有冇住屯門而仔女出九龍塘返學的家長, 入來分享一下...

kacary

ypmummy,
你有無唔開心,稚園時係九龍塘小學返番屯門,只係搬唔到先係番屯門讀小學.

tcj

Long'sMama,
今日下午同女女到屯門行街街, 喳車番屋企(往荃灣方向)要行屯門公路, 突然有3架飛車經過, 我都嚇一跳, 唔夠３分鐘, 前面D車突然好慢, 原來有兩架飛車已撞咗落架泥頭車後面, 好似重撞到另外一架車, 我心都大跳起來!  雖然我唔係住係屯門, 但如果把小朋友送出九龍塘番學, 每天都要經屯門公路, 又貨櫃車, 又大貨車, 好多重開得好怏.  我知選九龍塘區的學校雖然係好D,但日日都要小朋友坐咁耐校車, 佢又辛苦, 自己又要心掛掛, 真係好難决擇 !  但要搬又唔係易事, 点算....

janetc

想當年根德園都收了仔仔,但剛巧屯門公路發生巴士墮山意外,我好驚呀,每天都要經屯門公路,又要坐咁耐校車,自己要搵食就冇得好講,加上親友們都跟我分析,返3小時搭3小時來回車程對小朋友確是苦事. 出九龍可以自己帶上學,但問過保母車搭一程都要付全費. 所以最終我將根德園學費+車費,用之於在屯門讀全日班了.

小學全日上課,仔仔大了亦懂得搭車應守的安全規則. 現在有了西鐵,多一樣選擇,所以才又考慮出九龍讀書. 原因都跟BigApple差不多: 一.課程會緊密d,二.學生質素好d,因近朱者赤,三.好中學多d,四.有亞妹跟尾. 所以現在都15 16唔知點好. 真係好難决擇 ! 又多數唔搬了,點算....

marinayiu

係呀, 交通安全也是我考慮的問題, 每日都要經過屯門公路真係好擔心, 特別係學生返學比我們早, 公路上車小, 自然開得快啦, 就更容易發生意外了.

ypmummy

kacary,

無唔開心, 因 K1 & K2 咁長途跋涉返學, 對女女來講真係好辛苦, 所以K3 時已轉回屯門讀了! 無錯, 當初送女女出九龍塘讀幼稚園, 原因都同其他媽咪一樣  :

一.課程會緊密d
二.學生質素好d,因近朱者赤
三.好中學多d

但現在讀了屯門的小學後 (保良局), 又沒有這樣的感覺!  因跟表姐仔 (讀九龍塘宣道小二) 相比,  課程一樣緊密 (可能保良局質素好d啩!!), 至於學生質素, 係, 屯門係多新移民, 但他們不一定質素低嘛 !!最後, 出面好中學多d就絕對同意呀 ! 屯門無咩選擇! 所以好矛盾架, 好煩架 !!

這是我個人的感受, 若你們不介意長途跋涉咁返學, 不妨試吓好似我咁, 如真的 "頂" 唔住才返回屯門囉 !!

kacary 寫道:
ypmummy,
你有無唔開心,稚園時係九龍塘小學返番屯門,只係搬唔到先係番屯門讀小學.

marinayiu

ypmummy,

可否告知你女兒讀邊間保良局? 我之前都在這裡講過, 我問過保良局梁周, 佢地話中英數係高於全港平均成績, 唔知你女兒讀嗰間係唔係咁呢?

janetc

marinayiu 寫道:
ypmummy,

可否告知你女兒讀邊間保良局? 我之前都在這裡講過, 我問過保良局梁周, 佢地話中英數係高於全港平均成績, 唔知你女兒讀嗰間係唔係咁呢?

Hi ypmummy,
我都想知呀! 保良局梁周or莊2? Thanks!

byychan

long'smama, bigapple,

小兒九月都好大可能讀根德園, 由於在屯門返幼稚園坐保姆車都要35分鐘, 我親自同佢搭巴士又係35分鐘去到太子, 坐多2站地鐵好快到學校, 下午係我家人(住九龍)接佢放學&食飯午睡, 所以我都俾佢去九龍塘讀, 而且幼稚園我唔打算逼佢功課, 反而小學有功課壓力可能返屯門讀, 都希望到時想搵間好小學扣門都易d.

對於在職媽媽, 兩程車返而我同佢單獨相處時間多左.

janetc,
你又開始煩小學問題...孩子問題真係沒完沒了.

janetc

Hi byychan,
好耐冇同你傾計了,幾快仔仔又讀幼稚園了. 你有家人係九龍住,又係幫你接佢放學&食飯午睡,當然比仔仔keep住去九龍塘讀啦. 唉~如果我奶奶唔自私,我就唔駛咁煩啦.
仲有幾年先上小學,你可以遲些再算吧.

係呀~ 我又開始煩小學問題了. 見有奶奶地址(38區)咪心多多law. 媽咪叫我仔仔上P1就唔好做野自己揍番兩個,因小學有功課壓力佢唔識教,同埋對仔女唔同我住始終唔係咁好. 現在見仔仔返9am搭校車都要8:35am等,所以無論係屯門或九龍讀,自己揍到佢返學都ok,可能到時搵份part time job,又可接到佢放學. 我諗得幾perfect.

marinayiu

係呀~ 我又開始煩小學問題了. 見有奶奶地址(38區)咪心多多law. 媽咪叫我仔仔上P1就唔好做野自己揍番兩個,因小學有功課壓力佢唔識教,同埋對仔女唔同我住始終唔係咁好. 現在見仔仔返9am搭校車都要8:35am等,所以無論係屯門或九龍讀,自己揍到佢返學都ok,可能到時搵份part time job,又可接到佢放學. 我諗得幾perfect.

我又係諗住找份part-time做喎, 如果真係找到就perfect.

kacary

ypmummy 寫道:
kacary,

無唔開心, 因 K1 & K2 咁長途跋涉返學, 對女女來講真係好辛苦, 所以K3 時已轉回屯門讀了! 無錯, 當初送女女出九龍塘讀幼稚園, 原因都同其他媽咪一樣  :

一.課程會緊密d
二.學生質素好d,因近朱者赤
三.好中學多d

但現在讀了屯門的小學後 (保良局), 又沒有這樣的感覺!  因跟表姐仔 (讀九龍塘宣道小二) 相比,  課程一樣緊密 (可能保良局質素好d啩!!), 至於學生質素, 係, 屯門係多新移民, 但他們不一定質素低嘛 !!最後, 出面好中學多d就絕對同意呀 ! 屯門無咩選擇! 所以好矛盾架, 好煩架 !!

這是我個人的感受, 若你們不介意長途跋涉咁返學, 不妨試吓好似我咁, 如真的 "頂" 唔住才返回屯門囉 !!



[quote]
kacary 寫道:
ypmummy,
你有無唔開心,稚園時係九龍塘小學返番屯門,只係搬唔到先係番屯門讀小學.

[/quote]

byychan

ypmummy,

你講得啱, 出面好學校多d, 但中小學咁忙出去讀都好辛苦, 返屯門都ok, 反正小朋友只會讀一間, 幾多好學校都係入一間, 入到屯門好學校我都心足.

janetc

有冇住屯門而仔女出九龍塘返學的家長, 入來分享一下吧~
Thanks!

S.O.S

just to say janetc  

janetc

Sennie     

BigApple

Long MaMa , Marinayiu , S.O.S Janetc
小朋友去了邊間小學呀?

S.O.S

SFA

肥tam

各位全屯門又想出九龍塘讀書的家長真係要三思,我以前都係住屯門,後來搬咗出九龍塘住,我係全職主婦,自己跟番兒子的功課,成績普通,但壓力係有的(係無型壓力),眼見同校個個家長都十分緊張子女成績亦不感放鬆,其實學校並無向學生,家長私壓力,但對手真的很強,我當初都係用很平常心去同兒子溫習,但每次兒子疏懶,我都會責罵佢,無錯九龍塘課程係緊密ｄ，但有時我心想每間小學,中學的課程大概,甚至中學會考,全港學生都係答同一份卷,如果每年成績都係中上游,有無雖要預早讀高一級甚至兩級,每日花咁長時間坐車番學,寧願將坐車ｄ時間用來幫小朋友溫習或休息，我諗效果更加好，究竟為咩呢?至於有媽媽擔心子女會受朋輩影響學壞，其實壞人周圍都有，九龍塘都有，有ｄ仲好吋，唔只學生就連家長都很無禮貌，最後我覺得唔好要小朋友咁辛苦，我一定唔捨得.

S.O.S