SFA, APS, GH, CKY, 呢4間大家點排?

1998Ruby1998

回覆 fixedstar99 的帖子

唔會生存唔到（我活生生一個例子 ，我「曳」到咁，我同父母都可以由小一捱到中六）
只不過個小朋友會經歷一些沒必要的痛苦，條路會比其它小朋友崎嶇。

舉個例子，如果小朋友入國際學校，老師鍾意學生上堂有反應，積極參與，如果學生成績比同期好，個老師仲會可能幫你小朋友多點，例如畀佢參加比賽、活動等。

我中二個英文老師超好人，佢影響我好大，我有今日都要多謝佢。因為我班成績超級差（可以半班唔合格），但係我英文係全級頭 20，老師就用佢張證借d高中英文書畀我睇（圖書館有限制初中唔畀借高中 section），仲叫我參加比賽同活動，我比賽攞到獎添！佢係毫無保留咁教我英文，就算我有些字彙比佢認識更多，佢冇生氣，反而替我高興。話「青出於藍」係教學生涯的榮幸。

不過我中三個老師就超級討厭我，因為我程度超越左 Form 3，佢同我講「你可唔可以跟翻 我地班 Form 3 進度？作文用字唔好咁深，同埋做卷唔好咁明顯畀人睇到你一半時間已經做完份卷？」然後咩活動都唔畀我參加。我報名校際 Drama，明明我表現幾好，初次選拔，其他兩個老師都畀好高分我，結果因為我呢個英文老師唔鍾意我，同老師講話我需要呢d機會（我後來聽果兩個老師講）。然後我班英文普普通通果幾個入圍！

雖然果兩個老師已經冇教，也都好彩係得我 Form 3 咁慘，果年我英文最差，唔係因為我退步，係因為個老師！果種委屈到依家我仲感受深刻。

不過我都要多謝中三英文老師，教識我「唔係個個長輩都接受到青出於藍」。

千里馬常有，但伯樂不常有。

1998Ruby1998

回覆 fixedstar99 的帖子

你係咪形容緊我？ 我同你個女一模一樣。
小學同初中就唔係咁適合，教高中的老師忍耐能力高好多。我成日想，如果當初唔係讀 St Mary，讀其他學校，可能我唔會年年畀老師投訴（我由幼稚園開始畀人投訴，到後來中五中六先冇），Conduct 扣分等等。

我其實都唔係咁「壞」，但係年年都畀老師投訴，首先父母心情唔好，隨後女兒都可能會覺得自己屈屈不得志，有志難伸。

964000

fixedstar99 發表於 17-1-3 10:09
咁以妳經驗，我個小朋友咁既特質（活潑主動、語言能力好、學習熱情高、學習能力強、表演欲強，但丟三落四 ...

你說的特質都是正面的，應該適合吧，而且仲好似適合DGS添

小曳人

1998Ruby1998 發表於 17-1-3 10:29
回覆 fixedstar99 的帖子

唔會生存唔到（我活生生一個例子 ，我「曳」到咁，我同父母都可以由小一 ...

我近年都認識一位女孩，小學已經因為英文超前太多，老師處處話錯，因為佢無咁教過上到中學，教科學嘅老師都留難佢，最終唯有轉校+跳班

呢個女孩子當時係响女津校讀嘅

fixedstar99

964000 發表於 17-1-3 15:33
你說的特質都是正面的，應該適合吧，而且仲好似適合DGS添

咁適唔適合GH呢？ 因為佢其實EQ唔係太高，講野又唔識分輕重，又易興奮過度，我擔心佢性情品格發展多過學術

964000

fixedstar99 發表於 17-1-3 17:50
咁適唔適合GH呢？ 因為佢其實EQ唔係太高，講野又唔識分輕重，又易興奮過度，我擔心佢性情品格發展多過學術 ...

我不認識你女未見過本人，很難comment, 感覺上GH 比St Mary冇咁拘謹，但如果是非常「活潑」的會不會男女校好些？至於容易興奮，你train下佢tune down 下，仲細。

alfredk

超愛SFA, 可以train d 學生好獨立, 通常小一上學期, 老師好惡, 係為左控制小朋友, 話哂45人, 而老師本身唔係惡果類人, sfa係好有心教書, 攪得掂功課, 測驗同考試都唔使太擔心, 高要求除外, 因為多資優生, 佢地輕鬆地可以名列前茅. 升上去, 小朋友可以同老師有講有笑, 所以小朋友有多上到小三已經唔願走. 而且sfa好相信小朋友能力, 小三已有遊學團. 而且, 小三開始, 小朋友已經自組做Project, 小朋友好主動好有自信

alfredk

GH 女仔多, 上堂自然多野講, 我都以為老師好惡會管, 但又唔係喎, 老師有老師講, 同學有同學講, 因為唔係個個老師惡, 小朋友好醒, 惡老師出現, 佢地會好靜架. 但好欣賞佢D教學Material, 好有系統, 分得好仔細. 另外, 每星期週會, 會教同學做人道理, 有時作為家長, 會遇到問題先教, 但係呢方面學校教得好週全, 而且又因為全女, 可以教得好深入
當年放棄sfa, 暫時無後悔過.

alfredk

小朋友唔多合作(即係唔多願做功課), 可以考慮cky. cky好鼓勵小朋友睇書, 至於aps, 我只可以
如果因為小朋友喜歡音樂或有天份, gh都係唔錯選擇.

fixedstar99

alfredk 發表於 17-1-3 23:12
小朋友唔多合作(即係唔多願做功課), 可以考慮cky. cky好鼓勵小朋友睇書, 至於aps, 我只可以
如果 ...

見你對sfa同gh都有了解，是否曾經是sfa同gh用家? 是否sfa轉去gh？如係，請問為何要轉? 請問你小朋友係咩類型？

fixedstar99

alfredk 發表於 17-1-3 23:06
GH 女仔多, 上堂自然多野講, 我都以為老師好惡會管, 但又唔係喎, 老師有老師講, 同學有同學講, 因為唔係個 ...

全女所以教的好深入，請問呢句係指禮儀嗎？

alfredk

回覆 yuenkw 的帖子

外人感覺, 只多負面, 正面還是負面, 都好視乎小朋友本人, 上心肯跟, 多數都開心, 都係果句, 沒有最好, 只有最適合.

alfredk

回覆 fixedstar99 的帖子

還有朋友間相處, 多方面, 因為係P1-P6一齊上, 相信會有多方面topic.

alfredk

回覆 fixedstar99 的帖子

兩者用家, 兩家都係好學校, 有能力者, 女仔去sfa, 表現自己機會高, 因為女只佔1/3, 但gh全女. 另外, 如果考慮轉maryknoll, gh 有優勢, 如果st mary, sfa有優勢. 最重要, sfa 有名次, 如果好睇重名次, 大人小朋友都好辛苦.

fixedstar99

alfredk 發表於 17-1-4 16:35
回覆 fixedstar99 的帖子

兩者用家, 兩家都係好學校, 有能力者, 女仔去sfa, 表現自己機會高, 因為女只佔1/ ...

sfa一年幾多次排名? 既然sfa咁好，何以你小朋友會轉去gh?

serinac

alfredk 發表於 17-1-4 16:35
回覆 fixedstar99 的帖子

兩者用家, 兩家都係好學校, 有能力者, 女仔去sfa, 表現自己機會高, 因為女只佔1/ ...

要插班入雙瑪，首要在原校操行分攞A-或上，先有機會去考插班試。所以小朋友資質好但好動、活躍，最好先在學術好的小學讀小一，然後爭取好成績，再去考名校插班小二。

個人覺得基督教的小學，一般比較包容行為活躍的小朋友。

alfredk

回覆 fixedstar99 的帖子

一年有3次排名

fixedstar99

serinac 發表於 17-1-5 13:52
要插班入雙瑪，首要在原校操行分攞A-或上，先有機會去考插班試。所以小朋友資質好但好動、活躍，最好先在 ...

但出名津校好似多係天主教，少基督教學校？

fixedstar99

alfredk 發表於 17-1-5 19:27
回覆 fixedstar99 的帖子

一年有3次排名。仔讀SFA, 女讀GH，冇轉過校。

原來係咁！讀得德望既小朋友，係咪大多乖巧型？好似我個女咁，去到可能會被標籤？