孩子駁咀應如何應對？

1998Ruby1998

回覆 Jane1983 的帖子

我阿爸都係咁，先羞辱一番，然後先講答案，然後就寸多一句。「咁都唔唔識」、「仲話自己讀 XXX」，次次聽完都好唔開心。佢都好憎人問 stupid questions，每次返到屋企都講佢公司老闆請埋 d 神神化化唔經大腦嘅人。
我自己都唔鍾意問 stupid questions 嘅人，但係對住小朋友反而可以 keep 到唔發脾氣，佢地真係唔識，唔係特登問。如果特登問，我會帶佢遊花園玩返佢地轉頭。

HK-MAN

little_yolky 發表於 17-11-27 10:04
1. 你老公無錯, 阿仔話做晒, 就要信佢。佢衰咗俾老師check到無做, 賴過嘢, 下次就會小心D。你成日同佢check ...

認同,特別係寫錯字,真係由得佢錯仲好..

little_yolky

YanKanMom 發表於 17-11-27 16:23
佢都係唔夠耐性，係公司唔發作也是近十年先練到返嚟。我老公則好鍾意與孩子一齊，好鍾意教佢地及同佢地玩， ...

我屋企無耐性果個係我 我响公司唔發作, 係生咗小朋友之後練成既, 連老細都話：你脾氣好咗好多喎。見完小朋友D嘢, 先發覺老細D要求都係小事情。

Jane1983

回覆 YanKanMom 的帖子

如果佢有齊你講的優點，都算係咁，少少不足就放佢啦!

Jane1983

回覆 1998Ruby1998 的帖子

哈哈，呢d係好多男人的通病。

YanKanMom

Jane1983 發表於 17-11-27 16:44
回覆 YanKanMom 的帖子

如果佢有齊你講的優點，都算係咁，少少不足就放佢啦!  ...

家嘈屋閉時都幾煩的。不過，也有笑聲連連的時候，雖不完全，但或許家就是這樣吧，我放過他時他也放過我。

Jane1983

回覆 YanKanMom 的帖子

呢d好正常吖，最緊要有一齊玩，有開心笑。好難日日父慈子孝、幸福滿瀉，咁上下八、九十分要收貨。

yovin

little_yolky 發表於 17-11-27 15:48
我覺得佢係真教錯。唔係我叫, 係我唔得閒, 所以小朋友無人問, 就問爸爸。阿妹已經好醒, 家姐得閒會先問家姐 ...

所以我好鐘意鼓鼓勵阿仔、老公、家人駁返我咀，咁我又駁返佢。互相駁來駁去更舉出例證，討論觀點。咁我先知道對方想什甚 ，可能我讀新聞系。

記得有次大仔三年级時同我說:<媽!你不要再駁我啦!我短兩年命啦！> 笑死我，他copy我老公 。

我覺得駁咀不是壞事，互相說出心底話。如果對方駁得好，我會讚佢講得好有道理我buy。所以現在大仔中四，我哋常常因通識題目駁來駁去，好似辯論咁。現在大仔细仔都會同我傾心事pillow talk。

yovin

yovin 發表於 17-11-27 19:29
所以我好鐘意鼓鼓勵阿仔、老公、家人駁返我咀，咁我又駁返佢。互相駁來駁去更舉出例證，討論觀點。咁我先 ...

不過老公話我pillow talk，係我把<仔>當<囡>教的中其一樣。

我到今時今日，我都唔知教仔同教囡有乜唔同，用<愛>去教咪得囉。

yovin

YanKanMom 發表於 17-11-27 16:12
唉, 我老公細個咪一樣鍾意玩唔認真讀書，但係佢就話因為當年我老爺奶奶冇理佢，但現在佢咁全心全意一片丹心 ...

我老公通山跑，又係细個唔鍾意讀書嗰種！
不過佢話今時今日佢咁錫奶奶，係因為奶奶無迫佢讀書。所以佢成曰叫我唔好理D仔，我又唔認同啦，我覺得管教係我嘅責任。

老公佢好有型，個仔唔聽佢嗰套，佢會同個仔講:<我已提點你，你 自負盈虧 啦！>就關門入房打機。

我哋兩個教仔係<天南地北>，互補長短。

YanKanMom

yovin 發表於 17-11-27 19:54
我老公通山跑，又係细個唔鍾意讀書嗰種！
不過佢話今時今日佢咁錫奶奶，係因為奶奶無迫佢讀書。所以佢成曰 ...

所以人人想法要求皆不同。我老公就老覺得父母没有投入太多時間理他是一遺憾。其實我猜若然他父母太理他，可能到時他又未必想了。

shadeslayer

駁嘴又唔鐘意，唔出聲又驚佢係醃春，比人蝦，其實父母想點者？ 係未出街就雄辯滔滔，一回家就鵪鶉？

greentea000

shadeslayer 發表於 17-11-27 20:49
駁嘴又唔鐘意，唔出聲又驚佢係醃春，比人蝦，其實父母想點者？ 係未出街就雄辯滔滔，一回家就鵪鶉？
...

有Ｄ父母係仔女凡有唔同意見就係駁嘴，又有Ｄ其實係介意仔女態度惡劣，意見唔同反而無問題。

retriever

little_yolky 發表於 17-11-27 15:45
咁我C6家教就100分既。
不過, 我估你咁幫D老公講說話, 一定係爸爸嚟。
...

其實而家D 爸爸好大壓力。

早兩年去D 社區中心睇下有咩COURSE 報，原來而家好多類似 “男士加油站” 既項目 。原因如下：

第一，男士在家庭地位漸漸低下。
第二，傳統上男士唔可以表現柔弱。
第三，社會上對母親角色付出既褒獎和認同，大大超過父親角色。
第四，男士多為家庭經濟支柱。社會經濟環境差增加憂慮。

男士跟女士育兒理念有較大差距。

有時候為了家庭和諧，好多野睜一眼閉一眼隨俗算了。

retriever

yovin 發表於 17-11-27 19:33
不過老公話我pillow talk，係我把當教的中其一樣。

我到今時今日，我都唔知教仔同教囡有乜唔同，用去教咪 ...

除咗愛，仔要 “尊重”

babywoman

回覆 greentea000 的帖子

我身邊識一個女仔，10歲，超級麻煩，真是一言九頂，經常激到亞媽要落街。可能個女仔步入青春期，總之乜都聽不進。有理沒理駁左先。我地在旁都覺得難教。希望只是過渡期

judy

早兩年去D 社區中心睇下有咩COURSE 報，原來而家好多類似 “男士加油站” 既項目 。原因如下：

第一，男士在家庭地位漸漸低下。
第二，傳統上男士唔可以表現柔弱。
第三，社會上對母親角色付出既褒獎和認同，大大超過父親角色。
第四，男士多為家庭經濟支柱。社會經濟環境差增加憂慮。

男士跟女士育兒理念有較大差距。

大少最鍾意獅子王，佢話獅子王咩都唔使做，三妻四妾，得周吼幾聲宣示主權就得。

佢話雖然獅子王晚景悽涼，但男人也好不了幾多。人到老時冇嘢做時地位也不如前，子女俾家用多俾阿媽。

大少仲話，唔使等人老時，佢有同事連買禮物考敬父母都俾老婆話，搞到精神壓抑。

有時在親子王國那邊見有女网民係到數家婆，罵先生考順，搬屋讓家婆知，竟然得到好多网民同情安慰。真唔知點講好！

yamin

retriever 發表於 17-11-28 08:48
本帖最後由 retriever 於 17-11-28 08:49 編輯

其實而家D 爸爸好大壓力。

很認同。自從仔返小學，成日同老公鬧交。我會改下

Jane1983

回覆 babywoman 的帖子

唔係卦，10歲比個女逼落街？個亞媽係咪弱咗少少！10歲女，不過五年級，辣椒極都係細蚊女。而家已經投晒降，咁點教。
到佢14、15歲少女期，仲得了！可以搵屋搬了。

Jane1983

到青春期，父母面對問題更多。好似朋友個女，係英國讀書，放假回家，兩老對佢的背心短裙打扮，好頂唔順。但奇怪的是，成個暑假，兩公婆都係專業人士，加埋成百歲，你推我，我推你，都無人夠膽開口講。今時今日，父母好弱勢。10歲仲未大，仲有得教。