同阿女溫書溫到喊左出黎！

Jane1983

回覆 little_kid 的帖子

咁係用錯方法，慢慢摸索方法去幫佢。

catcatma

原帖由 little_kid 於 15-10-26 發表
起初佢寫了二，三十次都串錯，我好忟，心諗係咪玩嘢。因佢成日話好攰，俾佢休息佢就去玩，仲好鬼精神。捉佢 ...

我直頭問亞女，你個腦係咪有問題，抄都錯點默呀?而家就賣咗嗰白板比佢溫默書，用不同顏色白板筆寫，扮老師教D公仔串字，D字入腦咗

little_kid

原帖由 Jane1983 於 15-10-26 發表
抄20次，之後寫番果字，吾識，吾係新聞。聽過幾個媽媽呻，小朋友抄寫係無用個心做，根本大家簁時間。

好好 ...

有好想3次就記得，用咩方法呢？

little_kid

原帖由 catcatma 於 15-10-26 發表
我直頭問亞女，你個腦係咪有問題，抄都錯點默呀?而家就賣咗嗰白板比佢溫默書，用不同顏色白板筆寫，扮老師 ...

我都懷疑過係學障，但心諗有學障都要找方法幫助佢容易記，唔係唔使記呀。一係就轉校啫。

little_kid

原帖由 little_yolky 於 15-10-26 發表
係架, 心情唔好咪開個帖呻吓囉, 見到自己 I am not alone, 心情好啲, 新既一日又嚟過, 唔係點樣由新手蒲到 ...

little_kid

原帖由 catcatma 於 15-10-26 發表
我直頭問亞女，你個腦係咪有問題，抄都錯點默呀?而家就賣咗嗰白板比佢溫默書，用不同顏色白板筆寫，扮老師 ...

我都試下先，謝謝你！

Nath

回覆 little_kid 的帖子

我識2個小朋友佢地升上小一後都出現類似問題，結果都去左見醫生做評估。一個原來係ADAD , 開始食藥後情況有好大進步，唔使再教到咁嘔血。另一個就讀障+ADAD, 去左上針對治療既課程，同樣都有進步。所以了解清楚係咩問題，由根源着手係最好既方法。

shadeslayer

原帖由 little_kid 於 15-10-26 發表
我都試下先，謝謝你！

我直頭問亞女，你個腦係咪有問題，抄都錯點默呀

Xxxxxx

千祁唔好學呢句，個腦有問題都係自己生的，佢都唔想。呢句好 hurt.

MrBeast

樓主是否中默冇問題呢？

annie40

回覆 catcatma 的帖子

今天有學障和讀障的孩子特別多，孩子未必是想做就能夠做到的，彼此體諒一點。


成績不逹標，不是世界歿日

annie40

前幾星期提到女兒同學讀到中六唔讀啦，從英國回港，游手好閒。前幾天見到朋友，她說女兒找到份waitress做，月薪二萬，做得十分開心，午飯時間兩小時，就只吃半小時，又開工啦！

我笑說這麼繼續努力，很快開餐廳啦，其他同學還在大學浮浮下，倒要關照關照。路直路彎，有動力有目標便好。

hagupit

原帖由 annie40 於 15-10-26 發表
前幾星期提到女兒同學讀到中六唔讀啦，從英國回港，游手好閒。前幾天見到朋友，她說女兒找到份waitress做， ...

做侍應有兩萬已經好過好多人。

little_kid

原帖由 MrBeast 於 15-10-26 發表
樓主是否中默冇問題呢？

暫時係英文串字較弱。中文字反而記到。

Jane1983

回覆 little_kid 的帖子

學好英文，好多前輩分享過意見，你可以爬吓文。
重點係引出佢興趣，一切水到渠成。

MrBeast

little_kid 發表於 15-10-26 19:59
暫時係英文串字較弱。中文字反而記到。

首先assume你中文冇用什麼特別方法，咁你小朋友視覺記憶應ok，再assume a-z 冇問題，你可試下用一個之前網友分享的方法，好快比個字小朋友看然後即刻kum 住個字默出來（similar to flash card)，或叫佢咪埋眼用口串出來，記到冇問題就過一陣再問返d字點串(repeat 又repeat to enhance 長期記憶），初初一次試幾個字先，睇下有冇幫助再decide next step。

S-Kwok

或者試吓用一張紙一個字母咁叫佢用手拼返出嚟，aeiou可用紅色以增強視覺記憶

kenwong888

feiji 發表於 15-10-26 01:52
下次分開很多日溫會好好多,可能小朋友太細，未記到咁多。

Me too!

babywoman

串字弱，好少事，未必關學障事
我仔小一時，good morning sir都可以教個幾鐘，都記唔到，考試測驗，寫字成日都寫少字母，錯字都扣好多分，後來聽人講學phonics, 學咗大半年，未學晒，就話悶，唔中意學（其實由一開始就話唔學，我逼佢學）聽講學劍橋好，又報咗童軍總會嘅課程，讀咗三期又話悶…………
我一直都知，閱讀好處多多，我買咗好多英文書，陪佢睇，睇睇下我都堅持不下去，到宜家佢仲 係中意睇中文書多。

方法試咗好多，我主力要提起佢對英文的興趣，奈何，事與願違。

今年二月，我一口氣揾 咗兩個外籍老師小班，一對四五咁，因為我知我仔一對一又會覺得悶，要有其他 小朋友一起學先得。
兩個班，都係一個星期各一堂，三四個月後，cut咗一個，因為仔話好悶，冇興趣，保留了一個，仔仔喜歡返，并且，之後，佢有時自己上Youtube揾英文videos睇，最近仲 迷上了美國三父子的生活片段，佢又聽得明，知道講乜。


佢現在，講英文，寫英文都自信咗，串字唔知點解就容易咗，每次默書16句（背默兩句），一般分兩次搞掂。

每個小朋友都唔同，所以，方法不可能盡同，作為母親，要不斷去尋找適合自己子女的方法

babywoman

寫錯字，我一般先叫仔抄三次，過一段時間 再默。再錯，再抄五次，再錯，再抄十次。
中英如是

但多數抄三次就識，極少 十次
抄得多，未必識，可能為完成任務，冇心記

little_kid

真心感謝大家安慰說話同提供很多不用的方法給我，令我覺得仲有希望改善到。我一定會一一去試，情況若真的再沒改善，去評估是最後一步。

說到寫英文字母，佢真的會bd調𨍭。我嘗試找藉口因幼稚園係happy school, k3才學小階。現在我叫佢每日抄寫一次英文字母，希望情況有改善。

學障是指寫字認字有困難嗎？因我小朋友暫時認中文字尚可，數學也可以。是英文較弱(有時我也不明白，中文字咁多筆劃又沒併音佢都認到，何解英文會咁困難？）

總之，感謝大家意見！