做個有責任嘅成年人

pcpcbbc

公平D講,我相信好多家長同小朋友都好好裝備去面試,講真,大家都知叩門位得好少,好多亦花好多心血,精神時間俾小朋友.佢放出嚟,唔影響我,因為都唔同區域,只係大家唔好咁自私.你揸得多餅你叻,但食得晒咩,最後都係食一塊.幫下手,快D處理左大家嘅擔憂唔好咩?放一間,就小一個父母煩惱!

fanny0717

原帖由 pcpcbbc 於 14-06-18 發表
公平D講,我相信好多家長同小朋友都好好裝備去面試,講真,大家都知叩門位得好少,好多亦花好多心血,精神時間俾 ...

Agreed

pcpcbbc

最後,我想講,我天真唔影響到大家,但自私嘅行為係可以影響其他人.
各位叩ing門嘅家長,努力,加油!
完!

buddaau

小朋友點叻面試都好, 都只能讀一間學校, 始終都要做決定, 每間學校有好有唔好, 無一間係完美既, 越諗只會越混亂, 為己為人, 請早下決定...

kkfong1101

對於等待的家長期待他們放位

梵高

家長放唔放學位其實影響唔到其他人
因為香港政府對每名適齡兒童都有安排

問題唔系無學校收, 人人都有學校收
系家長唔滿意. 你唔滿意就叫人放.
其實邊個自私先? 滿足唔到你便是自私?

如果你一開始標題: "自私行為 - 要求別人放學位"
我都費時回你啦.
但你做緊自私野,一邊話其他家長是不負責任嘅成年人

carven1977

ming0314 發表於 14-6-18 14:55
其實大家覺得小朋友可以點樣裝備自己....佢地只係一個六歲人仔咋可以話父母無準備好.....如果為咗 ...

點解會覺得學嘢會對小朋友冇左個快樂童年呢？好似我個囝咁每天學校都有課外活動(跳繩，英文話劇，紙黏土)，自已亦有興趣班上(鋼琴，數學，英文，游水，畫班)
當佢每學到一樣新嘢或上堂被老師讚佢都很開心，好多活動都係佢自已話要上的，其實從活動中已經可以裝備到佢自已
我亦從不會迫佢上佢自已唔鐘意課程 如普通話，小提琴 因佢上過話悶。所以睇你點培養佢興趣姐

Jane1983

其實晒命吾使hold位，有offer就可以晒。晒命亦吾一定好開心，be a bigger person助人助己都可以好快樂。

考小一考得好係值得開心，但條路仲好長，大家好好頂埋去，到9月開學，一切苦惱都盡付笑談中。

甘恩

其實大家嘈來意義不大。會放位的家長其實早就有打算，想一陣便會即放位。不願放位的，即使大家不停嘈、不停呼籲，他們仍是不會急於放，或是9月試完堂才放位。所以大家還是平常心對待吧。

buddaau

梵高 發表於 14-6-18 15:16
家長放唔放學位其實影響唔到其他人
因為香港政府對每名適齡兒童都有安排

咁佢地遲早都要放架啦... 肯定佢地依家晚晚都係訓得唔係咁好, 成晚諗"A好唔好呢, B好似又好啲喎, 隔離陳太又話C好啲", 都好煩架, 雖然係幸福既煩惱... 放早解脫呀... 幫倒人又幫倒自己, 何樂而不為?

buddaau

甘恩 發表於 14-6-18 15:26
其實大家嘈來意義不大。會放位的家長其實早就有打算，想一陣便會即放位。不願放位的，即使大家不停嘈、不停 ...

其實試唔試堂唔係重點, 試嗰一兩日試到啲咩野呢, 尤其係佢地手執既都應該唔會差.  之所以一直決定唔倒, 只係因為重未到DEADLINE, 到九月DEADLINE先迫自己做決定.  其實佢地都好慘架, 我地應該幫下佢地, 等佢地早啲決定, 早放早解脫.

ming0314

原帖由 carven1977 於 14-06-18 發表
點解會覺得學嘢會對小朋友冇左個快樂童年呢？好似我個囝咁每天學校都有課外活動(跳繩，英文話劇，紙黏土)， ...

可能我偏向集中火力喇⋯⋯要小朋友學咁多樣嘢樣樣識啲

梵高

buddaau 發表於 14-6-18 15:27
咁佢地遲早都要放架啦... 肯定佢地依家晚晚都係訓得唔係咁好, 成晚諗"A好唔好呢, B好似又好啲喎, 隔離陳太 ...

我一直針對是"有責任嘅成年人" 和 "自私"定義

什麼是討論基本禮儀, 連基本版規都有寫
12) 內容含有淫褻、不雅、粗言穢語、人身攻擊、
挑釁成份及誹謗內容成份之帖子，管理員及版主保留屏蔽或刪除的權利。

HOLD位家長其實做了什麼錯事, 要被人"定位"
因為之前努力所以有多間學校取錄?
為孩子多做兩手準備, 便是自私?"

說其他家長"不負責任嘅成年人"和"自私"已經是人身攻擊、挑釁成份
連版主也參與, 更是可笑. 叫家長們幫手放位是請求, 駡人不放位
是自私行為是有挑釁成份. 兩者是不同的.

Jane1983

真係揀吾到，hold住2間，同hold住8、9間晒命，係有分別的。

是否自私，一般人心裏面都有條線。

不過小學全日班，無得讀兩間，始終都會放出來。

angel_soso

其實我唔是好明白大家討論緊的論點在哪？
我有1間私小Back up, + 加埋政府派左一間好遠的津小，兩間我都註冊左。
依家叩左3間步行可到的津小。因為我的目標是：可以步行可到的津小，因為有細佬跟尾，加上我沒有工作，私小的學費對我有一定的負擔。(俾得起，不過辛苦D)
想問我是唔是算是自私的人？

梵高

Charlotte_mom 發表於 14-6-18 16:28
有咩可笑? 你咁講, 我話你人身攻擊同挑釁得唔得?
我無講過有multi-offer係自私wor, 我亦從來無叫家長唔好準 ...

請版主小心用詞, 你背上是教育王國品牌
在沒有對與錯的事情上是應該中立

你要發表意見是可以, 但不要用上版主A/C去發表
"批評家長hold住學位唔決定是自私行為"
是你個人意見定代表教育王國先.
每人背後也有故事, 沒必要挑釁他人是自私行為

本人只是善意指出: "hold位家長被人亂扣帽子本身是有問題"
當然我也不會投訴你.