測驗成績

little_yolky

licpd 發表於 14-10-27 15:48
i use internet resources when needed. eg, if he doesnt understand odd number/even numbers, i would f ...

咁中作你有咩辦法?

阿女有筆記部, 個個禮拜學習寫啲嘢, 唔計分, 但老師就好發瘟成日叉阿囡啲嘢。我本人覺得小二剛開始作文, 又唔係寫錯字, 又唔係離題, 做乜成日多手改到小朋友篇作文成篇紅晒。佢原本好鐘意寫嘢, 但依家都無乜心機了。作文工作紙就仲離譜, 有圖有問句引導作文, 作好後人人派一張model answer, 叫小朋友背咗佢。我望下, 又唔係咩經典名著, 做乜要背你啲中文, 唔靚又唔好, 真係人都顛。


我無理由為咗討好呢個教學法, 硬叫阿囡適應佢果套寫作法喎, 跟住佢咁學, 我阿囡啲中文一定無運行。

licpd

little_yolky 發表於 14-10-27 15:56
咁中作你有咩辦法?

阿女有筆記部, 個個禮拜學習寫啲嘢, 唔計分, 但老師就好發瘟成日叉阿囡啲嘢。我本人覺 ...

我系你都不會跟！
跟昵篇make sense 的！
http://www.puawyps.edu.hk/pta/MODULE3.pdf

little_yolky

licpd 發表於 14-10-27 16:20
我系你都不會跟！
跟昵篇make sense 的！
http://www.puawyps.edu.hk/pta/MODULE3.pdf

你唔跟佢依家就無運行, 跟佢就以後無運行。我驚學校一套, 家長一套, 小朋友精神分裂都似。

kerkermui

有無同老師溝通過？有無同小朋友傾過？到底係咩問題先？
上堂專心嘛？係唔明？定係發夢？多唔多唔小心嘅錯？
我覺得所有事情都有解決嘅方法，只要你想解決佢，最緊要係對症下藥！

M.Y.P

放鬆d啦！我仔仔都係小二，升上小二d課程深咗好多，明顯成績都落咗！過渡期啫，慢慢就會適應㗎嘞！一齊加油....

爸爸愛您

順其自然啦

little_yolky

M.Y.P 發表於 14-10-29 08:57
放鬆d啦！我仔仔都係小二，升上小二d課程深咗好多，明顯成績都落咗！過渡期啫，慢慢就會適應㗎嘞！一齊加油 ...

原來大家都係咁嗎?

我囡囡升咗小二, 數學科「明顯地」下滑, 兩次測驗都得七十幾分。我差啲發瘋, 下令要佢去補習。第一次測驗後明顯係唔明, 我教完佢, 話俾多次機會佢, 噚日派第二次測驗卷, 仲底分過第一次, 不過, 見全部都係發神經錯(即係大意唔係唔明果隻, 橫式啱直式抄錯果啲), 佢係馬上知道正確答案。所以我都好猶疑好唔好俾佢補數或操一下, 始終小二成績升中無人睇, 如果佢明白只係大意咁有無需要操? 係張成績單唔好睇, 自我感覺唔良好而已。
佢噚晚聽到爸爸話要同佢搵資料報補習社, 傷心到喊咗出嚟。

jswailam928

陰公 我女都唔鐘意去補習
聽各方意見數學真係要操
但我又唔想咁快去數學班
而家先小二
應該幾時去呢 a+math 定 數研好d 呢？

wendywaiwai

好想搵返篇真人真事的名人故事給樓主看，大概是該名人從小讀書都好差，見班主任時評語都好差，但母親每次見完班主任都沒有如實告訴小朋友，反而鼓勵他其他方面做得好好，小朋友經常得到鼓勵，最後考入清華⋯⋯⋯不知其他家長唔唔知是哪篇文章呢？

longlokma

原帖由 little_yolky 於 14-10-29 發表
原來大家都係咁嗎?

我囡囡升咗小二, 數學科「明顯地」下滑, 兩次測驗都得七十幾分。我差啲發瘋, 下令要佢 ...

可以唔補住，但你要睇紧d，確保阿女係真正明白，唔係靠估同靠記

little_yolky

wendywaiwai 發表於 14-10-29 11:42
好想搵返篇真人真事的名人故事給樓主看，大概是該名人從小讀書都好差，見班主任時評語都好差，但母親每次見 ...

那篇文章肯定是編出嚟的, 呢個世界上點會有咁好脾氣既媽媽。

scyauchris

全職湊好難好脾氣，不過不要因為成績不理想便放棄。我們平日教小朋友都不要輕易放棄，讀書是好長線的加上香港教育制度都好有問題。

我開始收到女女考試卷，佢今年小二。今年佢中文會跌一個grade, 不過佢自己温習，所以我覺得ok, 始終剛剛升小二。最重要知佢問題，再針對佢温書方法。其實BK好多父母都叫我地不要太着重分數。

操卷其實無太大作用，最重要佢明白。不過初小，大部份小朋友是衰唔小心。我會叫女女看多些中文書，希望改善到她中文的不足。

scyauchris

如果香港的教育制度可以容許我們小朋友慢慢成長多好！在外國小朋友升中才發力，香港小朋友看似好幸福，不過佢地失去太多童年。

Heiheibebe

呢两日個仔都考試, 自己個心實晒, 好担心佢成績, 明明平時都穩定, 到考時好多時都大意同信心唔夠.

海豚仔

jswailam928 發表於 14-10-29 10:59
陰公 我女都唔鐘意去補習
聽各方意見數學真係要操
但我又唔想咁快去數學班

我仔上緊數研呀！明顯地他的算式計算是很大進步。他在今次考試這部份取滿份而文字題亦明顯有進步，只是他自己粗心大意而失分。但在高階思維上(即挑戰題)卻全軍覆沒。所以睇你係想打好她的基礎還是要比人讀高幾級。如果要打好基礎。我會建議你讀數研。

lukkaman77

小二曾經測驗分數同科由9X退到5X，
樓主，請教下一我仔係咪更無得救 果沒全班最高才8X

ling1211

原帖由 咪咪2007 於 14-10-23 發表
平均分得75分，自問時間心機補習樣樣都比其他人多，人地個個都有85分以上，好想放棄，讀到就讀啦，讀唔到算 ...

唔好咁快灰心。我囡今年小三，小一時成績算不錯，小二入咗精英班，反而成績大倒退，中文仲唔合格，數學都係邊缘位，全學期平均分都只得79，我眼都突埋， 但都冇諗過要放棄，因為囡係細B，理解力相對較弱，對比精英班入面D大B一定蝕底，再者我同個囡都有盡力，但佢能力真係末OK，我都冇辧法 所以小三要跌返去普通班，我都冇乜唔開心，反而讀番普通班後，囡係明顯開心好多，上堂亦比以前專心(呢點可能同佢剛在暑假入咗泳隊操練有關，因一星期要游4曰水，每次2hr，所以我同囡講在家温習既時間一定比以前少咗好多 ，千叮萬囑叫佢上堂一定要專心)，再加開始大了，理解力又好D，做卷比以前小心，冇咁大意，所以成績又進步返好多，剛剛數學同常識大評估有9字頭，中文閱讀理解雖然唔高分，但都合格(2年級次次都好低分)，我同囡都開心到不得了所以大家都唔好咁快就放棄，凡事總會有轉機

Jessy

MrBeast 發表於 14-10-24 13:43
回覆 咪咪2007 的帖子

借花敬佛

謝謝你的推介, 我一路看時好幾次差點想哭了.

我還在找我孩子那1%比別人優勝的地方.

MrBeast

Jessy 發表於 14-11-13 12:11
謝謝你的推介, 我一路看時好幾次差點想哭了.

我還在找我孩子那1%比別人優勝的地方.

其實我都要多謝之前最初share out 位jm ，改變了我，希望都幫到你la