考小一未到一半已信心盡失，點算？

teambuilder

Um...其實呢個時候係咪應該了解下小朋友面試有咩困再加以改善，同埋繼續考多幾間小學？仲有好多間可以試，機會仍然係有既。

whitepurin

唔好咁快失信心，第一仲有其他面試，去年我都要去到11月先有offer, 之前一直都是waiting/reject, 第二是有些小朋友天生不是咁適合interview, 好似我女天生內向怕羞，兩歲多已俾佢參加唔同興趣班，希望佢多接觸人有改善，但始終都係咁。其實我又唔覺有咩問題，咁人有動有靜，奈何小一競爭大，間間學校都大把學生揀，梗係揀個活潑d。所以繼續努力，得與失都唔好怪小朋友，人生漫漫長路，考到名小不代表什麼，考不到也絶非失敗。

lingan

原帖由 whitepurin 於 16-08-08 發表
唔好咁快失信心，第一仲有其他面試，去年我都要去到11月先有offer, 之前一直都是waiting/reject, 第二是有 ...

同意，well said.

文靜小朋友有佢market，而且適合傳統。好多時津校仲啱。分分鐘好嘢在後頭，仲唔駛錢。

考小一一定有書讀，relax。

goldenretriver

msyoyolam 發表於 16-8-6 00:09
音小、GT reject , 真道冇second in
之後嗰d學校仲難考，點算？！



  ...

樓主, 我囡同你結果一樣呀.....
今年出生率咁高, 遲d唔知會點

BBKDWLAM

教育好漫長，唔好咁快灰心！面試其實係配對，唔好令小朋友覺得自己比唔上別人，有時你叻嘅地方，學校可能睇唔到，又或者佢根本唔係想要呢類型小朋友。當年我仔考了三間，無間收，但好彩又抽到乙一，雖然只算是地區性好學校，但真係讀得好開心，亦順利升中。回想這些可能都係緣份，當年如考到果三間，路唔會咁行。所以塞翁失馬，焉知非福。將來係有無限希望的，大家唔好氣餒！

dereklg

考小一未到一半已信心盡失，點算？<-------------


勿介意，真正問題不在孩子身上，而是家長的心理質素未有準備好喎

HappyCheerBaby

依個係 Matching Game, 可能之後有更好 offer, 唔好放棄啦！

chaualan

音小、GT reject , 真道冇second in <---- 我個仔岩岩果年都係咁
10月仔, 考真道時, 連中文名都唔識寫 (畫畫時要寫)
中段考左10間都無2ND IN......
後段開始PICK UP到, 終於有3間有2ND IN
最後, 到6-8月, 居然有6間OFFER, 包括REJECT左的音小.....
其實學位是有的, 只係有一班好勁的小朋友一手攞住幾個位, 到6-8月先放
所以唔好灰心, 好多人都一開始咩OFFER都無的

fafapot

問心個句，呢幾間係咪你心儀學校？定係為咗有個水泡？考到會甘心先注冊嗎？

meowloo

樓主加油，小朋友有能力，一定有學校發現到的﹗現在又不是集郵，有OFFER都要是自己心儀先得，如這幾間本來就不是你最想讀的話，取錄與否也不用影响心情。

yw710

回覆 msyoyolam 的帖子

宜家先係開始，點可以咁快就失信心???
加油啊!!!

MrBeast

之後會發覺：大多煩惱皆因peer pressure，要盡量令自己隨遇而安，盡左力就得。

retriever

Charlotte_mom 發表於 16-8-12 14:05
朋友個仔，深思熟慮型，考直資失敗，入津校（區內算好啦未算名校）。憑b1成績加人見人愛深思熟慮性格，入讀 ...

"全港性男名中"?



陽光大男孩既名中?!

Baymax

如果是男孩
可考慮報九龍真光及徳雅
呢兩間少男生
學校会想平衡一下姓别比例

simsimwong

不用太擔心
朋友個仔又係被真道GT reject
之後有yw and St. Paul boys offer

JoyceNgYY

原帖由 Baymax 於 16-08-15 發表
如果是男孩
可考慮報九龍真光及徳雅
呢兩間少男生

但真係要考慮清楚，第一，男仔冇中學backup，第二，亦係更重要，男仔發展係比女仔慢，呢樣野要到差唔多中學先會拉近啲。。。係大部分都係女生既學校，男仔係會讀得好辛苦。。。雖然我信當中總有例外，所以要考慮清楚。

bbb330

my friend's son were rejected by all schools, except YW, so nothing is impossible

sandypink

我都睇開左喇。一開始一鼓作氣，音小reject，最心儀嘅真道無消息，果一刻的確好灰，但呢個遊戲仲有排玩，我開始搵定津校資料，準備大抽獎，直私都會繼續考，但已經感覺輕鬆左，大家努力。