7月15-29日 升中囝可否去旅行?

silvia_ng

原帖由 florencechu 於 15-04-29 發表
所以我都唸住放左榜，知道幾時返briding course才報團，邊度成團就去邊啦，大家都要輕鬆吓！祝願大家都能入 ...

可能到時得返廣州兩日一夜都殺架啦

黃巴士

記憶所及, 放榜日叩門, 幾間中學筆試+面試, 等電話.   註冊.   
過幾日又考PRE-1.   收一大堆學校通告, 知道7月尾有1星期迎新日, 8月尾又有1-2天補課生字班.  成個暑假期間都十分忙, 所以短線團較穩陣.

lmlui

回覆 sum-yan 的帖子

有時真會令我們這些新手不敢亂問嘢

FRUTIPS

原帖由 Yanamami 於 15-04-29 發表
如升得心儀中学的話，值得慶祝，豪俾佢啦~

aleung922

一個唔打算叩門又貪玩既媽媽, 終於認唔住報咗個九天團, 玩完先算, 死就死啦!

mamee

但好多也有班試，7月中真的不適合去旅行。你book左幾時？

TSEHANG

原帖由 aleung922 於 15-05-04 發表
一個唔打算叩門又貪玩既媽媽, 終於認唔住報咗個九天團, 玩完先算, 死就死啦! ...

那希望大家一切順利！

moniquechoy

其實我都好貪玩, 所以一年必定要去一, 兩次旅行. 但作為一個不可以說是"稱職", 但"盡責"的媽媽, 我在亞女小五的時候開始留意BK.  收到好多料, 明白在暑假去旅行真是有點擔心.  所以我們在EASTER 先去一次旅行. 因為那時已完成了3次呈分試. 可以盡情放鬆下.

說回BRIDGING COURSE. 真是間間學校都不一樣. 我知的有一考完PRE-S1 就開始, 亦有8月初. 而我女的是8月尾.  有些是教書, 溫習, 小組活動. 現在多加一, 兩天德育, 紀律活動.  我覺得教書還是其次, 小朋友在這時已認識一堆同學, 好多時都是一同吃飯, 成組成群了. 若你MISS 左BRIDGING COURSE, 到真正上課時, 就好似好陌生了. 所以我覺得, 如果可以就盡量上吧!

黃巴士

記得當年, 如孩子不上BRIDGING COURSE, 須家長信寫明不上課原因.

fion6406

lmlui 發表於 15-5-4 11:29
回覆 sum-yan 的帖子

有時真會令我們這些新手不敢亂問嘢

又唔使驚，有人答就得啦，網上你唔識我我又唔識你，大膽問就得啦，總有人出手相助。

fion6406

如果不是有直資 offer 又一定唔會叩門的話，旅行計劃都只能等放榜知道讀邊間學校後才能確定 。

aleung922

回覆 fion6406 的帖子

係呀唔駛怕問喎, 一個問題一出, 就會學到好多野, 真係問教署都冇咁詳盡呀!

benleung12

我都買左7月16日至22日機票, 我念最快個間都是20日開始, 但應大多數都是7月尾,即是27日開始. 最差是不返三天.

CrabPincers

我仔去interview時，學校已講幾時上bridging course, 叫家長安排好時間

瑩瑩老豆

原帖由 CrabPincers 於 15-05-04 發表
我仔去interview時，學校已講幾時上bridging course, 叫家長安排好時間

暗示收左

happylogin

我最後冇理，安排左係7月中去到7月尾去旅行，不過我問左自行2間中學，幾時搞升中預備班及上左幾間心儀中學，睇下佢地個年曆schedule有冇撞期。

瑩瑩老豆

aleung922 發表於 15-5-4 12:20
一個唔打算叩門又貪玩既媽媽, 終於認唔住報咗個九天團, 玩完先算, 死就死啦! ...

都唔係你讀中學

aleung922

回覆 瑩瑩老豆 的帖子

其實想帶個訊息給大家, 不要太過緊張.  從小四開始已部署升中, 小朋友不時都有投訴很久沒有戶外活動, 趕緊溫習考試之餘, 亦不忘學東學西, 考試完後又要為面試作準備, 亦不知從何時開始暑假彷彿亦要不斷上堂, 所以想在今年暑假安排一個有參觀農莊及動物園既行程, 送一個畢業旅行給他.   回來後再展開新的一頁再拚博!    當然最好係知道抽獎結果再作安排, 又或者可以資詢自行和頭五位既學校暑假既活動安排再作部署亦可.  祝願大家既小朋友都考到心儀既學校!