小三英文溫極都差

MrBeast

little_yolky 發表於 16-11-18 14:16
上堂連埋車程兩個鐘頭, 可能用呢兩個鐘同佢睇下英文書, 效果仲明顯D  ...

再說，若將這兩小時變為每日15分鐘玩下phonics games (ios 很多），成效可能仲好，仲慳好多

sarahdad

suzuki12 發表於 16-11-19 00:37
Sarahdad 常看到你的分享，請問女兒英語會話怎樣？有什麼方法可以再提升呢？



  ...

          提升會話的方法, 用shadeslayer網友的方法較好,他的方法是讓女兒參加有許多外國小朋友的活動中心的活動, 與外國小朋友成為好朋友, 方法非常好。

         我暫時沒有條件實踐這方法，我以前試過請一對一的英國人或美國人教女兒會話，效果很好。但已沒有請外國人教女兒會話有一年多了，暫時讓女兒聽英文有聲書小說，然後鼓勵她每天
大聲朗讀十分鐘給我聽（自選一個Chapter），用這方法，女兒的英文會話雖然不是最好，
但她的英文發音常被英文老師讚，發音像外國人一樣，令她講英文特別有信心。

bobbob

MrBeast 發表於 16-11-17 18:57
同意，之前因為閱讀能力未夠，詞彙又少，唯有教小朋友一些技巧，但成效不大。in hind sight，技巧是有用， ...

其實閱讀仲有個好處，就係睇題目睇得快。試過同小朋友做網上maths exercise，我未睇完條題目佢已經答啱咗，所以佢做卷好多時剩低好多時間覆卷（雖然佢都覆得好求其），考試測驗都著數啲。

suzuki12

原帖由 sarahdad 於 16-11-19 發表
本帖最後由 sarahdad 於 16-11-19 08:48 編輯

謝謝分享，今晚拿拿臨攞本audio book 俾阿囡聽。之後問返佢明唔明，佢又話明。係咁易問佢1-2個生字點解，佢又答啱，今晚就放過佢啦 係無咩正統語境下，真人發聲書已算很有用了

Doray

其實英文basically 是冇乜得溫，local school 最多溫吓gramma，reading, writing, listening都冇乜好温，真係好睇小朋友個底同理解能力，呢個係唔可以做補充做出嚟，其實都不外乎閱讀或同小朋友交流多啲，引導佢地多啲從多角度諗嘢……

little_yolky

bobbob  你啲女中文咁叻有冇出去補過習或做額外練習？  發表於 前天 15:51


邊個話佢哋D中文叻的? 我無响任何帖講過喎, 係無英文咁差咋。補習? 有錢都補英文先啦, 無補架。係家姐補英文chat room, 阿妹補數研同phonics咋, 不過, phonics補埋今個月, 下個月cut了。


佢哋平時中英數都無做練習的, 係考試前, 家姐我就每年做一份mock卷佢歎下, 數學舊年開始買本練習俾佢考試前做, 中文就無喇。阿妹都係考前mock卷, 不過係上下學期考試都有, 數學因為今年有補數研, 所以唔駛額外做, 中文都係無做練習的。

little_yolky

IloveJJ 發表於 16-11-21 10:55
其實我唔明，你唔係話阿妹數學好，家姐數唔好咩？點解反而阿妹要補數研，家姐唔駛呢？
數研做咩架?你唔係 ...

阿妹係發夢！夢遊咁。計計下加數, 有條減數, 佢會繼續計加數。

家姐舊年數學換咗個科主任教, 由7X一下變咗9X, 原來係老師唔掂, 唔係阿女唔掂。不過, 佢今年又有D問題咁, 佢話好彩暑假期補咗數研, 唔係就唔知佢講乜。數研唔係只做練習的, 有講解。

little_yolky

IloveJJ 發表於 16-11-21 11:46
咁你阿妹唔夠專心噃!我大仔都係咁。
但做練習+講解，同自己有咩分別呢？
你大女今年數成績keep到嗎？我大 ...

因為我唔得閒同佢講解你大仔都唔專心? 咁你點對付佢? 我打到鋼尺都攣埋都無用, 張枱就嚟俾我打爛, 佢咪喊囉 。阿大今年換咗個數學老師, 數學又跌到8X了, 佢話都唔知佢講乜, 仲話係數學碩士(呢句係阿女講既), 佢話要祈禱多D, 5年級俾返科主任教。因為佢一二年級起步太低, 所以我對佢無乜期望, 係佢對自己好高期望。
啱啱去睇完丘佐榮開放日, 阿女唔多鐘意, 但爸爸好鐘意, 話間學校好實在。阿女嫌學校太細, 同埋好遠喎。當時坐車路經迦密, 佢話好大好鐘意, 我同佢講, 阿女, 呢間要考級5至有希望架。佢仲問, 級10得唔得呀? 我話級10有D難。其實我都幾蠢, 應該話級10都可能得, 咁佢可能努力考級10都唔定, 我真係棋差一著。

little_yolky

IloveJJ 發表於 16-11-21 12:24
你女唔專心，係咪都係做齋+/-就好易錯?文字題、有難度既題目就無問題?我仔就係咁。
如果係咁，其實佢大大 ...

你女唔專心，係咪都係做齋+/-就好易錯?文字題、有難度既題目就無問題? <==== 係。同埋一多親就錯, 例如做一兩版就好少錯, 但好一次要做4, 5, 6, 7, 8版, 就會勁多錯。網上閱讀理解都係咁, 做一兩篇好地地, 但一次要做5, 6篇, 就會錯到得20分。

可經常俾啲直接+-既數佢練心算 <===== 問題係, 佢就係衰成日心算唔計直式, 懶囉, 三層加減點心算啫, 我都計唔到啦, 咪錯囉


至於你大女，如果要靠邊個老師教，咁又危啲喎!你自己教，唔得咩？<===== 我好忙架, 邊度有咁多時間


你梗係應該俾個易少少既target你大女啦！如果佢覺得有可能，佢先有動力嘛！<==== 所以咪俾佢參觀丘佐榮囉, 應該會易D, 但佢唔鐘意丫嘛, 又嫌細又嫌遠。不過, 真係遠咗D, 屋企出發最少要一個鐘三個字先到, 但間學校真係好唔錯。

bobbob

點評


little_yolky  最弊阿女只係中文睇得快,英文好慢  發表於 5 小時前

老實講，讀local school中文睇得快著數過英文睇得快，因為大部份學科都係中文教，而且要求中文水平高好多。

ericby

去補習

thousandtwinkle

回覆 翠如 的帖子

想識串字, 必須先要學好併音phonics...加油!

cclemon2009

suzuki12 發表於 16-11-19 23:44
謝謝分享，今晚拿拿臨攞本audio book 俾阿囡聽。之後問返佢明唔明，佢又話明。係咁易問佢1-2個生字點解，佢 ...

請問可以介紹真人發聲書嗎？

suzuki12

係普通英文書連 CD 咋

Tintin926

sarahdad 發表於 16-11-17 14:28
翠如:

        支持bobbob的方法, 我女兒亦只靠平時閱讀英文小說, 沒有做額外練習, 沒有補習, 沒有額外 ...

冇錯，多閱讀可訓練閱讀理解能力，但一定應付唔到默書囉，若你也有閱讀習慣你應明白閱讀時明點解但不一定識讀或記得d字點串

我唔知你小朋友幾年級和學校程度，我小朋友學校小一上學期已要默unseen和大量vocab, 佢都睇好多書，閱讀理解兼英數都冇問題，但默書唔溫死硬囉！

eviepa

其實不溫默書，任由孩子默書取低分又有甚麼問題呢？我們為何要孩子默書拿高分呢？

十幾年前我女兒讀一間叫臻美的新概念小學，學校是標榜沒有默書的。有一次，學校的校監，在政界亦有點名氣的黃英琦，在明報她的專欄表達了大概以下的意見：

「默書是甚麼呢？典型的學生將一堆生字，用最短的時間裝在自己腦部的暫時記憶體裡，在默書的那一刻默寫出來，拿了高分。但過不了幾天，這些暫存記憶，絕大部分都會如泥牛入海，消失得無影無蹤。用這樣的方法學生字，效率極低。」

經歷過孩子幾年大量閱讀的家長都會深深感受到，在閱讀中見過無數次的生字，孩子慢慢會將其讀音、意義、放在甚麼地方行、放在甚麼地方不行，牢牢的記住，是永久的記憶。

我女兒中學讀Band 1傳統中文學校，同學都是傳統培養方法中較為優秀的學生。不過，他們普遍認識的生字，和我大量閱讀培養下的女兒，相距極遠。中學階級的默書，我女兒往往只需簡單的望幾望，分數就能比花很多時間準備的同學為高。

我們要努力溫默書，騙騙分數，製造一個「看！我的孩子多棒，默書又拿滿分了」的假像，但幾天內差不多將所強記的生字忘掉，打回原形，還是採取一個長遠來說遠勝同儕的方法呢？