細B, 已考獲龍校K1,但想下年repeat K1，可以嗎?

鬆一鬆

如得兩個月觀察期 咁真係要決定 香港幾間女龍幼聽聞happy school多 真係唔洗太擔心 上到k3應該學校會有advice俾妳

Tiffanytobe

樓主，我非常明白你嘅心情，pn老師叫我照升K1，完全無問題，但係我覺得自理同社交能力差太遠，所以我都係會重讀K1

宮二

我只想告訴樓主，相同月齡的小朋友，發展未必是同步的，既然有多間學校取録，你的小朋友必定較其他成熟，所以我覺得問題不太。反之大b也未必間間收
至於自理能力，我覺得家長的態度較重要，我眼見有很多小朋友也算學業成績斐然，自理能力也可以很差。
社交方面發展，混齡教育可能比分齡的效果更出色，只是一般主流教育制度下難以有所安排

i2be

假如學校不容許 repeat, 你同佢再考另一間就可以了，不過學校只會收到兩年學券錢，可能要個別商議如何付額外的學費。權宜之計，你同小朋友先找間私立 k1 （港島多數有位、甚至今年不入學），取回學券，出年再報。

hha

原帖由 rinarina 於 16-02-12 發表
本帖最後由 rinarina 於 16-2-12 12:03 編輯

回覆 cwcwcw 的帖子

你依家係咪揀咗聖x? 我小朋友讀k3, 三年來冇人repeat，我知有家長要求過十二月細b repeat, 但老師都只話冇需要，所以原校repeat 應該冇乜可能，除咗能力far behind。依家唔揀一條龍等下年再考有d危險，萬一下年考唔到點算？聖x k2先寫字，就算k3功課平均都唔算太多，我見有好多細女其實都讀得好好。

hha

其實同校repeat對小朋友自信心打擊都大，如果你只驚小一追唔上，就等小一考兩年吧！神校亦歡迎細b來年再戰的。

JUNE408

你小朋友咁叻咁醒有數間龍校offer，洗鬼諗重讀咩

LLKK

原帖由 rinarina 於 16-02-12 發表
回覆 puichingforsure 的帖子

多謝你意見, 我眼見咁多龍B大佢10-13個月, 好擔心蛇細B會跟不上, 因為香港教 ...

其實我好認同你的觀點。我自己都有個11月b。我一心諗住做大的，所以take offer 時已問定學校會否容許repeat，佢話得，我先confirm offer。學你話，而家課程變態，做大一定各方面好過細的。事實是:

(1) 我仔升讀了名幼k2的朋友們，一開學無耐已即時頂唔順，有5個轉校即時repeat K1或夾硬讀埋今年，9月時轉校repeat k2. 主要問題在寫字。小肌肉未得就係未得，小朋友日日寫到喊和無自信，媽媽睇到好心傷又無助，亦因功課問題破壞了母子關係。

(2) 我仔的校長極力鼓勵細b repeat，因現今的制度太超前。佢仲話，repeat 一定要趁早，k1錯過了黃金檔就很難了。就算老師話小朋友幾ok都不要信。我仔今年repeat K1，我對比兩年的功課，絕對能見到小肌上的進步。其實我仔都是醒醒地的，老師話今年的進步，不在於應有能力上的增長，而是對學習的興趣、獨自解難的能力和嘗試創新的想法。這些條件，對細b來說是難的。

(3) 我朋友in連鎖集團式教育機構。校長同我朋友講，想入名小學做細b一定要repeat。問佢要repeat K1 定改申請表轉讀pn。

(4) 我朋友個11月b，做細b時考到龍幼，但放棄了offer。今年以大b考同一間，照收返。

所以若你心想做大，就問清楚學校。有些如kcs是講明不可repeat 的，就不要幻想到時有彎轉了。

964000

原帖由 LLKK 於 16-02-14 發表
其實我好認同你的觀點。我自己都有個11月b。我一心諗住做大的，所以take offer 時已問定學校會否容許repeat ...

同意你所說的
但樓主考入的龍校，通常程度不會太超前？
樓主的是9/10月女，女仔通常快過男仔，而且又不是11/12月超細，還可以考入多間龍幼應該本身都「成熟穩重」型。
另外女孩子repeat了變成全班「最老」在青春期時其實都幾介意的，男孩子反而冇所謂。

LLKK

原帖由 964000 於 16-02-15 發表
同意你所說的
但樓主考入的龍校，通常程度不會太超前？
樓主的是9/10月女，女仔通常快過男仔，而且又不是11 ...

龍校都要睇邊間，高記就相對谷了。我覺得心智成熟比生理成熟重要，說到生理期那也太遠了吧！

我細女最近考了間名幼讀k1，同學超過大半是超大(我好意外有好多9-10月b!)，我女4月出世已算細，可見這趨勢「有唔妥」。我感受到樓主這顧慮，畢竟只有她才最明白孩子的能力。

樓主可開學後同老師多溝通，問定想repeat最遲幾時寫信，有個預算。若無得重讀就轉校。我聽得身邊太多朋友，不輪男女細b(有港島龍校、半龍和名幼)都讀得好辛苦要repeat。有幾個現在到k2下學期先後知後覺，放棄條龍降低學校要求都要搵路走呀！學校現都截晒止，佢每日同孩子溫書寫字都好辛苦，大家都喊晒，好後悔無做大b。

tam_bb

我覺得除咗睇龍幼課程谷唔谷，仲要睇埋自己小朋友本身性格。因為就算龍幼課程淺、唔谷，但如果班中多超大B、大B，而自己小朋友性格係比較「完美主義」的話，就要諗吓好唔好做細B了。因為班中超大B、大B同學仔，大小肌肉、社交能力、情緒控制、數學概念理解、上堂時的集中力 etc 點都成熟D，學嘢好快上手，但細B始終會爭少少，咁自己小朋友性格會不會唔開心（因為眼見人哋pick up得快，自己比較慢、又或者做唔到）。但如果自己小朋友性格比較樂天，有自信心，可以試試做細B。

mapp2009

龍校每個位已經爭崩頭, 作為management, 怎會容許無特別原因而repeat K.1???

照讀喇, 小朋友進度你怎估到? 話唔定比大B還要快? 太早的擔憂只徒添壓力

tweetyho

回覆 LLKK 的帖子

路過....第三點應該都幾真，有朋友話名小冇乜quota比細Ｂ....除非你小朋友真係極極極極叻

LLKK

原帖由 tweetyho 於 16-02-15 發表
回覆 LLKK 的帖子

路過....第三點應該都幾真，有朋友話名小冇乜quota比細Ｂ....除非你小朋友真係極極極極 ...

唉，勁勁勁叻都未必有運行。我朋友個女是11月細B，讀勁谷名幼，真係十項全能。PN學識加數，K1上學期識埋減數！英普朗誦勁得獎，英文試又考了好多個盾(我唔識形容，但是好勁滿分嗰種)。另外識4件樂器，有些考了二級，游水剛考了個游1000米的章。剛考神校衰晒。有幾間是識人打晒關係的，但都考唔到，內幕朋友回覆死因是細B！個女仔已經叻過好多大B了，但有此死因，真係好得人驚！(小朋友好正常，不呆滯，可愛女生一名)

tweetyho

回覆 LLKK 的帖子

唔感到意外, 遊戲規則係咁

LLKK

原帖由 tweetyho 於 16-02-15 發表
回覆 LLKK 的帖子

唔感到意外, 遊戲規則係咁

唉，但我自己有個年尾b，聽到就好驚囉。我朋友見到佢女咁無運行，叫我一定要把我仔做大的。

rinarina

回覆 LLKK 的帖子

多cert 多奬未必是考名小的條件。小學收生是看小孩子性格多。其實，可能要去小學版問下，細B考到什麼小學才可知真相

LLKK

原帖由 rinarina 於 16-02-15 發表
回覆 LLKK 的帖子

多cert 多奬未必是考名小的條件。小學收生是看小孩子性格多。其實，可能要去小學版問下 ...

👍🏻👍🏻

tuelovefei

我想問有無過來人知道細B是否沒有超大，大B較專注，還是睇自己本身性格問題？

964000

原帖由 tuelovefei 於 16-02-16 發表
我想問有無過來人知道細B是否沒有超大，大B較專注，還是睇自己本身性格問題？



  ...

小朋友專注力發展也是跟年紀成正比，大B當然好過細B，女孩子又通常比同齡男孩好些，有人話快一年。