見完CAC醫生

yiyi0401

原帖由 fandd 於 15-05-30 發表
回覆 DENNIS201 的帖子

用手指指或眼望向想要既嘢既方向！當時一唔順佢意，就發哂癲喺度狂喊、抱起佢就狂 ...

我仔依家20個月，都成日係咁，扯到我好大力架，好痛架，可以點做？

yiyi0401

原帖由 vincelo29 於 15-05-31 發表
你分析得好好，我同你的想法差不多，我仔仔都係在CAC評估後話自閉症，排s位，我同先生即係去搵言語治療及早 ...

請問有咩早期治療或訓練可介紹下？我都幫我仔搵緊，我仔20m月大，但評估為大約一歲多dd既bb,我已搵左好多間言語治療，但都未有，排緊。。。我都好傍偟

vincelo29

原帖由 yiyi0401 於 15-09-30 發表
請問有咩早期治療或訓練可介紹下？我都幫我仔搵緊，我仔20m月大，但評估為大約一歲多dd既bb,我已搵左好多間 ...

我今日去左大口環醫院的言語治療部評估，治療師完全無愛心，我小朋友發脾氣唔合作就唔同佢評估，話佢無眼神接觸，又話唔識同人分享，又話他唔識玩玩具的目的，我反問她若評估時小朋友有這情況怎樣處理，她話唔理，尤他發脾氣，我咪回應他係自閉兒，有這問題係正常，我亦知道，但完全無較我如何劇理，仲話政府資源有限，只可提供一堂訓練，半小時，在訓練中教家人，回家自己訓練，完畢，靠政府這班癈人我的小兒就無救！

yiyi0401

Oh.no......乜咁架，咁你點算呀？你還有係出面做其他訓練嗎？但又有人話大口環好既

lkube

大口環評估有個姑娘係好冇愛心好冇耐性

bubibubibuuu

原帖由 fandd 於 15-05-31 發表
綜合我囝囝及部份同路人仔女既經歷，如果在2歲做評估，所出結果的準確性可能有好大的偏差：跟住同樣都有參 ...

我都有咁嘅想法，我仔15m去睇私人醫生，佢冇做哂成個評估因我仔太細，但特徵明徵冇手指指唔望人唔識講野唔識俾野我地唔識揾人幫開野唔識聽指令，話好大機會自傾，肯寫信我去排CAC評估同E位，我好緊張想快點有得上密集班（私人S），我請咗上門幼兒導師教，佢話我仔咁早發現唔會係唔嚴重要排S排i怕佢冇幼稚園收，但出去上ST話未必係自閉，話遲緩同自閉似，由15m到而家19m都有出去針灸，到18m就上密集班，剛上一個月。喺呢幾個月入面佢識得hi bye俾野我地幫佢開，眼神多咗，遊戲技巧就一直都幾好，識聽簡單指令理解都唔差。問題就係經過咗訓練同治療，如果真係令佢好咗點，咁到CAC評估，可能評只排E，咁其實佢要S先有成效，咁咪評輕咗，進步唔到囉？
我都好希望我小朋友大點可以好似你地小朋友咁入返主流同同正常小朋友無異。

vincelo29

原帖由 lkube 於 15-10-01 發表
大口環評估有個姑娘係好冇愛心好冇耐性

個位係言語治療師，我在5/5/2015已在大口環醫院由醫生評估左，轉介言語治療，職業治療，醫務社工等，等左差不多5個月，昨日終於安排見言語治療師，一心諗住有訓練給我孖仔，點知評語隨便，仲唔教我技巧，話就見一小時，點知20分鐘就話差不多啦，仲話資源有限，只有一堂30分鐘訓練，若小朋友發脾氣就縮短，無30分鐘咁耐！

daibolam

原帖由 yiyi0401 於 15-09-30 發表
請問有咩早期治療或訓練可介紹下？我都幫我仔搵緊，我仔20m月大，但評估為大約一歲多dd既bb,我已搵左好多間 ...

你私人評左有冇問醫生有咩建議?我20個月嗰陣無乜單字。醫生話搵邊個教都一樣。唔急搵言語治療。我囡足2 歲而家剛排到言語治療。

daibolam

細路好難坐半個鐘。。

daibolam

原帖由 bubibubibuuu 於 15-10-01 發表
我都有咁嘅想法，我仔15m去睇私人醫生，佢冇做哂成個評估因我仔太細，但特徵明徵冇手指指唔望人唔識講野唔 ...

你點發現小朋友15個月就需要評估見醫生? 請問邊間機構18個月收密集班?

daibolam

原帖由 yiyi0401 於 15-09-30 發表
請問有咩早期治療或訓練可介紹下？我都幫我仔搵緊，我仔20m月大，但評估為大約一歲多dd既bb,我已搵左好多間 ...

我嗰時排左職業治療同幼兒導師。你小朋友有冇感統問題?多去公園玩有幫助。千秋。搖搖板。爬高。 訓練佢眼神可以迫佢望你眼睛後才俾東西佢。又可以將佢要嘅野放你兩眼中間或放你頭上。佢望左你先俾佢。
我另外淘左一大堆玩具同佢玩。
有人話戒奶蛋小麥。我初時都有食少啲蛋同奶。 仲有刷身。

daibolam

原帖由 yiyi0401 於 15-09-30 發表
我仔依家20個月，都成日係咁，扯到我好大力架，好痛架，可以點做？

我搞左幾個月都唔多識指。但理解能力好左會有改善。 我暫時叫佢學習“等等”。。先俾佢。。 都唔知點搞

bubibubibuuu

原帖由 daibolam 於 15-10-01 發表
你點發現小朋友15個月就需要評估見醫生? 請問邊間機構18個月收密集班?

特徵明顯冇手指指唔望人唔識講野唔識俾野我地唔識揾人幫開野唔識聽指令，所以去揾醫生睇。密集就建X同樂X，18個月都收，其他我唔太清楚。

yiyi0401

原帖由 daibolam 於 15-10-01 發表
你私人評左有冇問醫生有咩建議?我20個月嗰陣無乜單字。醫生話搵邊個教都一樣。唔急搵言語治療。我囡足2 歲 ...

請問你囡排到邊間？做成點？覺得有幫助嗎？我仔快21個月，都唔識講野，一。個單字都唔識講，仲係bb話

daibolam

原帖由 yiyi0401 於 15-10-02 發表
請問你囡排到邊間？做成點？覺得有幫助嗎？我仔快21個月，都唔識講野，一。個單字都唔識講，仲係bb話



  ...

領思建基楊震呀 。 你個醫生話佢需要咩你就做咩啦。 起碼無再退步。 早期訓練錢唔慳得。買個希望都要。 你去邊度評估,評估左咩事?如果自閉佢會寫信俾你去cac 同社署排。社署會安排關愛基金俾有需要家庭申請排服務架。你問下社工

daibolam

原帖由 bubibubibuuu 於 15-10-02 發表
特徵明顯冇手指指唔望人唔識講野唔識俾野我地唔識揾人幫開野唔識聽指令，所以去揾醫生睇。密集就建X同樂X， ...

如果好似你咁早啲知就好了。。。 我囡最初有講野有眼神。後來逐漸無。。
希望大家初評係評衰左。遲啲再評好輕微。。

bubibubibuuu

原帖由 daibolam 於 15-10-02 發表
如果好似你咁早啲知就好了。。。 我囡最初有講野有眼神。後來逐漸無。。
希望大家初評係評衰左。遲啲再評好 ...

唔好咁諗，我仔咁細，特徵就咁明顯都唔係件好事黎，即係佢遲緩得仲早，基本野更多唔識

yiyi0401

原帖由 daibolam 於 15-10-02 發表
領思建基楊震呀 。 你個醫生話佢需要咩你就做咩啦。 起碼無再退步。 早期訓練錢唔慳得。買個希望都要。 你 ...

我仔好細 大約10個月左右既時候去cac做評估，話佢發展遲緩，所有野都delay ,所以要排早訓，剛排到早訓，返左兩堂，姑娘就話佢有d似啦，但又話佢連認知都好似一般，所以都唔意見去評估住，盡量哩幾個月教返好佢基本野先喎，到兩歲再睇下點。。。

因為我仔係早產b  30w出世，佢地用更正年齡去評，即係依家其實係19個月。。。。

yiyi0401

原帖由 daibolam 於 15-10-02 發表
領思建基楊震呀 。 你個醫生話佢需要咩你就做咩啦。 起碼無再退步。 早期訓練錢唔慳得。買個希望都要。 你 ...

我都知哩d錢唔慳得，但其實我又唔知邊間好？應該搵邊間？我都想搵到適合我仔既訓練俾佢的

skytammy

我仔而家26個月 情況差唔多 之前1歲多上playgroup都有遊魂 鍾意玩車轆 現返N班又係咁老師叫我留意下
我7月返健康院 佢只係話言語遲緩 已排CAC 但要等1年 咁我應否做自閉症評估？謝謝