聖馬可堂白普理幼稚園

tkyhks

sa_leung17 發表於 16-1-16 21:31
有咩？我去又冇喔，我問佢佢至講嘅

我問佢書薄費幾多錢，跟著佢就攞左今個年度15-16比我睇，話16-17可能會有小小調整。可能唔同識員

sushimama

想問問下,你們幾位幫小朋友揀讀呢間是什麼原因?

我係因為面試感覺很好, 而且有朋友是用家,評價不錯

tkyhks

sushimama 發表於 16-1-20 16:50
想問問下,你們幾位幫小朋友揀讀呢間是什麼原因?

我係因為面試感覺很好, 而且有朋友是用家,評價不錯 ...

老實講，細B，選擇不多，呢間重要番全日，所以讀呢間。新學校（重開）應該有heart d 既。
上網搵呢間幼稚園既資料極小.所以唔係好清楚。
去過學校，覺得樓梯太多，D樓梯扶手應該整多條for 小朋友。

sushimama

樓梯有一扶手高度是俾小朋友高度專用喎，我因為覺得可以鍛鍊下小朋友,所以接受行樓梯，當然都感到小小吃力，但相信習慣了應該無問題

sa_leung17

原帖由 sushimama 於 16-01-20 發表
想問問下,你們幾位幫小朋友揀讀呢間是什麼原因?

我係因為面試感覺很好, 而且有朋友是用家,評價不錯 ...

其實我都係因為細B少選擇，從中取優！而且校長同主任係原聖三一校長與主任，應該對教學有追求！想小朋友以後升小時也可考慮選擇直資等小學！最重要真心感覺囡囡好中意學校同唔抗拒

sa_leung17

原帖由 sushimama 於 16-01-21 發表
樓梯有一扶手高度是俾小朋友高度專用喎，我因為覺得可以鍛鍊下小朋友,所以接受行樓梯，當然都感到小小吃力 ...

我留意過我個囡仲ok喔

yhlai99

雖然有點遲，但剛好看到，就寫下用家感想以作參考。
兒子是幼稚園2013年復辨後第一批K1學生，今年畢業，九月升小學，作為家長，我覺得這是間好學校，以下是一些基本資料，及我對學校的觀察及感想。

學校現時有K1-K3 三級，每級兩班，每班約2-30人，約有一半人是全日班，一半人是上午班，由兩位老師負責，另有一名英文老師(NET) 及一名普通話老師。校舍光猛開揚，環境舒適。學校有不少家長是內地人，但普遍都是很有禮貌和教養的。

我並非專業人士，但學校教學模式應屬於主題學習，比如早前有關於食物的主題，就會學習跟食物有關的常識及生字，並有一系列相關活動，包括參觀農場，模擬餐廳及大食會等，使得學習較為有趣。家課不多，K2-3每天2-3樣，K2會抄寫中英文生字，K3會有中文作句，數學會有公作紙，都很簡單，全日班多在回家前已完成。課程程度不高，但小朋友對學習有興趣，喜歡上學。放學後及周六有自費的課外活動，包括畫班、普通話班、非洲鼓、英語畫劇等。

學校著重學生品格，K1開始就教導孩子跟老師躹躬打招呼，而老師以至校長亦會以身作則，躹躬回禮。另外學校亦著重培養學生自理能力，學生進班房前要自己換鞋，進班房後就要從書包拿出水杯、毛巾、家課等東西，放到適當的地方。

校長及主任有豐富經驗，有愛心，著重與家長及學生溝通，喜歡親力親為，早上送兒子上學的時侯，校長多數都會係門口同學生家長打朝呼，家長有事隨時可以上前同校長傾。老師及其他姐姐都很有愛心，很受學生歡迎。兒子一向比較敏感，容易因小事情緒失控，校長及老師們都很耐心教導，並未責怪或向家長施壓，並給予有用的建議。


總括而言，如果認為子女要嬴在起跑線什麼的，這所學校可能不太合適。如果希望子女能培養學習興趣及良好品德，這所學校是不錯的選擇，相信學校會辦得愈來愈好。

KAMING0501

剛剛才睇到呢個post，我仔讀呢間9月升K2，我對呢間學校評價係好好，眼見仔仔同其他同學仔讀得好開心，我同識的家長對呢間學校只有讚，不過學費又真係貴左少少，校長，主任，老師，姨姨個個都好有愛心，今日k3派位好多都派到第一志願添