收到銅鑼灣聖保祿幼兒園接見信

catherineho

唔該哂!
我想問如果讀左聖保祿幼兒園，會唔會大機會升上去聖保祿幼稚園?

angelleungyp

catherineho 寫道:
唔該哂!
我想問如果讀左聖保祿幼兒園，會唔會大機會升上去聖保祿幼稚園?

假如你讀緊聖保祿幼兒園(全日制),想k1轉讀聖保祿幼稚園(半日制),她們不會收你,她們會比機會其他小朋友.

sandyau

Don't worry.  佢地會收插班生, 每年N1學期初師生比例約1:10, 到學期末會多些。 到N2時師生比例會去到1:12(max)。有時我見d插班生會比較多細女。

2mings

Hi sandyau

請問N1開學安排係點? 家長可以倍住小朋友一齊上課幾多日? 係咪要成一個月到先俾小朋友返全日及午睡? 你囡囡開學N1果年,喊得最耐個小朋友喊幾耐? 小朋友係咁喊,老師會點? 會唔會叫家長接佢走?

Sorry, 太多問題想問!   

sandyau

SPN安排小朋友適應學校生活都幾好。頭2日家長可以陪住,時間約1小時。 跟住第3日家長仍需於學校， 但小朋友自己上堂，家長就開家長會。頭3日是半班上堂的。第4天開始，小朋友自己上堂，返學時間就每天會增加。成個適應期大概15-16個返學天 (約2.5個星期)，小朋友才會返全日及於學校午睡。

不過你不需太過擔心，因為N1開學頭1個星期N2-N4小朋友是放暑假，全校老師和主任都會一起照顧小朋友。再者SPN還會安排St. Paul中學d姐姐來陪伴小朋友渡過適應期。所以開頭差不多每個小朋友都1位老師或姐姐陪住。如有小朋友特別唔習慣，學校會安排特別放學時間俾小朋友。所以個別小朋友的適應期會長些。佢地唔會因為小朋友喊就會叫家長接佢地走，只會安排返學時間短些，讓小朋友習慣。小朋友喊老師會照顧，會有老師或姐姐氹佢地架。

我相信我個女當年都經典，應該是喊得最耐既一個。佢喊足一年，不過只限於入班房個一刻，所以佢都冇拉長咗個適應期。我個女只是唔捨得我，佢入到班房之後就冇問題，所以佢入咗班房後老師就要我即刻走。

希望可以幫到你la!

2mings

Hi sandyau

好多謝你咁詳盡既解釋!!!多謝晒!!!!!!       

睇完你講學校咁細心既開學安排,仲有全校總動員加埋中學大姐姐幫手1對1照顧每個小朋友,我就放心好多啦! 不過我家b囡係個大喊十,唔肯跟其他人,連playgroups 既老師都唔跟,我都唔知佢到時開學掂唔掂! 怕者可能俾人趕出校!!!

我仲想問一問小朋友N1開學係咪唔淮著學習褲,要自己食飯,淮唔淮午睡時用奶樽飲奶?  

Sorry, 又太多問題!   佢開學我仲緊張過佢!  

sandyau

2 mings,

你放心la，有很多小朋友上堂時都會喊ga，有d小朋友到N4都會，尤其放假後。我曾經聽過有過小朋友喊到N4，唔知有個主任定校長就日日午睡時入去陪個小朋友。

學習褲就一定唔俾著，不過你放心佢地幫小朋友戒片好有辦法，只要你記住準備多幾條內褲及校服褲俾佢番學就得。我個女就是一個好例子，我仲記得當日學校已經唔俾佢著學習褲，但佢每朝番學都要著住條”片”，番到學校先除，氹極佢都唔得。點知有日老師唔知同佢講咗D乜，咁就戒咗。不過你要有心理準備，開頭要日日同佢洗內褲喎。

致於食飯當然要自己食la，不過我仍然係個句，老師會好好有心機慢慢幫佢適應，開頭會幫下佢地既。況且於適應期的頭十日都不用在學吃午餐，只係吃早餐，有咁多姐姐和老師引導小朋友自己吃，你不用太擔心。佢不過你要有心理準備，開頭除咗要日日同佢洗內褲，可能還要幫佢洗校服，因為呢間學校係唔會俾小朋友用圍裙食飯。

SPN比其他幼兒園有些少不同，都幾近似幼稚園。午睡時已不會有奶飲(不知其他幼兒園是否會提供嗎？)，因為吃完午飯就會安排午睡。但你就可以幫你個囡囡準備佢平常用黎睡覺的小工具(e.g.小玩具或小攬枕)。

你不用太擔心你囡囡開學時唔掂俾人趕出校，SPN d 老師都好有經驗，大部分入得都有5年以上既經驗。我個女仲好好彩，當年佢個班3個老師都有超過10年的教學經驗。有時我都唔係好明佢地點解可以令到小朋友係學校非常合作(當然在家就唔同)，唔單止我個女，我見阿女d同學都係咁架。

仲有你不需要太客氣，當年我個女入學我仲擔心過你。我仲請咗成個星期假陪佢tim!!!

2mings

Hi sandyau

好好好好好好好......... 十萬個好多謝你咁詳盡既描述. 睇完我個心都定好多!  

照咁計,怕者我要預備買5套新校服先夠佢用! 預佢帶三條底褲仔,兩條校服褲,兩套校服裙返學校做spares.

話時話,我見佢的學生真係好乖! 有次我同朋友星期六去接佢囡囡放學,有好多小朋友同我講"auntie,早晨",搞到我好鬼開心!   我仲見的小朋友同老師講再見時,好有禮貌,係雙手擺後面,然後90度鞠躬,跟住說"老師,再見"! 我係第二間學校都未曾見過咁!

jasminemom

請問大家, 如果SPN的女不能升回SP K, 你們會選哪一間Kindergarten比小朋友呢?
為何不能直升, 你們仍堅持囡囡入SPN呢?因為本人是第一次去explore nursery, 所以麻煩你們解答我心中的疑慮.
謝謝!!

sandyau

因為SPN讀四年(N1 - N4) 就會等同K3 可以考P1。所以小朋友不需要再找Kindergarden

wongwingyan

請問有沒有mami收到開家長會的信吖?

angelleungyp

未收到.

angelleungyp

我今天收到28/5 sat 出席家長會信.   

PWHPOPO

I got  the letter today. The contents included the May,28 registration  day & the class will be started on Aug,6.

rubyyy

Just wonder are U planning to send your daughter to SPCovent?  As My friend's daughter is now studying SPN 2nd year & she said the class teacher confirmed her SPCovent will take 100% students from SPN but not 100% from SPK.  Is anyone know if it is true or any comments?   

wongwingyan

我今天都收到信了,thank God!     

PWHPOPO

Congratulation ! wongwingyan & angelleungyp

angelleungyp

    

sandyau

我重新再講一次，其實SPN 同 SPK 都冇話一定可以直升 SP Convent。只不過這兩年，SPN的學生全部都上哂SP Convent。同埋每年小學校長會到SPN 同 SPK 觀察學生，和決定收生名單。因SPN小朋友返開全日，自立能力比較高，所以上小學機會大D。並不是因為SPN校長是SP Convent 校監。

wongwingyan

sandy yau
     請問spn的校服在那裹買?因為今天去了保良局附近也找不到修女所講的深記牛仔褲屋.thanks a lot