有冇父母送子女出外讀書，希望他們會在外落地生根？

亮燈

原帖由 arron媽 於 16-03-09 發表
我在兒子小學時已PLAN定比佢留學, 去多幾個國家, 用意係想佢放眼四方, 搵個最適合自己的地方。我怕打仗多過 ...

理想還理想，現實歸現實，佢已成人，尤得佢自己決定，最重要係一家人愉快生活！

qpalzm

自己留英8年例子:
中學10個同學，最後5個返港，2個留英做D平民工作，2個去左美國，1個去左加拿大
大學8個同學，6個返港，1個去左大陸，1個留英

DDDDDDDDa

其實香港學生都好辛苦，壓力又大，情況的確令人擔心

torunpoland

學年輕國際關係教授沈旭暉話：培育個女做世界公民，有足夠的能力在世界任何一處落腳。我跟沈教授的看法一致，你選擇留港，好；去美國，隨你；到馬達加斯加（行醫—隨口說出的例子而已），悉隨尊便。

亮燈

原帖由 torunpoland 於 16-03-10 發表
學年輕國際教授沈旭暉話：培育個女做世界公民，有足夠的能力在世界任何一處落腳。我跟沈教授的看法一致，你 ...

絕對同意。要孩子放眼世界、發展所長、生活愉快，咁就安安樂樂喇！

梁媽媽

朋友兒子小學四年班, 每天家人接放學後,食過下午茶 (亦即是晚餐), 就送入去補習社, 正常就 8:30 放番出黎。
每周有兩天要留校活動, 晏左去補習, 就要 9:00-9:30才放...
都未計考試前夕又要加班補習。
只係四年班, 你話慘唔慘, 壓力...就係咁黎。
我朋友都話: [你送個女出國係岩架, 香港真的讀不下去。]

亮燈

原帖由 梁媽媽 於 16-03-10 發表
本帖最後由 梁媽媽 於 16-3-10 09:45 編輯

朋友兒子小學四年班, 每天家人接放學後,食過下午茶 (亦即是晚 ...

冇錯，呢種日程應該好普遍，所以好多人以為係正常，幸好兩子雖然有補習，只是星期六上一堂英文，而每星期平日晚上就搵人上門補兩晚，當然，成績仍然不理想，但我都唔強求，免得佢地太辛苦，所以依家去英國讀好過，香港既所謂教育，真係陰質教育，絕對唔係優質教育！

merci2046

回覆 亮燈 的帖子

香港教育, 著重功能性, 而且要量化為將來有多少收入和確立社會地位,卻忽略了做人的價值觀, 求生能力及對社會環境轉變的適應性

但話說回來, 當周邊人人都出來補習, 學10種8種所謂興趣, 埋沒苦幹只求分數
到最後有幾多家長可以不理會世俗眼光, 我行我素......

nintendo

torunpoland 發表於 16-3-10 06:27
學年輕國際關係教授沈旭暉話：培育個女做世界公民，有足夠的能力在世界任何一處落腳。我跟沈教授的看法一致 ...

同意。

上面話，香港學生唔想去外國生活，我一 D 都唔意外。
連 miss hk 返到英國都比人話 "not very talkative"，已經係名女校，重係 law 喎。
其他 "普通" 香港仔女，睇怕好多根本唔識 / 唔想 / 冇能力融入人地社會。

亮燈

原帖由 merci2046 於 16-03-10 發表
回覆 亮燈 的帖子

香港教育, 著重功能性, 而且要量化為將來有多少收入和確立社會地位,卻忽略了做人的價值 ...

所以好悲哀、無奈，亦令我對送佢地去英國讀書呢個做法感到無悔。

nintendo

梁媽媽 發表於 16-3-10 09:39
朋友兒子小學四年班, 每天家人接放學後,食過下午茶 (亦即是晚餐), 就送入去補習社, 正常就 8:30 放番出黎。 ...

係唔係因為冇家傭，只有老人家？這又是另一種問題。

merci2046

回覆 亮燈 的帖子

我都正朝著這方向前進去年出差德國, 當地有不少是中學已經過去讀書的內地生
他們在當地讀大學, 畢業後他們:
1. 做德國公司的China Desk; 或
2. 中資公司在當地投資的部門主管

所以我反而會考慮中學送小朋友到英國, 大學或許考慮在德國

亮燈

原帖由 merci2046 於 16-03-10 發表
回覆 亮燈 的帖子

我都正朝著這方向前進去年出差德國, 當地有不少是中學已經過去讀書的內地生

其實到大學時，我就會由得阿仔自己決定，隨佢喜歡喇！

torunpoland

我有巴西朋友完成學業後，到荷蘭跨國電子企業打工，有時間飛返巴西探親，或者歐遊。我也有朋友年青時就在加拿大落地生根，一時在歐洲做研究，一時回美國教書。他們根本沒有甚麼捨不捨得的問題，有機會就去，國界只是在護照蓋上印的一個標準。這些就是世界公民。那巴西朋友，英文平平，所謂口音甚重，一聽就知是南美音，但荷蘭公司那會理會？現在當然已懂荷蘭文。而加拿大的朋友，中英都好，世界各地無往而不利。英文當然重要，但不是一切，關鍵是他們去到邊都有法子活，並且發揮所長。難道他們沒有適應困難？一定有，但會主動解決。香港的孩子，真的不要被香港兩個字困住自己，天大地大，將來他們乘飛機多過我乘巴士。

亮燈

原帖由 torunpoland 於 16-03-10 發表
我有巴西朋友完成學業後，到荷蘭跨國電子企業打工，有時間飛返巴西探親，或者歐遊。我也有朋友年青時就在加 ...

merci2046

回覆 torunpoland 的帖子


非常同意

scso

回覆 torunpoland 的帖子

Agree

nintendo

torunpoland 發表於 16-3-10 15:51
關鍵是他們去到邊都有法子活，並且發揮所長。

梁媽媽

nintendo 發表於 16-3-10 11:49
係唔係因為冇家傭，只有老人家？這又是另一種問題。

不是沒家傭, 有工人, 有老人家幫忙的呀, 就差不能幫他去上學。
晚晚補習到晚上...這是很普遍的小,中學生涯。

Ruby1219

原帖由 梁媽媽 於 16-03-11 發表
不是沒家傭, 有工人, 有老人家幫忙的呀, 就差不能幫他去上學。
晚晚補習到晚上...這是很普遍的小,中學生涯 ...

我個仔比較幸運，自小讀國際學校，我地除咗一定要佢上私人中文堂（一星期一次）外，吾會迫佢學樂器丶補習，佢話學就學，話停就停。反而佢好少會自己話吾學，除咗公文中文丶琴、同後來嘅鼓。而家響英國放假返黎會自己約羽毛球教練同英文老師上堂。佢都緊張學業，有時會自己早d起身做功課丶溫習，但從來冇因為功課呻或喊有壓力。呢個就係香港同外國教育既分別。