子好，更加要學好普通話，因為普通話係我手寫我口，所以在認字，句子重组，將來作文做句，表達都好有幫助。

廣東話係香港，广州，珠三角部份地方嘅人講嘅方言，全世界只有幾千萬人講. 至於寫廣東話，只有香港呢幾百萬人，在非正式塲合寫. 公文，考试不能用，亦只有香港七百萬人明。

貼切D形容，我係一個懶媽媽，我不會，亦没太多時間同小朋友跟/補功課，我寧可有時間陪小朋友培養其他興趣。所以學校好重要，學校為主，家長為輔。我大仔從幼稚園起，我地冇理，小學两文三語冇問題，presentation slill 好好。

我都想照辦煑碗落亞細度。不過好可惜前两年同人合作做生意，俾個partner 呃晒D錢，借錢唔還。所以而家嘅收入，只能夠支持讀一間4千多學費的英普，Joyful 係我見咁多間，在師生比例，長駐NET 及普通話老師，同大仔個时間IS 一樣，最重要係升小成績好好多。

sum_fat

B7Mimi 發表於 18-1-12 23:25
Sorry 我個問題問得唔係太正確，表達得唔好。我嘅意思係屋企人係咪纯正普通話？北方口音唔一定係標準普通 ...

我小朋友黎緊9月都會返JOYFUL, 我兩公婆o係屋企都係講廣東話, 同小朋友一齊睇&讀下英文故事書我就ok, 如果要我兩母子既日常生活都用流利既英語交流, 我自問就冇呢個能力....

請問你除左俾小朋友讀英普幼稚園之外, 仲有冇其他配套幫助小朋友學英文? 我有少少擔心我仔o係學校接觸左3小時既英普之後, 返到屋企冇機會俾佢多講多對話會唔會令佢學習上事倍功半。所以我同老公都有考慮應唔應該換個講英文既姐姐, 起碼小朋友有多d英語對答既機會, 但我而家姐姐都算係一個幾好既姐姐, 所以好難抉擇。

socosally

sum_fat 發表於 18-1-18 10:12
我小朋友黎緊9月都會返JOYFUL, 我兩公婆o係屋企都係講廣東話, 同小朋友一齊睇&讀下英文故事書我就ok, 如果 ...

唔好因為咁而換姐姐啦,好姐姐難求啊!!!
我同你地情況一様、擔心嘅嘢都一様,但就姐姐係賓,喺屋企都可以用到啲英文,但其實姐姐啲英文都唔叻

sum_fat

socosally 發表於 18-1-18 11:19
唔好因為咁而換姐姐啦,好姐姐難求啊!!!
我同你地情況一様、擔心嘅嘢都一様,但就姐姐係賓,喺屋企都可以用到 ...

我都知好姐姐難求, 不過一續約又兩年, 所以先1516....

雖然好多朋友一聽話我考慮換姐姐就話唔好, 又話姐姐英文都唔好, 會愈學愈壞, 但重點小朋友唔係跟佢學, 係純粹多個練習機會。

地幼我都覺得係一間幾吸引既幼稚園, 下年都想幫阿仔報下K...地幼咁多同學仔都係講英文, 我相信小朋友o係度返學英語聽說能力一定冇問題, 效果可能比讀英普幼稚園更好添。不過地幼始終有少少非主流, 之後升小學中學唔知會點。

B7Mimi

sum_fat 發表於 18-1-18 10:12
我小朋友黎緊9月都會返JOYFUL, 我兩公婆o係屋企都係講廣東話, 同小朋友一齊睇&讀下英文故事書我就ok, 如果 ...

我大仔除左係英普學校外，完全冇外補，學校亦唔鼓勵，佢地認為英普由佢地正規教，廣東話在屋企正常講就可以。因為佢地咁樣先可以知道小朋友進度，而且因為係小班，佢地容易了解每個小朋友進度，可以靈活調整。

至於姐姐問題，我地要搞清楚佢嘅角色係乜，佢係幫我地打理家務，唔係負責教小朋友英文。小朋友會先入為主，如果在學校三個鐘嘅intensive training, 佢地學到正式嘅英普發音，佢地係唔會受到其他學校以外的不正發音影響而改變。所以學校個三個鐘如果正規，又夠小班，夠intensive, 比外面個二十個鐘更重要。

學得好，小朋友仲可以纠正你。我記得有次我電話用我好普通的普通話叫國內同事報價比客，講左“爆炸“，比佢笑我，應該係“Bao Jie", 自從個次，我就覺得比多少少學費係值嘅。

所以我一直覺得如果學校好，小班教學，師生比例低，家長不需要介入太多教育事上。相反，如果學校教育水平差，師生比例高，家長先要自己操。但係老實講，有幾多家長嘅英普水平係到一個好正規水平，不會教錯小朋友

blackfridayfly

prefer joyful

BMouse

請問樓主最後選邊間？我都有考慮過地利亞，但因為無校車放棄了

catjcm

BMouse 發表於 18-5-18 07:31
請問樓主最後選邊間？我都有考慮過地利亞，但因為無校車放棄了

揀左地利亞
上星期去參加佢地的親子班活動 老師好nice 英文也很好 希望囝囝會讀得開心

LedTV

sum_fat 發表於 18-1-18 10:12
我小朋友黎緊9月都會返JOYFUL, 我兩公婆o係屋企都係講廣東話, 同小朋友一齊睇&讀下英文故事書我就ok, 如果 ...

我女女讀左3年joyful
加半年joyful playgroup 「全英」1-5每日3hrs

佢地同學仔而家出街玩都係用英文傾計
我同你一樣，廣東話家庭無姐姐tim

我女英文一樣好好，發音好好聽

但普通話會明人講乜，但自己表達就要諗下

去旅行無論係外藉小朋友講英文定台灣國內小朋友講普通話

佢一樣自己去主動同人傾計

有次係滑雪場兒童設施地方，一行埋去人地到就講英文。但傾下傾下原來對方都係香港人。
個家長行埋黎同我講佢英文好好

我只會同佢伴讀下書...唔會同佢用英文傾計


如果讀joyful ..自己要落力d 教中文

學校套中文真係好一般

mlau216

LedTV 發表於 18-6-13 01:38
我女女讀左3年joyful
加半年joyful playgroup 「全英」1-5每日3hrs

想問吓，乜joyful有play group 上嫁咩？我喺website 搵唔到嘅？

LedTV

mlau216 發表於 18-8-17 00:58
想問吓，乜joyful有play group 上嫁咩？我喺website 搵唔到嘅？

有吖 荃灣千色店附近
Joyful world English centre