想請教怎樣發現到小朋友係資優???

cch0928

佢冇做test,但直覺佢係。能突然話比我聽幾年幾月幾日我燒到手，九號風球，邊月拾幾點機去邊旅行，上blog check 返全對，K3時放學突然同我話知17乘11係186，雖然答案差1，但冇紙冇筆冇人教，點解答案咁近？佢話自己將17加（20減3）重做10 次並用心記住。英文童書有九大行星期，每頁介紹其中一個嘅大小同離太陽幾遠，佢第日唔洗對書按大小同離太陽嘅距離畫出來。
今年小1，考試成績好，但唔係科科第一。隔離班就有一個男仔差不多科科第一。

sasahunghung

原帖由 浩霆豬豬 於 13-10-28 發表
我唔知中大係點，我只可以講資院你知，做評估個位係教育心理學家，份報告有8-10頁，全英文，，佢會詳細解釋 ...

需要排期幾耐和幾$？

浩霆豬豬

原帖由 sasahunghung 於 14-03-16 發表
需要排期幾耐和幾$？

排左兩，三個星期做評估，約個零月有報告，收費4200

sampapa

中文大學，心理學糸，
臨床心理部
預約電話39431073
費用$5000，需時3小時
正式報告連解釋等一個月
它們的報告是許多地方認可

預約平日要2個星期便可
由上午9時至3時，不是5點
預約星期六要6至8星期。

sasahunghung

sampapa 發表於 14-3-16 14:55
中文大學，心理學糸，
臨床心理部
預約電話39431073

非常謝謝你的資料 :)

sasahunghung

sampapa 發表於 14-3-16 14:55
中文大學，心理學糸，
臨床心理部
預約電話39431073

想請教是否只check 優資? 如果想check EQ 都可以?
5歲可以嗎? 謝謝

sampapa

在中大做評估前，CP會跟家長談論半小時左右，瞭解一些關於小朋友背景或家長發現及想知的事項。
不要睇份報告有多少重要，只要作參考。
就算數字去到140又如何！笑一笑吧！
反而其他評語或注意地方，才是主菜。
如有需要可轉介至其他專業服務。

choichoibb2011

請問係咪小朋友識講野先會發現佢係咪資優? 而資優亦會好早識講野?

小曳人

choichoibb2011 發表於 14-3-19 17:11
請問係咪小朋友識講野先會發現佢係咪資優? 而資優亦會好早識講野?

我個case，無直接關係我個仔係識認字先過講嘢嘅，佢識講"自蛙乎"嗰時得13個月左右
但成16個月先識叫媽咪！

浩霆豬豬

原帖由 choichoibb2011 於 14-03-19 發表
請問係咪小朋友識講野先會發現佢係咪資優? 而資優亦會好早識講野?

我仔唔係，佢兩歲講嘢唔合格，差啲要做語言治療

Anniemun

choichoibb2011 發表於 14-3-19 17:11
請問係咪小朋友識講野先會發現佢係咪資優? 而資優亦會好早識講野?

資優都分不同範疇的，所以不一定會早識講嘢的。

choichoibb2011

回覆 浩霆豬豬 的帖子

你小朋友未識講野時係咪判定唔到佢係咪資優? 定係睇佢行為表現已經知道?

derek0811

原帖由 choichoibb2011 於 14-03-24 發表
回覆 浩霆豬豬 的帖子

你小朋友未識講野時係咪判定唔到佢係咪資優? 定係睇佢行為表現已經知道?

咁細個，唔好急啦，來日方長呀。嘢都未識講，就算係超級天才又點，低智又點？唔通證實佢不是資優，你就唔培養佢？其實無論是不是資優，無論lQ得分高低，家長都應該一樣去教導小孩。

如果你真係好想知佢有咩唔同，你細心多觀察便會知，無人可以給你答案，因每個小朋友情況不一樣，只有父母或對他最多的人最清楚。舉我仔為例，佢自小(一歲多點)已很喜歡文字，當時帶佢行商場便留意水牌，店鋪名，久看不走。現在5歲了，已睇明報紙，很多深的書籍，自己識作文了，D字寫得快過及靚過好多大中小學生。但咁又如何？其他小朋友遲早都識，都會做到，只是他快人一步。但同時他又失去小孩應有的天真快樂，他很喜歡看新聞，常跟我討論馬航客機事件。Oh my god, 那不是他這個年齡應關注的事啊！但他天生便這樣，人家看來是資優，但父母有苦自己知。

希望你明白我講乜，資優？so what?

choichoibb2011

我唔係好希望佢係咩資優~但係佢N班班主任講到佢好smart, 而我就覺得佢有小小發展遲緩... 因為佢未識講野, 所以想知老師用咩判斷.... 如果真係發展遲緩就要盡快跟進嘛~

準媽咪

系咪但凡資優都早熟既呢？呀仔既傻猪猪眼神消失得太早了！

浩霆豬豬

原帖由 choichoibb2011 於 14-03-24 發表
回覆 浩霆豬豬 的帖子

你小朋友未識講野時係咪判定唔到佢係咪資優? 定係睇佢行為表現已經知道?

我從來無諗過佢係資優，細時更加唔覺，係到左二年級時班主任發現

basbyy

我亞仔都係兩歲講野唔合格！所以早講野唔係資優特點！不過我以前聽過一個資優講座，個講者話資優兒童腦結構與我地唔同，「瞓得少」係資優嘅其中一個特點，我亞仔未夠兩歲已經唔瞓午睡，而家10歲，可以喺兩秒內瞓著覺，8個鐘頭一定醒！！

Radiomama

嘩，你聽的講座由邊個主講？充足睡眠對任何人都重要，怎能説資優的其中一個特質是睡眠時間較短呢。

培養良好規律、平衡生活、正常社交，食好睡好，快樂成長，就是培育的良方。

derek0811

原帖由 Radiomama 於 14-03-25 發表
本帖最後由 Radiomama 於 14-3-25 08:59 編輯

嘩，你聽的講座由邊個主講？充足睡眠對任何人都重要，怎能 ...

我又真係聽過資優會睡得少，我想不是不充足，而是相對較少。例如很多小朋友晚上9時睡，第二朝8時都要剷至起身，而且表現極不願意。而可能某部分小朋友11時才睡，7時便自動自覺彈起身做自己喜歡的事，而且表現很精神。

wan_sosin

原帖由 derek0811 於 14-03-25 發表
我又真係聽過資優會睡得少，我想不是不充足，而是相對較少。例如很多小朋友晚上9時睡，第二朝8時都要剷至起 ...

我個仔係老師認為係資優，佢真係由BB已唔鍾意瞓，從不扭眼瞓!瞓得唔多，好自動自覺醒!一醒即刻好精神!