可否俾些正能量我，派位結果令我情緒好低落

ritalwt

我女派咗十幾志願（70網），一睇到個校名我啲眼淚不由自主咁流出嚟，好彩冇帶個女去。琴日四出交咗幾間叩門，暫時交咗跨區（71網），連九龍區都交咗。聽日就交本區。
但之前in直私一個offer都冇，只得waiting, 好擔心叩門面試都一樣

katie816

cattz288 發表於 17-6-4 08:53
加油啊！

謝謝你

katie816

ritalwt 發表於 17-6-4 08:55
我女派咗十幾志願（70網），一睇到個校名我啲眼淚不由自主咁流出嚟，好彩冇帶個女去。琴日四出交咗幾間叩門 ...

我同你一樣既感覺，差成咁，有人問我點解會派成咁，我都唔識答

Happy_J

加油，大人小朋友都要保持良好心態，唔好太大壓力，試多一兩家，同埋未必即時有結果，遇咗一段時間要面對呢個結果。至於人地抽中，唔好理啦⋯⋯舊年識人抽中SFS係FB 晒，但一年都追唔上，日日係FB鬧學校多功課又深，所以選校係要match，同埋啱小朋友。
祝早日有好消息

kcbaby2013

katie816 發表於 17-6-4 07:45
我暫時無影響阿女心情，12網派到寶校，亦不會同阿女講，見她好學好問，唔識既會返屋企查字典，好愛鍚身邊人 ...

MMVV

如果扣門面試是見校長，不妨坦白說自己小朋派了邊間，再客觀比較扣門學校跟被派學校有甚麼優性，校長是明白甚至有分加。我當年也有跟扣門學校校長說最後收了。我覺得扣門學校對呢d"特別”學生特別關照。

Jayann

記住！未到最後一刻都唔知結果係點，如果你舊年6月 4號有上嚟睇，你就知道有唔少人一開始都係唔中，之後當然努力叩門，最後反而係煩惱應該揀邊間～呢一刻你條路可能比人哋複雜左小小，不過唔緊要，盡力去做無悔就可以:) 你囡囡咁乖，你更加要相信自己同佢嘅能力，雖然呢度有好多人報喜，咁當然派得中頭三先至有心情上黎報喜，派唔中嘅徬徨同唔開心好正常，不過千祈唔好氣餒，上年D人叩門叩到開學都仲有Offer ，而家個個就算有唔錯嘅Offer都會周圍去叩門，所以你唔好放棄，難得個女咁生性，自己upset一陣就好啦～ 老土D講句，機會係留俾有準備嘅人之餘，亦都係留俾肯嘗試唔怕輸嘅人。加油！等妳好消息！

wynnlitheboo

回覆 katie816 的帖子

我都係寶校，我地要撐住呀

xgjian

只要小朋友唔太差，叩返間可以接受的學校唔難，加油吧！希望在明天

brother4

當年跨區叩門成功，考慮附近跨區學校，一般有校巴也好方便。。。

irisw

以前睇電視人地放榜咁激動都唔係好明白佢地嘅心情，今年到自己先深深感受到果份壓力，今日心情依然好複雜，好冇心機，真係連胃口都冇埋，灰到頂點
不過都同自己講要盡力叩門，起碼盡咗力，叩唔到都冇辦法

mcl203

katie816 發表於 17-6-4 07:45
我暫時無影響阿女心情，12網派到寶校，亦不會同阿女講，見她好學好問，唔識既會返屋企查字典，好愛鍚身邊人 ...

12網女校多，都有利女仔叩門。再加，相信男女校都有D偏向加重男女組合，始終男多女少。努力呀，同你囡囡一齊加油，機會一定存在 ~~~

hy8838

我仲要派間跨區寶校! 希望在人間，我識人放棄左RHS, 所以應該有位的，先考左RHS先再等叩，我朋友舊年都叩到寶血，祝順利,加油

Angel_BB

我女兩年前都係被派左去一間離家頗遠，連校巴都無的村校，傷心之餘，只可以努力去叩門... 區內區外、一線二線，我地叩左12間，10間有得in，最終有兩間收，其中一間係等左一個月先confirm有位的乙一...

所以一定有機會的，好好幫小朋友準備，加油！

Yunisbb

katie816 發表於 17-6-4 08:57
我同你一樣既感覺，差成咁，有人問我點解會派成咁，我都唔識答

加油，不要放棄

Angel_BB

Happy_J 發表於 17-6-4 09:11
加油，大人小朋友都要保持良好心態，唔好太大壓力，試多一兩家，同埋未必即時有結果，遇咗一段時間要面對呢 ...

同意！派讀都未必讀到，讀得辛苦，中途轉校的大有人在

happyshirley

加油啊！希望在明天💪🏼💪🏼💪🏼

meowymeowy

katie816 發表於 17-6-4 07:45
我暫時無影響阿女心情，12網派到寶校，亦不會同阿女講，見她好學好問，唔識既會返屋企查字典，好愛鍚身邊人 ...

其實殊途同歸，我細個係讀傳統名女校大，見過有同學偷竊、自殺、(emoji)大脾、作弊、剪人頭髮，亦識隔離男名校的人會考得1分或0分、吸毒，所以每間學校有叻人、有反叛的人，有成績好的人、有成績不好的人。當中有成績好的，一出來社會做事便自殺死去。有本來成績不好，但留班後或上大學後生性，搵到好工賺大錢。我想說，讀什麼幼稚園、小學、中學、甚至拿幾多學位不是最重要，最重要係教識小朋友點做人，點面對人生。好多畢業後職場再會，ranking 、成就差不多，所以放鬆d啦，一間會欣賞及適合你小朋友的學校才是最重要。

retriever

katie816 發表於 17-6-4 07:45
我暫時無影響阿女心情，12網派到寶校，亦不會同阿女講，見她好學好問，唔識既會返屋企查字典，好愛鍚身邊人 ...

叩門，有人叩一蘿返來。

希望在人間。

有信仰既，儘量理性安排，其他交俾天上老細。

Soundervolt

幾年前派位日，我見到派位結果之後講咗一向：「有冇搞錯呀!?」，幾年過去，阿仔真係証明當日佢地真係搞錯。其實最好嘅嘢可能已經喺您身邊。