K1 帶手機

maggielmy

同校車保母溝通一下，提醒你女女要落車

Guardian-angel

多謝各位嘅意見，當中有支持又有反對嘅聲音，其實係呢個平台都係大家交流下意見啫，啱聽唔啱聽都好，都係交流下，唔需要勞氣，都唔需要話我不是，我並唔認為自己係怪獸家長，我只係見有新聞曾經發生過唔愉快事件，盡量可以避免意外發生，同買保險意思一樣。
我都唔覺得自己心煩容易同人發生沖突，有人話我教壞下一代，呢個指控太大啦，我邊度有咁大影響會教壞你哋嘅下一代。
希望大家唔好再争論啦，大家都係為人父母，和平為貴。唔啱聽嘅咪當笑話聽咗咪算啦。
再次多謝大家嘅意見。

rsx

原帖由 Guardian-angel 於 14-12-21 發表
多謝各位嘅意見，當中有支持又有反對嘅聲音，其實係呢個平台都係大家交流下意見啫，啱聽唔啱聽都好，都係交 ...

樓主！讚同！睇返我都有點輕挑，不好意思！
大家為人父母緊張小朋友係應該的，共勉

iamiris

原帖由 Guardian-angel 於 14-12-21 發表
多謝各位嘅意見，當中有支持又有反對嘅聲音，其實係呢個平台都係大家交流下意見啫，啱聽唔啱聽都好，都係交 ...

水能載舟亦能覆舟。有時太緊張未必係好事。你小朋友唔係第一個要坐校車，點解你覺得佢會比人留係車？有時要信任小朋友，信任校車ee,司機同學校。relax d la

Guardian-angel

原帖由 iamiris 於 14-12-21 發表
水能載舟亦能覆舟。有時太緊張未必係好事。你小朋友唔係第一個要坐校車，點解你覺得佢會比人留係車？有時要 ...

你講得啱，可能我真係太緊張，應該relax 啲，只係諗起當年果個小朋友就係因為校車啲人疏忽而焗死咗，有啲難過，有啲擔心啫。
雖然話只係個別事件，不過。。。。哈哈哈，relax relax, 大家都relax 啲，平安鐘又好，咩都好，大家一齊笑下就算啦！okay!?

kenobaby

我相信冇幼稚園會容許K1學生帶手機番學。

mrsairkidd

原帖由 Guardian-angel 於 14-12-21 發表
請問有冇人會出電話俾k1 小朋友? 幼稚園俾唔俾小朋友帶電話返幼稚園?



  ...

Sorry, 純粹唔係好明。你係想佢有事有個電話打比你，定你可以用GPS locate ? 因為呀女K2 喇，佢都未識打電話，我亦無諗過要教佢呀。如果佢有個電話係手，我相信K1未有能力分別幾時係危險要打電話揾人救佢，好可能只係遇到唔如意就打電話比你。其實如果單單就個一次小朋友被遺留係車既case, 其實可以同學校了解下佢地接校車，保姆車個程序，睇下係咪自己放心既，有意見同學校提出，甚至同學校講明白如果小朋友唔返學或會遲到，你地一定會幾點前通知校方，如校車到咗唔見小朋友但又無收到請假通知，一定係出咗問題。我諗咁會比放個電話係小朋友到更好。

snowqueen929

樓主，你擔心我都好明。正如佢n班主任都同我講寧願我湊返學。佢學校冇學車，但指出年k1..
因為我女真係見人走佢走。
但我可能會先同保姆車保姆講一講，同始終開始大，作為媽媽都要不停不停再不停提，認住邊個位先好落出。唔好人走就走。俾d信心俾小朋友，你愈唔識放手，佢地永遠只會依賴你，難道你想咁？

conniemar

helenmelody

回覆 Guardian-angel 的帖子

其實每個父母都緊張仔女的, 但可以用的方法好多, 唔會只有一個方法。我無意批評你的做法對或錯, 但我們作為父母, 很多時候都係每分每秒都要以身作則, 身教比學校教的知識更直接, 影響更大。
新聞的單一意外, 你就已經咁緊張, 諗咁多對策, 幾時擔心到大呢? 遲D小朋友再大D, 要學自己行路 或坐車返學, 你又係唔係因為危險而自己接送呢? 小學可以坐校車坐到六年班, 咁初中, 高中呢....每個階段, 都有可以擔心的事情, 仔女出身去見工, 開OT, 被同事蝦或老闆針對, 咁你又會掂面對?...

世界好大, 世事亦多變, 父母學做父母時, 也要學放手, 呢樣至係最難。我同意上面的回應, 你不如多了解校車的安排, 留低保姆車, 學校的電話, 仲實際。

我上面講身教, 你咁緊張大師, 你的仔女都會被你直接影響, 將來處事都係緊張兮兮, 對小朋友的成長不會係好事。


我每天睇報紙, 我反而唔會擔心校車問題, 更值得大家留意的, 係小朋友的學習壓力問題和親子關係, 宜家差不多每星期, 或每個月都有學童壓力太大跳樓, 或與父母反目, 呢D問題仲難解決, 香港樣樣都競爭咁大, 父母和仔女如何輕鬆面對, 更值得我們深思。

brrbaby2007

snowqueen929 發表於 14-12-21 15:31
媽媽，你覺得冇問題其實唔需要問人。
你既擔心，個個父母一樣會擔心，我都有2個小朋友。我大女都係傻傻下， ...

agree

hiella

mrsairkidd 發表於 14-12-22 00:46
Sorry, 純粹唔係好明。你係想佢有事有個電話打比你，定你可以用GPS locate ? 因為呀女K2 喇，佢都未識打電 ...

認同你嘅睇法, 樓主.....其實最好同學校溝通, 除了保母車有責任護送學生返校外,  學校都應又及早發覺學生是否到校,

方可確保學生是否安全!

klm402

樓主, 你既膽心可以理解, 不過對象係K1小朋友就感覺唔太0岩囉.
幼稚園連玩具都唔可以拎返學校的, 何況K1既小朋友應該仲未好識點樣去看管自己既隨身物品. 反而教佢多D點樣處理類似既問題吧....例如跟實校車姨姨, 走失左要點做. 教佢地記住自己既手機號.

linglonglong

我冇睇晒中間留言，我係想講我既睇法！
欣賞樓主做prevention既工作，好過做remedy!但可以再諗正面少少，帶手機未必適合k1小朋友，同埋當佢慌張時未必記得如何使用。不如再正面d教小朋友上校車唔好瞓覺，當大部份同學下車後，要留意幾時落車，保母及司機叔叔有冇離開等等，我覺得仲實際過帶手機！


利申，我自己都1湊2,我個小bb未滿月已每天陪哥哥返k1!小朋友見父母湊放學會比坐校車開心。