語文不及格教語文

judy

其實老師待遇唔錯, 不比工程, 科學差。

如我的小朋友將來想做教師，我會鼓勵佢做。唔講甚麽作育英才這些唔知係唔係嘅嘢，老師待遇一啲唔差。和政府工程師比自然少一大載，但問題是要做政府工程師幾難(好彩)先得(讀完工程嘅有幾多有咁高人工?)， 難度不少於從教師升為主任(一家學校大概𠕇1/4主任級以上)。

Jane1983

自己遇到的衰老師 ，多數係教到滑晒牙，hea住教，或者係本身人格有問題，個口賤到唔正常。但教錯嘢的，真係好少有。

估唔到而家行情咁離譜！奇怪在家長又咁包容！

shadeslayer

Jane1983 發表於 17-3-14 12:12
自己遇到的衰老師 ，多數係教到滑晒牙，hea住教，或者係本身人格有問題，個口賤到唔正常。但教錯嘢的，真係 ...

香港人性格, 好少家長包容呢D咁基本野, 我估計除非家長同時和教師專業關係密切。

torunpoland

回覆 little_yolky 的帖子

一生中遇上幾多個又叻又好既教師 --> 唔使多, 一兩個就夠影響自己一生.

我遇上最好的中文老師, 所以大學選讀中文.


可惜, 中四中五的中史老師, 堂上讀一次課文, 當作教完. 功課是每星期抄幾條精讀題: 貞觀之治的影響/五胡亂華起因及經過.....搬字過紙, 從冇討論或任何互動的課堂. 呢D咁嘅老師, 絕對尸位素餐, 浪費社會資源.

torunpoland

回覆 Jane1983 的帖子

我小學四年級時, 緊記英文老師教導: 每個句子只有一個verb.
但當我遇到compound sentence時, 例如: I like swimming, but my sister does not like it.

我問老師, 為何有兩個verbs (like)，佢答唔到定係唔想答定係唔識答，只係耍我：第時大個你就會明。

呢Ｄ咁嘅老師..... 離譜囉!

shadeslayer

IloveJJ 發表於 17-3-14 13:23
我對自己小時候既野，記憶好深，連兩歲既野都記得。
响我長大既過程，我不斷發現我老師、父母教過我既野， ...

你講既離左題, 愛因斯坦也不能啱哂。但我地係講緊語文老師唔夠語文能力, Bar Chart 讀巴叉, security 讀食蕉, 分唔清 tense 個類。

你仔女中英數老師中英數不合格你可以接受咁大量。

1998Ruby1998

回覆 IloveJJ 的帖子

睇怕都係落唔到台嘅老師。
我上英文堂，個老師搞亂左 moustache 同 beard，我即刻舉手問（好有禮貌果隻，冇咩可能激嬲佢），結果佢即刻黑面，然後罰我抄。我心諗講句 「sorry 我口快講錯咗」有幾難？我又唔係咄咄迫人。

結果個老師兩年後結婚，順便轉另一間教。

bobbob

1998Ruby1998 發表於 17-3-14 16:25
回覆 IloveJJ 的帖子

睇怕都係落唔到台嘅老師。

有無問佢因乜理由罰抄？講真話？

1998Ruby1998

回覆 bobbob 的帖子

我冇問，不過睇佢黑面，然後全堂都講野有 d 彆扭，我都知道係佢畀人拆穿佢英文唔得，落唔到台。呢件事之前已經試過我寫左隻睇書學到嘅字，佢話冇呢隻字我一定係錯，結果我當面查字典話有呢隻字，同樣都係畀呢個黑面我。以前我如果寫左隻老師未必識嘅字然後我查證屬實，佢都會認錯同埋會開心。
可能因為一開始學年我地一聽到 Coventry University 就覺得英國讀書應該英文超級好（後來依家讀大學先知呢間野麻麻），但係咁畀一個學生當場拆佢個朵，應該都係覺得自己臉面過唔到，所以罰我。

little_yolky

IloveJJ 發表於 17-3-14 13:23
我對自己小時候既野，記憶好深，連兩歲既野都記得。
响我長大既過程，我不斷發現我老師、父母教過我既野， ...

我唔係好記得阿爸阿媽教過D咩俾我係錯既, 可能我記性差。只記得其中一樣, 就係細細個時, 聽到阿媽教家姐, 做女仔要學好煮嘢食, 咁先可以搏住個老公。我當時年少無知, 偷聽到當真, 所以好認真亦好鐘意煮嘢食.........依家先知係呃人既, 我老公兩個阿嫂都唔入廚房, 但佢哋老公好似對佢哋好過我老公對我咁喎。

simonwan

mimi1102 發表於 17-3-14 10:25
我知道的果位實習老師的錯處, 係小五學生都睇到, 原本的資深教師忍唔住矯正果位實習老師, 但實習老師仍然 ...

我聽一個資深醫生講，渠之前系醫管局負責訓練年輕新醫生。渠話新一代醫生最大問題系唔認錯，好自我，覺得自己個套一定岩。

simonwan

chanwendy 發表於 17-3-14 10:03
有時都唔係學校想請呢啲老師, 而係市場上冇得揀.  現今功利社會, 大部份DSE 高分的, 都會想讀專科, 有幾多 ...

市場上大把有得揀。而家系政府政策同工會（教協）保護主義妨礙有料之人當教師。

好多官津學校老seafood 教得點差都唔炒得，但系呢批老師可能仲可以誤人子弟多二十年。

其次，衹要放寬入職條件，唔駛教育文憑，以而家中學老師的待遇，其實好多ABC，外國回流港人，在港外國人，英文好的港人都有興趣去教書。

Tintin926

我間男校當年係叫個brother兼任會考班英文老師，原本佢只教religious study，因太無聊校長叫佢教，兩年來冇教過書，日日罰人企，試過半班人企住上足兩堂。個個出去外補和靠睇南華早報。
到高考中文科，係個老臣子教，每日上堂天馬行空，從冇教課文或考試技巧亦沒叫我們作過文，每日上下班或課堂都係兩手空空

shadeslayer

IloveJJ 發表於 17-3-14 16:34
所以我咪話，我著重老師既態度，多於佢既學歷囉！

有D基本工作要求, 一定要有, 才再講操守。沒有這些基本工作能力, 操守再高也不稱職。

工程師一定要基本工程認識, 才講工程操守。

会計師一定要基本会計認識, 才講会計操守。

律師要懂基本法律, 才講律師操守。

文員要識字, 才講文員操守。

語文老師一定有基本語文能力, 才講老師行為操守。

工程師, 会計師, 律師, 醫生等, 不會因為某人操守高而括免專業能力的要求。為何老師例外?

kwokbobo

1998Ruby1998 發表於 17-3-14 16:25
回覆 IloveJJ 的帖子

睇怕都係落唔到台嘅老師。

當時幾多年級??其實呢d字, 對外國local的小朋友來講係淺, 唔會攪錯, 所以好想知你當時幾多年級?

simonwan

再講一單極品英文老師事跡。
話説，三十幾年前，小弟剛升中，讀中一。學校請唔夠英文老師，揾左個教育學院畢業的男體育老師兼教。可能學校以爲中一英文好簡單，而我地又系新市鎮屋村新校，呢位體育老師應該應付得來。呢位老師D英文，我班好多同學都好過渠（我地唔系名校，系新市鎮屋村新校）。渠可能自知英文唔得，第一堂叫我地朗讀不規則動詞表，go, went , gone 甘一行一行讀落去，成堂我地系甘讀。渠就坐系度，不解釋，不補充，什麽都無做。

更甚是，當讀到第一頁最底一行，我以爲會讀第二頁，點知叫我地由第一頁第一行再讀過。如是者過左一堂。

到第二堂，居然系重複第一堂所做的事，由第一頁第一行朗讀再朗讀。

之後，全年就系甘不停朗讀個一頁!!!

如是者，過左一年。