家長要懂得放手!

MrBeast

ar_mak 發表於 17-4-27 19:01
同學A : 我阿媽話,你唔好諗住一路好走,會燒幾個老師和一大叠練習落黎......
同學B : OK喎,我阿媽話會跟埋落 ...

想起幾個月前有段短片有similar 對白

MrBeast

brother4 發表於 17-4-28 01:41
剛看見自由講場*一位重度抑鬱症學生的自白書*，家長一心想孩子入好學校 ，由細訓練至大，三歲起唐詩，千字 ...

本來開始有dd後悔冇從幼三字經，見到這分享，有d野都是隨遇而安罷了

MrBeast

Yanamami 發表於 17-4-28 08:07
我个女－句KO我……
.......佢即刻答：你自己試下游吖

我都用這幫小朋友答老闆的，講真要squeeze that little extra 真是不易的

retriever

Yanamami 發表於 17-4-28 08:07
我个女－句KO我……
有次游水比賽我只係好causal講左句：哎吔~快多－秒就可以XXX.......

你女講野中POINT， 一針見血！

judy

隔鄰自由講塲**燒幾個老師同一堆習作俾你?**(剛好昨天有一個朋友，一路好走) 見post內容是小四的兒子要求好高，考99分都吾得，要100分，結果有次失準，個媽媽狠狠鬧孩子:你唔好諗住一路好走，會燒幾個老師和一大叠練習比孩子做。。。考試成績人生一個小部份，要珍惜眼前人，失去後悔莫及。。。

依家有啲家長真係好癲。係教仔方面，我會投爸爸一票，冇可否認，爸爸會寬鬆啲，合理啲，结果真係會好啲。

1998Ruby1998

回覆 Yanamami 的帖子

我講呢 d，即刻畀阿爸阿媽教訓，話：「我地老，做唔到好正常，你後生，做唔到係你問題」
果殼真係好想一拳打過去，又要我做，做唔到就話我冇用，但係自己又「倚老賣老」，合理化成件事。

不過我記得我有個同學，佢有中一考試中文唔合格得 40%，個阿媽鬧佢，佢同阿媽打賭做卷，如果阿媽高分過佢，佢即刻唔再搏嘴，如果低分，就阿媽收聲。結果個阿媽分數得 30%，即刻冇聲出，以後就唔再話個女點解成績差。

我覺得家長都可以試下，同仔女一樣，限時做同一份卷，如果你低分過仔女，咁就唔好諸多要求，要佢地攞滿分啦

judy

你女講野中POINT， 一針見血！

我就覺得冇咩point (如果呢句有point嘅話，上司點可能管到下屬？年老嘅領隊怎能指導球星？). 如果我嘅閱讀能力唔太差的話，母女都是表逹情感而己，媽媽覺得可惜，阿女贏唔到唔開心，拿阿媽出氣而己。

總之，管教子女要理性、合理。

Yanamami

1998Ruby1998 發表於 17-4-28 10:23
回覆 Yanamami 的帖子

我講呢 d，即刻畀阿爸阿媽教訓，話：「我地老，做唔到好正常，你後生，做唔到係你問 ...

你都唔識駁咀~我女会話你細个时有無禁叻？嗱~咪同我講細时公公婆婆無要求或無資源呀~
个重点唔係老唔老有無得比……你爸媽明顯係听明扮唔明耍你~重点係，自己都做唔到点要求人做？自己做家庭主婦但日曰鬧个老公揾唔到錢番黎，無升職？無鬼用？唔得㗎嘛……

Yanamami

judy 發表於 17-4-28 10:26
我就覺得冇咩point (如果呢句有point嘅話，上司點可能管到下屬？年老嘅領隊怎能指導球星？). 如果我嘅閱 ...

哈！錯了~佢份人贏輸好閒~係塞住我把囗先發制人，唔好叫佢加操~老闆同教練身份点同阿媽吖~教練擺明个job係要折磨你，呢个係佢个job;老闆嘛，你受人二分四仲夠胆出声？呢个係你个job.阿媽点有地位吖~再講落去，佢話你估我唔想100分，唔想次次囉冠軍？不过你生成我能力係禁上下，無計~

MrBeast

Yanamami 發表於 17-4-28 10:28
你都唔識駁咀~我女会話你細个时有無禁叻？嗱~咪同我講細时公公婆婆無要求或無資源呀~
个重点唔係老唔老有無 ...

我就間中會話小朋友比我叻，至少我小學冇看過ort, mth, etc. 上次看39 steps，係我中學的故事書

retriever

judy 發表於 17-4-28 10:26
我就覺得冇咩point (如果呢句有point嘅話，上司點可能管到下屬？年老嘅領隊怎能指導球星？). 如果我嘅閱 ...

我指中POINT， 係指背後既意思，唔係叫個老既真係做。

背後意思，係講既得把口講，無經歷過，講物都得。

用你教練球星做例子，正正係球員出身既教練更有說服力。好似摩連奴點解佢成日同球員反面？正係佢從未做過球員。反之，費爺惡死，但球員俾佢鬧都服佢，當佢係嚴父！

little_yolky

shadeslayer 發表於 17-4-27 20:48
我都話好多家長, 唔理孩子能力, 一味加壓力, 孩子無法解決, 走上絕路唔出奇。
...

噚日凌晨又有兩個, 一個27歲銀行職員, 一個15歲中三男仔............唉！

MrBeast

e世代和子女溝通，父母要有同理心和用關懷的語氣，以朋友或mentor的身分，就算不是自己個飯，也可以一起討論方法

YanKanMom

judy 發表於 17-4-28 10:10
依家有啲家長真係好癲。係教仔方面，我會投爸爸一票，冇可否認，爸爸會寬鬆啲，合理啲，结果真係會好啲。 ...

唔一定咖, 我家那個爸比我高要求啊, 搞到我都幾頭痛呢!

judy

我指中POINT， 係指背後既意思，唔係叫個老既真係做。

背後意思，係講既得把口講，無經歷過，講物都得。

用你教練球星做例子，正正係球員出身既教練更有說服力。好似摩連奴點解佢成日同球員反面？正係佢從未做過球員。反之，費爺惡死，但球員俾佢鬧都服佢，當佢係嚴父！

我指嘅冇POINT，也正正係指背後既意思。就算係得把口講，無經歷過，講物都得。"你自己試下游" 呢句話都冇point.

句話中唔中point, 係句話本身有冇point，合唔合理。和說的人係唔係"得把口講，無經歷過，講物都得"無關。

同一句話，同一件事，冇理由費爺就對，摩連奴就錯。

我相信牛丸比佢手下球員差多，手下球員唔會因牛丸"得把口講，無經歷過，講物都得" 而叫牛丸自己試下呱。

"你自己試下"呢句話，表達情感可以，但冇point.

作為父母，唔多唔小都會向子女提出要求，只要要求是合理的，就算自己幾"無經歷，把口講" 都可提出。

little_yolky

judy 發表於 17-4-28 10:10
依家有啲家長真係好癲。係教仔方面，我會投爸爸一票，冇可否認，爸爸會寬鬆啲，合理啲，结果真係會好啲。 ...

如果爸爸顛起上嚟, 就好大鑊了。EK都好似有D媽媽反映屋企有個顛爸。

不過, 樓主講件事唔知係真既定作既, 如果係真既, 真係好想有人轉告佢一則新聞：幾個月前, 我睇新聞見到國內有個家庭, 個阿媽又係好迫個女讀書, 阿爸好錫個女既。有一次可能又係阿媽over咗, 阿爸就私底下斬死咗個阿媽, 當然知道走唔甩, 不過, 可能佢根本無諗過要走。佢帶個女去遊樂場開心玩咗一日, 最後公安响樂園門口等佢.............

judy

唔一定咖, 我家那個爸比我高要求啊, 搞到我都幾頭痛呢!

我講係大部分。對子女的期望、要求，很多爸爸都高。但具體操作上，我見爸爸就俾媽媽優勝。

little_yolky

brother4 發表於 17-4-28 01:41
剛看見自由講場*一位重度抑鬱症學生的自白書*，家長一心想孩子入好學校 ，由細訓練至大，三歲起唐詩，千字 ...

拿, 呢則水份就好多。

首先, HK係全日制, 放學都三點幾, 點排到4個活動? 仲要啱啱好時間一個接一個咁perfect。唔合理。另外, 由細到大教唐詩、千字文、三字經更加唔會構成壓力, 會變成生活既一部份。如果大咗自己識揀書先叫佢睇, 反而會反感, 事倍功半。而且, 現在坊間D古書出得圖文並茂, 都係為吸引小朋友, 點會成為壓力既根源。有壓力都係關家長事, 唔係D書既問題。

little_yolky

MrBeast 發表於 17-4-28 08:41
本來開始有dd後悔冇從幼三字經，見到這分享，有d野都是隨遇而安罷了
...

你個咁大, 想唔隨遇而安都唔得了。因為佢自己識選擇。如果你真係想佢多接觸, 唯有先搞好自己既古文水平, 一齊讀, 唔係, 就只有寄望佢遇到個好既老師了。

1998Ruby1998

回覆 Yanamami 的帖子

唉！呢句我都講過，同你預料一樣，佢同我講：「我細個咩資源都冇，你依家父母畀咁多資源，做唔到係你唔好。」（咁佢地又真係細個好窮）
我駁咀功夫比一般人深厚，我幼稚園就已經嘴上功夫激到所有幼稚園老師都投訴我唔合作同埋唔聽話，要我轉校。
我阿爸次次都鬧我會計同經濟讀得差，佢成日話好容易，唔明白我點解咁差成績。我小四學地理，我同阿爸講，北極係海洋，南極係沙漠，佢話我錯同埋讀屎片，咁冇常識嘅野都講得出，我好嬲，於是上網列印埋「證據」，佢竟然話我證據來源唔可靠！好多次我畀證據佢睇，佢都唔會話我係正確。依家大個就明白，阿爸好要面，驚佢個地位同埋知識畀我超越姐。

（少少離題）有一次有人黎睇樓，阿爸隻錶唔見左，賴我做咩唔 gup 實個陌生人，鬧我鬧得好金，斗巴扯到我塊面紅腫，最後搵得返，佢都冇同我講聲 sorry。

其實佢講聲 sorry 同埋呵番，我好受落，唔會出現以下嘅「報仇」。


我細個邊識得「沉住氣，當佢講廢話」，佢玩我咁多次，於是我「報仇」，將佢本電話簿（果陣未有 smartphone）畀我自閉症個阿哥畫到五顏六色擦唔到，等阿爸冇得鬧任何人。當然仲有其他「報仇」，例如將阿媽手提電話放電搞到第二日冇電話用同埋將佢鬧人嘅說話錄音做佢電話鈴聲（佢一出街就打電話畀佢），將阿爸錄影嘅劇集電音剷曬（當然要嫁禍畀阿哥，話佢亂玩電腦同手機），將阿爸套西裝整幾滴奶茶漬、番茄醬，嫁禍畀阿爸，等阿媽以為係佢食野唔小心而鬧佢。 仲有最常用係將佢地 d 銀包、鎖匙、電話、卡亂放，等佢地自己嚇自己。咁樣佢地就會唔記得我做過 d 咩。

依家回憶起，如果我係阿媽，真係想掐死自己。