點解呢個世界上可以有咁無品既小朋友

simonwan

趁機同兩個女講蘇東波同佛印的故事。

siden

MC1128 發表於 17-6-26 22:47
教好子女以禮待人好重要, 如果真係越界, 當然應該教導訓斥

只是想講, 十一、二歲兒童(唔係指文中個兩位同 ...

十一、二歲唔識得尊重人，我憑什麼認為佢將來識尊重父母？
我唔覺得相差有幾遠。

bluestar3000

之前我都有俾鄰居既小朋友（約十歲）不禮貌對待，當時我都好嬲，心諗我小朋友（當年四歲）揀小學就係因為這個原因唔會揀佢讀嗰間，之後隔了一段時間（約一年），有一次佢見到我同我打招呼，那一刻我覺得佢轉变了很大，也原諒佢了。其實，諗番我小時撞板多過食飯，得罪人多亦稱呼人少，慢慢磨練下，先學到咩叫做知書識禮，所以諗番轉頭，根本不值得嬲一個小朋友。十一、二歲仲細，人會变，可以由好变壞，亦都可以由壞变好，教其他人子女同教自己子女一樣，做錯事寬恕佢地，再慢慢同佢地講道理，佢地有一日一定會变好的。

Jessy

名校, 一線, 二線同埋寶校都會有呢類無禮貌無口德唔理人感受的學生, 同邊間學校無關係呀!! 拎佢來做反面教材幾好呀!!

教好自己小朋友唔好咁對人就可以了, 人生中總會遇到好多呢D人,  同自己小朋友傾下唔好放在心上.

我囝成日遇到呢D人, 不論興趣班抑或學校或者鄰居都有呢類小朋友, 佢次次都同我分享佢聽到D咩架, 佢頭先瞓覺前先話, 今日佢D同班同學話佢蠢, 數學唔夠高分.  我叫佢唔好理D人講咩, 一山還有一山高, 叻過你唔代表D咩, 做人最緊要唔好驕傲, 咁你年年運動會拎金牌唔通你又笑返佢運動差過你? 我囝答我梗係唔會, 從來都唔會講呢D.  

自己囝囡自己教好就夠, 把口生響人地度, 留返人地父母教, 佢父母唔教咪留返將來社會教羅.  

多言了, 但真係忍唔住, 希望唔駛受靶啦.  

MrBeast

CALVEN 發表於 17-6-26 17:53
我覺得父母、家庭影響大D。

同意，身邊有個例子，自小比父母洗腦自己係最叻（事實上都是叻），天生又中意演野，聚會時有意無意就會提起自己的威水史，上到小學就周圍同人講話自己係英文小學，點知上得山多終遇虎，有次遇到個讀mcs，比人寸返轉頭，又一次問另一個朋友有冇science科，點知人地早佢一年，當堂無哂引

MrBeast

brother4 發表於 17-6-26 17:11
又關名校事?好似是小朋友自己質數及父母身教多D。。。放自由講塲討論區好D。。。哈哈
...

咁都要有本錢先寸得起

MrBeast

little_yolky 發表於 17-6-26 12:52
點解呢個世界上, 可以有咁無品既小朋友。

話說阿女們上興趣班, 有兩個地區名校既小六女仔。佢哋break時同 ...

我會同小朋友一起分析點解對方會說這些說話，自己感受如何，why not make it a 同理心 teaching moment

retriever

1998Ruby1998 發表於 17-6-26 13:16
可能係個阿爸或者其他長輩，耳濡目染。又或者，個媽媽表面有禮，但係翻到屋企就現形。

可以教 ...

唔好賴呀爸播！！！

retriever

MrBeast 發表於 17-6-27 06:42
咁都要有本錢先寸得起

寸唔寸係教養，唔係有無本錢！

HaYi

不過而家有D小朋友真係好奇怪, 我識D同我細仔(K3)一樣大的小朋友, 識得追住人問考到咩小學, 又說自己好叻考到咩咩咩.   我通常都拉左我個走.  

little_yolky

mylittleson 發表於 17-6-26 18:31
邊間學校d學生咁無禮貌和短視？阮鄭？

當然不是。

retriever

little_yolky 發表於 17-6-26 12:52
點解呢個世界上, 可以有咁無品既小朋友。

話說阿女們上興趣班, 有兩個地區名校既小六女仔。佢哋break時同 ...

對學校既評價，一定係大人既價值觀，即背後唔知邊個大人，或佢同學背後既大人散播出來。

但對樣子既喜好係較個人，所以亦真係佢既價值觀，係咪直面講出來係教養。

媽媽禮貌，唔一定細路跟足。父母太心慈，細路亦未必聽支笛。

所以版內話行為禮貌完全係父母既修行，個人唔係咁認同。同學圈學校既教養亦好重，特別細路上左小學，唔少見老師同學多過見父母。

我細路學校教細路們要講有益既說話，包括唔好叫人“肥仔”

Jane1983

回覆 HaYi 的帖子

可能亞媽叫佢問人，個細路要返去交數ga。

little_yolky

brother4 發表於 17-6-26 17:52
真係同 學校有太大關係?同 宗教有關係?如果剛相反同學是讚你的小朋友叻及字靚，咁間同學名校真係教得好是嗎 ...

當然, 如果一班朋友出去玩, 朋友的小孩無禮貌, 我一定唔會出聲, 就算姐妹小孩我都唔會出聲。但如果有親戚朋友話我小朋友無禮貌, 我一定會嚴肅正視, 不會一笑置之。

little_yolky

ar_mak 發表於 17-6-26 20:44
唔係喎,你而家係網上公審兩個細路女,同小朋友計較,係你唔岩喎.

實際情況係點,我當然唔知啦,但其實好多時d ...

所以我咪無公開佢哋名同學校囉。

如果當時阿女們即刻同我講, 佢哋就死緊了。係阿細無端端問我佢對眼係咪好奇怪, 我問問下至知道呢兩個細路女咁無教養。

little_yolky

Olympian 發表於 17-6-26 18:45
唔緊要啦！比你個女經歷下。五、六年班女仔把口可以好衰的了。如果你個女成績好或靚女，或者兩樣都係，更易 ...

個髮型真係好可愛, 顯得妹妹好萌。

little_yolky

964000 發表於 17-6-26 21:04
其實女仔好多都好mean, 吾係維護佢，我都不希望我女會遇到

我真係又好似未聽過男仔話人剪完頭髮好肉酸喎。

little_yolky

siden 發表於 17-6-26 22:29
我撐楼主。

衝口而出不是不尊重人嘅藉口或理由。

記得當年有個長輩話, 佢個囝同佢講：你就更年期, 我就青春期, 我哋溝通唔到。

judy

話說阿女們上興趣班, 有兩個地區名校既小六女仔。佢哋break時同女女聊天, 問女女讀邊間學校。阿女如實講, 點知佢哋話：XX呢間學校好差既, 你哋一定無前途。

然後, 其中一個女仔又話阿妹好醜樣(因為佢剪短咗頭髮), 又話阿妹對眼好奇怪。搞到阿妹係咁照鏡, 研究自己對眼有咩奇怪。

重新睇番轉頭，真係唔係咁差。"問女女讀邊間學校。阿女如實講, 點知佢哋話：XX呢間學校好差既, 你哋一定無前途。" 呢啲嘢BK常見，爸爸媽媽係BK度成日講寶校啦、一缐啦、二缐啦，極盡睇唔起人之能事。入到甚麼"神校"又人憑子貴，成副高人一等嘅咀臉。小朋友可能係屋企聽得父母嘅偉論多，見到新小朋友(小朋友又容易熟)，發表見解而己。

至於甚麼 "其中一個女仔又話阿妹好醜樣(因為佢剪短咗頭髮), 又話阿妹對眼好奇怪。"，我又唔覺個小朋友專登人身攻擊。大人見面(特别係女人)，都會話你條裙好靚呀，條鏈好夾個髮型等等。小朋友見面，遇到個好快同人熟嘅或多咀嘅，佢見阿妹頭髮短唔靚，對眼好奇怪，而話佢醜樣....。

我隔咗層，所以我可以咁理智去評論，勿怪。