九月份上小學

Olympian

我諗小一，10個有8個都未睇到小兵。雖然話相對其他橋樑書少字。二年班就大概可以了。小學課文會學好多字，所以儲到小二就應可以睇到小兵，仲要計係鐘意睇書嘅小朋友。不過如果佢幼稚園學到，你當然可以同佢認多一些字。

我覺得升小前最重要是培養到放學乖乖做功課和溫習的習慣，初時可以陪做，但必須有合作的態度。適應一般都不大問題。學校都有適應週。幼稚園有大都有小一適應課程。唔洗咁擔心。

Ireneyoung

Olympian 發表於 17-3-22 21:04
我諗小一，10個有8個都未睇到小兵。雖然話相對其他橋樑書少字。二年班就大概可以了。小學課文會學好多字， ...

我仔今年九月小一，現在k3差不多每日伴讀，樂讀123，鬥嘴一班（對我仔用詞深，但佢當故事聽，佢好like)等，可能佢已認到很多字，所以願意嘗試看多字的書（伴讀），青田有本叫我是小一生，易明，啱曬小朋友睇，除了中文書，英文書我現在大部分請他自己聽audio book ,我之後抽時間簡略解中文，我不介意伴讀，最重要培養小朋友閱讀興趣，自理方面，我諗住過多一兩個月開始train ,如poo poo 自己抹等

tingting2018

平常心唔想甘快有壓力

bb1234bb

我想問下大家D小朋友，幼稚園有冇中文默書㗎？我個仔淨係讀到中文字，但默唔到，佢净係鐘意睇英文書，唔會睇中文，佢今年9月升小一，我擔心佢應付唔到中文默書呀！
想問下小學一班幾多人呀？（小班同大班嘅人數）

LeeCC

戒午睡，讓他學習下午也做一些學術的活動例如寫下字，看書，也要早睡早起

LeeCC

bb1234bb 發表於 17-4-17 02:07
我想問下大家D小朋友，幼稚園有冇中文默書㗎？我個仔淨係讀到中文字，但默唔到，佢净係鐘意睇英文書，唔會 ...

我仔讀happy幼稚園，，唔知咩叫默書測驗考試
我在升小一暑假，拿出k 3的中英詞語抄寫功課，陪佢默曬，上小一默書無問題

小朋友讀無教快津小

day_bo

bb1234bb 發表於 17-4-17 02:07
我想問下大家D小朋友，幼稚園有冇中文默書㗎？我個仔淨係讀到中文字，但默唔到，佢净係鐘意睇英文書，唔會 ...

阿仔幼稚園K2開始已有中英文默書，K3已默詞語句子，而且K3已自己上堂寫手冊，所以現在已小一（津校），一直都很適應，很享受學校生活。以我所知，津校小班大約25-26人，大班大約33-34人，如有錯請糾正。

Jane1983

回覆 LeeCC 的帖子

做足準備

asweetmom

生完細女即刻決定撲龍校，可惜失敗！╮(╯_╰)╭

LeeCC

bb1234bb 發表於 17-4-17 02:07
我想問下大家D小朋友，幼稚園有冇中文默書㗎？我個仔淨係讀到中文字，但默唔到，佢净係鐘意睇英文書，唔會 ...

小班25人，可topup至27大班30人，可topup至33

洋蔥頭媽咪

little_yolky 發表於 17-3-21 09:50
1. 學校有未?係咪普教中, 如係, 得閒同佢講下普通話, 等佢耳仔習慣下。2. 要教識佢定時定候飲水去廁所。如 ...

可能我要求唔高，我仔小一主要培養佢地自理能力、態度及自信，成績不會太著重，所以練習果啲都冇比佢地做過。你寫嘅同我做嘅差不多，由其第九點我真係經常同仔分享，讚多啲幫佢建立自信，我相信培養良好學習態度及自學能力，小朋友成績自然會提升。有時見到現今家長在小朋友未升小時已要求十八般武藝，小朋友壓力好大程度來自家長，初小其實不用太緊張。

little_yolky

洋蔥頭媽咪 發表於 17-4-17 23:25
可能我要求唔高，我仔小一主要培養佢地自理能力、態度及自信，成績不會太著重，所以練習果啲都冇比佢地做過 ...

你小朋友好似升中唔錯喎, 又一個實例初小係唔需要太注重成績的。

洋蔥頭媽咪

little_yolky 發表於 17-4-18 12:22
你小朋友好似升中唔錯喎, 又一個實例初小係唔需要太注重成績的。

我真心覺得從小培養孩子態度及自信好重要，所以好早我已經放手。細仔升中後的確如魚得水，上次考試連拎7個獎，呀媽我都未試過咁好成績，所以孩子自信心真係好重要。

bobbob

bb1234bb 發表於 17-4-17 02:07
我想問下大家D小朋友，幼稚園有冇中文默書㗎？我個仔淨係讀到中文字，但默唔到，佢净係鐘意睇英文書，唔會 ...

我仔kg乜都無，莫講話默書考試，連字都唔使點寫，咪又係咁上小學，而家中默每次響屋企默2次，好少攞滿分，但至少合格多啲。
官津小班25，大班30，私小大班可以去到4x人

bb1234bb

一班32人算多定少人呀？如果40幾人一班，咁多小朋友一班，老師顧到咁多嗎？

shirley2014

洋蔥頭媽咪 發表於 17-4-18 12:28
我真心覺得從小培養孩子態度及自信好重要，所以好早我已經放手。細仔升中後的確如魚得水，上次考試連拎7個 ...

點培養態度？

洋蔥頭媽咪

shirley2014 發表於 17-4-19 13:28
點培養態度？

個人覺得良好學習態度必須要從小慢慢培養，重點係要讓孩子明白讀書/求知識係為自己將來，而非為應酬父母。無論學習、做功課，都應該專心及盡力地去做，其實家長鼓勵同引導對孩子十分重要，讓小朋友學懂分配時間、鼓勵他們有問題主動發問，培養孩子解決問題能力，教導小朋友反思，適量放手，多點接納孩子意見，小朋友自然能培養出良好態度，學習就更容易事半功倍。
須然每個小朋友能力、性情有別，須因才施教，但若小朋友經常被讚賞，得到父母認同，小朋友有成功感及自信，自然亦容易提升自己學習動機。

shirley2014

洋蔥頭媽咪 發表於 17-4-19 21:30
個人覺得良好學習態度必須要從小慢慢培養，重點係要讓孩子明白讀書/求知識係為自己將來，而非為應酬父母。 ...

THX，贊有啲難，我平時少贊距