請指教: 多閱讀仍未能寫出好句子, 文章

little_yolky

cowboybaby 發表於 17-7-8 12:45
係呀小二，我地平時作文唔計分，堂上作，一睇就知有老師教

我哋平時作文都計分, 有上堂作, 有返屋企作。但老師只係講一下題目, 唔會仔細教的。

PeggieLam

edconcheung 發表於 17-7-10 00:34
閱及寫，相輔相成，試下仿作文章，多讀多寫，就可以提升寫作能力。

叫佢作無問題, 不過作咗我唔識批改, 先係重點

1998Ruby1998

回覆 PeggieLam 的帖子

好多作家細細個家境都唔係咁好啦，有 d 仲父母離異，屋企學歷唔高，照樣做大文豪。只要佢肯多寫多練，父母又鼓勵佢，自自然然就會進步。
我阿爸阿媽都唔係學歷高嘅人，阿媽仲係得 speaking 係見得人，阿爸淨係得 Business English，我咪照樣日日寫英文日日練習。阿爸好鼓勵我寫架。過左一排再望翻以前嘅文章，真係覺得自己以前好唔掂，所以就算冇人改都會進步。當然有人指點一下就最好啦。  

edconcheung

1998Ruby1998 發表於 17-7-10 17:49
回覆 PeggieLam 的帖子

好多作家細細個家境都唔係咁好啦，有 d 仲父母離異，屋企學歷唔高，照樣做大文豪。 ...

對！冇人改，任寫，其實係一種享受。我都係好鍾意寫野，Keep文章，睇番就自然知自己昔日寫作有幾嫩。

edconcheung

PeggieLam 發表於 17-7-10 17:21
叫佢作無問題, 不過作咗我唔識批改, 先係重點

未必需要改。試下隔一排比小朋友修改，都係一種學習。總之每日寫50-100字。唔知寫咩，就用說明文，日記。題目：如何搭巴士，小朋友將步驟寫得越仔細，觀察力越強。其實，佳句都係出自觀察。

另閱讀方面通常選用故事書，阿濃既書，好岩初小學生睇。吸收好作家思想、有趣筆法，自然有興趣寫作。

ppmmbb

1998Ruby1998 發表於 17-7-10 17:49
回覆 PeggieLam 的帖子

好多作家細細個家境都唔係咁好啦，有 d 仲父母離異，屋企學歷唔高，照樣做大文豪。 ...

Speaking  + Business  English 已幫唔少啦!!!

1998Ruby1998

回覆 ppmmbb 的帖子

我阿媽唔同我講英文，我地講客家話。我冇 Bed-time story，冇伴讀，冇額外請老師，都冇睇明珠台／英文卡通習慣。
阿爸從來都冇教我英文（佢連我咩年出世都唔記得），以前仲成日教錯我 prepositions、tense，我話唔係咁，佢死都唔信打到我要改曬 d 答案為止，之後老師派翻練習翻黎好多答案都錯曬，我又喊又發曬脾氣，自此佢就唔再理我功課學業。佢因為 19 歲先黎自學英文，除左寫公函之外，其他一概都唔得。

不過我阿爸好上進，知道自己英文唔得掂，我小學果陣日日陪我睇 Bloomberg。我唔明架，佢都唔解釋由得我自己估，我照睇。

所以佢地係我英文道路參與程度比依家好多家長還要低，只係學校老師教過我。

MrBeast

PeggieLam 發表於 17-7-10 17:21
叫佢作無問題, 不過作咗我唔識批改, 先係重點

K3我小朋友已開始寫日記，當然要幫和很多錯，有時朋友見到good intention 指出錯處，我都一概不理唔改，因為咁會增加挫敗感，久而久之就冇興趣寫，但通常我會叫讀一次是否順口

PeggieLam

1998Ruby1998 發表於 17-7-10 17:49
回覆 PeggieLam 的帖子

好多作家細細個家境都唔係咁好啦，有 d 仲父母離異，屋企學歷唔高，照樣做大文豪。 ...

如果我小朋友都好似你咁, 懂得自己翻看自己文章, 再改進自己就好!!

PeggieLam

edconcheung 發表於 17-7-10 20:28
未必需要改。試下隔一排比小朋友修改，都係一種學習。總之每日寫50-100字。唔知寫咩，就用說明文，日記。 ...

明白, 我試試, 謝謝!
另想請教一下, 阿濃既書, 有無邊一兩本可以俾我參考下?

PeggieLam

MrBeast 發表於 17-7-11 08:28
K3我小朋友已開始寫日記，當然要幫和很多錯，有時朋友見到good intention 指出錯處，我都一概不理唔改，因 ...

你小朋友好叻, 好乖!!
想請教, 你話你小朋友當時都很多錯, 其實係點樣錯法? 句子唔通順? 你都一概唔改嗎?

MrBeast

PeggieLam 發表於 17-7-11 10:12
你小朋友好叻, 好乖!!
想請教, 你話你小朋友當時都很多錯, 其實係點樣錯法? 句子唔通順? 你都一概唔改嗎?
...

都算聽教，叻就唔算。
初初好多時唔知寫乜，和生字唔識，小一學校有framework時地人事感，有時會漏，其餘通常就錯字，既然我唔理錯乜，自然都唔會pay too much attention.

句子唔通順有時改有時只講出通順d的句子就算。

little_yolky

PeggieLam 發表於 17-7-11 10:12
你小朋友好叻, 好乖!!
想請教, 你話你小朋友當時都很多錯, 其實係點樣錯法? 句子唔通順? 你都一概唔改嗎?
...

我當年玩交換日記, 會响對方日記旁寫feedback, 咁我就會响feedback度, 用返句正確句式既句子寫回應, 但唔會改佢既錯。

little_kid

你哋小朋友好聽話。 我亦有叫我小朋友每日寫篇英文俾我睇，當寫日記， 係寫什麼都得， 字數不限， 但都唔寫。 每日我放工返黎就見佢玩/睇電視， 問佢寫左文未， 佢就藉口多多， 話諗唔到寫咩， 唔見左本簿， 唔舒服。 我真係無哂辦法。