保良 地獄訓練營

long0

回覆 1998Ruby1998 的帖子

如果妳係小六去 咁分分鐘就係第一屆保良局領袖紀律訓練營

1998Ruby1998

回覆 retriever 的帖子

我都明白懲罰當然辛苦，但係以我講嘅例子，同學黎 M，罰企河水，我果陣未黎 M 所以唔知有幾痛，依家我記起都覺得赤赤痛，其他同學冇黎 M 就話要接受懲罰，但係果兩個同學，係離開訓練營果個下午就發燒病，搞到咁何必呢？ 我覺得懲罰都要有個界線，如果佢真係唔舒服，而懲罰係非常有機會令到佢病，我就覺得可以有其他懲罰，例如掌上壓、跑圈等等。
訓練營未必係訓練紀律，學校好多時都話係「領袖訓練營」／「多元化發展營」，d 家長一睇，點會諗原來呢 d 營可以咁？甚至有 d 老師係推薦有領袖才能嘅學生入營，所以未必關紀律事。（其實入左營之後，都唔見得有咩紀律改善啦）


羞辱更加唔洗講，如果有研究心理學，就知道「教育洗腦」一個人（educational brainwashing，係三種「洗腦」方法裡面最極端都係最有效果個），首先就要消耗體能，然後羞辱佢，搞到佢地真係相信自己係錯（實際未必有錯）、然後灌輸「正確」觀念。

另一種「洗腦」係 Stockholm Syndrome，好多教練會首先侮辱、懲罰學生，然後間唔中就畀少少善良／獎勵你，令你覺得其實可能係自己做得唔好，所以佢地不得已要懲罰人，然後你就會跟住佢地想法去做，唔會怪責佢地咁樣對待人。

1998Ruby1998

回覆 long0 的帖子

我參加係另一個，唔記得叫咩名，好耐啦，2009-2010，不過同依家講果 d 一模一樣，都係有呢 d 懲罰、辱罵。

Jane1983

回覆 bananaGi 的帖子

應該係 blinking game，不過同校方咁玩法，怕會影響小朋友。始終人質日日6、7個鐘係學校，投鼠忌器。

MASAYA

1998Ruby1998 發表於 17-3-16 17:15
回覆 retriever 的帖子

我都明白懲罰當然辛苦，但係以我講嘅例子，同學黎 M，罰企河水，我果陣未黎 M 所以 ...

仍然唔少人將「少少苦楚等於激勵」當秘衱，「以前都得點解而家唔得」當萬用答案，好多時都係缺乏同一樣野：同理心，訓練到識lead住人就得，唔駛理你乜野情況

retriever

1998Ruby1998 發表於 17-3-16 17:16
回覆 long0 的帖子

我參加係另一個，唔記得叫咩名，好耐啦，2009-2010，不過同依家講果 d 一模一樣，都係 ...

係咪要入選領袖生先可參加，榮譽一種？

retriever

bobbob 發表於 17-3-16 13:40
小一前見識過好多保記校長同老師後堅決唔揀佢哋辦學嘅學校，果然無做錯決定 ...

其實個訓練營係咪都係外判？

1998Ruby1998

回覆 retriever 的帖子

有兩類啦，一類就領袖生多，風紀、班長多，果 d 叫「領袖培訓營」，唔係個個都有份，要老師推薦、特別通告。另一類就全體參加、咩同學都有，通常叫「XXX 訓練計劃／訓練營／多元化發展營」，其實 d 活動都係一樣。

nobletree

想問關英華咩事？

little_yolky

1998Ruby1998 發表於 17-3-16 17:15
回覆 retriever 的帖子

我都明白懲罰當然辛苦，但係以我講嘅例子，同學黎 M，罰企河水，我果陣未黎 M 所以 ...

開什麼玩笑, M嚟唔好話浸水, 劇烈運動都唔應該有, 好似你講掌上壓"跑圈都唔可以, 會傷身。浸响水入面, 冷親個子宮, 影響生育邊個負責！應該堅持唔落水, 然後打電話搵阿媽, 唔聽就同佢講要報警！因為警察一定會搵阿媽。

1998Ruby1998

回覆 little_yolky 的帖子

7、8 年前邊識得反抗、報警？同埋入營前沒收電話、手錶，到離開先可以攞返，所以講得黎都已經係返到屋企。果陣我班同學都好聽話、好單純（仲要讀女校），成班綿羊咁，唔識得反抗（我已經係最識得反抗、最「曳」果個），上繳咩就真係會坦白上繳，罰咩就跟住罰，冇依家 d 小朋友咁醒目。
所以呢 d 營有得唔去就唔好去，免得活受罪。

akys

1998Ruby1998 發表於 17-3-17 15:20
回覆 little_yolky 的帖子

7、8 年前邊識得反抗、報警？同埋入營前沒收電話、手錶，到離開先可以攞返，所 ...

如果非禮案屬實，我諗冇人會再去了。真有其事嘅話，學校絕對係失職。交個孩子比你哋，就外判俾其他人，又唔睇實。

brother4

剛三色台有講，有中學舊生及心理医生和導師出來。。。學校有回應現開會討論中。。。

judy

然後訓練營尾聲教練一定要我地反思平日係咪有聽父母老師話，然後要喊曬咁攬老師，如果唔喊就冇反省之意。呢種訓練營其實睇返好恐怖，先消耗體能、貶低人格、接受教育。d 訓練營成日都話係提升自信同合作精神，我真係一 d 都唔覺得有提升到咩野。

咁變態？要喊曬咁攬老師？如果唔喊就冇反省之意？

呢啲似邪教多啲。

初出來工作時，都有人遊說我參加此類課程，好貴嘅，高級班要5000元咁上下。我净係知要困係酒店幾天，不斷檢討自己、釋放自己.....。後來有電視報道，此後少聽此類課程。

估唔到小學雞都玩咁嘅嘢！

不過，我半信半疑！

judy

要煅練孩子，建議參加行山訓練，分金章、银章、銅章。日頭背40斤咁上下嘅大背包行山，晚上到營區露營。到金章要行5日4夜。

judy

PLK小學D老師無跟去架 只係夜晚到一到叫自己D學生堅持同埋忍耐囉

咁係唔得嘅！特别是保良，自己都出咁多禽獸，點信得過外人一定係正人君子。

1998Ruby1998

回覆 judy 的帖子

唔講笑，我玩咁多年，次次都係咁做結尾，教練先講：「呢兩日，老師辛唔辛苦？」「老師係咪對你地好好？」
然後就播 d 柔情音樂，然後扮曬溫柔咁話：「你地反思下，平日你地有冇對唔住老師，功課其實可以做得更好，上堂可以更專心。你地又反思下，平日點對父母，有冇同佢地頂嘴？講左 d 唔好聽、會傷害人嘅說話。如果你地覺得慚愧的話，就可以放心流淚，企起身，去攬坐係你地身後嘅老師。」
好多人喊啊，不過我同幾個人都喊唔出（我好少喊，又唔眼淺），d 同學喊曬咁行到老師面前攬到實一實，我地咪諗住就算喊唔出，都上前去攬下老師咁，當係多謝老師教導我地。結果班教練抽我地去間房嘅一角，話我地唔喊，係咪其實敷衍緊個活動，對自己平日嘅行為完全冇歉意，覺得自己冇對唔住父母同老師。結果？咪係班教練面前格硬濟兩滴眼淚，行去老師到攬下。


依家諗返，呢個環節好似北韓領導人喪禮要喊到抽曬根咁，唔喊就畀人話。

估唔到出來工作都有咁嘅課程

不過同你講嘅經驗一樣，每一次玩咩環節，最慢／成果最少果隊，教練一定會講：「你地知唔知道自己點解咁失敗？係因為你地唔專心、唔團結、冇聽我指令！」

然後好多人聽到教練咁鬧，忍唔住都會喊（平日係得我同幾個同學會成日畀老師鬧，其他同學畀老師黑臉就已經覺得好痛苦）。

然後個教練講：「今次，我希望你地可以努力，合作團結，完成呢個任務，做最好果一隊。」

long0

http://ubeat.com.cuhk.edu.hk/%E4 ... %E7%88%AD%E8%AD%B0/

其實一直有報告 點解而家先見重案出手?

alanchan11

我小朋友讀保良局林燦英文小學，四至六年級學生每年都要入營進行三日兩夜的訓練，我見個個都喊晒返嚟，連平日最百厭最頑強的學生都喊到收唔到聲，真係唔知入營期間發生過D咩事，不過訓練完之後又唔覺得佢地有咩唔同左。

幸好我小朋友是初小，未夠年齡入營，但都要在校內進行全日訓練，佢話好多時要好似發神經咁又跳又叫，又要成班攬頭攬頸扮老友，唔係就會俾人罰。

MASAYA

1998Ruby1998 發表於 17-3-18 12:42
回覆 judy 的帖子

唔講笑，我玩咁多年，次次都係咁做結尾，教練先講：「呢兩日，老師辛唔辛苦？」「老師係 ...

喊啦，盡情喊，話畀自己知好委屈要聽你班不良教練老點，應該要大聲喊