現在小女三年級, 升中有什麼預備 - 升中派位

Rank: 6 Rank: 6


	9057

42^#

發表於 15-8-15 14:20 |只看該作者

引用：Quote:little_yolky+發表於+15-8-14+13:56+

原帖由 MASAYA 於 15-08-15 發表
我會諗，如果而家學習態度冇問題得到既位置就去考慮相對既中學就可以，呢類中學如果唔需要特異功能，咁妳根 ...

咁煩唔係想有間好嘅中學, 為升大學預備咩？

好奇一問，
其實……除咗真嘅係有興趣之外，同學仔升中之後，仲會唔會繼續呢啲興趣班? 對升大學，到時又有冇用呢？

Rank: 8 Rank: 8


	15282

43^#

發表於 15-8-15 14:44 |只看該作者

S-Kwok 發表於 15-8-15 14:20
咁煩唔係想有間好嘅中學, 為升大學預備咩？

好奇一問，

另外有個帖我講過我相信揀0岩學校, 然後培養好學習態度同興趣, 要上band one唔難 (因為揀錯學校或逼到冇晒學習興趣佔好多), 除非資質太低或學習障礙等問題, 但我冇辦法證實, 只係我相信而已
我為小朋友係幼稚園準備佢上小學後學習既能力, 小學升中學後既學習能力, 而唔係準備佢點考到小學或考到中學既能力, 所以我預期佢上到就讀得好, 咁佢有能力應付中學課程, 上唔上到大學就睇佢自己夠唔夠勤力

先揀好既中學去預備升大學, 唔係我既教育方向, 當然好既中學對升大學絕對有幫助, 但前提係學生係咪真係有能力讀, 幾好既中學一樣有人升唔到, 唔止講升大學, 升唔到班最後淘汰, 勉強入都冇意思

同埋講明係特異功能, 唔係靠努力就得, 天分一定要有, 各項大型比賽拎到獎既機會仲少過資優 (2%) 既比例, 所以唔好諗住一定有一兩項特異功能傍身, 除左有天分仲要機緣巧合下畀你遇到, 加上應付學業之餘仲要投入大量練習時間... 所以冇興趣就唔好勉強...

教養孩童，使他走當行的道，就是到老他也不偏離。
Learning to Read, Reading to Learn.

Yanamami

翡翠宮

Rank: 13


	89005

44^#

發表於 15-8-15 15:46 |只看該作者

S-Kwok 發表於 15-8-15 14:20
咁煩唔係想有間好嘅中學, 為升大學預備咩？

好奇一問，

正如楼上話斎，無論学业成績又好，体艺都好，斎谷好难有頂尖成績，係有天份先得~無兴趣又点会做得好呢？無論讀書体艺边样都—定要自發，个小朋友自己想做好先成事，父母日哦夜逼都唔会有用，呢个就係楼上爸爸講既学习动机、自發同明白係為自己而做，不為向其他人交代｡

Rank: 6 Rank: 6


	9057

45^#

發表於 15-8-15 17:03 |只看該作者

引用：Quote:S-Kwok+發表於+15-8-15+14:20+咁煩唔

原帖由 Yanamami 於 15-08-15 發表
正如楼上話斎，無論学业成績又好，体艺都好，斎谷好难有頂尖成績，係有天份先得~無兴趣又点会做得好呢？無 ...

所以我仲等緊阿仔發掘其他興趣

阿仔除咗睇書，佢覺得所有嘢都係浪費佢睇書嘅時間。
圍棋學咗一年，導師要佢跟吓棋譜，佢又係覺得浪費時間，今日問佢其實佢有冇興趣，佢仍然答有，但除咗初學頭幾個月，之後佢無進步過。
我真係唔知點好

Rank: 6 Rank: 6


	9057

46^#

發表於 15-8-15 17:23 |只看該作者

引用：Quote:S-Kwok+發表於+15-8-15+14:20+咁煩唔

原帖由 MASAYA 於 15-08-15 發表
另外有個帖我講過我相信揀0岩學校, 然後培養好學習態度同興趣, 要上band one唔難 (因為揀錯學校或逼到冇晒 ...

我跟你嘅諗法大致相同。

不過，我相信咁多名/神校能出咁多狀元、咁多學生可以上到大學，係有佢地過人之處，所以咁多家長追棒。對我而言，呢類學校唔係我杯茶，亦唔啱我仔讀，即使考到，只會家變、阿仔再無讀書樂趣。

我覺得我作為媽媽，要嘅係引導仔仔尋求佢嘅目標，朝著目標行要行嘅路。
阿仔因為睇書，成日話長大後要研發藥物，我咩都唔識，唯有盡辦法引領佢，等佢自己自覺地keep住佢嘅興趣同嗰團火，即使過幾年目標/興趣改變，都無所謂，因為佢一直為佢嘅興趣，自發性地朝目標出發，過程佢會有得著。我覺得呢樣好緊要。

HaYi

子爵府

Rank: 7 Rank: 7 Rank: 7


	14244

47^#

發表於 15-8-15 17:41 |只看該作者

我覺得參觀有意的學校或有朋輩的關係可能最有用.

有一間我覺得都好合我個仔的中學(非top tier, band 1 only) , 我得閒時告訴我個仔, 想成為佢努力的目標, 佢聽左冇感覺. 直至佢有個高幾年的朋友仔, 中一入左, 佢先走來問番呢間學校D野. 因為佢自覺佢地2個都似, 佢以為好易入. 我告訴他人地是band 1 先有機會, 希望快D有機會參觀下, 引發佢的上進心..

Yanamami

翡翠宮

Rank: 13


	89005

48^#

發表於 15-8-15 18:19 |只看該作者

本帖最後由 Yanamami 於 15-8-15 18:22 編輯

S-Kwok 發表於 15-8-15 17:23
我跟你嘅諗法大致相同。

不過，我相信咁多名/神校能出咁多狀元、咁多學生可以上到大學，係有佢地過人之處 ...

部份正確，部份不正確~
我覚得学校、学生、家長係三位—体~巧婦难為無米炊，單單靠学校都难教出狀元既~~要学生本身質数好，有同輩/同学互相影响、好既学习氣氛、有坊间所講band1家長support，学校老師教导.....好多样野加埋既化学作用。不如話物以类聚近似d？名校就係吸引呢类学生(家長)入讀？所以嘛~揾间跟自己理念相同，同仔女程度配合，大家都舒服既学校就最好｡

Rank: 8 Rank: 8


	15282

49^#

發表於 15-8-15 19:43 |只看該作者

Yanamami 發表於 15-8-15 18:19
部份正確，部份不正確~
我覚得学校、学生、家長係三位—体~巧婦难為無米炊，單單靠学校都难教出狀元既~~要 ...

好多時名校的input已經贏在起跑線, 雖然話大抽獎只要有band1成績就有機會抽到最top既學校, 但實際上band1A生揀點都多過band1C生揀, 揀得名校家長都唔會只睇成績, 仲有好多原因值得揀, 如果只睇成績就好易錯配

點評

little_yolky 但好多人好似我咁,唔想中學都俾錢,所以都要等到7月發表於 15-8-20 13:31

Yanamami 禁直資先抜头籌立哂top1A生，無人想等到7 月！發表於 15-8-15 21:24

教養孩童，使他走當行的道，就是到老他也不偏離。
Learning to Read, Reading to Learn.

Rank: 8 Rank: 8


	15282

50^#

發表於 15-8-15 19:55 |只看該作者

S-Kwok 發表於 15-8-15 17:03
所以我仲等緊阿仔發掘其他興趣
阿仔除咗睇書，佢覺得所有嘢都係浪費佢睇書嘅時間。
圍棋學咗一年 ...

我女都有學圍棋, 佢鍾意捉棋但要上堂就一般, 我冇時間同佢捉所以報d比賽等佢多d機會捉, 除左初初棋院的小比賽有獎外, 之後報難度高d既比賽都冇成績, 不過佢都好鍾意而且學識左唔怕輸, 慢慢佢開始贏到d高級數過佢一段距離既對手, 知道左級數唔代表結果, 之後棋院升級就變得快左好多, 三個月升左三級 (之前試過停左半年冇升過級), 我覺得呢個就係成長, 所以我會畀佢繼續學

教養孩童，使他走當行的道，就是到老他也不偏離。
Learning to Read, Reading to Learn.

miriam

已刪除用户

醒目開學勳章王國長老


	49993

51^#

發表於 15-8-15 21:04 |只看該作者

提示: 作者被禁止或刪除內容自動屏蔽

簽名被屏蔽

Rank: 6 Rank: 6


	9057

52^#

發表於 15-8-15 21:50 |只看該作者

引用：Quote:S-Kwok+發表於+15-8-15+17:03+所以我

原帖由 MASAYA 於 15-08-15 發表
我女都有學圍棋, 佢鍾意捉棋但要上堂就一般, 我冇時間同佢捉所以報d比賽等佢多d機會捉, 除左初初棋院的小比 ...

佢太著眼於眼前，以食棋為樂，唔明白要放眼望遠。

你女喺屋企有其他練習嗎？

Rank: 8 Rank: 8


	15282

53^#

發表於 15-8-15 22:18 |只看該作者

S-Kwok 發表於 15-8-15 21:50
佢太著眼於眼前，以食棋為樂，唔明白要放眼望遠。

你女喺屋企有其他練習嗎？

小朋友係咁，最開心食大龍，慢慢就明白唔可以睇眼前利益，都係一個學習過程，圍棋可以學到好多道理，台灣有個棋院叫智多星，有時會分享學生成長既經歷同突破，可以用圍棋帶出好多人生道理，幾好睇

我星期六放假先可以同佢捉兩三盤，第時阿妹夠年齡學就可以多d機會捉，而家冇辦法，唯有靠比賽時捉，不過圍棋比賽有樣好，輸贏都捉五六盤，對手又唔同，實戰當練習都幾好，有d技巧佢係對手身上學返黎

教養孩童，使他走當行的道，就是到老他也不偏離。
Learning to Read, Reading to Learn.

Rank: 6 Rank: 6


	9057

54^#

發表於 15-8-15 22:47 |只看該作者

引用：Quote:S-Kwok+發表於+15-8-15+21:50+佢太著

原帖由 MASAYA 於 15-08-15 發表
小朋友係咁，最開心食大龍，慢慢就明白唔可以睇眼前利益，都係一個學習過程，圍棋可以學到好多道理，台灣有 ...

其實我自己真係十五十六，以我仔性格，佢要睇飽書先會想做其他嘢，但要佢睇飽書，真係好難，佢真係可以為咗睇書/自己想做嘅嘢，零晨四點幾自動波起身，等我一齊食埋早餐，做1~2小時練習/功課，又開波睇書，真係睇到8點幾9點都話唔想瞓。但由於佢想達成長大嘅工作願望，佢自己會自動波睇吓chemistry, 背吓prriodic table（當然唔係好勤力，但都叫做自動波）。所以，我會諗，究竟佢真係唔夠時間比佢，還是佢真係覺得打棋譜好浪費時間。

今日佢喺棋院跟其他人對局時，其他人（童年無忌）話佢只顧食垃圾棋，我真係好難過，佢對局真係亂嚟，只顧食棋，學咗一年，但完全無棋藝。

仔鍾意睇書，我當然開心，但我希望佢能有平衡發展

Yanamami

翡翠宮

Rank: 13


	89005

55^#

發表於 15-8-15 23:08 |只看該作者

S-Kwok 發表於 15-8-15 22:47
其實我自己真係十五十六，以我仔性格，佢要睇飽書先會想做其他嘢，但要佢睇飽書，真係好難，佢真係可以為咗 ...

佢鈡意果样野自然会自动波会投入~若然佢醉心下棋，自然会自己鑽研棋艺，睇棋書~可能佢兴趣真係唔係呢度？你—廂情願？俾佢自由發展会好d?好似科大有d summer camp佢会有兴趣嗎？同佢將來研發新葯有d关係？

Rank: 8 Rank: 8


	15282

56^#

發表於 15-8-15 23:50 |只看該作者

S-Kwok 發表於 15-8-15 22:47
其實我自己真係十五十六，以我仔性格，佢要睇飽書先會想做其他嘢，但要佢睇飽書，真係好難，佢真係可以為咗 ...

如果你可以睇住佢捉，你試下記錄佢每一步棋，網上有d覆盤紙，畀d學生練習覆盤用，但你仔應該未可以自己覆盤，你記錄左畀佢打譜打自己盤棋，應該可以明白到點解只顧食棋係行唔通，或有d apps好似可捉完棋有覆盤功能，不過我唔肯定咁會唔會揠苗助長，最好其實都係捉多d，學一年就打譜我覺得有d快，打人地既譜冇諗過點解咁行或諗唔明作用不大，最多學到個形，睇開d又唔駛難過既，捉棋都係有益身心既活動啫
我女都好鍾意睇書，接近沉迷邊緣，無論件事本質幾健康都好，過量而沉迷都變得唔健康，需要適度限制，暑假除左買書，我仲借左好多唔同類型既書，上至天文下至地理，歷史科學理財世界職業乜都有，最近睇左本海倫凱勒，佢一日睇左四次... 仲係咁推介媽媽睇，話海倫同老師好叻，又睇左本乜乜整理術，之後就自動波執枱執房，我係用佢既興趣去平衡佢各方面既發展，睇書又好運動又好上山下水乜都好，利用佢既興趣去發展可以事半功倍

教養孩童，使他走當行的道，就是到老他也不偏離。
Learning to Read, Reading to Learn.